臺道手抓餅專門店 (已結業)

今晚想食一堆小食當晚餐，偶爾任性一下都唔係好過份姐～買完炸壽司、炸燒賣都唔夠喉，所以黎左買手抓餅食XD 我叫左芝士蘑菇辣椒粉手抓餅（$25）同埋金桔檸檬爆珠特飲（$14）（P.S. 同時買食物加飲品兼讚好其facebook專頁可以享有減三蚊優惠！）手抓餅即叫即做，要少許時間等候。但當我拎起新鮮滾熱辣嘅手抓餅時，一陣嘅等待亦變得無所謂XD餅皮做成剛剛好嘅金黃色，亦好酥脆。入面d芝士、蘑菇、辣椒粉混為一體，嗚吖～係幸福嘅味道呀！！！至於杯特飲，$14有咁大杯真係估佢唔到，而且味道都ok，爆珠亦唔少！幸好我住附近，時不時都可以食到～～～

午餐後唔夠飽， 打算食下小食。黎到呢間專門食手抓餅， 見到有4款醬供給選擇（ 包括有沙律醬， 蜜糖芥茉漿， 咖喱醬，辣椒粉）， 配料有22款咁多。 到店時， 用一張Take格格既order 紙（最少簡一款），填好交俾店主， 店主便拎起一個個用保鮮紙包住的白色麵團 ， 原來就係手抓餅的原來樣貌。選舉2款口味手抓餅， 一個司華力腸配蜜糖芥茉漿，另一個芝士肉鬆配蜜糖芥末醬。芝士肉鬆：好足料， 好多芝士&肉鬆， 手抓餅又唔會太油太乾， 岩岩好， yummy 🤤 如果"like" 呢間Facebook, 買手抓餅+drink 會平$3✌🏼

我真係好愛食煎餅，無論係韓式煎餅、台式手抓餅、印度薄餅、中式葱油餅都係我忍唔到口的食物！曾經常到葵芳某商場食新鮮手抓餅，但食食下佢改用超市的雪藏餅底，總覺得味道爭DD。之前見有人推介聯和墟的手抓餅，就專登撘車去試試！大家只需要於點餐紙剔低想要的醬及配料，職員就會立即新鮮做一份比你。由麵糰做出來的新鮮手抓餅，格外好味！本人主張要食就一定要食原味，咁先試到個真•味道。無台式醬油揀，所以揀左辣椒粉，再配雞蛋同芝士。出爐了！包裝有D唔環保，不過就方便大家係街拎住黎食。手抓餅外脆內軟，配合埋好香的雞蛋同芝士，加埋辣椒粉，味道一流！建議餐廳可以加埋台式醬油汁就perfect了！

今日買咗個雞肉餡嘅手抓餅配辣椒粉。 落單後等咗 大約五至十分鐘時間，唔算耐，因為件餅係即叫即整，而老闆仲要做埋前一兩嘅張單 ，連埋沖台式飲品一腳踢。當我攞到件啱啱煮好嘅餅上手之後，先形容一下外觀: 包裝極之企理。餅外有一張含有蠟質嘅紙包住，令到你食嗰陣唔會俾啲汁同油整污糟對手 。而外面有一個實淨嘅紙杯裝住。一睇就知個包裝成本唔低，張紙嘅質地明顯比包豬腸粉紙靚好多，誠意十足。食嘅時候當然件餅係超熱辣辣，類似係印度薄餅嗰種，咬落去嗰件餅亦係非常非常之脆，裏面嘅雞肉餡係雞髀肉，個口感非常之爽，加上辣椒粉吊味，真係極之美味。整體加起上嚟，俾人感覺係十分之好，無論係色香味，連個包裝，都係好高好高分。令人期待其他嘅客餡料組合

之前睇過某雜誌介紹過呢間"臺道手抓餅專門店"，如果唔係，經過都唔會留意到佢，小小既店面，簡單既設備，但可以造出如此美味又地道既手抓餅！好似食車仔麵咁，先選好醬料及餡料，喜歡什麼就剔什麼吧！要留意返佢既營業時間，小心摸門釘呀！佢現場即做，就好似上次去台灣食既一樣，先將白白既麵團壓平，兩邊煎香，再加入客人選擇既餡料，牢牢地包實，我今次選擇咗：蜜糖芥末醬~蟹柳~粟米~芝士~等咗一陣，主角終於嚟喇~yeah!為免太熱燙到客人既手，小店很貼心地加了一個紙托，大家有看到嗎?

工作中去到粉嶺，同事介紹呢間手抓餅，特登行去買，去到一間小店，店內大部分地方係廚房，其他空間勉強放到兩張膠櫈！廚房有隻小窗，窗前放咗落單紙，寫好交比唯一嘅店員兼廚師，比錢之後耐心等！可以透過窗口望到廚師煎餅再包好！包裝企理，包裝紙之外再加個紙杯，唔會比熱辣辣嘅手抓餅辣親！再加個膠袋，食嘅時候幾方便，邊行邊食都得粟米煙肉手抓餅（$27）揀了蜜糖芥末醬，手抓餅酥脆煙韌，無醬嘅地方比較寡！蜜糖芥末醬甜味為主，無乜芥末味！粟米同煙肉都煎過，一樣熱嘅，粟米香甜，煙肉肥美鹹香！夾埋一齊邪惡又好味！店員爽手，唔多說話！呢類邪惡美食要多加推廣！大家一齊享受！

其實我每次經過都聞到好香嘅薄餅味，我終於忍唔住要試下la。首先你要填好張紙裡面要揀選下你想食嘅材料同醬汁，款色都有好多，醬汁就有四款。我今次就揀左粟米肉鬆芝士蜜糖芥末醬。所有手抓餅都係即製的，係窗邊仲可以望到佢地落足料唔偷工減料架。佢地仲加設like facebook平3蚊，食佢地嘅手抓餅當然要配一杯冰凍嘅飲料，依度加10蚊就可以飲到珍珠奶茶，蜂蜜紅茶，金桔檸檬等等。等大概7分鐘有得食la。熱辣辣個手抓餅仲係脆ga，咬落去d芝士肉鬆仲有粟米滿口都係，真係好好味，我揀依幾種真係好正！其實佢地有款燒雞都好想試，不過箍緊牙咬唔到！😞。整體黎講依個小店製作好認真，野食都好味到令人回味。大家快d去試下！

「手抓餅」這款小食，我直到今日這一刻，其實都還未分得清楚，它是甚麼地方的菜式。我甚至曾經誤會它是大陸某個地方菜系的小食，但是直到我幫襯過粉嶺「臺道手抓餅專門店」後，我才真正發現手抓餅其實是台灣菜的經典小吃。再講我試食手抓餅的經歷，其實我第一次接觸手抓餅，並非在粉嶺「臺道」這間專門店，而是在九龍大角咀塘尾道那一邊。說起都有點奇怪，那次我第一次接觸試食手抓餅都是誤打誤撞，我本來在旺角砵蘭街北上，想找太子砵蘭街的韓國小食店「韓X」。怎料砵蘭街一北上到了太子，就要繞過建築物再摸路前進，期間一度迷路，在人生路不熟的情況下，我竟迷路走到塘尾道一帶。正當我在塘尾道苦於翻查地圖，漫無頭緒的時候，無意發現一間寂寂無名的街頭小食店「艾莉添」。我一度幾乎想，求其在「艾莉添」吃過飯就打道回府，放棄「韓X」，但結果始終放不低「韓X」，結果只在「艾莉添」買了一個手抓餅試食，食完繼續搜索，最後給我找到「韓X」，「韓X」跟今次的手抓餅無關，所以暫且略過不談了。話說當日試食過手抓餅，對手抓餅的味道一直無法忘記，本來想寫下食評記錄它的，怎料後來「艾莉添」在開飯網的記錄被人突然改寫，被宣告「結業」。我對「艾莉添」突然結業消

自從睇完TVB,看過馬家開飯後,先知有呢一間野, 住左上水咁耐都唔知,所以今日立即打算試一試佢.~介紹一下,佢既餅底係$13, 可以加好多唔同既佩料,價錢由$5至到$9 不等, 佢會比張紙你填寫你鐘意既佩料,之後就企係問等!我都要等左3,4個,可能因為TVB 播出後既威力,好多人專登黎,而且好多個人都係住北區居民,都係睇完電視先知道有呢間野~等左3,4分鐘後,終於有得食,熱辣辣,出晒煙,剛剛整起真係唔同,順便一提.整既師夫係靚仔黎~ 我覺得個味道好夾,可能因為係我自己選佩料關係,而且食咩野都好,熱辣辣食一定係最好~這個餅對得住呢個價,好味!

20170319--經常遊走聯和墟，發現臺道手抓餅專門店很久，有兩個原因一直沒有嘗試，一是當它是小吃會太飽，當它是正餐又好像不夠滿足，每次也未有光顧，另一原因是因為自己也經常到台灣旅遊，美食必然是在當地會較地道好吃。聯和墟多美食，但想一吃再吃的，其實只有三兩間，自從看過馬家開飯也來吃手抓餅，明星效應下，加上是日有人跟我分享，不會太飽，就買一個試試看。營業時間--是日是星期天的五時多，我大約是第五、六位輪侯的客人。在店外填紙仔，選定餡料，交給店員和付款，站在門外乖乖等侯。等了約十分鐘，店員有禮地送上，芝士磨菇手抓餅($13+$7+$5=$25)，先把膠袋退去拍照，有點狼狽，因為熱得燙手，餅底大件，厚厚的，就是欠缺了那份酥勁，我選了沙律醬，加上芝士，醬汁特多，磨菇被醬汁味道蓋過。埋單就是$25--相比台灣地道的手抓餅，算是跟到神髓，而且新鮮熱騰騰做出來的食物，分數永遠在合格之上的。一試無妨。

這間臺道手抓餅專門店，店子很少，只放得下一張小摺枱和兩張椅子，這裏除了賣手抓餅外還有臺式飲品出售。手抓餅$13，另我選了芝士$7，鹹牛肉$8，肉鬆$7，總共$35。選了饀料，店員便在隔著一層玻璃的㕑房即煎手抓餅，從一個圓圓的麵團煎成一塊薄薄酥脆的餅皮，加上自選的芝士、鹹牛肉、肉鬆，再加上醬汁，就是一個美味的小吃。三式手抓餅（$35）我選了三種饀料，手抓餅$13，芝士$7，肉鬆$7，鹹牛肉$8，共$35。自選的蜜糖芥末醬加上溶化的芝士夾著肉鬆和鹹牛肉，多重口感, 記住要襯熱吃！

初一，屬狗者須去粉嶺龍躍頭文物徑行大運，雖然我是不太信這套啦，但還是有興致去逛逛。用了兩小時行畢全程，想回聯和墟乘巴士，但耐不住肚子餓，行過舊街，竟見一間小食店初一開門，實在太有緣份了!不買不行(笑手抓餅一份沒配料: (13元)，配料再另加錢，必須加至少一款。醬料有:沙律醬，蜜糖芥末醬，咖喱汁，辣椒粉雞年，大雞大利，當然要點雞蛋(5元)，然後還點了肥牛(9元)，要了蜜糖芥末醬。包裝討好，附有小膠袋，三重包裝，不易弄髒，看店面被整理得乾乾淨淨，衛生至極，更添好感。熱騰騰的烤餅香味四溢，令我不禁口水直流，一咬下去，嘩!不得了，酥脆得很，味道不咸不淡，恰如其分，要我說，好吃過葵芳那間賣酸辣粉的手抓餅，那間用的是冷凍餅模，這間餅糊多半是自己調製，有它的獨特滋味，行過這裡大家真的不防來嘗嘗。配料的雞蛋一直與手抓餅是絕配，肥牛有兩塊，煎得不錯，至於醬汁方面，原本想要咖哩汁，最後選了蜜糖芥末，非常極之好味道!手抓餅三兩下就被我收拾掉了，相片也懶得拍，因為當你嗅著它那香味，你不會想浪費時間去拍照的，相信我!當然也可能是天氣太冷，我很肚餓的緣故

是日黎到粉嶺花鳥蟲魚展，參觀過後就開始搵地方醫肚，見到openrice呢間咁多好評既食店就過黎拜訪一下。食完終於明白點解會全部都係笑臉呢～因為真係好好食，環境又乾淨衛生同埋店員都好nice。點餐茶簡單易明，先選醬汁，再選配料，材料多與少自己決定。我揀左3個餸　蔥抓餅配：雞蛋、芝士同肉鬆 $37如果唔知食咩好可以跟住我呢個配搭，因為個味道好夾，推薦蔥抓餅底部摺左一下，之後用紙包住，再加埋個紙套隔熱，設計好細心，唔會食到周圍都係。剛剛煮好既餅熱辣辣，外脆酥脆、內層煙韌，雞蛋好有蛋香，舖上肉鬆加半溶芝士。好有台灣早餐店風味，甚至有過之而無不及。食到lam lam脷看得出店主好用心經謍呢間店，所有野都打理得好乾淨，材料桌上連水跡同食物碎都無。店內仲有張細枱仔，可以坐喺入面食，咁就唔洗企喺街邊食啦～打完篇食評又好掛住個蔥抓餅啦～希望快啲有機會再去食佢

今日再次去左粉嶺買手抓餅，選擇多又好味又抵食，差唔多日日買，真係好好味，今日買左3餸手抓餅，真係食到好飽，仲有兩個型仔師傅，所以又有得食，又有得睇，服務又好，強烈推薦。

第一次食這間新開的小店，在粉嶺聯和墟終於多一類小食店選擇了。熱騰騰手抓餅，份量十足，但略嫌餅有點硬，不夠鬆脆煙靭。是次點了鹹牛肉及蘑菇，配沙律醬。超多的鹹牛肉，可以食得飽肚。厚厚蘑茹較硬身及淡口。