肯德基家鄉雞 (KFC) (已結業)

通常都係買外賣,遇見過的奇蹟真係嘆息.如果唔係因為衰自己食香口野,又最近工作地點,都幾難再三幫襯又幫襯.比少野就不時遇見,因此拎走前我都會點算所有數量才離開.你知啦.買少份人地唔夠會唔開心GAR,而且口味都好個人,唔可以有任何甩漏,包括我,買錯左番黎我會覺得買果個辦事不力.最近期所見係圖片中的早餐-雞包.任我點數,都唔會拆開個包去睇,就係咁瀨左野.呢個包都可以賣出街,好在我近,拎返去換,如果有D人係買上車食或者買比小朋友返學食咁咪大件事?!而今日杯咖啡係少奶到苦.KFC的份量控制不嬲都係差,下次都要金睛火眼睇實D已經應該有$28蚊個鐘既伙計點做野至得.

一直都好想試下KFC啲寶盒，最近新出一款，見朋友食好似幾好味咁，特登走去買左個芝級Pizza寶盒，試下。收到個陣，只係略暖，唔知係未放左好耐。食個陣，我覺得個皮好硬，不過塊脆雞扒都幾大塊，但係無乜味，又唔辣。食到中間先有Pizza既饀料：青瓜、粟米、茄汁等，但係仍然無芝士味。到最後個層先有啲芝士滲出黎，但味唔濃。幾岩我小食芝士既人。同埋熱食好似好味啵。整體黎講，無咩特別，好似食饀餅咁，不過都可以試下，只係唔好對個芝級Pizza寶盒期望太高，因為芝士份量真係幾少下，稱唔上係「芝級」。

叫左個脆辣雞餐要磨菇飯..相公加左葡撻同一隻翼和鎚磨菇飯仍然係好味ga..但我唔明個餐牌明明寫住辣汁點解我成日都食唔到辣既...只係極輕微我覺得唔夠如果辣d就仲正...辣雞方面又係點解又係唔夠辣...不過葡撻好正...想食個時就唯有食kfc頂住先唔洗下下過澳門食..

都有一段時間無黎呢間KFC食過啦，見返學之前有時間。就黎呢間食個午餐。估唔到既係有學生餐之餘，仲只要出示學生証就可以食架啦。我當然唔會放過呢個機會啦。個餐有家鄉雞皇飯、兩件雞同個萄撻。家鄉雞皇飯整體上，個料都幾多。有雞同好多雜菜，同埋食呢個飯要多汁。唔係食到最後會無哂汁，無野送飯食啦。而個飯都幾淋既，都算幾好食。香辣脆雞唔知係唔係食過芝脆雞既炸雞之後，覺得呢炸雞無咁好食。好彩既係，香辣脆雞都仲好香辣既，都算皮脆肉嫩。始終係個學生餐，無乜特別野可以要求。萄撻呢個都算係佢既主打，我覺得蛋味都幾夠，而且唔鞋口，無可能唔好食既。呢個餐都算抵食，二十幾蚊一個餐又有野飲，都算唔錯啦。

chocolate muffinouter layer is cripsy, and i can eat some choco cubes , not too sweet as a whole, and the muffin is rich in choco taste! waiter give me and it's very hot~potato biscuitnot oily and the outer layer is cripsy too, freshly baked~hot coffeetoo much milk cover the real coffee taste, and the size is very small, not enough to drinkcashier dun have smile, may b too early in the morning? and not enough staff inside the restaurant so that ppl need to queue

如果要唸一樣野係我細個最鍾意食嘅話,咁一定非K.F.C.莫屬!!媽咪係一個唔食豬,牛,羊肉...只食雞同魚嘅人,而且總愛吃香口野.......所以細個嘅時候,一家人去K.F.C.,曾經係令我快樂無比嘅事~前幾日收到街上派嘅K.F.C.優惠卷,晚飯時間...唔想去得遠...又唔知食咩好....一於去食下"香口野"啦......反正怕肥但饞嘴嘅我好耐都無食過喇...吊頸都要抖下氣....自己要左$18 五星巴辣雞腿包 + 汽水 , 打令要左一人尊享套餐: $30 蜜蜜燒雞翼(2件) + 辣汁磨菇飯 + 汽水 + 送 瑪嘉烈葡撻,巴辣雞粒本來,只鍾意吃雞胸嘅我,真係好想食返細個一直食開嘅原味炸雞(正胸),但奈何,K.F.C.已經有一段時間都無晒雞胸供應 所以今次我亦同上幾次一樣,一黎到,唔係先唸食D咩..而係第一件事走埋櫃台問:"唔該,想請問今日有無雞胸丫?".........每一次,無嘅話,我都一定離開...但離開之後,又要辛苦另一半陪伴慣常三心兩意嘅我辛辛苦苦地再選址醫肚!!所以今次,為著想做返一次乖巧女朋友,唯有退而求其次.....5星巴辣雞腿包,對於我黎講,就係夾住炸雞,但好濃烈嘅

其實，黑糖係一種新興既健康食物。估唔到連快餐店都見到佢既影，連葡撻都可以搵到佢。呢次食既係多重滋味套餐。雞皇飯都覺得算好食既，不過個汁就唔夠多。慶幸既係個飯整得幾煙韌，而且雞既份量都算幾多。唔係就唔叫雞皇飯啦，係未？雞類巴辣雞上髀點都唔會唔好食，當然個醃味可以重小小啦，咁就可以好食。而香燒雞下髀又幾好食，好香蜜糖味，而且個味道好得意，唔錯架。黑糕麻糬葡撻呢個真係好正，麻糬又唔算太甜。個口感好煙韌，好得意。而且又唔算太甜，唔錯。黑糖紅豆冰呢個真係無乜特別，不過黑糖條真係好煙韌同好有口感。呢個配搭係幾得意架。呢個黑糖concept又幾得意，有緣既可以再食。

其實，KFC成日都出新野既。其實都唔應該呢新野既，只係有d新瓶舊酒既感覺。點都好，都係食個餐而已。檸辣脆雞算幾好食既，青檸味比我預測既重。如果有青檸汁就更加好啦，而且仲有d黑椒。個味道好特別，個配搭好清新。煙肉雞腿包個雞腿係燒雞腿，個雞都算幾嫩滑。唔鞋口，呢個都算係基本既。值得一讚既係，個包既配料好新鮮爽口。芝士雞肉焗薯蓉薯蓉係平時果隻，不過加左芝士焗就好食得多。雞肉既份量算幾多，比剩食薯蓉好得多。呢個餐算唔錯啦，個份量都算適中，可以再食過既。

呢個新產品都出左差唔多兩個禮拜，但時間關係，搞到而家先寫呢篇食評。呢個產品好得意，有個中東包包住炸雞，同pizza既料既包。pizza寶盒舊炸雞算幾大舊，但又唔會炸到好dry。仲有肉汁"必"出黎，但pizza既料就食左半舊雞先搵到。主要都係菠蘿、青椒果同芝士。個包都幾得意，將pizza放入個中東包，個配搭好得意。芝士醬薯格個薯格係唔夠醬，但太多醬又會搞到個薯格好淋。其實呢個份量就ok啦。紫蕃葡撻無乜特別，個蕃薯既份量唔太多。係食到好入好入先見到。都唔錯既，價錢都係咁上下。點都好食過M記果野食既。

呢日出發去港島之前，就呢度食個十蚊早餐先起程啦。呢個早上都唔係太多人，坐得算幾舒服既。薯餅其實真係無乜特別，不過又幾好食。唔知點解，食食下會覺得有辣辣地既感覺。香蜜鬆餅真係好食，因為鬆餅外層有蜜糖，而且又唔會太甜。一食落口，又有牛油味。可惜既係，而家朝早先有得食。蜜糖綠茶唔係太好飲，原來只係蜜糖再加綠茶茶包。所以味道係蜜糖味重過茶味。十蚊早餐真係抵食，至少都頂到個早上。

好耐好耐之前，有張優惠券可以以十蚊食個早餐。有鬆餅同薯餅，呢日終於有機會去食啦，因為真係幾抵。薯餅雖然唔算太大塊，不過就幾有薯味。而且個薯餅又辣辣地，味道唔錯架。香蜜鬆餅依舊咁好食，個皮有小小蜜糖。而且個餅係內脆外軟，真係好正好好食架。奶茶雖然無茶記既咁滑，但我覺得呢個都唔錯。茶味真係幾夠，算係咁啦。可惜既係，優惠券唔係經常都有。而鬆餅就只係早上供應，有可惜。

呢個早上想黎呢度食個早餐，因為我只係為左鬆餅而來。因為真係好正同好好食架。香蜜鬆餅依舊咁好食，鬆餅好脆口同好好味。面頭有d蜜糖，又唔係太甜而且好重牛油味。可惜既係，而家得早餐先有得食。其他野食都係咁上下啦，因為味道同以前既無乜分別。

呢一晚黎左呢度食，本來都唔知食咩好。見呢個餐幾抵食，就食呢個啦。呢個餐有加大既雞髀，茄汁雞皇飯同加大既汽水。不過呢晚個茄汁飯要等好耐，就幫我轉雞皇飯。雞皇飯都係咁好食既，個白汁算幾濃。都有好多雞既，個配料都算幾多，好好食。而個飯就唔錯既，算整得幾煙韌。我覺得會好食過茄汁既飯。香辣雞髀我鍾意食呢個多過n年前既原味雞髀。最小無咁鹹，辣辣地會好食。薯格本來無乜特別，不過加左芝士醬就好食得多。呢個餐算幾好食，個飯都唔錯既。個雞髀真係幾好食，點都會有下次既。

今日返工之前，黎左呢度食早餐。不過我又係黎得遲，十點十先黎到。又好多人排隊，排到十一點一先到我。好彩仲有早餐食，如果唔係就無得食鬆餅啦。雞扒早餐雞扒都幾好味，算幾熱。雞皮又幾脆。而炒蛋又唔會太油，都有蛋香。而通粉既味太淡，雖然有小小蕃茄味，但都唔多夠。我都係鍾意雞湯湯底既通粉。鬆餅就依然咁好食，好脆口，而蜜味都好夠。不過除左早餐之外，就好似無左鬆餅食啦。凍奶茶無乜特別，都過得去。其實早餐就一定要食，不過實在太多人啦。我都係鍾意平日食，因為無咁多人。

我今日第二次去依間KFC，都隔咗成年AR！上次D雞油咗D，同唔夠熱AR！今次，叫咗D「至醒盤」D雞都係唔係好夠熱AR，可能係4點幾的關係LA，人流少咗D，所以D雞都真唔係好夠熱AR，唔係好多汁AR，個皮都唔係咁脆，但係已經未咁油LA！個飯都OK，但係唔係咁多料，如果多D料就好LA，因為多料D，好味好多但係個粟米真係好好味AR，係我食過咁多間KFC中，係最好味AR！好多汁，好好味AR！下一次去食都要叫粟米AR