肯德基家鄉雞 (KFC) (已結業)

都有一段時間無黎呢間KFC食過啦，見返學之前有時間。就黎呢間食個午餐。估唔到既係有學生餐之餘，仲只要出示學生証就可以食架啦。我當然唔會放過呢個機會啦。個餐有家鄉雞皇飯、兩件雞同個萄撻。家鄉雞皇飯整體上，個料都幾多。有雞同好多雜菜，同埋食呢個飯要多汁。唔係食到最後會無哂汁，無野送飯食啦。而個飯都幾淋既，都算幾好食。香辣脆雞唔知係唔係食過芝脆雞既炸雞之後，覺得呢炸雞無咁好食。好彩既係，香辣脆雞都仲好香辣既，都算皮脆肉嫩。始終係個學生餐，無乜特別野可以要求。萄撻呢個都算係佢既主打，我覺得蛋味都幾夠，而且唔鞋口，無可能唔好食既。呢個餐都算抵食，二十幾蚊一個餐又有野飲，都算唔錯啦。