肯德基家鄉雞 (KFC) (已結業)

端午節既早上，黎左呢度食早餐。見呢度出左個多士早餐，就試下啦。雖然呢日都幾多人，但收銀既效率好高。多士其實份量唔算多既，但裡面都幾多料。有炒蛋、雞扒、薯餅啦。我覺得味道都唔錯，個多士可以脆。而薯餅都無比多士整淋，雞扒既味道同早餐既雞扒無分別。最正既係，有沙律醬個包到，好惹味。香蜜鬆餅味道唔錯既，個鬆餅唔算太甜，又有好香蛋味。凍奶茶唔錯啦。有下次既，個早餐都算唔錯。

前幾排呢度買左個餐返屋企食，呢日都算好彩啦。唔使等太耐就買到野食，就食個家鄉雞皇飯配香蜜鬆餅加個香辣雞粒配芝士醬既。家鄉雞皇飯個份量比以前細，但個味道都可以既。飯整得幾好，而白汁都幾夠濃，但下次可以要多汁。因為今次唔夠汁撈飯。香辣脆雞脆雞本來無乜特別既，但加上芝士汁就無比美味。因為脆雞同芝士醬好夾，所以下次一定再食過。香蜜鬆餅都可以保持水準，甜甜地又唔會太硬，已經好滿意。凍奶茶都可以既。

尋晚無人煮飯，所以就呢度買左餐返去食。果晚真係好彩，唔算太多人等既。買左兩個烤雞卷餐加多兩個萄撻。公司烤雞卷俾我既感覺係好DRY，雞肉整到好乾。味道就還可以既，但真係太乾啦。而生菜、蕃茄配上沙律醬都可以既。辣汁蘑菇香飯個汁唔夠多，而蘑菇片既份量都可以既。我覺得個汁可以多小小，因為個汁太小令到有飯無汁撈，唔係太好。雞下髀始終係辣味好食過原味，皆因個皮係脆脆地而且又無咁鹹。呢個算唔錯既。墨西哥脆脆個份量唔算太多。不過最好食都係個芝士醬，個醬好濃，好好食。凍奶茶都還可以既，但個茶味唔夠濃。葡撻好夠蛋味，但太乾啦。今次既水準無咁好，希望下次有改善啦。

早左起身，就去呢度嘆個早餐。呢間早上唔算太多人，所以好快就到我買野食啦。雞扒佢地會幫你落埋薯蓉既汁，但我覺得好鹹。所以每次都會走汁，走左汁我覺得仲好食。又juicy，正。烤卷呢個都幾好食。又多料，有肉鬆、香腸同沙律醬。但我覺得個份量可以加多小小。鬆餅呢個真係好正，個面有蜜糖。我最鍾意佢內脆內軟，食幾多次都唔會厭。凍奶茶今次真係無咁好飲，我覺得無咁甜同個茶味唔夠。實有下次既，都係得閒點先去啦。

呢間kfc都算幾好但係做野有d慢,等左好耐都未排到我入面坐得幾舒服仲好易搵位只係中午比較多學生...琴日去左食家鄉雞/至爆套餐果度d pop pop 脆魚粒好好味家鄉雞岩岩出爐,正但係果個雞飽就一般,d咪好淡不過呢間野都算係kfc其中一間好既分店

今晚無人煮飯，就出去銀座既KFC買野番來食。今晚食香辣脆雞餐配香蜜鬆餅，飲凍奶茶。佢地好快手幫我包好個外賣，但我都check下有無俾錯野。因為我試過香辣脆雞俾左普通既家鄉雞，好彩我出番去發現到就番去換番佢。因為香辣脆雞真係好食好多。講番今晚既野食，兩舊雞都唔錯啦。雖然係縮左水，但都好有雞同香料味，而且都幾好食。唔錯唔錯。會員卡送左個蘑菇飯，個汁都唔算太鹹，如果下次可以多點汁就好啦。個鬆餅最好食，面頭有點蜜糖，真係好好味。不過有點不均勻，有D地方好甜，但有D地方無乜味。好彩，呢個係跟餐既。今次個凍奶茶真係幾好，唔算太甜。今晚既野食都幾滿意。而家佢地一個餐可以由多種食物跟一種去跟餐，彈性真係高左，抵讚。