肥波燒餅 (已結業)

Openrice 發現這間小店，就試試新嘢。老闆開鋪時間比Openrice 寫的遲好多，點幾鐘才開閘，一開始重以為係休息。叫了肥波燒餅，雞肉炒烏冬和炸薯條樣樣都是即叫即做，遞上時都是熱辣辣燒餅點了個薄的，沒有好水亦都沒有散。料亦適中，味道不錯烏冬炒得軟硬度剛好，但以個人口味來說比較甜。總括來說價錢不貴，食物都不錯！會再來！

之前經過呢度見到肥波燒餅，見裝修咁舊冇諗過係日式燒餅，在油麻地用openRice唔小心 search之下先知原來肥波係做日式燒餅嘅！價錢大眾化之餘，層次唔比日式食居酒屋嘅燒餅差！唔止餅，仲有好多小食供選擇，我地揀了"肥波燒餅"，可要厚或薄，我地選了薄（$29咋！），但一樣好足料，即叫即做，熱呼呼地燒好放在你面前，好香之餘，見到加上好多好多紫菜同木魚花好吸引，食落層粉好軟，啲醬汁好濃郁，但加上菜菜絲幾爽的平衡，剛剛好，中間仲有Bacon架~!我地仲叫咗炸雲吞，一粒波咁的，炸好干脆的，好香口，一來見到一個身形略胖的男士正忙於準備食物，當然以為佢係肥波，點知原來肥波係女人來的，很感謝肥波小姐同佢的男助手(?)沒有只把取利放在第一，用心地燒個餅比我地食，為油麻地帶來平民價錢，高質食品，願意用心經營，把好吃的日式小食分享比小市民。阿們

曾經起台中食過夜市街邊既大板燒，突然想回味一下，就搵到油麻地呢間肥波燒餅。入到去感覺好似普通外賣拎走舊式快餐店，開放式廚房就在眼前。自己點左個燒餅套戲$42，加下個炸小食同一杯熱飲。叫左個秋葵燒餅，我覺得個餅比較散同頗濕，唔知係佢煮得快定點，好似未成型既小丸子，一堆野咁。不過料係多既，但係似一堆碎咁樣，麻麻地。之後另外叫左個炸芝士，就係就補番差價咁樣樣。熱飲就麻麻，大熱天時，唔熱咩。不過總括來講，味道都有層次，不過質素真係麻麻，因為個餅真係唔成型。價錢方面，我覺得都頗貴下，$42既份量，貴過普通一個下午茶既沙律。食過一次，之後無回頭了。我寧願起日本料理店入面就咁叫過大板燒。

5月5日晚到油麻地百老匯電影中心看電影。我沒有到過這間戲院。所以下班後先察看戲院的所在位置及取戲票。天黑後可能會迷路……之後找地方吃個簡單的晚餐。有一個小時的時間。尚算充裕。原本想到珍心豆漿，但就地圖所見，路程似乎不短。可令一個悠閒的晚餐變得匆忙。於是，煩惱有甚麼地方有素食供應。突然想起剛才經過的肥波燒餅！其實這店的裝潢非常簡單。吸引我注目的原因是「燒餅」。那近乎沒有裝潢的店，就像台灣的小店般。難道這店是售賣台灣早餐店的燒餅？那種燒餅味道也不錯。而且想到能在香港吃到，令我有一絲興奮。不過，當我進入店中，看到餐單時，才知道這小店是售賣日式燒餅。也好！我也喜歡日式燒餅啊。先來看看餐單。有不少素食，正合我心意。我點了燒餅套餐，$42。套餐包括燒餅一個（$28或以下）、炸物一份（$12或以下）和熱飲一杯。我點了秋葵燒餅（薄，$23）。我問女店主這款燒餅有沒有肉。她說沒有。而且，只要跟他們說明是吃素的，他們便不會灑上木魚絲。麵粉漿煎過後不完全是固態。有別於中式那一種像煎蛋般的薄餅。這個有濕潤感。而且不能抓起來吃。日式燒餅是否這個狀態？也看過是一整片比較結實的燒餅……雖然其樣子讓我帶點疑惑，但味道

肥波燒餅客人多數外賣，原因店小，坐位不算舒服。相對它的食物質數好許多。今次選的是薄的"肥波燒餅"($38)。除了椰菜絲外，還有吞拿魚，雞絲，八爪魚粒等加少少粉漿煎成燒餅。然後唧上沙律醬和照燒醬，舖上大量木魚絲和紫菜絲。進食時小心燙咀！一般這款肉較多的燒餅選"薄"已夠飽，若自問食量較大的朋友可揀"厚"($65)。厚，是所有材料加碼。慢用。

簡陋裝修，店內只有三張枱。純店的外觀毫不吸引，但本身為食又好奇心重，結果一試難忘。這是首次試秋葵燒餅。它的燒餅如日本燒餅變種。少少粉漿加上大量椰菜絲和自選配料炒熟。再唧上沙律醬和照燒醬。最後放上許多木魚絲。它分厚和薄兩個size。這次不太餓要了份薄的秋葵燒餅。想不到秋葵炒得剛好，很爽脆。若怕醬太搶的話，可要求老闆們(如店名般可愛又nice) 加少啲醬。下次同大家分享重量之選！

香港要食到日本燒餅都不太容易,唯位於油麻地的肥波燒餅除了地點易搵,更非常好味及便宜。去到沒有很好的裝修,卻不會坐得不舒服。這裏是先付錢再坐低等食物,點了雜菌燒餅(厚),腸仔炒公仔面X2,凍華田X2。$109燒餅主要都是椰菜+配料,配料不算太多,多吃略為單調。值得一提是他的炒公仔面比外面茶餐廳要好吃得多,炒得不濕又彈牙,非常好味。吃完後走時女店主還說:多謝哂bye bye!這是很多日本連鎖店都沒有的人情味。總括來說,是非常值得去的一間小店,但一個人要吃厚的燒餅會有點單調及滯,可先試薄。ps.看見有個牌寫住惠顧$100就送甜品,可惜佢沒主動送上我也不好意思問,真想知道送什麼。

位於電影中心附近嘅肥波燒餅，成為戲前戲後醫肚嘅其中一個選擇。呢日睇完戲，因為我同女友都未食早餐，於是叫咗份雞肉炒烏冬套餐連一杯熱飲同一份大嘅肥波燒餅。不過爐頭同「肥波」都係得一個，燒餅亦製成需時，撞啱有幾枱客加埋外賣客，可以要等幾個字。心急人就要忍一忍。呢度嘅燒餅，或者係炒嘢，好處係落好多椰菜；食燒餅順手可以食菜，好似幾健康。而醬汁味道亦都調得算適中，唔會偏鹹或者鹹甜。而個炒烏冬，用埋燒餅個爐頭嚟炒，味道同平時酒樓食開嘅唔同，一時忘記係邊隻味道，但都係食得過嘅。剛才講到個燒餅「好似幾健康」，但其實個燒餅落咗好多沙律醬，係好味道但會食到好滯同好肥；同女友食晒成個，個感覺係好飽，不過唔係真飽肚。食完之後半個鐘，肚餓嘅感覺又再返轉頭。可能落少啲沙律醬，食呢個燒餅會比較實在。路過嘅話，叫一份燒餅，當佢係小食咁食都無妨。

夜麻麻行過，見到依間裝修👌隨便，但好地道，有branding 同性格既鋪仔！咁點可以唔試吓？！但係因為已經食咗晚餐所以諗著叫有菜既東東食，叫咗個最平$18既野菜燒餅！咁佢叫肥波燒餅嘛！咁一定要食佢既燒餅啦！煮幾分鐘，見佢倒啲漿丫菜丫同平日啲燒餅差唔多！點知佢俾個食物盒我嗰陣，成盆都系菜！原來冇乜餅，啲漿混囇啲菜喥，但啲菜炒得好香，食落似鱆魚小丸子咁，但冇丸子，hehe 好味！食完個食物盒洗番仲用得，靚盒黎！下次會試秋葵！香港冇乜地方整就咁秋葵既東東！唯一覺得唔好既系，我見唔到招牌肥波，老板只屬小肥類，燒餅冇餅，有點貨不對板，所以冇滿分，得9.9/10分！啦啦啦！

因為工作是在佐敦的關係， 下班會行過去油麻地戲院do兩蚊。不久之前見到原本是地產鋪的位置變成了肥波燒餅，就跟同事收工過來試試，去到時，只有老閭在，沒有其他客，我們兩人就見了個二人餐，有燒餅，炸物加兩杯飲品。原本以為燒餅是很多麵粉造成的，但其實不是呢，裏面主要是菜，我們的肥波燒餅是帶海鮮跟煙肉的，上面淋沙律醬加上日本木魚，非常美味。炸物我們選了薯條，最開心的是即叫即整，新鮮美味，好過食麥當當啦！雖然鋪頭只是摺抬摺凳，但係反而係吹水的好地方～我地一邊食一邊談天說地，有時候都有跟老閭吹吹水呢！Thanks 老閭為我地帶來美好的一個下午茶!

下班後需在油麻地上堂進修，所以打算於課前吃一個六成飽的晚餐，好讓自己不會飯氣攻心。於駿發花園拍卡(八達通減兩元乘車優惠)後，步行約兩分鐘便看見肥波燒餅。環看食店並無任何裝修，不但沒有空調 (只有一把風扇)，就連門也沒有。對於潮濕悶熱的夏天而言，此店是有點不吸引，但基於當時太陽已下山，氣溫尚可接受，環境大致簡潔，加上店內只有一位食客，我和媽媽因不用等位便入內光顧。店內只有一名職員(廚房，樓面也只有她)，她看見我們便熱情地介紹此店的招牌菜─肥波燒餅和重量級肥波燒餅。燒餅分厚和薄，厚約三厘米高，薄則約一點五厘米高。因媽媽不吃牛，我們便點了沒有牛的厚肥波燒餅 (HKD40) (雖然重量級肥波燒餅含牛肉，但其實你也可叫她不加牛)和海鮮炒烏冬餐 (HKD35, 包一杯熱飲)。因採用開放式廚房，我們可清楚看見其烹調過程。首先，她把完整椰菜切絲，倒入一湯”喝”蛋漿攪拌，再放上鐵板上燒兩面各一分鐘。同時把已解凍的煙肉，碎魷魚和小青口粒炒熟。最後全放在膠盒中，塗上兩湯匙沙律醬和一湯匙日式燒汁，再放大量木魚和紫菜絲便完成了。海鮮炒烏冬亦如此，烏冬配以大量麻油在鐵板上炒，再加入已解凍碎魷魚和小青口粒，完成後放

I met boyfriend after work and he took me here for a snack. The place, with only a Chinese name but had an English and Chinese menu, served all sorts snack food, most notably "pancake" or okonimiyaki. Or at least their version of it.There wasn't any air conditioning and only two folded tables. Boyfriend ordered a small F.B. pancake and a deep fried mini sweet potato. All was made to order.The F.B. pancake had bacon and seafood. Seafood, we discovered was a shrimp and some sort of white fish meat

買左飛等睇戲，有少少餓，係戲院附近搵下有咩平價小食頂下肚，就係轉角位見到呢間新開日式燒餅小店，一於試下佢 既然係燒餅店，當然叫番個細燒餅試下，就叫左個比較少見gei秋葵燒餅。燒餅粉漿少，料足，有燒餅常見gei椰菜絲+主題秋葵，煎好後上舖沙律醬、紫菜、木魚。雖然話細燒餅，但係都好厚身好足料，無論餅抑或舖面gei紫菜木魚都超多，十分豐富；雖然味道冇驚喜，但足料搭夠。因為男友想食炸魚蛋腸仔，所以跟餐叫左一客，都係D普通街邊魚蛋檔gei魚蛋同廚師腸仔，無特別，個人唔好食呢D，各試左一粒就算。跟餐仲有飲品，加錢要左支綠茶，原來係康師傅。原來食滿$40有甜品送，日日都唔同，今日送gei係芝士牛奶布甸，好香好滑，甜度剛剛好，面頭仲有一層好似雙皮奶gei奶皮，雖然細細份，但係有驚喜  原本只係送一份甜品，但係老闆見我地兩個人，佢好好人咁送多一份畀我地，滿足 可惜呢度無冷氣，好開揚，同埋只有風扇，夏天黎食就有D辛苦... 冬天黎食個小食頂肚，再去睇戲，都係一個唔錯gei選擇

上一次帶老婆黎, 先知呢度無冷氣, 老婆頂唔順要轉場, 但係我試食o既熱情係唔會冷卻, 決定擇今日重賽!一個火辣辣o既下午, 天還未黑, 走入店內, 搵個同風扇最親近o既位置, 作好準備左邊一個大白板, 將所有食品中英對照列出來, 而套餐則貼在對面牆我左擰擰右擰擰, 最後都係覺得free style散叫比較好肥波燒餅 (薄)好多菜, 亦好多紫菜絲, 唔會有太多粉漿, 內藏少量海鮮, 沙律醬微微帶酸, 適合夏天, 吃後沒有膩滯感炸日本蕃薯第一次食炸的一口蕃薯, 一般都攞去燒, 估唔到又炸得幾好食, 表面有少少甜味, 咬落去夠軟身, 整粒熟透, 蕃薯肉亦夠甜, 有驚喜自家製豬肉漢堡包長身漢堡包一係第一次見, 漢堡包哄得乾脆, 中間的豬肉漢堡比較鬆散, 但肉汁豐富, 醬汁帶小辣, 整體味道還可以免費甜品如此小店都有甜品送, 真窩心, 我估應該係奶凍, 可能受天氣環境影響, 有點水汪汪, 花奶亦落得重手, 我食唔出奶凍的奶味, 不過此舉依然值得加分夏天無冷氣, 又對住個廚房, 又食辣野, 仲要加埋肥波o既熱情招待, 真係有點吃不消

在轉入去電影中心之前的一個街角就見到一間毫無裝飾 , 顏色潔白的小食店 , 室內只見有主理人在開放式廚房裏工作 , 而堂食之地就有摺檯摺凳 3 套 ,  " 簡而清 " 三個字已經可以把店舖的環境清清楚楚地形容下來 , 其實我是從她的招牌 " 肥波燒餅 " 而引起興趣 ...牆上掛上一幅餐牌 , 主打的燒餅有10 款 , 再加上小食、三文治 / 公仔麵、炸物及飲品 , 總共數十款 ... 當中自家製的食物也佔不少 ~所有食物都是即叫即製 , 據主理人所說燒餅 (貌似大阪燒) 都是由她從新調製 , 有厚及薄之分 , 當然價錢也不會是一樣 , 醬汁也是她自家烹調 , 反而炸物會選購一些坊間少賣的優質日本來貨 ~我們叫了份二人餐 , 有燒餅、小食、雞翼 及飲品兩杯 (凍飲要加錢) , 另外再點多一份小食及茶葉蛋兩隻 , 全餐 $ 109 ... 凍奶茶及凍檸茶的味道都是普通 炸物中選擇了炸鮮蝦雲吞及炸芝士章魚餅 , 金黃香脆 , 其好味的程度是若果沒有多口地向主理人問了一句 , 我真的以為是自家製作下的產物 ...炸芝士章魚餅的炸皮薄脆 , 內裏軟綿有芝士蓉夾雜在椰菜絲及章魚粒之間 !重量級