肥後屋

營業中

休息中

點樣食推介✨💛良心隱世居酒屋💛💛銅鑼灣黃店💛肥後屋地址：銅鑼灣信德街9至11號百威商業大廈地下2-3號舖🍖清酒煮蜆 $54 (8.5/10)🌟好味道🌟睇圖好似平平無奇，飲落佢個鮮味真係鮮到爆炸！冇酒精味只係淨返清酒嘅甜再加蜆嘅鮮，成個combo好正，d蜆肉無沙仲好漲卜卜(⁎⁍̴̛ᴗ⁍̴̛⁎)，口感唔錯，整體好好食！我飲曬d蜆湯！同埋50蚊好抵食！🍖枝豆 $30 (7/10)枝豆冇乜味，不過不失，落多少少鹽好似好d🍖蟹膏山藥 $38 (8/10)本身唔知咩黎，純粹亂嗌，店員話會燒下山藥個面，我聽完都唔係好明，但一黎到先知原來係咁得意🤣，係有pat蟹膏醬係一片薄准山上面，一啖食落口勁鮮🤣，d准山都好脆好有咬口，送酒唔錯！🍖日式冷菠菜 $34 (7.4/10)個汁淡淡地幾清爽，應該係鰹魚汁黎，菠菜上灑左d木魚增加口感，係一款適合夏天食嘅前菜🍖汁燒鮑魚 1隻 $56 (8/10)鮑魚需要一日前預訂，店家應該係用照燒汁去燒，食落口感爽脆，有少少韌only，好食！🍖芫茜雞肉 $30 (7.5/10)應該都係用左照燒汁去燒，雞肉外面燒到少少乾，成舊雞肉裏面包住d芫茜好正😜，一咬就會好重茜味，正！🍖雞肉軟骨棒

朋友推介嚟呢度嘅，所以都幾高期望。訂咗枱之後，會有人提早WhatsApp問你會唔會預訂海鮮，不過價錢都比較貴，所以只係叫咗幾款嚟試吓。特色嘅款式比較多，但係對比其他居酒屋，價錢真係比較貴。清酒煮蜆，啲蜆有沙，蟶子要60幾蚊一隻，唔多抵食。燒雞燒牛嘅質素都比較一般，啲肉都燒得都比較韌。而且我覺得店員都比較hard sell, 整體來講我覺得幾失望。如果想食串燒，有其他更好食，價錢更合理嘅選擇，所以唔算好推介。

肥後屋，無論食物質素或員工服務都非常高質，令人一去難忘。為慶祝生日，男友提早一星期透過whatsapp book枱💕 (注意餐廳不設walk-in喔)確認訂座後，餐廳會whatsapp問我地有冇興趣pre-order一啲海鮮，因為果啲食材都係即日買即日處理的食飯當晚，我地花左一啲時間先搵到餐廳既位置，因為門口並不顯眼🙈由於係慶生，我地自備左一個蛋糕，去到餐廳門口先醒起唔知需唔需要收切餅費，好彩店員話唔收，仲幫我地雪好個蛋糕🤣除左pre-order既海鮮，我地仲叫左一啲串燒、牛油蔥飯、冷蕎麥麵、兩枝梳打飯後，餐廳咁岩有三枱人都生日，大家一齊share生日蛋糕食，有人請全場飲酒，平時唔點飲酒既我地都小酌一杯，連店員都飲埋一份，好盡興或者近日發生太多不愉快事情，當晚的生日飯實在有令人忘憂既氣氛

恢復返堂食好快就諗起呢間小店即刻book位🥰呢次係第二次去同出post🤍海鮮要預訂, 有時佢哋買多咗有spare改變主意都可以叫🤣今次叫咗Suntory生啤💰68(half half)即係一半gold＋一半black🥳, 唔算好大杯, 第一次試兩溝變咗無禁苦嘅黑啤🍺🤣✨胡麻菠菜卷💰36💫評分: 8.5/10📝賣相好得, size可以一次過擺落口, 菠菜好新鮮同爽口, 配芝麻醬同芝麻, 簡單美味嘅前菜😋✨雞泡魚干 💰58 💫評分: 5/10📝好硬硬硬硬硬硬, 無啲牙力都唔ok🥲✨柚子汁燒象拔蚌💰56＠ (提早訂)💫評分: 9.1/10📝少貴但係好好食😋, 鮮味彈牙不過食唔出係柚子汁, 似燒汁多啲🤣象拔蚌推介😍✨紫蘇雞肉 💰30💫評分: 8.6/10📝鍾意紫蘇酒, 呢一個配搭有驚喜🤣, 上次試紫蘇蠔覺得怪怪地, 配雞肉match啲, 有得食紫蘇葉爽住好嫩嘅雞肉🥳✨雞肉軟骨棒💰34💫評分: 8.5/10📝有水準, 入面嘅雞軟骨碎脆卜卜, 隻蛋好香同埋個碟仔同棒搞到成件事好cute cute🥰✨黃芥末五花腩💰34💫評分: 8/10📝有驚喜, 出邊好似未食過, 五花腩唔會話太肥, 微辣加上佢係連

好耐之前食過一次，印象唔錯，所以再試。可惜今次食物普通😔不過店員服務好細心，前一日店員會WhatsApp確認落單，然後即日買新鮮海鮮，呢點有加分既☺️而當日再落單嘅時候，都會有店員推介當日既特別菜式。牛油葱飯（$32）小失望，見到好多食評極力推介，細細碗既飯鋪滿葱同一塊牛油，賣相好吸引。撈完之後一齊食，食左幾啖已經好膩，食唔到😫其他食物大部份正常發揮，無大驚喜😩但係環境好有日本居酒屋既氣氛🏮適合朋友聚會既。

超難book位, 串燒即叫即燒會逐串上, 佢地仲會事前問定你要唔要食海鮮, 如果食就要預訂, 因為佢地係每日新鮮去買🥰開瓶費$80@bottle / 720ml ✨牛油燒扇貝 💰66＠ (提早訂)💫評分: 8/10📝鮮甜勁香牛油🧈味, 偏貴✨清酒煮蜆 💰54 (提早訂)💫評分: 8.9/10📝細細隻, 聞落有淡淡清酒味, 帶出左蜆嘅鮮甜😍✨牛油蔥飯 💰32💫評分: 8.5/10📝牛油撈落啲飯到好香口, 不過好好好肥好有罪惡感🥺🤣✨螢光魷魚 ~💰32💫評分: 7.8/10📝偏鹹咗少少🥺✨紫蘇廣島蠔 💰50💫評分: 8.6/10📝飲過一次紫蘇酒之後發現自己幾鍾意, 不過呢一個配搭有啲搞笑🤣✨芝士油揚💰28💫評分: 8.5/10📝好似韓國魚糕串🥰✨雞翼 💰30💫評分: 8.4/10📝皮勁脆&香口😍✨雞軟骨💰28💫評分: 8.3/10📝比較細串&乾身✨玉子💰22💫評分: 9.3/10📝燒到軟硬適中, 又甜又厚🥰✨金菇牛肉卷 💰34💫評分: 8.5/10📝切到好厚嘅金菇所以質感好特別😌✨牛舌 💰34💫評分: 8.1/10📝鍾意厚切多啲🥺✨燒年糕 💰26💫評分: 8/10📝正常發揮😌✨露筍豬肉卷

呢間串燒係要book位嘅！weekend 唔book位 walk in 基本上冇得入，同埋有部分海鮮係要訂枱時預訂埋然後佢會放一隻碟比你 之後嘅所有串燒都會放係嗰隻碟到老實講 我覺得食物質素好一般 冇咩特別牛肉叫左和牛串$68，安格斯肉眼$34，金菇牛肉卷$34同牛舌$34和牛一啲都唔和牛，反而安格斯肉眼仲好味，金菇牛肉卷燒到好乾，牛舌亦到平平無奇，偏乾海鮮方面，叫左汁燒扇貝牛油扇貝$66@，紫蘇廣島蠔$50，柚子汁燒聖子$76@，柚子汁燒象拔蚌$56@，同埋青酒煮蜆$54，除左廣島蠔之外其他都係要預訂但除左個柚子汁比較清新有驚喜之外，啲燒海鮮都係比較普通，價錢比較貴全餐最好味就係個清酒煮蜆，好清甜，我食到最後飲晒啲湯汁😂其餘燒物都係中規中矩，冇特別出色嘅地方係酒方面，餐廳比較多sake選擇，啤酒只得Sapporo嘅白啤/黑啤/黑白mix揀

其實佢唔止身處係銅鑼灣一個唔起眼嘅角落，而且店面亦都非常低調真係會行過佐都唔知😂🙈不過你認住▢ △ ◯ 會易搵啲嘅.呢間和式居酒屋宜家主要做夜市賣串燒。小店一間位置唔多要記得book位！整體係空間同氣氛都好舒適，就好似去佐日本食串燒咁.食物方面海鮮會係你訂佐枱用餐前一日先確認落單，因為海鮮都係用即日買嘅材料。我哋就叫佐兩樣:🧈牛油扇貝新鮮扇貝配上香濃嘅牛油真係好正🍶清酒煮蜆個湯好鮮甜帶清酒嘅香，啲蜆新鮮嫩滑呢個胡麻菠菜卷前菜真係好正，食完覺得好清爽串燒呢我個人勁推薦牛舌/安格斯牛！牛舌有咬口但唔會韌安格斯牛滿滿嘅肉汁個黃芥末籽五花腩都燒得好香好正。我哋一行二人叫佐幾多澱粉質招牌嘅牛油葱飯牛油夠大粒，撈完每粒飯都被牛油包住加埋啲葱香紫蘇口味嘅燒飯團就重手得滯咸佐啲梅子素麵好清爽。蔬菜的話燒菇都唔錯呀最後收尾就係我至愛嘅燒芝士年糕！果然都係燒嘅最好

🥬胡麻菠菜卷($36)(🍚9/10）推介❗️超讚！芝麻醬超驚喜，完全吾係一般嘅日本芝麻醬，加埋雪凍左嘅菠菜卷一齊食，味道好夾好開胃！🍫🍌燒香蕉朱古力($38)(🍚7/10）推介❗️用油掦包住香蕉片同朱古力醬再燒，味道驚喜而且食落好有層次吾會太甜🍗燒午餐肉(🍚8/10）推介❗️勁出色！係靚既午餐肉，燒到外脆内軟又Juicy，個調味好惹味，必叫！🍆燒原條茄子($48)(🍚6.5/10）去左皮鮮甜Juicy！略嫌調味較淡但就食到茄子鮮味🍢燒安格斯肉眼($34)(🍚8/10）推介❗️一咬成口都係牛肉汁，勁香牛味！有d貴都值得一試！🌽燒粟米 ($48)(🍚6/10）粟米比較乾唔夠Juicy同吾太甜🍢燒羊架($38)(🍚7/10）燒到岩岩好吾會太乾，羊肉鮮嫩多汁，不錯！🔥汁燒扇貝($66)(🍚7/10）柚子汁燒象拔蚌($56)(🍚7/10）推介❗️要預先order ，鮮味爽口Juicy又大粒但個人認為有d貴，如果二揀一會食象拔蚌，柚子汁令象拔蚌更鮮味！🍙明太子燒飯團($30)(🍚6.5/10）表面燒到好香外皮好脆，可惜明太子味道不太突出味道較淡，可以試其他味道！🧀燒芝士油揚($28)(🍚8/10）推介❗️燒到

終於嚟到呢間令人超級期待嘅黃店🥰居酒屋路線門口有少少難搵嘅 認住灰色牆就搵到㗎啦 @fei4hau6uk1 會預早問定你會唔會想食一啲菜式都係海鮮嚟㗎咁佢哋就嗰日新鮮去買果然所有海鮮包括柚子鹽燒虎蝦 清酒煮蜆 柚子聖子 牛油扇貝都好好味！ 非常新鮮 冇腥冇沙可惜冇食到鮑魚 😭其他串燒包括雞皮雞軟骨五花腩都正！朋友都話要encore玉子其他食物 例如明太子雞翼 非常足料 怕辣嘅朋友可能會覺得有少少辣 我就私心推介明太子山藥❤️仲有牛油蔥拌飯！係咪聽到都覺得邪惡!!!甜品方面燒棉花糖燒菠蘿好好好好好好好好好好味不能錯過Btw 店員非常好人✌🏻✌🏻✌🏻肥後屋 你是如此的令人難以忘記😂

聽過肥後屋名字已經一段時間，特別聞說佢做午餐飯盒時候有一款叫做墮落名物午餐肉牛油蔥飯，喜好午餐肉的我今日難得過大坑，做完嘢之後，打算一個人簡簡單單去食一餐。心諗呢度咁吊腳唔方多人啦。入到德信街，我搵咗一段時間先至搵到，餐廳入口響一座非常唔起眼嘅商廈嘅入邊，關門之後亦都見唔到任何招牌。心諗咁都做得住，一定係好嘢。入去之後發現竟然full House ！咁我唯有買外賣啦。乜都唔理叫一個牛油蔥飯先，店員建議我配上一個墮落名物午餐肉，我另外都再叫咗金菇牛肉卷同酸薑豬肉卷。等待時間比較長，要30分鐘，所以我都先出去行一陣街再返嚟攞嘢返屋企食。店員都好貼心咁差唔多到30分鐘就打俾我提我返去攞嘢食。個午餐肉真係好林好鬆軟，金菇牛肉卷好靚但相對比較普通。我就份外欣賞酸薑豬肉卷，酸酸甜甜夾埋豬肉同黑椒，口感層次好豐富。講返個牛油蔥飯真係邪惡無比，好彩今晚冇約會，如果唔係實在不能進行法式濕吻。

銅鑼灣一向多好野食, 可惜平時好少經這區.   今日剛好有機會, 但去的不是銅鑼灣的中心地帶, 而是稍稍接近另一個高質素美食天堂 -- 大坑區地段. 這間食店個名奇奇怪怪, 叫做 “肥後屋”, 係主打日本菜, 朋友介紹 一定一定要試一試!  這間食店另一棣好有趣既地方, 就係佢雖然是地舖, 但是無店名, 無招牌, 想點呀? 門外得三個幾何圖案, 咁孤芳自賞既? 話時話, 如果唔係叫外賣, 而係可以堂食, 相信會更加美妙, 因為店子小小, 但充滿日式味道 .我最鍾意食魚, 所以點了一道 “西京味噌燒魚及塩燒翠玉瓜”. 前菜分別是冷車厘茄, 七味枝豆, 同埋汁燒什菌. 每一款都有佢自己的味道. 車厘茄微酸, 枝豆有七味粉, 同樣係起了開胃的作用, 什菌反而沒有太突出, 但汁燒幾好味, 不知是不是店家自己調製的. 到了主角, 西京味噌燒魚,首先我想話條魚份量咁多既, 放在盒內有成兩層. 味道好好呀, 最緊要係佢無其他食店的咸同乾, 反而係味道適中, 又有質感. 果然無選錯. 白飯配少量紫菜調味. 啲飯是真正的日本珍珠米, 米身圓潤, 咬落煙韌軟糯. 塩燒翠玉瓜一串,原本三塊不過忍不住影相前食

之前一直好想試呢間小店，但晚市好難book。今日忽然醒起，就午市過嚟試下啦。店面用布遮住落地玻璃，睇唔到入面，唔知以為無開，但推開門就係一個好cozy嘅空間！量完體溫之後坐低，枱與枱之間都好闊落。點咗個炸雞定食同串燒定食，加$25有枝日本果汁梳打。等咗十五分鐘左右食物就到啦。疫情關係，轉咗做飯盒形式，不過用紙盒，都比較環保啦。炸雞外脆內軟，配自家他他汁，非常不錯，而且份量好多。加$25轉做牛油蔥飯，牛油慢慢溶進熱飯，好香好治癒。至於串燒set質素都好好，我哋仲另外追加咗雞翼同牛舌。牛舌唔算好厚但好juicy！值得一讚係前菜都唔馬虎，個醃蕃茄係去咗皮，仲加咗紫蘇葉絲！呢啲位唔起眼，但做得好detailed。最後係服務態度亦超好，會關心客人食得滿唔滿意。由十二點三坐到一點左右，計埋我哋都係得三枱客。希望小店撐得住！

只接受預訂的一間小店, 而且係至少早一星期book個隻因為真係長期都full booking咁濟用餐前一兩日,店會whatsapp問你需唔需要預訂海鮮串燒通常有扇貝,貴妃蚌,鮑魚,蟶子,象拔蚌等等, 海鮮係每日新鮮入貨,所以價錢都唔平配啤酒一流ge雞泡魚乾汁燒鮑魚 鮑魚好新鮮彈牙,配埋個醬汁好惹味串燒雞翼、牛舌、雞肉軟骨棒、汁燒豆腐、金菇牛肉卷、燒茄子 最最推介係牛油蔥飯 估唔倒平時食咩都要走青,都可以突破關口大啖大啖咁食呢碗蔥飯每次黎都必食!!串燒/小食都係即叫即整, 逐串逐串上,食完支籤記住放係竹筒入面, 如果有骨都唔好放返係個串燒碟上面

經常覺得肥後屋好有《深夜食堂》感覺（首主題曲立即在腦海盤旋，加上小田切讓的帥臉🤤）寧靜的街頭，瑟縮於不知是商廈還是住宅之中，打開日式趟門，小小的居酒屋，充滿溫馨的感覺。一邊幻想マスター於灶頭大顯身手，一邊品嘗一道道只屬於居酒屋的下酒菜色，與知己小酌一杯，真是個愉快的晚上。如果可以營業至夜深，更適合我這種夜鬼🏮圖1/胡麻波菜卷圖2/燒棉花糖圖3/需要提早預計的海鮮類圖4/牛油蔥飯及沒有拍照的清酒煮蜆（需預訂）、encore了的燒五花腩、燒飯團等等，推介菜實在太多，而且超難訂枱。。。（開始後悔開啟這帳號😂)