11
0
0
港鐵銅鑼灣站 E 出口, 步行約7分鐘 繼續閱讀
電話號碼
93171952
附加資料
只接受預訂
營業時間
今日營業
18:00 - 21:30
星期一至五
11:00 - 14:30
18:00 - 21:30
星期六
18:00 - 21:30
星期日
全日休息
付款方式
現金
食評 (14)
等級4 2020-03-25
232 瀏覽
呢間野想黎左好耐…只不過一路都未能遇上…一係無位…一係就罷工…一係我唔得閒😏😏…今次都係屈濕下搏一搏…點知又俾我搏到…佢地仲安排左一個佢地話好有privacy既正位俾我…😍😍問個問題先: 什麼是“昼飯”👈有無人知係乜?😏雖然屈濕都睇過下Menu…黎到點都聽埋店員好殷勤地介紹有乜好野…劈頭介紹左牛油蔥油飯…一聽個名就已經order了…之後再介紹牛舌…安格斯牛肉…鹽燒雞翼…全部都點了…再加左露筍豬肉卷…五花腩…大蔥豬肉卷…雞軟骨…雞肉軟骨棒…莞茜雞肉(啱哂鍾意茜味既你)…燒鱔…燒豆腐(炸豆腐加燒汁…我估)…燒飯團。 最後店員提醒所有野即燒需時…要唔要點d小食先…good idea喎…點左推介左既芥辣八爪魚和蟹膏山藥…呢度由小食(蟹膏山藥👍)…串燒…再到個牛油蔥飯…樣樣都有水準…仲要服務好好💯。 價錢仲要好合理添…一定有下次…下下次…介紹下我地個privacy位…其實就係一拉開門右邊一個玻璃隔開既小小空間…個個入黎都見到我地既 privacy corner😂😂😂…一坐低就即刻serve水…教你如果焗可以開風扇…成個晚飯過程服務都just perfect…最正就係佢話如果有需要時只要放隻手係玻璃就得🤔🤔🤔究竟點work?咁八卦既我點都要試下…就放隻手掌係玻璃度試試…好快就聽到有人應機…店員再次出現話: 已經睇到你既5大訴求…我頂😂😂😂…🙌🙌🙌。 仲未算…我跌左隻筷子…我估咁啱玻璃後面有位店員係度…係我準備再出示5大訴求時…店員已經拎左對乾淨筷子黎…服務周到呢…仲要無加一😱😱…唔該出面收左加一仲要無服務既餐廳同不停收OT班PP檢討下最後…肥後屋同另一團體cross over左…係個場掛住好多運動影既相同有籌款活動…大家有時間就去支持下…最後最後…店員啟發左我一樣野…就係當店員見到我放隻手係玻璃上面…佢黎到講:已經睇到我既5大訴求…佢將呢個運動融入工作上…我地都要將我地訴求融入生活too…支持黃店…文宣…得閒諗下克警幾時有報應等等…直到我地最後勝利…雖然漫長…就係漫長先要融入生活…(愚見勿見笑😅)…最後最後最後…開估“昼飯”就係set lunch …我當然唔識啦…店員之後屈濕我先知…不過暫時weekdays先有lunch…學生/醫護又有優惠…肥後屋加油💪💪溫馨提示: 記得訂位…好多人walk in摸門丁…如果你睇到呢度…我衷心多謝你☺☺☺同埋你好得閒too😂😂😘😘 繼續閱讀
(以上食評乃用戶個人意見 , 並不代表OpenRice之觀點。)
朋友預先訂位同預約左小量海鮮,朋友話海鮮要預早order。朋友係CWB接我地去餐廳,因為第1次去既人可能要搵一段路,同埋鋪面好低調,去既話記得認住佢地個餐廳招牌logo。一入去量體溫,消毒,問大家有無手帶,然後個feel十分日式小店,朋友狂點左好多串燒,大部分點左2串3人分。明太子山藥$38 好得意成隻雞蛋咁,食落去大大淡明太子,而已好match山藥個口感,推!跟住點左97%match食串燒既清酒,好似叫做94串燒 $428,大概分到7杯仔。我平時中意飲酒但好驚但入口,特別驚清酒🙈 但呢慢好易入口,完全唔會飲到拿口拿面👍用黎配酒既 雞泡魚干$58,好味💘牛油扇貝$66/隻,超香牛油味,好惹味清酒煮蜆$54,超好味!舊舊都有肉而已個湯好好飲,唔會太苦,帶點清甜👍柚子清酒貴妃蚌$66/隻,又係好清甜,正柚子汁燒蟶子$76/隻,好大隻多肉,其實share食,價錢CP值算十分高👍燒牛舌$34/串,我最中意食牛舌,呢個勁好味,又唔會過份煙韌咬唔開和牛串$68/串,又係好好味好多肉汁🤤牛油蔥飯$68,呢個又係簡單得黎好開胃,中量蔥配牛油🤤汁燒豆腐$20/串,又係可以必點既小串燒。由於呢到原來只可以放12張相,但其實我地仲有叫到五花腩串$32,炸雞皮$28,呢兩樣我都無食,因為其實我減緊肥,cheat day都唔可以太過份既。仲有雞軟骨$28,雞翼$30,紫蘇廣島蠔$50 呢個又係必食!超肥美❤ 雪魚干$32 下酒菜,仲有wasabi沙律醬配,不過呢個一般,如果你只叫一款,建議先試雞泡魚干。另外仲叫左枝柚子酒720ml $458,好柚子果香,酒成份大概8%,岩哂唔飲得又怕苦既朋友,飲完再追加Sapporo啤酒$34。吹水吹到收鋪時間埋單$2184,平均每人715。第1次食日式串燒可以食到咁飽,而已海鮮全部都勁好味! 串燒都係一致大讚,好多時日式串燒燒完都仲係好港式feel,呢間由外到內都好日式,同埋我地叫左咁多酒,如果你地唔飲酒,大概3百零蚊就可以,CP值十分高!大推❤👍👍👍 繼續閱讀
(以上食評乃用戶個人意見 , 並不代表OpenRice之觀點。)
等級2 2020-03-18
337 瀏覽
其實未知佢黃之前已經好想食呢間小店 但未有機會試 見到佢黃我就更加要幫襯下啦👅真係好隱世個門口係唔太起眼 但係入到去已經成幅牆都係文宣 仲有貼左啲手足抗爭既靚相做一個微型展覽👏🏿間小店位置唔係勁方便 入面唔大 但坐得都好舒服🛋-我同朋友嗌左好多唔同野食 但真係講唔哂唯有精選啲黎講啦 玉子好好食 佢既汁配合得好好 而且燒到軟硬適中影相都勁igable🍳安格斯肉眼夠juicy 而且唔算好細串 仲要入面係半生熟粉粉地色正中我下懷🥩五花腩同大蔥豬肉卷更加係冇得頂我最鍾意個五花腩 咬啖肉擺埋啖飯落口係完美🍖汁燒雞肉都好食但冇咩驚喜雞翼又係好鬼正 皮燒得勁脆同香口 啲肉就好滑🐥羊架燒得啱啱好 雖然有少少細舊不過都好好食🐑-至於海鮮方面 因為間鋪係即日買新鮮海鮮 所以要預早預訂左先 個牛油扇貝真係好正 上菜個陣見到咁大隻都嘩左聲 而且好鮮味 同牛油配合得天衣無縫 但個清酒煮蜆冇咩特別 酒味唔重蜆又細細隻咁👐🏻-最後講埋牛油蔥飯 肥仔飯但好好食呀媽咪牛油撈左落啲飯到好香口 加埋串燒食係勁夾勁好食不過真係好肥好有罪惡感🙎🏻‍♂燒棉花糖就大大粒 影下相就得既但食落好bbq個啲一樣🍡-講真價錢真係唔平 但啲野真係好好食 而且佢黃店咁抵鍚我一定會再幫襯啦 繼續閱讀
(以上食評乃用戶個人意見 , 並不代表OpenRice之觀點。)
等級2 2020-03-11
333 瀏覽
上網見呢間野食好似唔錯,夜晚有串燒,中午有睇落好豐富既lunch set,見好多人話要book所以我都提早兩日book定食lunch到左信德街行左一陣都搵唔到個門口,原來係門面好低調,喺門口經過左三次先發現就喺眼前😂經過可以留意門口會貼既是日menu,可以幫你快少少搵到一直以為會好多人,點知一推開門見到得一個客。店面見到周圍都痴晒文宣,一整幅連儂牆貼滿memo,就連收銀位同餐牌位置都係一眼望去就見到既口號同相,黃到出汁講返野食,自己叫左鯖魚豆腐燒($90),朋友就揀左露筍炒山藥($85)。落單時店員仲會問你飯量想少飯、正常定多飯,唔怕浪費食物/唔夠食兩個set都好食,鯖魚豆腐set唔洗多講,兩大塊魚又足味配飯一流,抵而露筍炒淮山就好清甜,淮山唔係我想像中好粉既口感,而係好爽脆,又估唔到佢咁好食唔好睇個樣好似細份好多,其實都好夠餸飯喺呢個靜靜地既地方食lunch啱晒上班族放鬆下,做飯堂一流,學生仲可以減$30但覺得應該要有多D人流,食完有D擔心咁高質既小店會挨唔住 繼續閱讀
(以上食評乃用戶個人意見 , 並不代表OpenRice之觀點。)
等級2 2020-02-14
1071 瀏覽
今晚約左朋友極力推介位於天后隱閉角落既日式串燒小店「肥後屋」。小店位置果然夠晒隱蔽,我結果搵左15分鐘先搵到個角落入去😭 所以大家要認住呢個「肥後屋」既獨特logo啦👍我會whatsapp book位,店主特意提醒我地要預先叫定野食,唔係會等好耐,所以我一日前已whatsapp左野食,結果野食好快到😊如果真係好肚餓唔等得,可以叫定小吃先。我地點左日式煎餃子,醬油加左柚士,食落更開胃👍打頭陣既係汁燒鮑魚,要1日前預訂,因為店主即日買食材👍 鮑魚好鮮美香口,我地點埋靜岡蜜瓜梳打配搭😋雞翼控既我地梗係要試晒咁多款啦🥰 左起係明太子、芝士同原味雞翼,日式燒真係好脆好好味😋 建議先係原味、芝士,最後先係明太子,因為明太子比較香濃同有少少辣,好搶好獨領風騷😝跟住到西冷牛登場。牛扒燒得剛剛好,外脆內軟鎖住肉汁😋 我竟成鍾意原味多d,因為左邊既芥末醬太濃太搶,反而食唔到牛既鮮味。大蔥豬肉卷同埋蘆筍豬肉卷都好好味,個人覺得比牛更出色!唔好睇我影到好似有少少燶,其實燒得岩岩好!一咬落去鮮甜既大蔥同蘆筍溢出菜汁,加埋豬肉既香脆,口感一流,非常滿足😭唔使驚唔夠飽,可以學我地點燒飯團補補碳水化合物👍。我地點左明太子同原味飯團,飯團燒得金黃香脆,正過煲仔飯d飯焦,咬落去外脆內軟,真係好好味好滿足🥰 唔夠喉要點多份👍👍呢度有各式各樣既酒飲任君選擇😊最後送番張綜合圖先!食完肥後屋要變肥仔嚕😆 繼續閱讀
(以上食評乃用戶個人意見 , 並不代表OpenRice之觀點。)