肥後屋

營業中

休息中

之前有幫襯過晚市串燒，而家有埋lunch，係 green menu，就去試吓。叫咗個照燒油揚卷同雜菜豆腐餅。油揚卷個set跟湯同飯，有兩串，一串係露荀，另一串應該係芝士加紫菜。第一眼望埋去，以為好乾，但食落啲照燒汁都幾好味，露荀好juicy。個friend食豆腐餅，個set有前菜係牛蒡。豆腐餅加咗啲沙律菜係底🥗，夾埋一齊食又唔錯喎。原來仲可以添飯，不過呢個份量都已經夠飽。同埋食素菜lunch都係想健康一下🤣，所以佢既飯量係足夠既。仲有個湯無影，係茶樹菇豆腐湯，好清甜，好想飲多杯。😛佢哋既素菜都算有心思，日式食法，都幾特別，仲會每星期都會換新menu。可以不停試新野😁

話你知，呢間餐廳嘅柚子汁燒聖子同埋蟹膏山藥，真係食到我心水直流！啲聖子燒到外面微微焦香，入口即溶，鮮美得來又保留住海鮮嘅原汁原味。而且佢哋用嘅柚子汁，酸甜適中，唔似平時嗰啲咖喱汁咁重口味，反而提鮮，仲加咗幾片薄切嘅柚子皮，咬落去齒頰留香，清新得嚟又增添咗幾分層次感。但我要大讚嘅，絕對係嗰碟蟹膏山藥。啲山藥煮到啱啱好，腍滑得黎又帶點嚼勁，食落口感好正。而且佢哋將蟹膏攪勻咗塗喺山藥表面，每一啖都食到蟹膏嘅濃郁海鮮味，係咁濃咁香，真係令人停唔到口！整體黎講，呢個菜式嘅配搭真係創意滿分。柚子嘅清新同蟹膏嘅濃郁，配上燒聖子嘅細膩，每一啖都有驚喜。仲要提一提，佢哋嘅擺盤好靚，色彩繽紛，睇落去已經食指大動。下次朋友聚會，我一定會再帶佢哋嚟試，保證佢哋都會讚好！

本身對係香港食串燒零興趣，係因為覺得幾十蚊食一串燒雞皮, 銀杏, 雞心, 茄子呢D 唔值錢既野係好on 居既事, 所以平時好少去食, 除非朋友要食。呢間朋友揀的，好鍾意室內環境，好撲實，食品係有質素，雖然只有老闆和伙計兩人，不過服務亦非常好，而最重要係價錢算親民，比起其他串燒店每款都大概平十幾蚊，座落係銅鑼灣區有咁既性價比係好難得。睇得出老闆有heart ，唔會賺到盡。

肥後屋係間位於銅鑼灣嘅日本菜餐廳，我最近去試咗佢哋嘅菜式，味道真係好出色！首先，我要讚揚佢哋嘅串燒，特別係芫茜雞肉，啲雞肉嫩滑多汁，加埋新鮮嘅芫茜，真係一絕！另外，佢哋嘅柚子清酒煮貴妃蚌同柚子汁燒蟶子都非常出色。呢兩款菜都好鮮甜，柚子嘅酸香同海鮮嘅鮮味完美結合，令人回味無窮。除咗串燒同海鮮，肥後屋嘅小食都值得一試。我特別推介佢哋嘅牛油蔥飯同胡麻菠菜卷。牛油蔥飯香氣四溢，每啖都好濃郁美味。胡麻菠菜卷則有獨特嘅口感，菠菜嘅清新同胡麻嘅香味相襯得恰到好處。燒棉花糖係肥後屋嘅招牌甜品，絕對值得一試。佢哋將棉花糖燒至金黃色，外脆內軟，配上甜甜嘅焦糖醬，好好食！整體而言，肥後屋係間令人滿意嘅日本菜餐廳。唔論係味道、服務定係環境，佢哋都做得好好。不過，要留意呢度比較隱密，所以最好提前預約。如果你係日本菜嘅愛好者，我絕對推薦你嚟肥後屋嘗試下佢哋嘅美食！

位置係比較隔涉，但絕對值得一試的，耐唔耐都會同朋友去一次～ 去之前記得提早whatsapp預約，前一晚就會收到廚娘send來的海鮮menu，如果想食海鮮嘅話，就要揀定喇。海鮮必食柚子清酒煮貴妃蚌+柚子汁燒蟶子。食完貴妃蚌，飲埋啖湯先係精華！蟶子新鮮大隻，調味亦剛好～小食推介龍蝦膏山藥+胡麻菠菜卷，龍蝦膏配鮮甜山藥，出奇地夾。邪惡之選就一定係墮落午餐肉+牛油蔥飯，牛油蔥飯滿滿蔥油香，不過比較啖味，加埋厚切燒餐肉就一絕，雖然屋企都整到。串燒鐘愛芫茜系列，芫茜雞肉必試。最後加個燒棉花糖，完美的一餐。

已經係第二次嚟食，今次再試咗啲上次冇食到嘅嘢(⁎⁍̴̛ᴗ⁍̴̛⁎)總結出三樣推介俾大家必食嘅菜式(^з^)-☆1️⃣ 明太子山藥 - 上菜嗰陣見到佢成個太陽蛋咁已經覺得好cute, 食落明太子味好香，山藥清爽嘅口感中和咗明太子嘅漏，好食！但山藥如果份量再多啲就好2️⃣ 棉花糖 - 燒到大大粒，外脆內軟，好食！3️⃣ 胡麻菠菜 - 本身好鍾意食麻醬同菠菜，所以覺得佢好好食，每人食咗一碟(@_@)最重要係冇加一好抵，慳咗加一嘅錢可以食多幾串串燒啦

以前去肥後屋係鵝頸橋附近樓上舖，食過一次之後就搬左，呢篇食評都拖左一段時間，因為太多好野，又唔想寫太多字，我盡力啦。⏹️🔼⏺️早喺魷魚遊戲之前，肥後屋已經用正方形、三角形同埋圓形。 訂位係基本，當日仲要落大雨☔️，喺銅鑼灣行過黎有唔少露天位置。除左訂位之外，仲要訂海鮮，就算唔訂曬全部都訂少少黎食下，如果唔係就真係浪費左個訂枱。 本身汁燒海鮮燒得好已經可以好好食，再加埋柚子汁增添一啲清新嘅感覺，食落仲無咁油膩，真係好好食，所以記得一定要訂海鮮（除非你完全唔食海鮮啦）。其他串燒都無咩好講，就係好食同埋好食（可能你會覺得我係打手，咁你可以睇返我其他食評，我都係有嗰句講嗰句）。 值得一提嘅係「牛油蔥飯」，牛油🧈+蔥🌱+飯🍚撈埋可以有幾好食？你唔好理，我都係第一次見，食一啖就覺得其實簡簡單單就已經足夠，講漏左，仲要加少少豉油。你唔會明白點解咁簡單嘅組合，竟然無諗過（可能我見識少）可以咁樣食同埋幾好食。 最後要介紹下燒棉花糖，可能你心諗，唔係呀？我細細個去BBQ都成日燒棉花糖架啦，有幾巴閉？咁你梗加要試。外脆內軟呢啲基本野就唔使多講，然後我都唔知講咩好了，總之肥後屋嘅燒棉花糖真係世一。 柚子汁燒蟶子汁燒

幾年前食過肥後屋 印象好好知道佢由樓上鋪搬咗去地舖 就腳左今日去開嗰頭 就叫個外賣返屋企食睇相都見到好邪惡打開個飯盒見到蔥又超多，蛋同午餐肉都無敵厚！真係好想即刻食！不過我克制住自己影咗相先🤣影完，食得！厚切加埋啲醬汁配合得好好，真係好滿足！係好好嘅comfort food

- 胡麻菠菜卷🥬 $36- 雞脾菇串燒🍄 $22- 牛舌串燒🐮👅 $36- 五花腩串燒🐖 $32- 大蔥雞肉串燒🐔 $30- 清酒煮蜆🍶🐚 $54- 牛油蔥飯🧈🍚 $32 配 墮落五餐肉🐷 $28- 燒飯團(梅)🍙 $30- 燒菠蘿🍍 $26- 柚子果酒🍹 $68今日收工女朋友話想食呢間隱世既居酒屋，可能因為今日平日，臨收工打去都book到🤣呢間居酒屋位置比較隱蔽，平時行街都唔會經過呢邊。餐廳裏面只有唔夠10張枱，座位都好闊落。女朋友話黎到必食既就係佢既牛油蔥飯🧈🍚，加上舖頭秘製既醬油，鮮味十足😋餐廳建議配埋午餐肉串燒食，令呢碗飯滿滿既邪惡感😝不過食得鹹鹹既女朋友就話要落多多醬油，我就覺得鹹左小小🤭清酒煮蜆🍶🐚平時要預訂，我地今日好好彩冇預訂都食到😆湯底有好濃郁既清酒味道，蜆味好鮮甜😋不過我食到一隻仲有啲沙😵‍💫但其他都無，女朋友食都食唔到有沙😀每樣野食都好有水準😋女朋友最滿意就係牛舌串燒🐮👅🍢，牛舌本身有醃過，表面沈啲鹽，再加幾滴新鮮青檸，非常惹味🤤我個人就最鐘意五花腩🐖，比牛舌串燒再多一份油脂既香味😍感覺到呢間餐廳整每一樣野食都好有心思❤️而老闆同店員都會花時間同客人傾下計🗣我地食飯

根本由搵餐廳開始已是一場遊戲按住Google map 定位已經難搵門口企對面馬路根本睇唔到餐廳名⋯ 行到好近先見到好細個燈仔入到舖頭最深印象係活潑的服務員😌熱情地為我們點餐一行二人兩個女仔叫串燒真係唔知要幾多串好所以有人推介和幫手諗 感到幸福😂幾有創意但如果屋企有火槍可以返屋企自己整個午餐肉真係痴鬼線開心 推介！！厚切仲有肉味⋯⋯⋯ 再邪惡啲仲有呢個牛油蔥飯好飽但係都要試我哋食唔晒將佢打包起來返屋企翻叮仲好食😂😂😂🤦🏻‍♀️整體呢間餐廳冇玩弄濃烈嘅醬汁係務務實實品嚐食物原材料質素的日式串燒店個人滿意 會有下次 😌

好耐以前經朋友介紹一直都想來,係介乎銅鑼灣同天后之間一條隱蔽街道嘅居酒屋💛見到門面🟥🔺⭕️嘅logo 唔好以為鋪頭係借鏡魷魚遊戲呀，其實係佢出現之前已經有haha,講講下究竟幾時出第二季呀🤭.講返餐廳雖然唔大，但俾人一種幾舒適親切嘅感覺,雖然樓面得一兩個但係服務態度非常友善仲好搞笑🤣餐廳主打日式串燒料理小食，特別以佢燒海鮮非常出色🥰都必須/最好預先預訂！.($66/隻) 大大隻非常新鮮🥰 加上柚子清酒嘅調味畫龍點睛👍🏻/ 中間嘅燒明太子就略嫌乾左啲..🌟($76/隻)一上嚟都被wow到, 超長蟶子一啖都食唔哂,燒得超香肉質新鮮彈牙💯.🌟($52/隻)必食之選！虎蝦超大隻,記得要食埋蝦頭啜哂啲膏因為好香濃🤤🤤肉質鮮甜,配上賣相qq嘅柚子鹽,滲少少係上面更吊住佢嘅鮮味😍.($56/隻)非常惹味食時zit上少少台灣柚子汁增強鮮味👏🏻.是次幾乎係海鮮燒之夜🤣($56)、($66/隻)、($88) 蜆肉大大粒非常鮮甜, 牛油🧈汁燒係非常香到飲埋啲汁👏🏻而魷魚筒都非常彈牙(寫到詞窮🥺😂).🌟($32)而除左佢嘅串燒吸引外佢嘅自家料理都好出色, 例如呢個只用簡單食材嘅料理, 但用料新鮮,足料嘅生蔥,將

值得推介嘅居酒屋👍🏻，價錢適中，性價比高，服務好👍🏻，仲有一個好搞笑嘅員工👍🏻。動作好大咁開汽水，同埋佢話 「我會幫你擠啲豉油，擠，擠，擠。」😂😂哈哈哈哈哈。。。即刻帶左啲歡樂比我地，同埋佢自己係完全無表情。哈哈哈。。佢既《牛油蔥飯》好好味，我唔係好食蔥嘅人，都覺得好味，仲想再食🥰其餘嘅燒物都好好味。唔會好重味，食到食物嘅原汁原味。🤩《海膽山藥》呢個配搭都幾特別，可以一試！係《燒鮑魚》麻麻，有啲腥味。😳《清酒煮蜆》蜆肉都大粒，不過有啲蜆肉里有沙。

收工之後，想輕鬆一下，就去咗肥後屋食串燒，呢間小店，都係要訂枱號，訂枱會問埋你食咩海鮮，可以預訂，我今次就訂咗下蝦，我覺得如果鍾意食海鮮的話，可以訂多幾款，因為我見到隔離枱啲聖子同埋帶子都好好食，有啲後悔訂咁少，唯有下次先至訂多啲啦燒海蝦，一食就食得出係新鮮，味道鮮甜， 10分彈下牙，一份真係會嫌少，佢啲串燒全部都係有自己個logo，證明係佢地自己串㗎（我認為🤣）其他嘢食都好好食，調味一流不得不提呢個燒飯團，燒到好脆，但係又唔會有陣燶味，燒飯團一燒過火，就會燶，呢度嘅火候掌握得啱啱好

疫情高峰期，大家都唔夠出街食飯甚至禁堂食，令到食肆雪上加霜。艱難時刻仲有鋪頭肯做外賣團購，當然要支持下！肥後屋一直係我favourite list 🥰入面，見到佢轉團講緊要支持下！佢最最最最好味嘅就係佢嘅墜落名物啦！🐷墜落午餐肉如果你減緊肥節食嘅就勸你唔好睇🤣🤣因為佢地嘅魅力係抵檔唔住，厚厚嘅午餐肉咬落去啖啖肉，燒完嘅午餐肉更加惹味，外脆內嫩🤤🤤，食一舊係唔夠喉。厚燒玉子🍢🍳🥚佢地嘅玉子🥚🍳都係厚身嘅，食落去嘅感覺好實在！蛋香味超濃！一啖午餐肉配一啖玉子，非常滿足🤩牛油蔥花撈飯🧈🍚雖然今次影唔到正面，但呢個飯係值得大家試架！滿滿嘅蔥粒加上一小舊正正方方嘅牛油🧈，配埋秘製鰻魚汁，超入味！當碗飯仲熱嘅時候，牛油就會慢慢溶化🫠，溶化嘅牛油配上簡飯蔥香，講完自己都流哂口水啦！仲等？快d去試啦🤣🤣

疫情下想食餐好嘅都唔係咁易尤其係晚飯偶然遇到肥後屋團購到我住嘅地方即刻踴躍參加單肥餐好豐富雖然送到嚟都好似好多倒汗水咁但盒上有好貼心嘅小字條教點翻熱我用氣炸鍋180度5分鐘成件事完美晒燒飯團🍙仲跟一張紫菜自己包保證唔會淋晒另外由於眼闊肚窄加咗個墮落名物係玉子燒、墮落午餐肉同牛油蔥飯我本身唔食蔥嘅所以影相時已撥開晒啲蔥呢個墮落名物可能堂食會正啲又加上我哋一人已經食咗一個單肥餐所以覺得好膩另外我哋仲叫咗雞泡魚干非常好味😋將來一定要搵機會親身去食味道一定更佳