聰嫂私房甜品 (已結業)

聰嫂係將軍澳區一向都好出名，假日黎食有排等食。好彩今次係平日黎食，又岩岩好有位，真係行慢一步都要等，可見佢係幾出名。店員向我地推介左芒果奶昔雙皮奶,等左幾分鐘就上檯，芒果超級鮮甜！但又唔係加左糖水嗰啲味，但雙皮奶既味就有少少俾芒果搶左，唔多食到奶香味。爸爸因為有糖尿問題，次次去到糖水鋪都唔食得野，不過呢到既芒果汁係無添加糖，只係果糖既味道已經十分足夠，連爸爸都可以飲埋一份，十分好呀~環境方面雖然窄左少少，但都夠乾淨，客人都冇話坐係到好耐唔肯走，即使要等位都唔怕有排等啦~

西瓜涼粉黑珍珠今個星期成三十度，夜晚都好熱啊晚上食完飯想吃返個甜品，但又怕肥，所以選了低卡路里又消暑的涼粉！與西瓜一齊食，又可以令用西瓜的天然糖分取代糖水！而且健康好味！一舉兩得！榴蓮水晶珠榴蓮迷之選榴蓮味好重，重有榴蓮肉，咁熱吃返碗，好透心涼！

舖頭善用地方， 將桌椅排得密密麻麻， 但是， 在繁忙時間要稍候。在夏季， 西瓜當造， 味道清甜， 涼粉配上花奶， 增添層次之餘， 令涼粉更加香滑， 唯花奶偏少， 未食完涼粉， 花奶已經用完。 西瓜配涼粉， 是一個非常適合夏天的消暑組合。價錢公道，並非貴價

呢排心情有d唔係太開心，於是一個人靜靜地落左去甜品店到食甜品。聰嫂甜品的佈局同坊間的甜品店差不多，但聰嫂不同的地方是他的甜品選擇比較豐富。我打開餐單，叫左個蜜瓜西米冰。不消一會，甜品便來到了。甜品來的時候，西米是跟蜜瓜冰分開的。食的時候，要先系碗蜜瓜冰到開個位置，再倒西米一去。整個蜜瓜西米冰味道不俗，不會話過分甜，一粒粒的蜜瓜食落新鮮清甜，而西米食落有少少脆。另外，蜜瓜粒跟西米和冰的比例是剛剛好。總括而言，呢間甜品的性價比不錯，而且分量足夠，值得再去品嚐。

店名：聰嫂私房甜品地址 : 將軍澳運亨路1號新都城第一期地下G28舖好味指數：8/10價錢：$25薑汁芒果豆腐花平時食豆腐花食得多，咁新鮮的配搭真係第一次。豆腐花夠滑，芒果很清甜，仲有將粒啫喱添，夠曬冰涼透心。薑汁味道不是很濃，但隱隱食到，而且甜甜地，岩曬唔鐘意咁辣薑味的朋友。店名：聰嫂私房甜品地址 : 將軍澳運亨路1號新都城第一期地下G28舖好味指數：8/10價錢：$30榴蓮水晶珠榴蓮味道挺為突出，水晶珠爽爽脆脆，很過癮。加上雪糕很match，榴蓮香味散發其中，嗜榴蓮的絕對不能錯過。店名：聰嫂私房甜品地址 : 將軍澳運亨路1號新都城第一期地下G28舖好味指數：7/10價錢：$22榴蓮班戟一份有2件，未切開時已經聞到陣陣榴蓮香味。榴蓮皮挺薄，cream興榴蓮的比例為2：1，個人認為cream的味道搶過了榴蓮，不太吃出榴蓮味道。

今日同女朋友仔拍完拖,緊係要去食甜品架啦.今次就揀左去新都城既呢間聰嫂.環境唔太大 ,所以等位都要唔少時間.坐低左之後,叫左個楊枝甘露,味道幾好,芒果夠晒甜,除左芒果味濃,就連d芒果肉都好多夠晒足料.諗返起d芒果都lam lam利.大家都去食下啦=)

放假冇咩做就食個lunch，悠悠閒食個糖水先去睇戲。路過平時爆晒棚嘅聰嫂，晏晝三點幾冇人喎，一於食下甜野啦。龍眼椰果冰次次都食，鍾意佢龍眼味夠晒fresh唔假，加埋椰果襯到絕，仲有啲冰用龍眼肉打出黎，啖啖都新鮮唔太甜三點幾又唔想食咁多，就食個芒果班戟，雖然見佢一黎到細細舊，得半隻手掌咁上下，但切開之後原來成舊都係芒果，大大啖咬落去cream加芒果好味！ 

公眾假期晚上11時左右，等了5分鐘入座點了以下午四款：熱生磨杏仁茶熱綠豆沙加芝麻湯丸龍眼椰果冰凍椰汁椰果西米露四款都很好吃，甜度剛好　只售18個大洋的杏仁茶，絕對不比尖沙咀某大酒店（推車出來在客人面前煮那間）的遜色，香濃醇口只售＄26的龍眼椰果冰真是很清爽，入面充滿碎碎的龍眼肉，清甜有嚼口，椰果可算是錦上添花ご馳走様でした‼ 謝謝款待‼

還記得第一次去聰嫂的時候未見舖頭已聞到很香的榴槤味，自此之後如果去開將軍澳，都一定要去。如果要食榴槤甜品的話，聰嫂一直都是我的心水之選！基本上每次到聰嫂都必定是點榴槤甜品，雖然坊間太多甜品店都有榴槤甜品供應，但都沒有聰嫂做得好食。「榴槤水晶珠」和「榴槤黑糯米」都是我的心水推介，這次我就點了「榴槤水晶珠」。點了不久就已經放到桌面上，榴槤的香味撲鼻而來，入口即溶的榴槤蓉及冰，又軟又硬，很有口感。相比起其他甜品店，聰嫂價錢經濟，值得推介！

聰嫂私房甜品都算有一定知名度，今回第一次到訪，匆匆翻過餐牌，發現特色甜品數量不少。一碗杏汁芒果西米露，以杏汁作西米露調味當然少見，杏香算上突出，但計及合襯度，還是傳統椰汁更勝一籌。至於當中芒果，果香甜美度普通。另一甜品杏仁茶燉蛋白，杏仁茶甜度合適，杏香固然比杏汁作西米露濃。杏仁茶底層留有燉蛋白，算幾溜口，OK。

平時忙到無時間四出找吃，這兩星期的新年假真好，可以一家人選擇自已喜歡的餐廳，和圈外的朋友玩樂，而且現時在香港的食肆普遍都不在新年休息，雖然新年氣氛大減，但交租出糧要緊嘛... 初六的晚上，上完朋友屋企後就走幾步來到聰嫂甜品，聞名不如見面，終於有機會踏足總店，一直都覺得要先吃總店，所以連cwb分店都沒有到來，今次一定要試盡招牌作店面不小，但逼滿人，出入是有點點擠的，門外等外賣的也人山人海，真受歡迎。打開餐牌，價錢比想像中平得多~! 平均只是$18-25，食物變化多薑汁意大利粉 [$21] - 可能因為是凍食的關係，薑汁味不會太搶，味香而不辣，而那些意大利「涼」粉賣相並不討好，但至少玩味搭夠，吃起來有咬口之餘也可叉匙並用；魚子醬就不停說是朱古力粉，結果試了一口後就擰歪面 ~hahaha朋友的「開心樂園」[$25] 賣相麻麻，甚至與餐牌上的圖片有出入到要跟店員確實是否同一個，除了面層的Basil Seed知芒果雪葩? 底層還有不同顏色的四方粒粒，包括涼粉、椰果、杏仁豆腐、綠茶果凍等等，小朋友都愛吃這個 三款甜品，這次還原基本步，最喜歡熱辣辣的 椰汁芋頭西米露 [$18] - 熱度超高，暖身一

我去到邊度我都好鐘意食水果嘅，去到每一個國家必須要食，榴槤乜乜乜。榴槤呢種水果真係令人又愛又恨，鍾意既人會愛不惜手，唔鍾意既人就覺得佢其臭無比，而我當然係前者啦。自從朋友推介聰嫂既榴槤水晶珠之後，我就從此愛上呢個榴槤甜品，住黃大仙都成日走黎食。依家天氣凍，食晒成碗榴槤冰我驚凍到入心，所以今次就叫左榴槤黑糯米。成碗甜品份量十足，配角黑糯米微甜既米香，口感軟糯，配上主角榴槤冰，質感比綿綿冰來得實在，而且榴槤肉亦毫不吝嗇，相當真材實料，濃郁既榴槤冰齒頰留香，我食完番屋企仲有味啊哈哈。

雖然晚餐食得好飽，但朋友話黎到寶琳唔食聰嫂好似無黎過咁，佢講到咁，點都要食一食啦，望一望個價錢，好平喎，不過人龍都好長，唔知係咪真係咁好食，等左15分鐘左右就有位，本身我想食榴槤甜品，不過朋友要我分枱坐，唯有食番個合桃露啦，合桃味香濃，而且好滑，有粒粒合桃！另外，仲點左推介既芒果雙皮奶，頂層芒果好甜，中層有一個芒果味沙冰，好濃的芒果味，低層係雙皮奶，但由於佢係凍既，所以奶一d都唔香，只係滑，如果叫芒果牛奶布丁會適合d

阿爸阿媽放假，陪他們在酒樓飲茶後想吃返一點甜甜的東西，便在附近"搵食"，踏出寶林地鐵站門外，已經能夠看見三間糖水舖同是開設在街道的地舖，原本想去新開沒多久的小方糖，但未開市看見裡面的員工仍然在準備中，後來便換地方選擇了聰嫂。以往在晚上時段也見到聰嫂門外有很多客人等候，好似蠻受歡迎，抑或是因為糖水舖選擇不多呢？說起來此店開設許多年以來還是第一次進門光顧，試試也好。由外面透過玻璃窗看入面以為已坐滿了客人，幸好進門看看還有很多座位選擇，始終時間尚早，三時許左右的時間不會太多人。店舖橫裝以青綠色為主題，感覺簡約清新，地方不大，不過枱和座位都充足。 淨湯丸配薑汁$15雖然甜食多半是冰冰的，但我還是喜歡暖暖熱熱的感覺，於是便點了薑汁湯丸。六小粒的黑芝麻湯丸，皮薄滑溜，芝麻味一般，流心效果不錯，薑汁味濃郁和片糖份量適中太過甜，一個不錯的選擇。片糖薑水可以暖胃驅寒，既美味又有食癒功效。涼粉豆腐花$21阿爸阿媽各吃了一個涼粉豆腐花，花奶壓外上，涼粉大大粒，阿爸阿媽都話豆腐花很嫩滑，但可惜好碎。

在新都城吃完午飯，信步過來聰嫂甜品吃個下午茶！甜品店以綠色裝修為主，予人乾淨舒服的感覺！一坐下就送上餐牌，選擇不算太多，很快就挑好了心儀的甜品！簡單的兩粒榴槤pancake,淺綠色的皮，薄薄的，滑滑的，内裹包著厚厚的甜甜的cream，重點還是那一大塊鮮美濃厚的榴槤，三者在口中混和，彷彿化學作用一樣，滋養味蕾！非當精彩！雜果涼粉相對遜色一點，生果是新鮮的，量也不少，但涼粉味淡，整體吃到口中，總是與松記的那客雜果涼粉相去甚遠！這次所試的甜品不多，但總體感覺不錯,為著榴槤pancake,已經立即有回頭的衝動！