聰嫂私房甜品 (已結業)

之前聽過好多次話聰嫂甜品好好食，又好多人，今日去開寶琳決定一試。去到門口，岩岩好我地要等位，等左around 5分鐘就已經有位入得，唔算等好耐。坐低後，我叫左碗椰汁椰果西米露，幾分鐘後就好快到，食落去隻味幾特別，同平時既椰汁西米露，首先，用料都幾足，椰果既份量佔好重，唔會話得幾粒咁少，另外係椰果既味道同西米露配合得好好，唔會話得個甜字，有少少椰香，係少見既佳作，值得一試。價錢方面比普通糖水鋪貴少少，呢碗椰汁椰果西米露要$22，不過都係值得既！

三點來到這裏 店舖已差不多滿座果然名不虛傳 我們一行四人點的甜品 全部都很創新而且價錢平民 都是二十多元好喜歡這個芒果柚子果凍 好有驚喜上面是芒果沙冰 入口很綿 芒果味很濃 證明沒有混水摸魚下面是柚子果凍 口感好QQ 而且很足份量 價廉物美

天時暑熱，最岩就係去食冰凍嘅甜品～當日路經將軍澳見到聞名多時，但一直未有機會一試既「聰嫂甜品」，甘岩見佢岩岩開舖，就順道一試～小店以鮮綠色作為主要色調，地方不大，較為迫硤，佈滿密密麻麻的餐桌即使餐牌，也用上了鮮綠色，大至分為冰類、豆腐花、涼粉、班戟、西米露及多款中式糖水。看看食評，發現大部份人也會推介「龍眼椰果冰」。平時大多點選朮榴槤製品的我，決定一試～「龍眼椰果冰」$26由於食客不多，所以龍眼冰很快就送到，份量頗多，龍眼冰外貌看似結實，上面放有數粒椰果及晶瑩剔透的脆珠。龍眼冰以新鮮龍眼去核混合冰塊打製而成，入口清涼，帶有龍眼肉微粒的口感，而且不會太甜，吃得出淡淡的龍眼香，非常美味，果然真材實料。在其他地方食唔到！所以我也會為大家推薦這個「龍眼椰果冰」～！

合桃糊 - 濃滑香好香濃合桃味，應該加咗奶因而變得香滑。份量一個人食亦剛好，唔會好膩。而芒果椰果冰 - 好凍夠芒芒果唔算多，但係以芒果醬汁打嘅冰，好似好濃嘅芒果雪芭，味道一流！配以椰果帶岀更多層次。一直都好鍾意食聰嫂嘅沙冰口感嘅西米露同椰果冰。------------------------------回頭率：10/10

剛巧與友人也在寶琳下班，便到這裡吃糖水，我知道這間店很出名，但也是頭一次光顧，叫了最出名的龍眼冰。友人叫了榴連水晶珠，因為本人不愛吃榴連，所以不敢叫。我們的糖水也到了，非常的快，龍眼冰$28非常的美味，夠冰凍，不會太甜，龍眼味很重，而且有龍眼果容，很棒，價錢也是非常的便宜。友人的榴連水晶珠$30我也嘗過了，味道真的不錯，連一個不愛吃甚至討厭的我來說，也可以放入口，可想然知有多麼的好吃。

今日有少少事就入左將軍澳搵個朋友食飯,其實我不嬲都覺得將軍澳好似無咩野食,問埋朋友,佢就更加話食好野唔洗入黎將軍澳搵喇,因為真係無啖好食。咁就例牌食完飯一定要食糖水,頭先餐飯已經一般喇,所以更加要搵間好D既,朋友都話唔知邊到有糖水鋪,佢諗左陣就黎到依到喇,佢話今日好彩算少人,平時一定要等,咁佢其實唔算太大間,不過D位都算係舒服既,起碼唔會話坐到好似搭地鐵咁,撞黎撞去。睇睇個MENU,都好齊全下,朋友就揀左個龍眼椰果西米露,佢話唔錯,不過就甜左少少,其他都可以既。我就食左個涼粉,份量絕對十足,生果都穿算多種類,依個真係可以當正餐食,因為食完真係會好飽,加上佢D生果唔會酸到死,夠甜,好食! 咁睇將軍澳都算有間糖水頂下場!

今天所吃的所有店，都不用等。連聰嫂也不用 。今次七人食，都即刻有位。 我平時多數會食龍眼冰，但因為沒有之前咁好食，現在只有冰味，龍眼味很淡。榴蓮是我很愛的，好味。而今次所選的是熱，香芋椰汁西露，料很足，價錢合理，$18，好味。

聰嫂未算是很多分店, 是日難得入去將軍澳, 當然要到訪這人氣甜品店!老公叫咗芒果涼粉 ($25), 其實是芒果沙冰配涼粉, 沙冰非常真材實料, 有很濃郁的芒果, 外表看以為是芒果蓉. 涼粉爽口.我叫了薑汁意大利涼粉 ($21), 涼粉並非一粒粒而是麵條般, 要用叉才吃得較方便,雖然是麵條狀,但口感仍然很爽. 另外要讚那薑汁底非常濃郁,甜度適中,可以中和涼粉的寒涼 

踏入秋季了, 似乎很需要甜品來滋潤滋潤什麼甜品也好, 吃多吃少隨個人喜歡,我個人則需要天天飯後吃些甜品甜點才感一餐後的滿足無論夏天或冬天, 幾乎一年四季這甜品店都是座滿我個人認為不是每款甜品都適宜天天吃例如雪糕只會在夏天才天天吃, 秋冬天建議如下甜品杏汁豆漿白果杏汁較難在家中自己磨杏汁我較懶惰寧願出外享受一碗甚至來兩碗杏汁豆漿白果這裡的杏汁不夠濃不過價錢不貴, 覺得算合理豆漿味則一般, 兩者溝起來味道總算平均薏米不算少, 大約佔一碗的十分一份量左右白果也4-5 粒白果不可吃芯, 建議每人每日只能吃不多於10粒如果這店能把白果芯去掉更好個人頗喜歡豆漿類食品, 於是來一碗豆花與朋友分享豆花軟滑, 相信是該店自製的豆花微熱的豆花加些糖水及黃糖入口才不會有黃豆本身的腥味木瓜雪耳木瓜煮得非常的腍雪耳則不算靚, 吃過幾次都吃不到軟腍腍的雪耳至於湯水則不算甜志在一碗冰糖水滋潤便夠了

聰嫂私房甜品漸漸在旺區出名，特別在將軍澳果兩間同朋友打完波，打算食個宵夜，果時已經十點幾，唯有去聰嫂食糖水。去到的時候已經超多人在排隊 店又細又多人，見到都心淡但是聰嫂甜品的確明不虛傳, 的確好好味, 尤其是我最愛的豆腐花， 賣相好好, 又滑又好味聰嫂許多fushion甜品, 尤其是圖片的mix水果涼粉, 份量好多，全部都好好味總括來說, 聰嫂的確好好味, 只是排隊確實太久，太多人了

夜晚上山影完星星，好想食糖水，所以就去左聰嫂啦！基本上每次去都會叫龍眼椰果冰！真係唔係好明點解可以啖啖都有龍眼，啖啖都有椰果！椰子味都好濃o加！毫無疑問，o里個甜品絕對係誠意之作。雖然見到已經有咁多人post過，我都要post一post激讚o里個甜品呀！$24*****簡直超值！

自從搬了到將軍澳住以來，身邊嗜甜的朋友不約而同推介這家糖水店。且不論這間由無缐電視城發跡的糖水店擁有多少明星fans，單是它出品的質素，已經高一缐！雖然款式新頴，但制法有獨特之處，並不為綽頭而創新，欣賞！個人最喜歡的是這款大大碗的龍眼椰果冰，他們將龍眼肉去核、加入少許沙冰，然後攪成蓉，清甜的龍眼肉加上啖淡肉的享受，真材實料，又有新意（雖然這款甜品已流行很久），每次經過都忍不住要一再尋味！ 

I came here for some dessert late afternoon. There wasn't much people at the time so we were able to get a seat quickly. The staff didn't bring us a menu after telling us where to sit, I had to get the menu from another table that had finished using it. Once the orders were in, they arrived quickly.The mango pomelo & sago tofu pudding was good with decent amount of mango. The durian pancake was good, but it will mostly depend on your luck with it. It is wrapped with half durian and half whipped

25-3-2013(一)將軍澳，真的很少來！印象中，十多年內，只來過三次。今次，是第三次，極具誠意來探望一位住在將軍澳的朋友。是日晚上，先從青衣出發，坐港鐵經歷東涌線、荃灣線、觀塘線、將軍澳線，站立了個多小時 ，才來到寶琳站。我探訪的朋友，就是「聰嫂」啊！看過 2011 年 TVB 的《街坊廚神》，其中一集金剛、小儀介紹將軍澳的美食，其中就有「聰嫂」的甜品。作為甜品魔的我，看罷節目後，被金剛、小儀的介紹吸引著，然而要待兩年後的今天，才有機會拜訪。我叫了一個紅豆茸西米露。紅豆加上冰塊用搞拌機搞拌成茸；上桌時再附送一碟西米，按自己的喜好隨意添加，就成了這碗紅豆茸西米露。上桌時全碗都接近冰狀，其實賣相一般，但味道卻是異常好吃！吃下一口，感覺有點像吃雪葩一樣，軟綿綿的，但這甜品放了不少的紅豆肉，份量絕對大堆頭，令你更有口感；西米晶瑩剔透，入口彈牙且滑溜；椰汁奶味頗香濃；整體甜度適中，吃後也不覺肥膩！試意推介！

第一次來到聰嫂甜品，外面排哂長龍，好彩大部份人都係等外賣，等左十分鐘就有位。 叫左椰汁龍眼冰，勁香椰汁味，打碎左嘅冰混埋龍眼肉，好清甜，而且龍眼肉同冰嘅比例剛好，啖啖都食到龍眼肉。上面有幾粒椰果，好韌，很黏牙。賣相雖然麻麻，不過好大碗，好抵食。 是晚很冷，坐在門口位所以店內亦不暖，此款甜品比較識合夏天食，下次揀熱嘅甜品先。