聰嫂私房甜品 (已結業)

我去到邊度我都好鐘意食水果嘅，去到每一個國家必須要食，榴槤乜乜乜。榴槤呢種水果真係令人又愛又恨，鍾意既人會愛不惜手，唔鍾意既人就覺得佢其臭無比，而我當然係前者啦。自從朋友推介聰嫂既榴槤水晶珠之後，我就從此愛上呢個榴槤甜品，住黃大仙都成日走黎食。依家天氣凍，食晒成碗榴槤冰我驚凍到入心，所以今次就叫左榴槤黑糯米。成碗甜品份量十足，配角黑糯米微甜既米香，口感軟糯，配上主角榴槤冰，質感比綿綿冰來得實在，而且榴槤肉亦毫不吝嗇，相當真材實料，濃郁既榴槤冰齒頰留香，我食完番屋企仲有味啊哈哈。