聯記川王涼粉 (已搬遷) 新店位置

嚐辣嘅我當然對食辣嘅店子會特別留意,聯記川王聞名已久,但由於位置偏僻,一直都未有機會試. 直至某日冇人約食飯,突然想自己一個去試試. 點知好友來電,話佢當晚推掉一約會,問我有冇地方去. 既然有人作伴就最好,又可以試多一點. 好友又再相約另一位愛辣食友,竟然無心插柳,柳成蔭. 我地三個一直都想約埋一齊食一餐,估唔到咁又成局!!水煮魚 - 魚肉鮮甜,湯底美味,靚女忍唔住飲咗佢大半兜湯,不過真係好好味!!蒜泥白肉 - 勁勁蒜泥,又夠辣,超美味!! 我都要一啖啖食佢美味辣蒜蓉.川北涼粉 - 幾夠麻,不過麻麻地辣.酸辣血旺 - 唔係太夠酸,不過個豬紅都唔錯.麻辣牛脷 - 個人認為牛脷略咸,不過麻辣味唔錯.聯記川王真係我係香港食過最辣,最地道嘅四川菜. 可惜佢唔係店舖,坐位得幾個,主打外賣. 我見連陀鎗師姐都去攞外賣,果然吸引力非凡!!! 仲有佢$12一支大青島,真係平到笑. 我地三個一人一支,真係夠哂暢快!! 多謝靚仔請客!!

前晚先食過川王，今日中午拉埋唔食得辣o既男朋友o黎食，叫o左幾樣o野外賣 蒜泥白肉 : 蒜泥剁得好細，豬肉大塊又肥瘦分明，青瓜仲幫你拍爛埋，勁入味，食到唔停得口 回鍋肉 (配白飯+涼茶) : 呢個冇咁辣，主要係男朋友食，落o左好多配菜炒，好惹味，送飯最o岩，杯涼茶本來冇乜期望，點知好好飲 雞絲涼麵 : 麵o既味道我覺得怪怪地，食唔到有花生醬o既味道，早知試川北涼粉啦~ 涼拌青瓜 : 一打開俾滿滿o既辣油嚇親，青瓜都係幫你拍爛埋，好爽口本來想叫紅油抄手，但老闆話冇時間整，已經冇賣，有d失望添 等外賣期間，老闆聽到我講話男朋友唔食得辣，笑笑口咁話食辣有得訓練o架，哈哈，咁好味實會再幫襯你o既

收工勁肚餓，突然諗起冇試過川王，當時已經十一點唔知佢關左門未，好彩趕在最後一秒到達，老闆開始收緊鋪一o黎到老闆就講有乜o野賣晒，本來想試雞絲涼麵，但自己唔受得花生醬，於是問下入面會唔會有花生醬，老闆話落芝麻醬整，但估計隻醬應該有撈少少花生，所以唔建議我食，最後揀左外賣麻辣牛肉米線，老闆神色凝重咁問我 : "要幾辣?!"，見佢咁問即刻怯一怯，揀左小辣，仲加o左三蚊要埋豬皮 返到屋企，一打開見到六塊勁大o既豬皮，食o左幾啖個口已經好麻，愈食愈過癮，麻得o黎都食到牛肉味，感覺好奇妙 二十三蚊食到我好飽，老闆服務態度好好，撇除環境，買外賣真係唔錯o既

四川成都來的老闆娘,家族都幹飲食行業,難怪烹調得比起香港多間掛羊頭賣港式四川菜的餐館更正宗好吃;更有四川風味了。蒜泥白肉($35)---白肉比起譚魚頭或詠黎園切得很大片,下了很多蒜泥,蒜泥混和帶少許鹹與麻辣的醬汁,陣陣濃濃的蒜香味在口腔四溢,很易令人吃上癮麻辣牛脷川北涼粉---老闆娘用上香蔥、豆豉、辣椒、生蒜、生薑、醬油、冰糖及四川大紅袍花椒磨粉調炒成紅油拌食。牛脷切得薄,口感不太像牛脷。近似粉皮滑溜透明的涼粉淋上一層四川傳統祕製調炒成的麻辣椒油伴吃,非常的好吃。川北涼粉散發出陣陣麻辣香味,完全沒有喉嚨灼辣的感覺, 最適宜夏日來這個涼粉酸辣涼粉---加肉末、榨菜、生蒜蓉、蔥粒及保寧酸醋後再在酸辣粉面頭灑上花椒粉既香口又惹味烤羊肉串川北涼粉---烤羊肉不但鞋口,並且肉韌非常。川北涼粉與同上所形容的那樣好味注意事項一:多口問老闆何時上四川入貨,他的答覆是每月21-27 號,入貨那幾天,大家不用摸門釘了。注意事項二:堂食請自攜筷子,因此處的末開封即用即棄木筷子看似長有梅菌

0個劣評加上我鐘意食辣，so點都要一試環境好外賣鋪格，但感覺唔算污糟點左口水雞：好味，唔鞋口，辣得黎仲keep到雞香，有水準 米涼粉：真係幾得意，有米香的白涼，真係特別，要試！ 涼麵：麵、肉碎、辣油、蔥，簡單配搭，做得好食便係功架~值得食依個價格配呢種美味，環境差少少何妨，下次一定要再試其他

係咪香港人太過驕身慣樣將聯記川個環境講到咁可怕其實都係坐街邊食JE 聯記川個位置雖然貼近馬路 但條馬路既使用率係極低所以可以去除左好大塵啊之類既問題 而且係街口既聯記川夏天去 又唔係真係話好熱既 果度都算通風既 又有牛角扇 有又瓦遮頭其實環境又未去到話要食就一定要買外賣啦當然可能各位想噗住冷氣咁嘆美食啦我都明白享受呢家野係相附相乘既不過聯記川既環保又未真係去到咁惡劣今日去食聯記川 都成三十度 不過唔知係咪心靜自然涼同埋小弟自問都係算食得辣既人 雖然今次只係試酸辣粉 唔係話極辣果隻所以小弟都無食到濕晒身啊 發晒火既而且享受咁既食物 身邊既事物已經唔再重要啦聯記川雖然粉量唔多 但係享受係酸同辣係口中交差既感覺再加上一碗香噴噴既辣油+花生湯底 彈口爽滑既粉食完真係升仙喇唯一唔好既係 老闆做做下野走出去食煙...返黎又唔洗手.....不過D野都唔係佢煮既 係佢個四川老婆住既 所以 對食物唔係話真係咁大影響既

去新時朝聖經過見到呢間野咁岩又俾我記得菜生電視同書都介紹過仲唔去食下?不得了坐街邊都要等位而且個個都係國語人應該好正宗啦正唔正宗就唔知不過好好好好味就真叫左重慶酸辣粉個粉口感好好個湯d酸辣味又正好濃水煮魚好麻呀咀都麻都冇知覺但係好好味好滑心思思會令人再去食既店下次會自己帶盒去囉因為堂食都係用發泡膠盒而且強烈建議所有住九龍既朋友外賣飛的返家食好喇果度環境真係唔係人咁品咖

地點坐得不舒服，因為如大排檔般，是要坐街邊的但味道真的一流蒜泥白肉...我吃的時候真的驚為天人，味道不算辣，而蒜味迫人，豬後脾肉肥瘦分明，肉質彈牙，藏在肉底下鋪碟的小黃瓜爽口清新，為濃烈的味道帶來中和作用...可以說是小弟這輩子暫時吃過最好吃的蒜泥白肉另外川北涼粉及酸辣粉，前者香辣非常，涼粉質感特別如啫喱般，但有紅油附在表面變得頗辣；後者的質感十分Q，彈牙卻不會黏牙，湯味濃郁，紅薯粉也很入味，和我在內地四川館子吃到的質素不相伯仲，以後不用山長山遠北上吃川菜了...另外，老闆很好人，稱讚他的東西美味時連聲多謝，十分謙虛...也和專程買外賣的人言談甚歡，有客人談到在附近最近開了多間類似的店，但客人說只會光顧他那間，他卻跟客人說笑，你可以試試啊，可能比我的好吃...也有客人說上次來摸了門釘，他就連聲不好意思...因為到了四川買貨，而當地因地震而貨源較緊張...我短期內一定會再光顧，因實在忘不了那蒜泥白肉的美味!!!

由於收工遲,所以去到時,蒜泥白肉,口水雞都已沽清!所以只叫了,酸辣粉、北川涼粉、麻辣牛肉及夫妻肺片!不過本身不吃得辣,所以就算小辣,我也已經,,,,,,噴火咁濟!幾時都話,好食既野吾需講太多,由其係呢處,幾句攪掂:好香、好辣、好麻、好味道、正!不過吾知是否麻辣牛肉需要撈勻,呢味多左個好鹹!不過都會返去再試其他野!

第一次去是朋友介紹,而本人有一大班的朋友都好喜歡食辣, 便一起去試, 但食之前我們要找我朋友留意老闆個日會否開舖, 因老闆會一個月內可能會關十日舖返大陸, 原因是在國內買材料, 有這樣的真心, 真的叫我好想快d去試, 另我們一大班朋友都是環保份子haha...,所以我們去之前要自備碗',碟,筷,盤....因間舖的用具是即棄, 所以我們不怕麻煩都會帶, 嗰日我們叫左十碟幾樣野, 有口水雞, 蒜泥白肉, 水煮魚, 酸辣粉,痳辣涼麵,夫妻肺片.........樣樣都好好食, 只是細份左d和不夠辣, 因我地這次叫左小辣先試試........下次我地會再加碼叫大辣tim 我地食到飽住個肚, 個個都食得好開心呀........hehe~~~~提提你地: 若果你真的有好5個或以上最好早些去或早d同佢講, 因間舖最多座約10個左右及最多著得casual 和不介意是座街的人便可以去試下.............真的好好味架!!!

前兩日去左食..其實我住紅磡..但好少行0個邊..直到有1次去食時新先知有間川王0係0個度..叫左::::水煮魚---d魚好滑好正..但都唔少骨..酸辣粉---少辣都辣到我食1啖就成個咀同條利痺左..但幾好食..麻辣牛肉米線---男朋友話個湯底好正..但牛肉1般..d米線好林..1夾就斷..蒜泥白肉---好好味好正..我好鐘意..男朋友話太濃味濃到冇晒肉味wor!佢仲用佢個麻辣牛肉米線湯底洗1洗先食..佢話咁仲正..d野食我都幾滿意..雖然環境mama..但我lei d粗人有咩所謂丫..照坐0係度食..我地1邊食1邊見到好多人買外賣..老闆做唔停..證明評價1流啦!!

記得我第一次食酸辣粉係o向深圳!當時真係一試難忘~成日叫d fds陪我上去,就係為左個酸辣粉!點知有日個fd同我講紅磡有間食酸辣粉同上面一樣出色!於是就走左去試喇!除左我本身鍾意食辣野之外...o個度其實對我黎講仲有一個親切感!因為我細細個就係住o向o個度樓上!有兩間咁出色既食店o向樓下!(時新+聯記川王)真係好!講返酸辣粉! 好香,有麻辣味,!仲有個川北涼粉, 米涼粉都做得好出色!個老細仲好好人~因為我鍾意食熱野多d,老細都肯幫我整米涼粉熱食!味道都好特別,,涼拌,,又係又係熱gor wor!正!haha^^

端午節出動食時新，點知無開。只因太肚餓，而且男友嗜辣，同起埋直覺覺得咁地"足否"既食店應該好唔錯，就坐底了。點知出乎意料之外地好得！！蒜泥白肉（小辣) 好掂x100！！唔識形容，自已去試吧！附黃瓜，竟然係手拍的！重會有邊度咁落心機比拍黃瓜你？麻辣牛脷涼粉（小辣)掂！多蔥，又香又滑！麻辣牛肉米線（小辣)米線好滑好滑，好得！不過好咸，失手？雞絲涼面（小辣)雖然己經好飽，照食~ 食到淡淡花生醬味！豆漿x3一邊勁麻一邊勁冰凍，正啊~我一定會拉大隊過來再食！

本來想食酸辣粉，但實在太太太太太熱喇 !最後買左蒜泥白肉同北川涼粉做晚餐蒜泥白肉成個面都係蒜泥，正呀 !而個北川涼粉唔適合用黎做餸啦中辣都已經辣到我噴火咁滯 !不過有人就食到 lum lum 脷啦 ~

同意肥寶寶所言，此店的酸辣粉的確抵讚! 　由甜品工房帶起的心癮，推動兩個為食鬼再次出動到美食密集的紅磡區。經過此店時我順口溜了一句：此店的酸辣粉幾好評的，引起了酸辣粉迷龍的強烈反應，馬上坐下要求來一碗。　六月的傍晚天氣還是比較涼快，堂食還可以接受；講回主體酸辣粉($16)，湯底果然又酸又辣做得正宗，加上肉末、榨菜、香菜後既香口又惹味，很易令人吃上癮。而且我欣賞其粉帶彈牙有咬口，整體味道比深圳華強路的出品更美味，水準直逼東門呢!　龍說：為了它，我要常常來紅磡了~~