聯記川王涼粉 (已搬遷) 新店位置

收工勁肚餓，突然諗起冇試過川王，當時已經十一點唔知佢關左門未，好彩趕在最後一秒到達，老闆開始收緊鋪一o黎到老闆就講有乜o野賣晒，本來想試雞絲涼麵，但自己唔受得花生醬，於是問下入面會唔會有花生醬，老闆話落芝麻醬整，但估計隻醬應該有撈少少花生，所以唔建議我食，最後揀左外賣麻辣牛肉米線，老闆神色凝重咁問我 : "要幾辣?!"，見佢咁問即刻怯一怯，揀左小辣，仲加o左三蚊要埋豬皮 返到屋企，一打開見到六塊勁大o既豬皮，食o左幾啖個口已經好麻，愈食愈過癮，麻得o黎都食到牛肉味，感覺好奇妙 二十三蚊食到我好飽，老闆服務態度好好，撇除環境，買外賣真係唔錯o既