聚滿庭京川滬名菜 (已結業)

父親節同女朋友屋企人一齊食晚飯:福建炒飯- 一流! 足料+炒飯底唔錯, 絕對會再試~ 上海粗炒- 賣相不錯, 但有d 簡水味紅油抄手- 整體上okay, 不太辣, 但略咸松子魚- 不過不失醉雞- 花雕味很正, 但雞不夠肥美和滑雞絲粉皮- 幾好, 凍一d會更好宛豆黃- 幾特別的甜品, 值得一試!高力香蕉豆沙- 一般啦,無香蕉可能好味d

昨晚一家4口頌親恩, 先去老人院探婆婆, 媽子是上海人, 順路到西九龍吃上海菜菜牌內只有一款4人套餐, 菜色普通, 故散叫其他更吸引的小菜1) 鎮江肴肉(夠凍,不膩)2) 梅子豬腳(少少甜, 重酒味, 豬腳入味)3) 炒鱔糊(汁略稀, 比較淡)4) 雲腿津白(津白未入味)5) 小籠飽(上湯充足,皮薄, 餡都ok）6) 蜜汁燻烤鴨(淡淡燻香味, 與蜜糖的味道很夾, 但鴨肉韌,水分太少)7) 砂鍋雲吞(半份) (湯底豐腴, 肉滑溜有香味, 雲吞夠大隻, 餡一般, 有10 粒)8) 芝麻豆沙燒餅(熱辣辣上, 餅底又脆又薄, 豆沙再多更佳)以上$530沒有傳統上海菜過甜, 過膩, 經濟抵食,環境乾淨, 難得昨晚的侍應姨姨服務態度超好, 一個圓滿的母親節

之前未register所以冇評過呢間食店~~其實同屋企人不時都會黎呢度食晚飯因為抵食，而且食物水準頗佳每次黎都一定會叫蒜泥白肉﹑窩貼同酸辣湯試過午市叫埋粵式點心，都唔錯呀呢度裝修幾靚，幾企理。不足之處係有部分員工(侍應)好似冇乜點train過唔知係咪parttime.. 反應唔夠快囉整體黎講, 都係幾好ga!!

次次去深水步食飯都係去容記小菜王, 上星期五終於去試左新野! XD一家六口叫了一個四人套餐同五個小食四人套餐$388有我最愛的松子魚~還有醬油雞, 京葱牛肉, 一碟菜, 一個薺菜帶子羹魚做得很好, 雞很嫩, 一碟沙菜不油不膩, 難得.因為侍應生說食送菜不會太大碟, 而小食又只消20塊錢一個, 我就一口氣叫了五個~黃金鍋巴- 極之好食~~~ 我想是類似蛋黃炸鍋巴的東東~雙鬆合桃- 家母愛吃合桃.. 但結果吃剩最多.. 因為很大碟呀!!!鮑汁炆豆腐無鍚小排骨- 全檯最不好吃是這個.. 醬汁惹味但肉身乾硬清燉津白荷包肉- 很清新的一道菜. 以上小食全部都是廿來塊錢. 但碟頭都不小結果我們都吃剩了不少最後還有套餐附送的生煎包跟高力豆沙埋單$613總括而言味道非常好又經濟實惠. 裝修華麗又絕對不用等位抵食~

本人一向都好鐘意食京川滬菜，而且個飯腳又有張快到期的coupon，可以半價要一個拼盤，咁梗係唔好浪費啦！雖然經常會到西九龍中心，但呢間野係第一次去，幾喜歡佢既裝修，加上有梳化位坐，印象分都加唔少。先問問個待應張coupon點用，原來有三隻size既拼盤，可以自己揀五款餸，配搭自由。而茶方面，有玫瑰普利，幾特別，味道好清新，又唔使加錢，係不錯的選擇。兩條友睇完一輪餐牌，最終選擇了瑤柱豆腐、細既拼盤(有醉雞、鴨舌、素鵝、五香牛肉和蒜泥白肉)，當然少不了鍋貼。瑤柱豆腐確有好多瑤柱，豆腐亦入味，不俗。雖然係叫細拼盤，但份量一點也不少。醉雞好正，酒味適中，鴨舌幾有口感，素鵝脆口，蒜泥白肉小小辣，幾開胃。只是五香牛肉略硬。而鍋貼就只是中等水平，下次可以不試。其實好想食佢既片皮鴨，不過兩個人實食唔晒，下次要班多幾個frd來試。

黎食過幾次, 覺得D野真係好好食. 尤其是鹹蛋炒南瓜同埋紅油抄手是必吃的!! 每次去都會叫呢兩樣野食. 而且價錢又唔貴, 最好就係星期日去都唔駛等位.不過服務就麻麻地啦, 有一次去到我明明睇緊MENU, 個阿姐SET位果陣竟然拉開佐我睇緊既MENU就佢自己SET位. 果刻真係火都黎, 邊有人會咁白痴架?? 佢條友仲要唔係拉開少少, 係將個MENU拉到另一邊, 佢個腦都唔知諗咩架!!

晚飯就食過幾次,都OK的.下午茶就第一次.1.四川酸辣粉$24~~推介.賣相好似擔擔麵咁,但味道不似,碗麵只係得2%辣,不酸.而麵係灰色的,粗過賴粉,滑嘟嘟的.2.客家甜菜飽$15~~一籠三個,餡原來係南乳蚊扣肉的STYLE.3.滬式三皮飽$16~~一籠三個,餡係蛋絲,粉皮絲及蝦米.4.蔥油餅$16~~一碟二件,無特別.5.吉星狀元餃$23~~一碗六隻,個皮的色似綠茶的色,但個味不是綠茶味.個餡似雲吞餡.6.四喜蒸餃$20~~一籠三隻,餃面係粟米,青豆,東菇,紅蘿蔔.7.花素蒸餃$20~~一籠三隻.8.孜然羊肉$26~~一碟六串,好香.

2月28日5個人order左以下食物小食炸大腸--好肥,唔得小食唔知咩菜百頁卷--好食小籠包--最遲上台既一樣食物,以為會唔錯但只可說免強可以海鮮雜菜鍋--呢款係店員推介,佢\話煮得好好味好多人食,結果佢\真係無騙我地,的料幾新鮮,菜又多喎,湯底清清地.鎮江骨--好好味,肉炆得夠淋,肥瘦各半既組合雖然對女仕來講係一項挑戰,但唔係經常食無問題啦.蘿蔔絲酥餅--上台時己經唔熱所以扣了分,否則應該幾好.甜酸魚塊--正,炸粉好薄,魚肉唔梅,甜酸味適中.甜品高力豆沙--一客有6大個,稍覺不夠鬆軟,但新鮮炸起而豆沙不太多太甜,是合格的.要扣分既係環境及用具不太清潔.

琴日同男友係度開飯, 叫左1.醉雞$42雞好滑, 如酒呆濃d 更好2.小籠飽$19皮好薄, 好多汁,好味,不過跟來既醋唔知何解好咸3.鍋貼$20個餃好大隻,個底煎得好脆4.上海炒粗$42一般啦, 唔係好夠熱5.棗泥鍋餅$16皮好厚, 如同麥當勞萍果批咁厚6.酒釀小丸子$12冇酒味服務一般, 有漏單, 同落錯情況出現

一行8人去飲茶，叫咗好多嘢食。有粵式同上海點心。干煸涼瓜(推介)---做法跟干煸四季豆一樣。涼瓜炒得夠乾身，加上肉末，很惹味，鍾意涼瓜ge朋友仔一定要試試！擔擔面---面質唔夠奧海城ge 金滿庭好，唔夠彈牙；但湯底都ok，辣度適宜。小籠包---皮薄唔易穿，肉汁一爆而出，好味！黃金大餅---煎得夠香口，大餅上佈滿芝麻，為一飽肚之選。其他粵式點心都唔錯。蝦餃新鮮，蝦肉ok多，但頗細粒。馬拉糕都算不過不失。8人都只係$452, 抵爆！

如以食去評價：好好!如以服務評價：差差差!!服務員除了帶位快，其他包括上菜、沖水、…甚至你叫服務員幫你入單都超慢，慢都算了，因為速度見仁見智，但入錯單同漏單真的不能原諒！仲要你問服務員他們(是每一個)都愛理不理。差差差!!

看到食多食評及雜誌推介後, 終於有機會來一個很晚的晚餐9:45pm, 但西九龍中心是10:00pm散場.價錢合理, 可以說以如此裝修來是屬平, 味道ok一般, 服務員都很落力殷勤.

今朝haircut後,10:45am同男友行過黎飲個遲來既早茶;環境比一般酒樓好坐.茶錢每位$8,11點前入單全部點心$10.我地叫左鹵肉包,叉燒酥,叉燒腸$15(明明話全部點心$10,有d取巧!),野菌扎,馬拉糕,莧菜餃(呢款個waitress入漏單,我地話要加返果陣佢話已經過左11點,要計返正價!點講都講吾通啦!系你地出錯,但系要我地承擔;之後個waitress話電腦吾會漏單喎!最後當然無要到啦)鹵肉包---蒸過火,包身偏濕,鹵肉餡都可以.叉燒酥---吾夠鬆化.叉燒腸---一般!腸粉可以再做得薄d,滑d,叉燒粒頗多.野菌扎---有冬菇,秀珍菇,雞肶菇;似菇偏硬身,似未熟果隻!馬拉糕---差劣!呈暗黃色,一d都吾fluffy,好似擺左系度3日咁!反而佢d茶吾錯!我地叫左桂花鐵觀音,清淡茶香帶回甘.埋單$78,一次就夠!

此店由食物, 茶葉, 價錢, 裝修, 餐具, 員工制服等, 都同奧海排隊排到出街的金滿庭如出一徹. 問過店員兩間鋪有冇關係, 但又話無. 可能幕後係同一班搞手, 之後賣左俾唔同老闆吧. anyway, 講番食物, 此店最出色係各式北方冷盤小食, 價格便宜, $18-28不等. 其他小菜就貴ｄ, 亦無謂試啦, 北方菜, 重點就在小食. 昨晚叫左: 擔擔麵肴肉雲腿扒津白小籠包小鍋麻辣湯($20鍋, 大家樂火鍋size)蒜泥白肉雞絲粉皮埋單兩位$200, 飽到撐. 如果想試金滿庭但又怕多人, 呢間會係一個好選擇.

昨天同十多個同學聚會, 來了這裡. 食店環境不錯, 我們12個人坐一張大枱, 完全不覺得逼. 可惜伙計服務一般, 給人慢三拍不願做的感覺. 食物方面, 由於叫了太多, 我沒法一一記下來. 只是, 整體來說, 食物份量是不錯的~~眾多菜式中, 印象比較深的有以下幾個:1) 小籠包: 算是不錯, 熱騰騰的, 皮不厚, 肉多汁~2) 手撕雞: 沒有期望中好, 好像有點雪味3) 芫茜黃魚羹: 黃魚鮮甜, 好味~4) 東坡肉: 最好味的一個菜, 肥瘦適中, 入口即有化開的感覺, 回味回味其他的食物也算是ok啦~~~埋單~1200, 一人100蚊, 吃得滿足, 坐得舒適, 值回票價