聚德軒 (已結業)

Order咗個$2288套餐（十二位）： 江南一品拼盆 （炸魯豆腐粒，鴨胸，牛展，柞菜，酸青瓜） - 炸魯豆腐粒個皮好脆唔油，鴨胸好淋，其他我冇食，屋企人話柞菜好好食唔會太咸 彩虹翡翠貴妃蚌　－　係脆肉瓜炒貴妃蚌，好好食 蟹肉扒鴛鴦蔬　－　蟹肉扒西蘭花蘑菇 鳳山市山珍千絲券　－　炸素券，好好食，裡面係荀絲，木耳，蘑菇 紅燒竹笙繒生翅　－　多竹笙，有翅群但唔多翅，好味 鮑汁海螺片扣玉掌　－　螺片好淋，屋企人話啲鵝掌好大隻好好食 清蒸雙喜石斑　－　我冇食，但見屋企人食到唔停口，阿爸話條魚好滑當紅脆皮燒雞　－　雞好滑皮脆，個人鍾意食咸野，覺得唔需要點豉油都已經好夠味，如果唔鍾意食咸野嘅人可能會覺得咸 鮮蔬燜伊麵　－　伊麵好食過好多間酒樓，唔會淋到一pat pat 叉燒蝦粒炒飯　－　夠擭氣好香，足料，夠乾身 糖水：核桃露　－　好香核桃味，略甜，有啲漿到一舊舊 壽包　－　個餡除咗蓮蓉之外仲有蛋黃喺入面，驚喜！ 生果：西瓜拼哈密瓜 我哋total 13 人用這個餐，並沒有加菜，全部都係大人都ok大食，個個都食到好飽食物質素平均，不過唔夠Waiter，上菜好慢足足食咗兩個鐘

發覺這間酒樓很久沒有新食評了! 朋友上網發現這款新菜單, 我便相約一齊試菜!! 見菜式很吸引, 好似去飲咁有乳豬有翅又有蒸斑仔! 半席只需$666!!!首先環境尚算ok! 坐得舒服唔迫夾, 估唔到尖東平日夜晚這裏也有捧場客!! 大多數都食這款套餐!! 水準應該唔差!! 最主要點評o下最好味果幾味啦!!1. 乳豬: 皮夠脆, 肉也可以! 雖然半隻, 但份量亦十足!! 添食幾次也有剩!!! 抵食!!!!!2. 雞煲翅: 估唔到落足料!! 群翅一塊塊, 湯底奶黃色, 奉上半隻雞o既湯渣!! 還有得添飲!! 唔講以為係出面街外賣緊四五百蚊煲o既質素呀!3. 大蝦沙律: 半片切開大蝦, 每碟也分到兩三塊, 沙律份量算ok! 有小小鮮果加罐頭什果!! ok!4. 蒸斑仔: 火喉算唔錯! 不過太早就上魚(開餐第三味已吃魚!!) 次序亂晒!!5. 伊麵: 好有味, 雖然普通, 但嗒落又幾好味喎! 不過食到最尾已飽飽!! 要留肚食壽包!!6. 中型壽包: 熱辣辣, 內裏有豐富o既蓮蓉餡, 雖然無咸旦王!! 但已超滿足啦!全晚唯一不滿意就係上菜太快!! 一次過上兩三道菜!! 冷氣又勁喎! d餸好快就凍晒!

與老表們除了喜慶,閒時甚少見面,有的就是一年一次的團拜;人愈大愈忙,有機會和整班老表聚集很難得,這晚來到老地方尖東聚德軒,二十人開個大房,早有早到,遲有遲到的攜眷出席。超大的二十人桌為我們設,服務好,我們邊吃邊暢談,霎眼便過了四個多小時。*炸子雞~鮮嫩彈牙,皮脆肉香,甚得我的歡心*瑤柱豆苗菜心相併~另一推介菜式,獻汁不濃,滿鋪瑤柱的豆苗放中央,茶心圍碟邊,全晚健康清淡之選*唔記得咩名的炸咕嚕肉和牛肉粒~一長方碟兩味茶,除了賣相靚之外,牛肉粒大塊厚實入口酥軟,不韌,超讚,*生炒糯米飯~油分適中,不太黏口,既軟又爽,臘肉、臘味、蝦米一起炒勻,有水準*髮菜~林的,有點假!

日期：2008年6月19日每位$298既套餐，叫左兩套，好滿足．有雞絲翅，鴨掌鮑魚，大蝦，花膠螺片，糯米飯，上湯浸生菜，杏汁燉燕，生果盤．

一餐"無期望就無失望" 0既飯局... 例牌唔想去食, 例牌叫套餐, 例牌食完無感覺.- 乳豬拼盤: 只食了海蜇同熏蹄, 無乜特別0野想講.- 巨型炸蝦丸: 呢個幾好食, 熱辣辣, 脆口, 唔係咁油, 而且蝦膠好彈牙... 酸甜汁甜多過酸, 味道還可以, 我覺得就咁食會好食過蘸汁.- 瑤柱生菜發菜: 瑤柱同生菜味道一般, 發菜就淡出個鳥來, 要同蒜子一齊食先有味; 好在芡汁唔太杰.- 翅湯: 唔會太杰, 唔會太鹹, 味道還好, 不過我0個碗完全無翅, 阿媽0個碗就好多.- 燒雞: 呢個幾好食, 皮脆肉嫩, 熱辣辣, 仲有少少南乳味, 唔錯.- 蒸魚(唔記得係乜斑): 勁0鞋, 最唔討好的一道菜!- 螺片花膠菜膽: 螺片無味, 好似食擦膠; 花膠比較爽口, 不過我食了一舊係有燒(火農)膠0既味道, 諗起都想嘔.- 伊麵: 呢個ok, 起碼唔會太腍, 不過唔落韮黃落芽菜, 食落味道點都差d.- 糯米飯: 呢個比伊麵好食, 好香, 糯米幾黏, 如果係用荷葉包住蒸, 一定仲好食!環境ok, 起碼唔會坐得太迫; service 其實整體唔算好差, 不過要講講有位戴黑色粗框眼鏡0既男waiter

上次在德興吃飯路過聚德軒，見餐廳環境很不錯，同行試過的朋友又讚食物好食，於是訂位與龍的家人來一次聚餐，慶祝細佬生日。　這裡不但環境好，人也較少；而且沒有了九時特價火鍋時段的壓力，侍應不會急著上菜與埋單，整餐吃得舒服得多!　當然，最重要的都是食物好吃：　開運金豬全體- 乳豬皮脆好吃，拍得住黃金海岸酒店出品，不過較多骨；伴碟海哲就未夠爽。碧綠珊瑚帶子-帶子新鮮頗大粒，不過我還是最喜歡爽口的珊瑚蚌，食上癮了!百花炸釀蟹拑-不過不失，在眾多菜式中顯得普通。金錢多子柱脯-這邊火候控制好很多，食物稔度適中，其中冬菇最好吃。鵬程大展翅-湯量較少但翅量較多，吃得幾滿足!百靈菰扣玉掌-今次有吃鵝掌，膠質味濃郁，相當好味!清蒸大海斑-味鮮肉嫩很美味，另一味拍得住酒店水準的菜式!當紅脆皮雞-外表鬆脆而雞肉保持嫩滑多汁，非常好吃，只恨當時已太飽..蝦籽伊麵-不油不膩還有陣陣棉香，雖飽也吃了半碗多~瑤柱鮮蝦菜粒炒飯-大家都吃不下了，整碟飯打包..鴻運年年-今次是桂花馬蹄爽糖水，清清的幾適合當時腸胃~壽包-是次有12隻迷你壽包，造型精緻可愛，味道又香甜鬆軟，得盡大家歡心!鮮果拼盤-是次西瓜勁甜~~~　　　要讚服務

farewell的一餐飯係呢度食lunch, 一入到去, 只得一個細area之外, 一個長走廊全部都係房, 無人帶位都唔知點去.....11個人叫左18個點心一個例湯加一個炒麵, 例湯係木瓜湯, 木瓜好多但係唔夠味唔夠火喉, 鮑汁什菌炒伊麵多油左少少, 但係個麵質唔錯, 唔太腍, good...點心好多都做得唔錯, 有驚喜, 如蝦餃,真係皮薄蝦又大又新鮮, 好味喎, 义燒包就一般, 料比較少, 有個擔擔紅油抄手, 即加左肉碎的抄手,做法簡單但味道特別, 有一陣陣麻辣味道~龍蘇蘿蔔絲酥餅就麻麻, 賣相混亂而且味道普通同埋料又少, no good.燒賣都係一般水準, 但係無咩肥膏, 感覺健康一點service一般, 由於地方太大, 人手好以不太夠......

中午食完開年飯，晚上又飲親戚的滿月酒，兩餐食o既野都差唔多。雖然與一般飲宴差不多，有乳豬全體、鮑參翅肚，但論味道質素，還比不上中午公司搞每人Budget$150的開年飯。魚翅好唔掂，只有好少的翅碎，其他材料如：雞絲、荀等亦不多，又糊口，街邊的碗仔翅仲好食過佢。髮菜瑤柱蠔豉-以上的材料雖多，但芡汁亦一樣多。鮑片冬菇-冬菇極大隻，算爽口，但沒有冬菇香味，又是極多芡汁，湯浸似的。全晚最有水準係紅豆沙糖水，有沙又有渣。

I went to this restaurant for dinner. The prices of the dishes were expensive. However, the service was really good. The waiter cared even cared about our handbags being stolen. He told us to be careful. The lady\'s room was clean. For those prices, if they could give larger servings, that would even be better.