聆渢咖啡廳

營業中

休息中

第一次黎食自助午餐. 大約12:00中午到達,當時全場只得5成客人,雖則食物唔係太吸引,但個場唔太多人食自助餐係好好多.不過到左12:30就黎左80~90人係一日旅行團. 個場即時變左街市咁,我唔知佢地來自邊一區.講得難聽d好似蝗蟲......頭個15分鐘真係唔想出去攞食物.人山人海-魚生都要排十几人.最慘人手唔夠,食物比人攞到周枱都係很久先有人清理. 整體冇一樣野可以讚賞. 批評如下:-1.) 大熱天時有個counter整"生滾" - 真係有冇攪錯!2.) "牛排"鞋到食唔到落口.3.) "中式點心" - 冇蝦餃,燒賣,牛肉,叉燒飽,珍珠雞.....4.) "魚生" - 食落有雪.5.) "泰式粉" - 冇理味道.冇辣招供應.5星酒店自動降呢-成為3星酒店. 午市自助餐HKD188.00+10%. 咁既價錢就算有discount都好難返黎食.

因為朋友生日的關係, 去左啲度食自助餐, 如果係我負責攪, 一定唔會book 啲度, 因為之前都食過, 覺得十分唔抵, 又冇嘢食今次一行12人, 聽講朋友一早已book, 但都坐樓上, 仲要分開3張梳化枱, 完全唔似一班人.拎嘢食又要行上行落, 非常唔方便. 地板又滑. 如果有老人家, 行樓梯上落,一定危險 星期六晚餐成人每位$388, 用任何類型信用咭都有七折, 聽落都好似好抵食喎埋單: $3724.8返到屋企, 覺得有啲唔妥, 自己用左幾個方法再計,都好似計多左錢, 連朋友都覺得係.大家睇下我的計法有冇錯.. ($388一位, 12人, 加一, 七折)一) 人頭($388x12=4656), 加一($4656+$465.6=5121.6), 七折($5121.6 x0.7 = $3585.12二) 人頭+加一($388+38.8=426.8), ($426.8x 12=5121.6), 七折($5121.6 x0.7 = $3585.12於是第二天打去問, 原來佢地的計法係: 人頭+七折($388x0.7= 271.6), 加一($271.6+38.8= 310.4), 人頭($3

熱食款式唔多 味道普普通通 荼樓好食過佢!甜品款式好多 個樣睇落就幾靚 但冇樣好食!!! 基本上所有mousse cake都冇味囉!!!綠茶mousse cake怪味 有chocolate fountain就真係喜出望外 不過綿花糖同朱古力都好難唔好食囉 牛扒同三文魚最好味 其餘真係冇咩好食咖啡唔錯 果汁都OK

很喜歡他們的大棷青還有露天的燒烤黃金海岸裡面最值得吃的還是它們露天的燒烤跟雲吞的湯何解說雲吞的湯而不是雲吞,因為我這次去了吃,雲吞裡面太多胡椒粉了,根本吃不出蝦味,燒烤因是即場燒所以風味不錯,有曼魚,雞腿,羊扒等,只是今次去沒有燒大蝦,sad其他熱菜款式也多,如何每樣也吃一點點一定很快就吃飽肚,甜點類款式也比較多,有人即場弄熱窩夫,有點失望的是它們提供的雪糕是雀巢細細杯的那種仲要只有兩種味:紅豆跟芒果.冇朱古力味冇別種的味道熱食中有種蜜糖雞翼,幾好食,喜歡雞翼的朋友值得試試

呀媽生日揀去邊間hotel食都揀左好耐= =''最終揀左最近最好食既黃金真係好多款有d都未食到首先每人都有支籤拎椰青汁~好甜好冰凍唔夠喉^^個個人成晚不停開椰青round 1食冷盤先長通粉salad唔錯~水準有keep到辣辣地幾好食青口鮮甜size oksmoked salmon 正常冇乜難咬既筋Pumpkin salad好好味^^可能本身中意食~舊舊都好棉,撈左d olive oil同香草幾特別帶子,有d疑似辣醬既野係面,好咸隻帶子本身都好咸辣豆腐:有d辣油撈d小粒豆腐~唔食冇所謂chedder cheese~ok la我覺得係個餅麻麻癡左呀ma既salmon~好肥美^^魷魚都唔錯基本既紅腰豆粟米salad正常~有好多dressing揀~舀左d多士粒~好香口round2食熱了燒雞全翼:好嫩,d'較'位有預先剪斷之類,唔會好難咬~味道濃tempura芋頭同紅椒:芋頭幾粉,紅椒一般個汁唔同平時個d冇味的蜜香雞翼:有拔絲~size有d小味道ok~肉質一般豬肋骨仔:酸酸甜甜既汁幾開胃~肉嫩生果芝麻球:即係煎堆入面有粒生果球= =不吃也吧因為唔特別lorround3還是熱炸軟殼蟹~有肉汁~但炸

差不多成日去呢度食buffet，貪佢環境有渡假feel同可以坐耐d，唔使急住走。最鐘意可以出去拎d燒烤野食，超香。送的椰青好大個~超正，仲好凍，夏天飲真係透心涼。三文魚及刺身種類唔多，不過不失。炭燒大白鱔：超超超有水準，食左幾次‧真係好好味！燒烤牛排同羊架都好有味，牛排夠薄容易咬。甜品種類夠多同特別，不過cheese cake d 芝士唔夠濃，不夠硬身冷盤幾好味，特別是扇貝。環境真係好靚~~對住個泳池~~~~

家人下午先決定食buffet~問左好幾間都冇位daddy話呢度景色唔錯 估唔到下午先book都仲有位試完之後就知點解咁遲仲book到位...食物{{強差人意}}!!　可以講$200都唔值招牌菜: 大閘蟹、安格斯牛扒、乳豬、阿拉斯加蟹腳、帶子皇、鵝肝↑ 所謂招牌菜　有一半以上係冇！大閘蟹~冇阿拉斯加蟹腳~冇帶子皇~冇鵝肝~冇同職員查詢..點解招牌菜咁多樣都冇職員回覆：唔清楚，你地自己行下搵下除左招牌菜係假 自助餐情報寫既價錢都係假星期五、六、日及公眾假期: 成人 $348 <<實際係$388職員回覆：你係openrice睇?openrice唔係我地網頁 寫D資料唔update 你應該去返我地網頁睇你明知openrice寫錯左點解唔更正返!?食物選擇少..冇咩邊樣特別好食冇生蠔~~只有翡翠螺,青口 <<淡而無味刺身有4款(三文魚,吞拿魚,八爪魚,立魚) <<唔新鮮 出哂水三文魚連白色紋都睇唔到 你話有幾"新鮮"-.-?!甜品 <<差劣..　大件+難食雪糕(牛奶公司細杯裝)飲品 <

我經常聽人講話黃金海岸酒店d自助餐好正，但實在太遠，都唔知搭0麥車去？直至6月頭居然比我0係vwinwin.com度贏左個免費自助餐！(其實我亂咁答，都唔知點解會贏？)呢個網站係我老友介紹比我，但佢一次都未贏過，今次比我贏左，激到佢半死！既然免費，梗係幾遠都去，我由柴灣搭地鐵去荃灣再轉小巴，去到屯門足足花左我成粒幾鐘…但當我一坐低，望住個花園靚景，就覺得幾遠都絕對值得去其實室內既食物同其他自助餐無0麥分別，但佢地勝在有個戶外花園，可以用炭火燒烤，即燒即食寧舍惹味，係其他自助餐絕對無得比總之成件事都好正，好似去左外地度假咁，relax到暈

今日係本宮媽媽生日，因為爸媽年紀大，佢o地唔係好鐘意食生冷o野，但係又好鐘意食buffet，所以諗o左好耐，都係去食Cafe Lagoon~其實本宮對肉類冇咩興趣，所以食得唔係好多，只係食o左羊扒，o黎o左咁多次，今次羊扒係最入味o既，反而今次d琵琶鴨好un，唔太好食，而雞翼仍然係冇味。魚生唔多，不過三文魚就好好食，所以食o左三碟。甜品只有blueberry cheese cake係最好食，而生果係冇味又好難食~不過只有爸媽覺得好食，要本宮再去，本宮係冇意見o既~媽媽生日快樂! http://hk.myblog.yahoo.com/ultrabearhk/article?mid=633

星期日與內子往屯門黃金海岸酒店聆渢咖啡廳吃自助午餐,我們乘小巴前往, 落車後步行十分鐘才到.電話訂位時, 室內座位已滿, 只剩座外位置.環境和佈置都不錯.以這個收費, 食物選擇比想像中多 刺身厚切, 三文魚肥美.堂煎牛排很受歡迎, 但味道一般.甜品方面, 水準普通.

因為阿女話好想係生日食自助餐，於是就揀咗近近地嘅黃金海岸，點知好難book位，仲要過咗成10日才有位 (因為要坐室內)。咁多人book，心想一定不差了。看見琳瑯滿目的食物，表面很吸引，實際是一頓極其普通....普通的晚餐。三文魚最欣賞羊扒也很好味其他的一盤盤熱熟食，賣相仲哀過我自己係屋企煮，完全沒有試碳燒牛扒，燒焦味道十足，沒有牛扒味沒有生蠔，只得d細細隻帶子同青口甜品大件得黎又唔好食，美心個d都好食個佢雪糕只是普通的牛奶公司不過服務就一流，很有禮貌及收碟快。第一次到一間提唔起食慾嘅酒店食buffet，真係慘..

聽朋友介紹都幾好食，所以昨天我同朋友一行８人打算來吃一餐豐富的自助餐，雖然咁山長水遠都來試下啦！點知一去到就冇長腳蟹啦，又冇生蠔等等．．．海鮮完全欠奉！！！得ｄ燒牛肉好味ｄｄ～個翅簡直係唔得，仲加埋ｄ芽菜，仲要係ｄ素翅，話晒都係酒店食，ｃｈｅａｐ成咁！仲要每人限拎一碗～燕窩雙皮奶得個少少燕窩，又唔熱點食～又係每人限拎一碗～另外ｄ甜品完全唔得，仲衰過係美心食的甜品！！！唔通用信用卡有折，ｄ野食就可以整到咁差架啦咩～以後唔洗錢我都唔會再來食，千萬不要介紹朋友來食！！！！！

睇開飯E間聆渢咖啡廳的自助餐食評都幾高,所以走入去食吓!滿心歡喜入去食,點知真係好差好差,其實好食的話幾遠都值得去,但係估唔到會係咁!入到去都7:20pm初初緊係食海鮮先la,點知會係咁1)凍帶子連殼,好"鞋".2)凍青口(細隻)帶苦.3)魚無鮮味,似急凍.4)煲仔翅~翅好硬,無味道!(大家樂素翅都好味過佢)5)官燕雙皮奶~官燕少少,雙皮奶好實.6)甜品無樣好食,最基本朱古力蛋糕都好難食!7)凍奶茶~冇茶味,我只落1(細)瓶,已經係奶水咁.(朋友話:你飲緊咩嚟ar?)8)燒雞翼冇味,真係原汁原味!有位男服務員態度差,廁所又污穢,食物款式不多,海鮮連凍蟹,生蠔都冇,都估唔到係酒店的餐廳都咁差!佢哋真係要好好檢討一下,唔好當我哋唔係人,唔識食嘢!有好多嘢食我都冇食,入到嚟唔係淨係食出面酒樓可以食到的炒粉麵,小菜咩!以後我都唔會再來食,亦不會介紹朋友入嚟食!

去個到食個好多次自助餐，係我食過咁多次自助餐之中，係我鐘意的一間之一，佢D 冷盤、熱盤同甜品又多又幾好食，佢D 羊排好正，我係幾年近第一次去呢到吃到羊排，就開始愛上羊排，不知道點解就算佢D 雪榚係牛奶公司，都覺得好味D。

好耐之前(都有十幾年喇)食過黃金海岸嘅自助餐,覺得好多野食同幾好味,呢次同女朋友慶祝生日再食,一d都無失望長蟹腳極鮮甜,我同女友都食咗好多燒羊架配上薄荷汁好好食,不過我地唔想食太多肉,所以只係一人要咗一件燒乳豬d皮真係好脆,不過就都幾肥,我地將d肥肉切走,入口又香又脆魚生好新鮮,好正燒大鱔一d都唔腥,肉質仲好彈牙,只係d汁咸咗少少雙皮奶每人只限一個,入座時會有纖仔你出去BBQ區攞,初頭唔明雙皮奶點解只可以一人一個,原來雙皮奶上面,佢地會效一湯匙燕窩上去,雙皮奶又滑又夠奶味,甜度又剛剛好,正!煲仔翅,呢個都係一人一份,不過呢個反而無咩驚喜,味道仲好淡!!!甜品唔太甜,味道不過不失,不過種類好多,睇見都好開心其實仲有好多好多野食,不過太多喇,一來寫唔晒,二來我同女朋友真係有成一半嘅野無食過(多野到呢.......)仲有,呢道嘅服務員同BBQ區嘅廚師好熱情同好好態度,值得一讚兩個人$500真係抵食