老點點心竹筒飯 (已結業)

一直想去呢間特式點心鋪，刻意早些到達，黃昏六點三，僅僅有兩個位，可以坐低，填交點心紙，叫咗五樣嘢：威風班蘭馬拉糕個名好有霸氣，螢光綠色亦好搶眼，質感鬆軟，比一般原味馬拉糕，多了一些班蘭味。新鮮肉排竹筒飯細細盅，好的骰，肉排鮮嫩，飯香，夠熱。瑤柱蒸蘿蔔糕蘿蔔糕軟韌適中，瑤柱絲及臘腸粒等餡料豐富。七味虎皮尖椒食唔出有七種味道，只有鹹及微辣，青椒爽口，但太油膩！蒜茸香草蝦春卷皮薄，香脆，鮮蝦味濃，口感不錯。

閒日下午七點黎老點食野, 好好彩店入面人唔係好多, 仲有位最後一個兩人位。一坐底即刻斟茶, 可惜冇得揀飲乜茶, 只有比茶餐廳茶水好飲少少既「茶」, 有D失望!叫左以下五個點心:滑雞竹筒飯雖然竹筒飯係紅白米飯混合, 比較健康, 但係最大既問題係唔夠熱, 食落D飯同肉硬哂, 唔合格!!斑蘭馬拉糕馬拉糕鬆軟有椰香同斑蘭味, 比起美X果D斑蘭蛋糕好食!!日式燒汁雞粒咸水角傳統咸水角入面係豬肉蝦米, 而呢個就包左燒汁雞粒入面, 感覺幾新鮮, 咸水角新鮮炸起, 好食!鮮上肉炸響鈴腸十分推薦!!自家炸響鈴好香脆, 比平時打邊爐果隻更脆口! 搭配爽口豬肉同腸粉, 新奇爽脆既口感, 值得叫黎食!!白汁芝士蘑菇雞批相對上面既點心比較失色, 白汁好重奶粉味而冇乜芝士味, 批底唔夠脆, 入面冇乜雞肉, 食味一般

我未試過坐左係間餐廳，坐左四十五分鐘，淨係出單都錯左兩三次，催左四五次，一個簡簡單單既雞竹筒飯仲未黎。最搞笑既係隔離枱大陸客仲遲過我黎，但可以快過我食，佢地食完，我既雞竹筒飯仲未黎。唔該，出面完全冇人排隊，而你間餐廳又唔係話坐無虛席，點解可以一個咁簡單既飯都送唔到黎，啲職員一時同我講要等廿幾分鐘，一時又話五分鐘搞掂，結果呢？冇人理過我。最後，我俾左汽水錢就走左，而我走既時候，佢啲飯都仲未黎。大佬，我淨係想食餐簡簡單單既飯姐，點解都咁難？勸大家千祈唔好去呢間餐廳，我都唔會再去

「老點」主打是創意點心。今晚和妹妹係~旺角行街，本身不算太肚餓，唸住食少少野。經開見到＂老點＂店舖以紅黑為主，剛好不用等位直接入座。Nice! 地方不算大，坐位之間有些逼狹，幸好我們坐的位置幾好，旁邊為走廊，不覺太逼。「呂宋香芒小布甸」$9，細細個！賣相非常可愛！女士們至愛！又好味！有果肉！「回歸石榴小布甸」$9，好香石榴味！上面重有cream架！好少食到石榴味的布甸，推介！基本上兩款都好好味！叫咗食唔曬，打包的「斑蘭馬拉糕」$20！必食推介！清香斑蘭味道！不太甜！口感鬆軟！柔軟綿滑！「鮮上肉響鈴腸」$26（豉油加上）腸粉皮夠滑夠簿！包住響鈴、豬肉和蝦肉。味道都唔錯！豬肉較多，感覺比較飽！如果蝦肉嘅比例再多D會更好味！（感覺有D似以前食過嘅~春風得意腸）「向西嫩雞竹筒飯」$24，「向西」名字和香茜相似，雞好嫩滑！飯底係白米混合紅米嘅飯，比較有口感！不錯！「冬筍普通鮮蝦餃」$18，用方形木盒裝住，感覺精緻。蝦餃皮都算薄，饀料內的蝦都夠多，蝦肉爽口！唔錯！「XO醬鳳爪$20」，炆得好淋！夠入味！個汁也唔錯！總括而言：價錢不算昂貴，點心質素唔錯！多款特別點心未試過，為了斑蘭馬拉糕+可愛布甸！

平時一早到酒樓飲早茶，飲飲茶，吃點心，今晚好特別，到晚上八點同幾個FD去到呢間點心舖，感覺挺新鮮既呢。全部的點心都非常精緻小巧，而且款款都好味到不得了！佢地做得比傳統風味之餘，還有新搞作，我地食左有班蘭馬拉糕、脆皮麥心小煎堆、咸香黑魚子燒賣、新鮮肉排竹筒飯、紅棗糕、和風魚子海蝦較、黃金鮮蝦春卷、肉響鈴腸、咖哩芝士咸水角……聽個名都知道好有花款，吃落去驚喜萬分：先有清香班蘭味的馬拉糕，好軟熟；之後好有日本風味的和風魚子海蝦餃，魚子的吊味好夠出，令到平平無奇的蝦餃都變得獨特；咖喱配芝士，好夾，再以咸水角的做法，真係零捨不同；肉排竹筒飲的肉夠嫰滑，肉排充滿竹筒的香：肉響鈴腸，口感很特別的脆……吃左咁多野，埋單都係每人七十幾蚊，抵到難！只係今次還未感到夠侯，一定會有種衝動再來食，務求要試勻所有特色小點。

早看到有很多好評，想試！終於趁今日去吃！約2時到達（尋晚睇完波，所以很晏才起身食lunch! 哈哈）去到門口已經有人在等位 ，要人齊才可進入，幸好不是等太久就可入座！點心款式算多，也很吸引！上菜速度很好，一碟一碟來，不會一次過上哂，可以慢慢吃！一般，沒什麼特別，蝦爽脆一般，嚮鈴不脆，變成腐皮，不過也好吃每日不同款燉湯，很足料！不過我不懂分辨有沒有味精，很滋補！我喜歡中間是炸蝦餅！超正！幾特別，不是太重酒味！好味！喜歡榴蓮要吃！很滑，仲有榴蓮肉！焦糖燉蛋也十分推介！2個人吃了不少東西！剛剛好不會過飽！會再來！

之前一直都好想去試下斑蘭馬拉榚，今日終於有人陪我去吃啦!!!!間鋪頭四四方方，位置都幾逼。不過我地去時都是得3台客人，所以都坐得好舒服。但出面31度既炎熱天氣，入到去冷氣都唔夠凍，依然有點熱啦。。兩個人只是叫左5樣也，但全部都好新鮮又好味，真是無‘老點’人啦(^_-)。。

之前食過好幾間新點心舖～今次見就水e間d野幾特別就黎試下～8點令9點唔洗等位～環境幾好～野食種類都ok~綠色一串嗰款係雞肉丸子，同咸水角相似～但用咗雞肉～細細粒好可愛～點心店有得叫小漢堡～感覺新鮮～味道ok芝心蝦丸好好食～夠大粒同彈牙～芝士會流心～灌湯餃好大隻，如果多d湯會比較好響鈴蝦腸～咬落有d卜卜脆～腸粉夠滑～布甸仔～好迷你～8蚊1個～榴槤味幾香濃～價錢可以接受～兩個人食到非常飽～

對這間店鋪的印象向來都不錯. 但真系份量比較小, 通常吃完預round 2就差不多啦!向來喜歡吃燒賣 , 不過呢個燒賣賣個特色 , 味道不過不失~老實講,一般酒樓的燒賣好味d...但我都幾喜歡竹筒飯~雖然份量真系少d 同埋選擇都比較少~><不過要讚1讚個餐具安排,感覺良好！試埋個叉燒腸～層皮好滑＊太餓了，吃了一半才記得要影相其實就算唔點鼓油都唔ｄｒｙ，呢樣做得唔錯～西式漢堡竟然在點心有得食！？不過得．．．１啖．．．因為它叫「一口漢堡」啊！＞＜感覺好得意，細細口反而令口感豐富左＊點了４樣細份量的點心，其實對女仔來講剛剛好～晤會有咩罪惡感～所以建議男人吃的話，可能要來多２轉～喜歡有熱茶配著！價錢較低～都吸納到不少食客，然而位置很逼夾，如果想舒服坐下聊聊天未必滿足到！

良久都冇同好友飲茶，喜歡嘗試新食物既我地，當然不會選上一般既茶樓，而今次我地就經另一位朋友介紹去左位於旺角染布房街一間不顯既小地方名為 -- > 老點!當初等一次聽到呢個店名既時候，都以為朋友同自己講笑，直至當日自己親自品嚐過後，先肯定自己完全冇比朋友老點．．．　當日我地兩個人，一共叫左5個點心，茶錢加埋點心，埋單都只需要$118，抵食非常，愛嘗試新食物既朋友，可以不妨一試！鮮上醬爆響鈴腸　（腸粉質地滑而濕潤，又冇影響蝦膠響鈴既鬆脆，值得一試！）XO爆鳳爪　（跟一般酒樓鳳爪冇太大分別，反而原隻鳳爪被一開二，雖然肉質比較入味，但又缺乏左可以將原隻放入口細饞既風味）七味虎皮尖椒　（七味粉太多搶走左蝦膠既香味，而且因為油炸，所以有ｄ油膩）芝心脆炸蝦丸　（外觀似煎埋，入口鬆脆，可惜採用既芝士跟蝦膠味道有ｄ唔夾，必須熱食）戚風斑蘭馬拉糕　（馬拉糕充滿清香既斑蘭味，但似乎用了太多顏料，賣相有點刺眼） 

鐘意飲茶吃點心，但吃得多傳統式點心會覺得有點悶，今次試下D新色點心呀!鮮上肉響鈴: 響鈴一般打邊爐先會食到，估唔到可以放入腸粉，又特別又好食。芝心脆炸蝦球: 炸蝦球好香脆，入面芝心都好濃。鮮蝦肉餅竹筒飯: 蝦肉餅有鮮味再加竹筒香味，好味。脆皮麥心小煎堆: 入面似是麥芽糖，味道就一般。紫米珍珠雞: 用紫米黎做又香又甜，good!斑蘭馬拉糕: 好香好特別，個個都like! 

一般點心就食得多，聽朋友講旺角有間特別啲既點心，於是就黎老點試試。結果...有少少比人老點左既感覺。感覺老點賣既係高級版點心，同一般既點心有啲唔同。但係某啲菜式食落的確一般，同普通點心差不多……首先係金菇牛肉腸+蝦球，整體黎講冇咩特別，牛肉腸同一般酒樓冇咩分別，但都幾足料。芝士蝦球賣相好靚，但味道一般，蝦味幾乎試唔出。斑蘭馬拉糕，其實斑蘭味真係唔多，食落就好似平時食既馬拉糕一樣，似乎白糖落得比班蘭更多。七味尖椒：正呀，面頭醸既肉再加上青椒感覺好滿足好足料，味道有Ｄ複雜但真係幾好味，食落又唔算油膩，不彷一試呀！！！ＧＯＯＤＧＯＯＤＧＯＯＤ！蒸魚肚：好滑，感覺可以一啖滑落肚咁，味道適中唔太咸亦唔淡，係其他地方真係食唔到！正！總括黎講，某啲「點心」真係唔錯，幾有特色，但某啲就普通左啲。想去食特別野既記得睇清楚邊啲比較特別，以免比佢老點！

星期五在午飯人潮前來到，實在想試試班蘭馬孻糕。當日樓面的姐姐有人魂遊又不專心，而且蠻多話的，有點令人感到煩厭。希望下次學懂少說話多做事。吾係老點小漢堡(HK$17)這款小漢堡幾乎在每一間新派的點心專門店都會出現，第一次吃下去覺得好好吃，之後便發覺不外如事。老點的小漢堡也不錯，中間的蝦餅（是蝦吧？）剛炸起亦很彈牙但味道不特出，麵包又烘得脆，沙律醬咸咸地夠多，算是合格了。班蘭馬孻糕(HK$20)除了青綠色的外表夠搶眼，其他都表現普通。班蘭味薄弱，白糖味比較出，沒有用到黃糖令糕該有的香味不同了，豬油味更不覺有。只能說熱騰騰的鬆糕才吸引我吃下。五穀豐收糕(HK$18)上下層加了小米，中間加了紅豆眉豆等的糕點～吃起來煙韌而且不太甜，還有小米的香味，幾好吃，是次最有驚喜。蝦餃(HK$17)看樣子摺得很差，沒有吃，但隊長吃後沒有說什麼，應該普通貨色。燒賣(HK$17)沒有吃，但隊長吃後沒有說什麼，應該普通貨色。芒果小布甸和番石榴小布甸(@HK$9)好難吃... 芒果味假得嘔心，番石榴味亦普通。9蚊細細一個難吃布甸，令人有點生氣。這裡的點心不比其他的酒樓好，gimmick多但沒有實力，用不著一心來排隊

睇左OPENRICE食評好似OK咁,之後就去食LUNCH TIME唔洗等位就有位,不過就要同人搭木台叫左4個點心,嚮鈴腸,竹筒飯,燒賣同芝士脆炸蝦丸點心既貌相非常好嚮鈴腸同燒賣都好好味嚮鈴腸好特別,向西雞竹筒飯上面既雞略嫌少左D,唔夠用黎送飯而飯唔係普通白飯,係有紅色1粒粒起上面,唔知咩黎,但冇乜味飯蒸到好淋,可能因為水蒸氣既關係...而芝士脆炸蝦丸味道就一般。員工服務態度OK,周不時會走黎加水.總括黎講點心好吸引,下次會再試其他

因為突然想食點心既關係，上網SEARCH既時候就發現有呢間點心店！去到好快就有位坐，見到點心紙上面都有好多野食可以點！食左以上咁多野！全部都好味既！呢間點心店係有水準既點心店！一定會再來^^