老點點心竹筒飯 (已結業)

平時一早到酒樓飲早茶，飲飲茶，吃點心，今晚好特別，到晚上八點同幾個FD去到呢間點心舖，感覺挺新鮮既呢。全部的點心都非常精緻小巧，而且款款都好味到不得了！佢地做得比傳統風味之餘，還有新搞作，我地食左有班蘭馬拉糕、脆皮麥心小煎堆、咸香黑魚子燒賣、新鮮肉排竹筒飯、紅棗糕、和風魚子海蝦較、黃金鮮蝦春卷、肉響鈴腸、咖哩芝士咸水角……聽個名都知道好有花款，吃落去驚喜萬分：先有清香班蘭味的馬拉糕，好軟熟；之後好有日本風味的和風魚子海蝦餃，魚子的吊味好夠出，令到平平無奇的蝦餃都變得獨特；咖喱配芝士，好夾，再以咸水角的做法，真係零捨不同；肉排竹筒飲的肉夠嫰滑，肉排充滿竹筒的香：肉響鈴腸，口感很特別的脆……吃左咁多野，埋單都係每人七十幾蚊，抵到難！只係今次還未感到夠侯，一定會有種衝動再來食，務求要試勻所有特色小點。