影片
以上資料只供參考, 請與餐廳確認詳情
中午🕛想搵間小店食返碗車仔麵，見到呢間裝修好有懷舊的香港風，當然要入嚟試吓～車仔麵選了幼麵，並點了百斤豬骨湯湯底，再淋上牛腩汁幼麵爽口，每條麵都掛上豬骨湯的精華，很滿足！酒糟話梅醉雞（小食）雞挺嫩滑，每一口帶有微微的酒香，仲有少量甜甜的話梅味，作開胃菜一流~自選餸自家制鮮蝦雲吞皮薄餡靚，內裡有豬肉+蝦粒，咬下去挺飽滿的~桂侯牛腩牛腩既嫩又淋，帶有濃郁的牛肉味~瑞士雞中翼雞翼絕對係車仔麵必點菜之一啦~瑞士汁非常濃郁~靚靚墨丸超級彈牙，仲食到粒粒墨魚，口感煙韌彈牙~魚肉春卷魚肉春卷外表似憬油炸鬼般，炸得乾身浸落湯底後，既有湯底的豬骨味，也有魚肉的彈牙感。鮑汁鳳爪鳳爪炆得好淋，有濃郁的鮑汁香~肥牛半肥瘦的牛肉，吸收湯底的精華，尤其match~秘制豬頸肉豬頸肉爽口彈牙，醬汁炆得好入味~凍西冷奶茶在這個炎炎夏日喝一口凍奶茶，尤其解渴~
繼續閱讀
走進上水老陳麵檔，牆上貼滿經典電影海報，營造出懷舊茶餐廳的獨特氛圍。除了招牌車仔麵，還有不少「老陳推介」的美食，每一款都蘊含著師傅的巧手功夫和地道風味。脆炸魚皮：金黃香脆，入口酥化，瞬間激發魚皮獨有的甘香。三餸一麵：魚皮餃皮薄餡靚、魚腐滑溜綿密、雞湯蘿蔔吸滿百斤豬骨湯的精華，粗麵掛湯力十足，更可免費加牛腩汁，濃郁層次感，令人一試難忘。香煎咸魚茸肉餅飯：咸魚茸與手打肉餅完美融合，即叫即煎，焦香四溢，每一口都帶著咸鮮的強烈衝擊，搭配熱騰騰白飯，必食推介。勁爆蔥油巨人雞扒煎蛋飯：超巨雞扒煎至外脆內嫩，蔥油的香氣縈繞，一口咬下滿滿肉汁，加上半熟蛋液流心感，讓人欲罷不能。熱鴛鴦：咖啡與奶茶比例調配得恰到好處，香醇濃厚，港式經典飲品。總結，餐廳的每款食物都製作用心，價格合理，性價比高。
繼續閱讀
收工衝入上水搵食，竟然發現呢間懷舊風車仔麵檔勁有驚喜！鋪頭細細但裝修超盞鬼，牆身貼滿舊式廣告牌同鐵皮信箱，仲播住經典港產歌曲，未食已經影咗十張打卡相📸！店員姨姨好熱情推介「今日啲雞扒好靚啊」，果然無介紹錯～頭盤 香辣爽脆芫茜魚皮（$40） 真係一試上癮！魚皮炸到卜卜脆，芫茜香，加埋秘製辣油同炸蒜，香辣惹味到手指都舔埋🤤！跟住上場嘅 勁爆蔥油巨人雞扒煎蛋飯（$65） 簡直震撼，塊雞扒大過我塊面😱，外皮煎到金黃酥脆，咬落肉汁爆出嚟，加埋半熟流心蛋同爆炸級蔥油，撈飯食真係停唔到口！車仔麵三餸（$45） 揀咗酸齋、唐生菜同雞湯蘿蔔配幼麵，豬骨湯底，酸齋另上唔怕浸湯太耐，蘿蔔清甜無渣，加$10有 凍西冷奶茶 少甜少冰，茶膽濃滑仲有淡淡炭香，完美還原舊式冰室風味～壓軸 銷魂川味口水雞（$38） 辣到頭皮發麻又過癮！雞肉嫩滑，麻辣醬夠特式，麻香後勁仲會喺喉嚨度回甘！埋單$198兩個人飽到捧住個肚，人均唔使$100食到高質懷舊菜，絕對係上水隱世飯堂！下次一定要試埋佢哋個 酒糟醉雞 ，隔離枱個酒香飄過嚟搞到我心癢癢啊～📍老陳麵檔🚩上水新祥街13號地舖🚇上水站A出口行8分鐘💸人均消費：$80-$120🌟必食：巨人蔥油雞扒飯、芫茜魚皮、西冷奶茶#上水掃街王 #懷舊麵檔爭霸戰 #芫茜控暴動 #雞扒大過臉 #車仔麵研究所#手機食先 #豉油西冷茶走 #口水雞挑戰賽 #學生飯堂首選
繼續閱讀
第二次幫襯, 其實都係俾佢既裝修佈置吸引到.老香港既情懷. 真心最鍾意既係舖頭好乾淨, 好小車仔面檔係坐得舒服, 地面, 台面仲要係好乾淨. 一入去就俾佢既報置吸引, 懷舊電影海報, 月同埋好有創意既燈箱標題😂 見到其他食客睇到都會心微笑, 好有創意. 食物種類好多元化, 除咗車仔麵仲有其他飯食. 今次試左芫荽麻辣肉餅飯, 個賣相都煎得好甘香好靚,食落去仲要個皮好脆口,芫荽烘嘅我覺得好香,辣味又唔會太重. 份量重要有4 塊,叫左小飯既我都食唔哂,價錢實惠. 下次可以再試埋其他飯款
繼續閱讀
收工既樂趣就係睇下附近有咩正野好食，平時就幫襯茶仔多，因為上水都有唔少茶餐廳既選擇，但今日經過呢到原來有間咁盞鬼既麵檔😂佢係懷舊風裝修，入面都set up都feel到好有心，好多details位，而食物種類佢主打係車仔麵，但都會有啲飯類既選擇。🐒兩餸一麵💰$46👉🏻貢丸👉🏻魚片頭👉🏻幼麵🐒老壇花椒金湯酸菜魚💰$64👉🏻轉米線+$3👉🏻熱檸水佢地個酸菜魚勁大碗，本身係配飯既，但係可以轉粉麵，我本身以為係直接會一碗上，點知原來係個粉會另上，我覺得好sweet係有時啲粉會索左個湯，但我自己係中意多湯既，所以可以俾我慢慢食慢慢加落去就唔會有呢個問題la。🐒灼時菜💰$22🐒酒糟話梅醉雞💰$38佢地個醉雞酒程香味好足但又唔會over，而佢既肉質都好滑，夏天食都幾開胃，而且個感覺拎黎配飯都好夾
繼續閱讀