老爹茶居 (已搬遷) 新店位置

我們常常都去食午餐的,30幾元個餐有杯真珠奶茶飲下都ok.但係食得多都好悶...因他們好少轉款式..==!最最重要係他們的服務員一d笑容都無,叫他們又無比反應喎!都唔知聽唔聽到,再叫啦! 他們係知道的.....真係激死

到樓上睇樓，沒收獲。但吃個午餐，視察一下這區的民風。點了客午餐（連加一$46.2），有個餐包、羅宋湯，味道好一般。那個焗白汁煙肉意粉，汁和洋蔥多的是，但煙肉都沒幾粒，份量偏少。那珍珠奶茶味道偏差。就連take order 和埋單都—要成世，沒理由再幫趁。

上個月食過1 次覺得呢度個餐忌廉湯好正,所以再黎食.不過個晚餐餐牌都係上次見個D.感覺好冇新意.老公同我呀媽叫左個西泠同肉眼.我就叫個凱撒沙律,唔知係唔係換左個廚師,同上次好唔同.差左.個餐忌廉湯淡左好多,唔夠cream希望下次有改善!

有小朋友的父母就知道他們的成長比你想象同快多十倍，白馬過隙來形容得比較恰妥，還在懷念手抱換片的同時已經開始在你的身上跟你糾纏不清，抱離盪去，而另一個他更開始跟你辯論比賽似的但又說得頭頭是道，小小的腦袋闊闊的天空，應學懂欣賞他們的想象能力是當下父母的不二法門。開心當晚可全職陪同兩個小魔怪而騰出時間給太太自由行，不需要迪士尼不需要海洋公國，樓下中央公園的滑梯及千色百貨店的玩具部已可樂透半邊天，小朋友就是這樣簡單，和喜歡的人在身邊，那裡都是一樣！晚飯時刻，由他們選，估計永遠首位是麥當奴，因這是香港小朋友長必經階段，無論怎樣不接受但都要明白了解他們的決定，但回報的是他開始懂得思考他人的情況，由他們決定來到這裡，一間輕鬆簡單味道不錯的西餐廳！兩個餐裡面的餐湯及還是香軟微溫的餐包已經可滿足兩個小朋友，自已學曉牛油塗麵包已經是一個得著，況且各自能清掉，填得肚皮半飽已經是一餐裡父母的安慰；跟著的淡咖哩雞件配飯及德國辣腸焗芝士意粉亦能吸引他們的注意力，開懷大嚼，能清掉一半之餘這個爹D的可算有所交代，但著實，這兩客看似簡單但在以食味不錯又健康為主的前題下都幾難處理得到，但這裡可以的。尾段點了一客芒果布甸給

我住在MOS多年,商場內的食店不多,而且水準也不見得很好,一時好食,一時難食,水準飄忽不定....平時我和家人大多數會到這店食嘢,因為食物唔差,而且質素穩定....不過午時,tea time就食得多,晚餐就第一次我叫左個肉眼牛扒配意粉,跟紅湯和凍檸茶牛扒7成熟,冇多冇少,味道ok,而且唔難入口意粉ok,不過我喜歡"薯菜"中的薯蓉湯同餐茶都ok,餐包暖暖而且軟熟整體不錯的,好過附近椰林閣集團的餐廳幾條街,各方面都係

係馬鞍山入面... 有好多餐廳不過你諗黎諗去都唔知食咩好.. 因為無間好呢間係馬鞍山入面算係數一數二有質素0既餐廳服務.. 食物質素都好好

赴京前要食飽D，不出我所料，各方友好反應激烈，實在多謝各單位的意見，令我過了很充實的一晚。食飽D項目包括：紅湯配餐包- 紅湯好味，不過細碗D，餐包為一般西餐廳的餐包黑焦汁燒羊扒配薯菜- 薯菜為去皮薯粒加白汁，怕肥的女士們見到個白汁就會唔敢食，不過我又點會怕呢，仲覺得充實之餘又美味；羊扒都好有羊味，8成熟燒得剛剛好，雖然汁少左D，但係食完得出4個字，回味無窮。餐飲要了熱卡菲，都好有水準。待應勤快有禮貌，以呢個價錢係非常值的。餐廳係呢區較少數有質素的，實不錯。食飽飽後再上京，都算叫做平衡下心理。希望每日14碼的生活快點過去。

個鵝肝餐\勁正&芝士蛋榚超好味,竟然响馬鞍山都有d咁正既嘢食, 哈~!

平時評開這食肆的午餐及下午茶，今趟就一評她們的精選晚餐。沒加味精及材料新鮮是這裡強項，而晚餐更刻意強調這點，故帶小朋友過來會較放心。是晚點了煙三文魚凱撒沙津、白汁龍利柳及雜菌蜆肉寬條麵，而個人要求可否由寬條麵改為意粉而被接受這點服務加不小。煙三文魚凱撒沙津不錯，做法正宗，羅馬生菜、橄欖油、蘋果醋煙肉粒及麵包干質數很高而導致煙三文魚變成配菜；白汁龍利柳較為清淡但合適小朋友；雜菌蜆肉意粉勝在油份恰當，不會過賸。價錢平宜，環境需然是處於商場露天位置但因自成一角亦不覺嘈雜，兩個老板親力親為落單捧菜，與客人談談天說說地。

Lunch 同老公到此店午餐$2x起, 只跟普通drink, 叫左黑椒牛柳粒配飯$30 & 熱0水 精選午餐$38 起- 有soup & 特飲,叫左拿波崙雞扒跟意粉$38 + 蕃茄湯with 餐包+ coffee 牛柳粒唔un, 幾好雞扒有d 雪味, 個湯就似茄汁開水,唔掂!!杯凍啡個樣唔掂, 但飲落都ok...整體一般, 勝在冇乜味精, 食完唔會口渴

同小朋友來，珍珠奶茶唔小得，其實又真的幾好飲。午餐點了白汁魚柳配意粉及紅酒汁燴豬扒配飯，前者的魚需然是炸，但因火候控制得宜，肉汁仍豐，配意粉效果不賴；而紅酒汁燴豬扒的豬扒不太干身而且夠淋，合晒小朋友的牙仔力度。需然同帶位小姐有點爭拗令到大家不歡，而她更為了此事灑淚及暫時離場，但亦無影響筆者中幸的評價。

已經得悉此食肆食味不錯，但遲遲未抽到時間幫襯，見今日清假休息，特意將午餐推遲而光顧。點了三款下午茶分別為紐約芝士蛋糕、老爹豬扒公仔麵及豬扒脆法包。芝士蛋糕芝士夠濃及不太甜，是紐約式芝士蛋糕的好處，豬扒公仔麵及豬扒脆法包可品嘗干濕兩種不同味道的豬扒，大家都很鬆化及肉味夠濃，不錯；脆法包如其名，夠新鮮夠脆口。整體環境、食味及服務不錯，有空再抽空一試。