老掌櫃東北菜館 (海之戀商場)

營業中

休息中

見價錢唔高又係新開所以去試下，本身都幾鐘意食担担面見到依到又有咁就叫左個排骨担担面同争羊肉餃子，個餃子本身有配面大食ge朋友仔可以要埋個面，環境同服務係ok ge最正係有個一字排開海景位但得5至6個位自己執生啦～講返食物個担担面湯底係幾好ge面都啱啱好個排骨都唔差衰在有幾塊碎骨同唔多肉；餃子真係唔騷因爲入口即溶所以我都唔知食左D咩味道係無問題ge個人覺得接駁口個位置皮厚左少少，整體唔差啦～下次會試其他菜p.s.下午茶未必會有午餐D餸要問下先。

昨晚是第二次光顧這間食店，今次一行14人，可試多幾款食物！總結吓食物質素先😋涼菜試咗雞絲粉皮～芝麻醬味濃，醉雞～淡淡酒香，雞肉嫩。老醋海哲頭～酸味味開胃，海蜇頭爽脆。片皮鴨～鴨肉嫩，皮脆，不過皮份量唔夠，要再 order. 回鍋肉～好味，個人喜好可加辣一點清炒萵荀～夾，好味乾煸四季豆～唔駛講，正糖醋魚片～開胃，魚片嫩滑。另外仲有牛犇麵，東北農家炒飯... 我地真你好大食！但埋單又幾抵。出品快，服務尚可，見到佢地好盡力應單（但好似唔係好夠 waiter🤔）下次再試其他食物😁

讚1. 價錢抵，每人唔使兩舊水2. 有露天環境，仲有啲海景咁，幾舒服3. 有啲野食唔錯，餃子、蔥油餅都幾好，餃子足餡，京燒羊肉意外地好味，肉味濃，係燒得有啲韌啫彈1. 填鴨係平，但實在唔正宗，根本就好似普通燒鴨，皮唔脆肉亦乾

想行donki 又想食片皮鴨🐣所以試左老掌櫃但兩個人黎試吾到好多款👉🏻叫左片皮鴨（半隻）因為鴨有大約三十件 (可以for 3-4人用)但皮就包十二塊鴨幾厚肉 反而覺得太厚肉添薄啲可能更好價錢經濟過美中鴨子個啲 但質素都係普通啲啦🥱👉🏻叫埋兩食 (即鴨炒個菜)揀左茄子炒係惹味既但真係好油膩啊食多兩件都怕腸胃受吾住😂❤️但天氣涼涼坐户外都加返分既但要book枱，見walk in都有好多人等位有機會想試埋個雲吞雞🙂

叫了七碟餸，其中片皮鴨、雲吞雞窩、松子魚、羊肉都很得，特別是羊肉入口美味而不覺騷。片皮鴨好好食，不油膩，食了半隻都不夠，不過片皮鴨要預早訂。其價錢大眾化，六人叫了七碟餸，平均每人$130。人氣十分旺，晚餐需要預早訂位。餐廳特色，餐廳有露台可於室外進餐，眺望汀九橋。室內裝修簡約，但吃下午茶時坐近窗邊可享受黃昏汀九景色。服務方面，與一般餐廳差不多，但食物價錢相對其他餐廳較抵食。溫馨提示：1. 先預約，輕鬆按時取位；2. 沒有book位的話，取飛後要行下驚安超市；

7:45開始拎二人枱飛, 門口職員話好快有位. 等左半個鐘, 再問職員, 職員依然話好快有位. 到8:30大批訂咗8:30果輪既客人黎到被安排入座. 我地即刻問其實係咪真係有位比我地呢d walk-in既客人. 佢哋話等等, 好快有位.我再等到8:55, 終於放棄. 因為成個鐘根本冇叫過二人枱飛, 仲不斷有已訂位客人黎到. 我前面仲有幾張二人枱, 根本入曬8:30 訂座果輪之後, 我係冇可能今晚有飯食.如果餐廳係冇足夠位比walk-in, 就唔好為左賺到盡而呃客人好快有位.

雖然實物質量還挺正宗的 但是晚餐等位等了一個多小時 然後之後點單半個小時後之後才幫忙入單 想讓幫忙手下盤子 服務差到爆 說先放著吧沒看到我們在忙。。。整體用餐體驗是負數 。。。

星期日與友人去看看新開的海之戀商場。商場仍有很多鋪未開。開了舖的有很多優惠，像有半價牛角包等，引來不少人排隊。我哋想找地方醫肚，見到這間出名片皮鴨，於是找了戶外看海的位置坐低。叫了片皮鴨半隻、干扁四季豆和陽春麵。有些失望，最好食的不是人氣最高的片皮鴨，而是干扁四季豆。不過，侍應的服務都不錯，要求公筷和打開太陽傘都很快完成。希望食物和飲茶杯有油方面可做改善。

平日光顧位於大角咀的老掌櫃，記得次次都食到舔舔脷😋😋😋！聽聞最近在荃灣西海之戀商場 / Op Mall開了新店 ( 位於西鐵站上蓋企鵝店隔離，超方便！正👍👍👍！) 於是 ...... 約埋班friends, 逛完企鵝店便一齊去試吓，約7：30到場，發現排晒長龍，但好釆我已一早訂了8位。我們被安排坐在落地玻璃窗旁，海景明媚😍！枱上茶香撲鼻👍👍👍！原來是大麥茶🥃，好好飲呀👍👍👍！翻開menu，款式繁多，由於肚餓關係，所以今次大家好快地揀選了喜愛😘的十幾道菜。好期待呀😀！飯後總結：☺️跟大角咀分店比較，廳內環境較寬敞，有無敵海景，可一邊品嚐美食，一邊遠眺離岸 。每碟份量都一樣好大碟，認真價廉可口，滋味無窮！新張期內惠顧滿$200即送甜品。所以CP值真係高高高👍👍👍！下次一定要再光顧其他菜色。😘 溫馨提示：1）食拔絲甜品時，記住手快夾起，放入冰水浸下便夾起拉出香甜糖絲😋，外皮脆卜卜卜2）招牌菜北京填鴨：最好一天前電話預留3）最啱同班friends分享，份量十足

今晚去左間朋友介紹新開店的東北菜聚餐，位置係驚安隔離舖。叫左十幾道菜樣樣味道都唔差，價錢重好低食！ 又睇到夜境酥炸小黃花魚食到得番條魚骨, 北京填鴨皮連肉大大件上好有肉感正!糖醋里脊好鬆化等等太多美食數之不盡！值得推薦！

去荃灣Don Don Donki朝聖發現隔離有間東北菜，$138半隻片皮鴨，好吸引。但8點半仲要等位，排到我既時候已經無晒......唯有食其他京燒羊肉$128，一路玩手機一路等食，突然聞到好香，孜然粉同羊味，抬高頭見到侍應拎住碟野，仲有一步先到我張枱。阿姐一放低，我即夾，點知好熱，大家唔好學我甘心急。塊肉好有層次面層脆 ，中間勁有羊味（我唔怕羶的）仲有層脂肪溶化出黎，好好味呀！我鐘意煎京蔥羊肉餃子$51賣相扣晒分，完全無排列過，塊皮又唔方薄甘，睇到都唔係好想夾。不過咬一啖後，發現多汁到好似食緊小籠包咁，好驚喜，我都忍唔住要影低佢，而且好有羊味紅油炒手$48，紅油呢？？哈哈，一啲都唔紅既，開頭仲諗緊叫唔叫，怕會好辣，點知一啲都唔辣，只有甜豉油味，我建議大家叫其他餸最後，有糖水送，蛋花桂花丸子，普普通通啦，送既算唔錯