老掌櫃東北菜館 (已搬遷) 新店位置

本身約左友人食呢間，友人話好食！點知竟然揀中佢放假嘅日子，佢好似星期二放假！於是擇手再食過！重口味，濃味嘅朋友就岩啦，份量大，整體係好食嘅！有個特別現象係都幾多大陸人食呢間野，友人話可能同附近有一間酒店有關，店係香港人開嘅。不過我就未必會專登再去第二次啦，因為我食濃味精會頭痛，果日食完真係頭痛！但友人食得好滋味，重口味嘅朋友😅我地食左蒜蓉秋葵，冷盤，我最欣賞。另外叫左排骨𢬎𢬎麵，口水雞，都好食嘅。

老掌櫃既片皮鴨不錯 。大大碟，皮脆肉唔鞋，不過想食淨皮+砂糖呢度無呢種食法雞絲粉皮、、醉雞好滑同厚身、醋溜土豆絲 ，加埋先$35x, 價錢都唔錯，只係環境迫夾，所以比較喑同埋記得訂位。

老掌櫃座落在很多食店的大角咀，但在我的印象中，好像東北菜就只有它一間。店裡面一半食客都是國內人，我想可能是因為它的味道很正宗，所以能嘗嘗家鄉的味道！等了半個小時終於到我們了！因為不是很餓的關係，所以我們點了兩個小菜和一個麵：脆椒香雞，糖醋里脊，四川担担麵。脆椒香雞有點麻辣，卻很過癮，送飯一流！值得推荐！糖醋裡脊就有點普通，酸酸甜甜蠻開胃的！四川擔擔麵就有很濃的花生味，我要自己再加豆瓣醬呢，很好吃！

黎食飯，Book枱是常識~ 因為永遠咁多人，唔book就要排好耐 (今次因為靚既timeslot比人book晒，唯有早D黎walk in)一話食片皮鴨，我一定會諗到呢度因為呢度既片皮鴨好香，油脂分佈好好，仲好抵食 (會跟size附餅皮12塊/24塊)記得要打電話book位落訂叫埋！(要打電話講定先有得食北京填鴨&紅燒大元蹄，就算book唔到枱要walk in，都可以照訂)枱與枱之間唔係隔好開，但都叫坐得舒服叫完野食，好快就上到枱，arount 5-10分鐘就黎到 但質素又唔會變左快餐質素，不得不讚(雖然佢有1.5小時用餐時間，但基於佢上菜速度太多，1.5小時絕對夠你食得開心)推介食物有以下京燒羊肉 ($128)一上枱，超大煙，勁熱 羊肉勁香羊味，肉質細緻，真正啖啖肉，又唔會好油，結果我忍唔住叫左兩碟明明好好食，但又唔係好多枱會叫，唔知係唔係因為大家怕羊羶味？北京填鴨 (半隻) ($158)為左呢隻填鴨黎呢度，結果無失望份量幾多，建議大家6個人或以下叫半隻好啦~ 多過6個先叫全隻啦叫得太大份，就無位食其他菜 如果可以比多幾塊餅皮就好啦，半隻有12 塊，但都唔太夠醉雞 ($68)超入味de

依家之前朋友話好味，所以跟就係去試一試！環境一般，地方整潔，座位略窄，但食物味道一流！食咗半隻片皮鴨（d皮可以將啲肉汁留住，隻扁皮鴨幾好食）、炒萵荀（清炒，好清甜）、四季豆（比出面夠味，四季豆啲邊好脆）、羊肉餃子（好juicy ）、烤羊肉（外脆內嫩）、酸辣湯湯麵（但比其他食物一般好味）、麻辣豬耳（超好味，又大碟）及高力豆沙（熱辣辣）！提提大家：要book枱丶未齊人唔好叫嘢食住（因為出得好快)及有d有三隻辣椒嘅食物可以要求微辣！

屋企人食飯 食得太多西餐要轉轉口味🤗😎今次整個東北菜 點睇先😎😎😎片皮鴨 不可不食😋😋😋😋平靚正 比起好多食店平但系幾大碟 肉都好厚每一啖都系一種滿足羊肉餅小編好中意食羊嫁!!!!但系真系好留....都幾大舊無咩特別羊腩煲D羊唔系新鮮個種食完好渴 好一般 唔系好值得咁羊肉餃子個皮好厚丫救命👀👀👀👀👀擔擔面 又如何呢好多花生醬 好易飽都幾大碗嫁 唔系好辣椒鹽小黃魚煎就煎得幾金黃 幾靚嘅可惜 唔夠味 有少少腥☹️☹️☹️☹️

朋友們也很想食片皮鴨，但限食1.5小時，雖然比較急趕，但都值得的，全因為好食，抵食。無論冷盤，麵食，片皮鴨，甜品，都是用心製作，绝不將貨就價。我們一行四人，一日前巳預訂了一隻片皮鴨，估不到上枱竟然有兩大碟。我開始懷疑之前在其他餐館食的片皮鴨可能是塲騙局。但略嫌片皮鴨的某部位過肥，間中又食到一两片肉有騷味,大致上都很好味。因為不想浪費了片皮鴨剩下的骨架，所以點了用茄子炒，非常入味，上枱也是大大碟。甜品選了拔絲蕃薯，把拔絲蕃薯放在凍水中過一過河，外層立即變了脆卜卜，味道也很好。我們很努力進食，亦很合作1.5小時後還枱，一路也有人排隊等位。所以用心的餐館，一定有人賞識的

平安夜, 今年一大班朋友過, 食放題食西餐例牌要挨貴價就最揾笨, 所以最後揀左食D 特色菜。一早打電話黎訂位就問定我地使唔使預留片皮鴨同紅燒大元蹄。片皮鴨一值都想試好耐喇,因為見佢人少可以叫半隻，不過今次人多就order 定每樣一隻啦。約左7點半，黎到已經好多人。原來行入去仲有間房, 不過就無咩裝修。男朋友飲加多寶, 試左啖原來都幾甜~~都係飲番可樂~上菜速度真係超快, 不停迫爆張枱😓渴望已久既片皮鴨啊😍~~~~~我地8個人叫左一隻✨北京填鴨($298/1隻)👍:  一碟係半隻既份量, 都幾大碟,包12 塊皮。個餅皮都算薄身, 熱辣辣。個鴨幾厚切食落啖啖肉, 個皮微微脆,一次過夾兩塊肉黎包~加埋青瓜, 京蔥好好味啊。如果就咁齋食更加感受到個皮脆, 我同朋友一致覺得好食過北X樓🤤。✨清炒萵荀（$68): 顏色好翠綠，食落爽口清甜，平時無咩機會食，所以特登叫😚。✨蒜蓉炒油麥菜（$60)：平時都好少食油麥菜，因為嫌佢有d 苦苦澀既味，但佢無半點苦澀味,而且加埋蒜蓉，食落甜甜地，雖然好簡單但又真係好味喎🙀。我覺得佢D菜類都幾新鮮, 好味👍叫左兩款餃子試下，一碟有十隻。✨素三鮮（$40): 佢既

同男朋友黎呢頭 去左呢間東北菜館食叫左一個犇面 一個肉三鮮餃子 一個肉皮凍犇面個湯底好清甜 唔會好油 肉好香好入味 面就普通吧 味道：8/10餃子麻麻地 可能焗得太耐 個皮太冧 好易穿 而且入面啲料既調味都比較淡 豬肉得好少 ………味道：6/10肉皮凍幾好食 好滑 但豬皮既份量偏少左啲 味道：7/10

假日同朋友相聚 因想吃片皮鴨 所以選擇了比較出名的老掌櫃提前了一星期打電話預約 只能HOLD 十五分鐘位 所以不要遲到到場見到都有WALK-IN 客 但只佔少數 其他大部分都有提前預約的到老掌櫃一定要試試出名的片皮鴨,一上檯見到鴨肉的份量很多,很抵食。鴨肉不會太肥太多脂肪，皮很薄身吃入口不會有吃粉糰的感覺,包住青瓜、京葱絲和醬汁食很好吃。之後吃了口水雞,辣辣的很惹味,一碟也不夠吃。四季豆用了辣椒和肉碎炒,不過略嫌不夠軟身,煮長少少時間會比較好。麻辣豬肚味道是不錯,但豬肚切得太幼身,完全吃不出平時豬肚的爽口彈牙感覺。最後一道是拔絲蘋果,一開始完全不知道怎樣吃,店員只放下一碗水和一碟蘋果。上網看才知道吃法,原來將熱呼呼的蘋果放在冷水過冷河，就能拉出一絲絲的糖絲出來。很好玩的一個菜式,而且熱的蘋果咬下去很甜很好味。總括而言,老掌櫃價錢平,而且食物份量合適,而且環境古式古香,很有中國風,值得再去吃。

生日飯仲未停呀，今次朋友們帶咗我去食東北菜，六點鐘已經全場爆滿，超級誇張，估唔到咁神秘既地方大家都會搵到😅一早已經做好功課，知道依度個片皮鴨好出名，醒目嘅朋友們已經一早訂定左雞絲粉皮，前菜嚟講都叫做幾大，粉皮唔係淋嗰啲，幾好食醉雞，花雕好入味，我朋友連啲花雕汁都飲埋，好味程度佢哋話下次一定要再叫多次牛犇麵，d牛肉超林，湯底好濃，有小小藥材味，好好食眨吓眼已經冇晒麻辣海蜇，以我依個5太食得辣既人嚟講，竟然我無食到變左angelina jolie😂😂麻麻辣辣，好香，海蜇好爽脆，好食 來之前，💁🏻‍♂️已經講個依度啲餃子好好食，所以我哋叫咗䓢香豬肉，酸菜餃子，本身諗住酸菜餃子會好酸，點知我自己個人覺得唔夠酸，我朋友就覺得剛剛好，個豬肉幾好食,40幾元有10隻，好抵🤭🤭🤭片皮鴨，冇咩肥高脂肪，好食，不過要多啲人一齊食先食得晒，可能因為我哋叫得太多嘢食😅😅😅最後叫左拔絲蘋果，好得意，店家要我地即刻擺落凍水過一過冷河，如果唔係硬哂就食唔到，熱辣辣，甜甜地，好特別，有機會叫埋拔絲地瓜☺️總括而言，又抵又大碟，i will be back

朋友生日提議要食中餐，無問題，見這間餐廳常係 OpenRice 彈出來，而正評也𣎴少，一於試新嘢。一早預定了枱子同北京填鴨。比預定枱子的時間早了二十分鐘到，侍應表示人齊入座，都正常的，因為全店都幾爆！一行八人點了，口水雞，兩款水餃，炒飯，麻醬麵，水煮牛，肉皮凍，雞絲粉皮，千層豬耳 同預定了的北京填鴨。其他的不詳述，只談一些比較深印象的。一隻北京填鴨足足有兩大碟的份量，皮熱辣辣，而且鴨皮脆肉嫩，不算好肥，讚！水煮牛，以份量而言，價位不算高。味道，辣度是中辣，夠麻！牛肉肉嫩，有大量粉皮。愛吃辣的要點！千層豬耳，其實是千層峰！爽脆帶辣，佐酒一流！肉皮凍，比較濃味的，好似食啫喱一樣！性價比高，不過唔好expect 一流服務，但係侍應們態度良好！雖然話限時，不過佢地冇催促我地買單。要提的是，此店只收現金同八達通！

呢間東北菜真係想試好耐，睇食評啲相已經流晒口水，但地點真係吊腳咗啲，終於搵日準時收工兩口子衝過去，啱啱好未到要等位嘅時段，Lucky入到去呢，啲位都幾迫，點菜係自助形式自己剔好要乜就遞單。我哋都係偏好涼菜，所以點咗三個，一個主食。射喱眼望到隔離對情侶只係叫左兩碗水餃麵(!)我哋相對重口味😂首先講呢碟老醋海蜇頭，份量多，又酸又爽超！開！胃！的！再嚟呢碟麻辣豬耳，雖然餐牌有三隻🌶🌶🌶但食落唔算好辣(我係唔係好食得辣）。一片片的做法比平日切長條型的豬耳好吃，因為冇咁大條軟骨，冇咁難消化咁，又食到有層次感口水雞係愈食愈辣的，個醬汁好惹味，送飯一流唔好睇佢個樣咁，油潑麵其實唔會好辣。呢鍋個份量超多，但真係好好食！整得好香。香港賣油潑麵嘅店唔多，所以見到餐牌有一定要試總括嚟講呢間店值得再山長水又遠再去幫襯嘅，食物總類多又有水準

又黎到搵食時間啦😛呢一間次次經過都排哂隊，試問胃食既我點會唔去朝聖下呢。呢間餐廳位置方便一出大角咀旺街就到！一去到已經好多人，最搞笑係好多外國人黎，連外國人都黎試，真係要試試！拎完飛等左陣就到我地啦。兩個人食起初都怕叫唔到幾多，但份量又岩岩好，可以叫多d !首先食左拎過獎既醉雞😋真心好出色 醉雞先講個汁，酒味唔會過量又甜甜地好開胃，其次個雞都滑不過好多血....如果食唔到太生既真係唔好叫，我可以接受但我隔離個靚仔話太生加上佢腸胃唔太好，問問待應先...佢話係咀嫁無問題😛咁我當然招食啦 好吃但接受唔到有血就唔好食。試埋另一碟擔擔麵，可以叫我擔擔麵王😂好鐘意食擔擔麵可能鐘意個湯汁，一流阿呢個擔擔麵，好正宗麵質好食唔會話好淋湯有種胡麻味無得頂！試埋個茄子🍆全晚我同身邊位俊男一致認為最好食，燒得好香好入味配埋豆角無得頂，都算一個健康菜式雞絲粉皮....唔識食...仲難食過食河粉但唔知點解咁多人叫😅但總體黎講好高質素，下次一定再去，要叫多d朋友去！

之前看過食評，說8點半過後會少人，不用訂位所以今天晚上8:20到，誰知等到9:10才入座。其實未算太糟糕，人家訂了8:30枱的也要等到8:50才有位。慕名而來，盼望吃東北菜，但之前看食評，差不多所有讃好的都不是東北菜，實在有點忐忑。一家三口坐下來點菜，點了東北亂燉，老虎菜，醬架骨，京蔥羊肉餃，東北大拉皮和高力豆沙。菜上得很快，份量也足，咱們三個有兩個係大食怪，把所有食物掃清。這店的菜是不錯，卻未至於很突出，但客似雲來坐無虛席，還要在窄窄的通道上加枱，非常疑惑這店有什麼吸引人之處⋯⋯在結帳後稍稍有點明白⋯今晚用了$372，吃得肚滿腸肥，油光滿面，大概可以彌補到東北菜館的京川滬菜比東北菜好吃的失望感覺。