老掌櫃東北菜館 (已搬遷) 新店位置

食在大角咀 ~找到老掌櫃來看一看Menu其實份量同價錢都算合理的當天 我和朋友 三個小胖妹食了五個菜式 真的超多 吃不完~~不過其中有一個炒豆角沒有拍照ಠ_ಠ 可惜炒豆角也炒得香 值得一試填鴨是個人最推薦食物鴨皮燒得很脆 鴨的肉質都很好 加上配料和醬汁 冇得頂♪(´ε｀ )餐館的裝修 都好特別 好有中國風喔！ 餐館的侍應 好有禮貌 上菜快手！讚👍🏻整體而言，本人覺得餐館裝修特別、服務好、吃特別的菜式 例如 填鴨等 吃得開心啊！推薦！小TIP:在平日吃的 都很多人 ，要訂位子喔。

朋友話想食片皮鴨，上網睇左人地嘅推介，就揾左一晚黎到呢間試佢嘅片皮鴨同其他小菜。我地3個人叫左5樣餸（包括醉雞、海鮮炒飯、荔枝肉、餃子，當然唔少得重頭戲 片皮鴨啦）一樣一樣講：醉雞唔太合我地口味，雞肉太老，同埋酒味太重，只係食到酒味撈老雞肉）。海鮮炒飯味道有點咸，不過飯粒幾軟，正常水準。餃子就一般，無特別。荔枝肉有驚喜，肉好冧，酸酸甜甜適中，高水準！至於重頭戲片皮鴨，店員話傳統係先將肉點醬，再連埋大蔥，青瓜放係薄皮上，包埋一齊食。咬落去好清新 爽口，然後有好大陣香醬味，鴨肉好冧，皮好香，味道一流！5樣餸有2樣有驚喜，食完好滿足！去到絕對要試片皮鴨同荔枝肉！

好耐之前已經聽過佢既北京填鴨好正，今日終於有機會來試下，三個人叫左半隻北京填鴨，一份油潑麵，口水雞，東北醬骨架，豆角燒茄子！好豐富！首先講講個北京填鴨，表面睇無咩驚喜，又係肉多過皮，不過d 配料好新解，粉皮亦蒸得好岩岩好！即刻試下包，一擺落口係有驚喜架，好有油份，而且鴨香好濃！吞完仲有啖啖肉香係口，令人忍唔住即刻要包第二件！真係有驚喜啊，抵我山長水遠來食！跟住要講講係個油潑麵，又係外表平平無奇，食落勁香口，滾油撈埋d 蔥花同蒜再撈均d 麵，真係食唔停口！必叫！！豆角燒茄子又係表面普通，但係好好食，茄子好腍好入味！口水雞就正正常常，唔算太特別推介！最後要講既係係東北醬骨架，真係有點失望，樣唔靚，食落無肉味而家鞋口，有d 似煲完湯既豬骨口感！重點：提提大家！禁定現金去食啊！因為佢只收現金🙈

依個位於大角咀嘅東北菜餐廳非常抵食，而且食物質素拍得住大餐廳！！我地3個人叫左4樣野每人都係70幾咋😍肉三鮮($40) total有10隻，有豬牛雞口味，皮薄涵靚，又多肉汁👍🏻勁大隻又好味 即叫即煮架(8/10)醉雞($68)好重酒香🤤d雞好嫩滑 份量夠多，佢小肉骨所以幾乎係啖啖肉 (8/10)京式炸醬麵($42)有青瓜絲、火腿絲同大量炸醬，又fresh又唔會好油！d油係自己調架所以都啱香港人口味，以甜多過辣！good (8.5/10)糖醋魚片 ($78)係咕嚕肉嘅汁，不過佢比平時食開嘅更酸！多左陣香醋味😍魚片炸過好香口，無魚骨架啖啖肉！加埋其他配料好開胃👍🏻 (8.5/10)閒日夜晚都多人架，最好一大班人去就book la!!

呢間店位於大角咀舊區不起眼的角落，老實說，如果要食飯，去大角咀都會去食街埃華街、大全街嗰頭搵食，但係呢間店嘅午餐有一個好大嘅特色，就係夠抵食，抵食嘅定義唔係話廿蚊一碗粉求其搞掂午餐就叫抵，而係佢四十幾蚊個set lunch連野飲，份量夠，而且味道可以，我最鍾意食佢碗擔擔麵，食得出有花生味、辣味，算係有心製作的小店，不過環境就一般了，唔算好坐，衛生望落就一般般，我飲嗰杯凍豆漿個杯有陣臭味，呢度要扣分！

HH完 差唔多8點先黎到大角咀 結果都係要等差唔多20分鐘 不過睇到個場咁旺 推斷應該無介紹錯 喺等位既途中決定好食咩 務求最快時間 搵到嘢食落肚 終於等到個搭檯位 作為中餐館食客 自然都唔會介意呢一點點 坐低就即刻嗌嘢食 等左差唔多十來分鐘 嘢食就開始送到 兩個人食 希望唔好浪費食物咁 淨係嗌左三樣餸 因為同行既朋友唔食鴨 所以無叫到招牌既片皮鴨 還好 見到隔離檯嗌左 係好似北京全聚德type少皮帶肉既片皮鴨 唔係我喜歡既新派烤鴨 所以無後悔雞絲粉皮作為其中一款我最喜愛既上海嘢 即使喺東北菜館 依然無阻我既口味 醬汁剛剛好遍佈每一條雞絲 每一條粉皮 而且無好似某啲餐廳咁結咁封喉 味道剛剛好 亦唔會太凍好似啱啱雪櫃拎出黎咁 聽落我要求好低 其實都係 咁但係雞絲粉皮本來就係比較容易好味道再來一碗上海麵 本以為無咩驚喜 清淡既樣子無令我倍感吸引 但係入口發現面質竟然係我所喜愛 無擔擔麵咁濃味 反而令碗麵更容易入口 一啖一啖 欲罷不能 唔小心食曬個friend兜麵哈哈 豬排不過不失食完兜麵等拔絲蘋果既時間過得特別慢 因為啲嘢食 到喉唔到胃咁 份嘢其實好多 而且因為甜 其實每個人都食唔到好多嚿

在友人的同事推介之下，我們吃了一頓不錯的東北菜。醉雞的雞肉粉嫩，雞皮爽滑；惟味道多甜少酒，欠有酒的香氣，食味偏甜，是一碟純情的醉雞。鍾情薯仔的友人，來到中餐館，當然不會有薯條薯角，都要叫一客炒土豆絲。開始時小人不以為意，萬料不到居然這麼好吃，驚喜滿分！薯仔絲炒得條條通爽，剔透分明，加上酸酸辣辣的味道，似是吃著一條條的瓜絲，完全不覺油膩，越食越想食！直接了當的蝦蛋炒飯就是用蝦仁和蛋來炒飯，無需甚麼花巧，鑊氣夠，飯粒炒得通透，調味得宜，被我們二人極速秒殺！今次人少，吃不到片皮鴨，下次約多些人一起，可以嚐更多的菜餚。

有些朋友沒見一陣子，心裡總會泛起絲絲掛念，畢竟人生多過一半的時間也有他們的影子，一同經歷高高低低，無可取替。由奧運站走過來大約十分鐘，但人生路不熟兜了個大圈始到達。店家不大，周四晚上也人頭湧湧，我們一行七人擠在一張六人的窄長檯，親密得很，人多聚會不算合適。 口水雞 $68雞件不像一般的多骨少肉，口水汁帶辣惹味，蒜蓉下得重手，好吃但那味道停留在口腔內超級久，揮之不去。 雞絲粉皮 $58麻醬香濃，滑溜的粉皮下面放了不少青瓜絲，多添一份清新的口感。 酸辣土豆絲 $58吃東北菜當然要來個炒薯條，有別我們一般對薯仔認知的綿密口感，口感爽脆，開胃可口。 京燒羊肉 $128羊肉帶肥，面頭燒得香脆，味濃，喜歡的會好喜歡，怕的朋友耍手兼擰頭。 北京填鴨(一隻) $298千呼萬喚，填鴨終於在最後出場。一隻分開兩碟上檯，皮脆而鬆化，肉帶有肉汁不柴，用餅皮包著青瓜和京葱同吃，吃得眾人滿意。 素三鮮(10隻) $40點的餸菜比較多肉，就來個清一點的選擇，素餃調味相對淡，不過不失。 四川擔擔麵 $42起初望落湯頭清淡，原來醬料都窩藏在底，略拌過後就較為對辦，不過那天顧著吃其他沒嚐到，嗅起來挺香就是了。 麻醬冷

北京片皮鴨😋比較起其他餐廳，性價比較高！好味道，皮香肉厚！肉質唔會好硬，肥瘦剛好！叫左全隻(HKD298)分2北京片皮鴨😋好味道，皮香肉厚！叫左全隻(HKD298)分2碟各有約20片每碟值得一食！去前記得打去book位！都幾full!片皮鴨要訂定丫，以免售罄😂😂😂老掌櫃東北菜館地址: 大角咀 大角咀道55-65號牡丹大廈北座地下9-12號舖(與福澤街交界)各有約20片每碟去前記得打去book位！都幾full!片皮鴨要訂定丫，以免售罄😂😂😂

已經今個星期食第三次嘅東北菜，每次同朋友商量食咩嗰陣，都會諗起呢度嘅片皮鴨，因為又好味又抵食！今次仲試咗涼拌豬耳，醉雞，雞絲粉皮，紅油抄手，同埋高力豆沙。每一道餸味道適中，又唔會太油膩，其中最欣賞係紅油抄手，又唔會太辣，又香，所以話近期食過最好味嘅紅油抄手！ 另外高力豆沙蛋白餡好軟，配合豆沙簡直天衣無縫！ 諗起都想再食！

試想像……滿口油 帶沙 冇盐 又腥好一條層次分明的魚阿！！條白龍王(帶子、桂花魚、蛋白)腥味重到呢……又唔擺D姜油又重 食落滿嘴油……重要唔係用靚油一陣油哈味……一味得個"淡"帶子又冇洗淨……食二汤匙……都有沙試想像……滿口油 帶沙 冇味 非常層次分明的魚不過條魚幾靚既 用2百蚊打卡呃個like值唔值 見人見智啦 哈除左碟雞OK……其他真係好片皮鴨 D肉柴既其實呃下鬼佬都似模似樣既只能講冇比較冇傷害囉不過呃既野呃一次姐直係唔會來第二次

提前預約左檯都要等成半個鐘，店內坐滿曬人，真係好誇張。我地叫左好多野食，當中好食既有醉雞（好入味，又滑，酒味好出），口水雞（唔係好辣，但好香麻），雞絲粉皮（大大碟，花生醬味道岩岩好），片皮鴨（半隻已經好多，價錢相當平，不過呢個價錢食到既絕對唔係最高質，但係都會想再去食，因為平!!）其實仲叫左其他野食，叫左個湯面同埋餃子，但就普普通通，個麵好'淋'。另外都試左咕嚕肉，都唔錯，但就冇咩驚喜。下次都會再去試，每人130左右食到好多餸，係平食片皮鴨既好地方

與朋友食團年飯，被老掌櫃的北京烤鴨吸引，於是訂了晚上6:30 入坐 果然，北京烤鴨沒有令我們失望，又香又脆，比早兩日在銅鑼灣食通天食的$4xx ，還要好味。除此之外，醉雞也很好味，酒味適中，雞肉嫩滑，值得一試。普通如煎餃，也做到外脆內juice, 可見店家的用心。甜品：拔絲蘋果也很特別，甜甜酸酸的，很吸引

同朋友聚餐食團年飯，朋友介紹黎左呢間食。去到都幾多人排，舖頭細，坐得close，但可以同朋友增加親切感！整體唔錯幾好食，茶味濃郁香口，餸菜一定要叫黃金南瓜，用蛋黃炸南瓜，軟硬岩岩，份量又多！另外片皮鴨亦係必食之選！皮煎到勁薄，啲肉切到好厚，同朋友爭住食！

最近經常看見朋友吃片皮鴨，很多人都推薦這間東北菜館，於是決定試一試!訂了位，但同朋友等了差不多20分鐘，要注意的是一定要齊人才可以入座。餐廳的裝潢充滿中國風，有紅燈籠等擺設，但座位與座位之間都較窄，我與朋友更是坐圓椅，較為擠迫。但我仍然對片皮鴨充滿期待，兩個人點了半隻片皮鴨、孜然大蔥牛肉和乾煸四季豆。半隻片皮鴨對兩個人來說都有點多，但真心好好食!!鴨皮連肉一起吃，鴨皮脆而不油，配以爽口青瓜與大蔥，沾上甜醬，再包上有點厚度的麵粉皮，食了三四輪已覺有點飽。孜然大蔥牛肉有點像串燒牛肉的味道，孜然粉再加上大蔥，非常惹味，又不會太咸。乾煸四季豆非常有鑊氣，配合醬油味好重口味，正!!