老掌櫃東北菜館 (已搬遷) 新店位置

朋友生日提議要食中餐，無問題，見這間餐廳常係 OpenRice 彈出來，而正評也𣎴少，一於試新嘢。一早預定了枱子同北京填鴨。比預定枱子的時間早了二十分鐘到，侍應表示人齊入座，都正常的，因為全店都幾爆！一行八人點了，口水雞，兩款水餃，炒飯，麻醬麵，水煮牛，肉皮凍，雞絲粉皮，千層豬耳 同預定了的北京填鴨。其他的不詳述，只談一些比較深印象的。一隻北京填鴨足足有兩大碟的份量，皮熱辣辣，而且鴨皮脆肉嫩，不算好肥，讚！水煮牛，以份量而言，價位不算高。味道，辣度是中辣，夠麻！牛肉肉嫩，有大量粉皮。愛吃辣的要點！千層豬耳，其實是千層峰！爽脆帶辣，佐酒一流！肉皮凍，比較濃味的，好似食啫喱一樣！性價比高，不過唔好expect 一流服務，但係侍應們態度良好！雖然話限時，不過佢地冇催促我地買單。要提的是，此店只收現金同八達通！