老媽拌麵 (屯門市廣場1期) (已結業)

成家出街行吓，見又新開咗間餐廳就不如試吓啦，自己嗌咗個地獄麻辣牛拌麵，嚟到唔好話感覺麻都無乜，至於辣度方面，連譚仔少辣都辣過佢。落單嗰時問，使唔使加底啦，諗住有得免費加底咁好，點知加完份量都仲係少得有啲驚人，食完一半飽都無，但同我收70幾蚊，唯一牛肉份量叫OK嘅。另外試食咗屋企人碗花雕雞拌麵啦，一如頭先嗰碗咁，食麵無乜花雕味就算，最頂癮真係連雞都無乜花雕味，真心想暈低，應該都真係無下次，呢個價錢呢個質數，我落屋企樓下街坊舖食仲好

清燉半筋半肉牛肉湯麵 $78牛筋有d咬口之餘仲會覺得充滿膠質牛肉亦都夠牛味，而且煮得幾軟身，的確唔錯。蔥油嫩雞拌麵 $62油份充足，個麵好易撈得起加埋冇得輸嘅配搭—蔥油mix雞肉(雞肉真係好嫩滑）仲有隻滑嘟嘟又蛋香充足嘅溏心蛋，正澎湖花枝丸 $32熱辣辣，個皮有d脆，仲食到小小嘅顆粒花枝，點埋個醬就更開胃，整體覺得呢個花枝丸口感&味道兼備。冬瓜檸檬估唔到飲品比食物係更有台灣風味飲到檸檬愛玉嘅味道，食完炸嘢飲返啖消消熱氣感，好合適

我係8月尾左右去食，應該開張咗一兩個星期左右。見佢係屯門開咗分店，近近就想試吓，有次經過見到冇咩人排隊，就決定去食喇。見到呢個台灣過江龍，諗住食物質素都唔錯，加上以前食過老媽拌麵嘅即食包，自己煮過黎食都覺得幾好食，點知食過實體店之後，真係一試難忘、印象深刻！係超級中伏嘅難忘同深刻呀！我同朋友叫左兩個麵同一碟花枝丸。私房花雕雞拌麵 $78先講個面底，個麵冧到一個點，好似煮咗好耐冇睇火咁樣，完全係煮到過哂龍。話就話係花雕雞，但花雕味唔夠，只係咸咸地帶超級輕微酒香嘅雞，成碗麵都係偏向淡味，而且醬汁唔夠撈哂成個麵，成碗麵一個字：「淡」，中意清淡口味就試下佢啦！食完個麵，我真係覺得自己買包拌麵黎煮重好過係呢間店到食，唔值得我用七十幾味食個又冧又淡味嘅麵。和牛炸醬拌麵 $78個麵係朋友叫，我試左少少個和牛炸醬，首先d牛係比較散，無咩牛味，炸醬味都係偏淡，不過好過個花雕雞嘅。另外，我問返朋友，佢都話個麵係太冧，都係唔夠醬。凍仙草奶茶$28（跟麵加配價，原價$32）杯奶茶簡直係攞你命3000，無奶味，無茶味，少少甜味，強調只係少少咋，仙草係最正常，成杯野完全係大失所望，比成20幾蚊飲一杯冰微糖水，好後

平時都成日行屯市～原來Baby間餐廳以前個位開咗老媽拌麵，之前都聽過其他地區有，同埋好似會出包裝嘅麵？🤨 都幾出名所以就試吓我見到有和牛炸醬拌麵就叫咗，因為一向鍾意食炸醬🤣 而朋友就叫咗豆乳香香雞飯🐣 真係第一次食，初初唔知豆見係咩，原來係用腐乳醃製咗啲雞先炸～本身聽到腐乳有啲抗拒😂 但係原來食落係好好食😍😍 估唔到個味係好夾🤤仲有，食台灣野我一定會叫甜不辣！呢到嘅係屬於夠煙銀，唔錯！👍🏻

本來今日打算食拉面，點知12點都唔到吾比我地坐，行行下忽然見到老媽拌面系屯門開張？！排隊都要試下啦！Menu 都好簡單，一般臺灣會有的食物佢基本上都有。不過可能新開張，我見職員有D亂😏1）鴨血到了!!!! 本人好鐘意食鴨血，而且會買好多不同牌子翻來續個試。今日呢個無失望！真系食到臺灣味道，好感動阿！口感好滑又有咬口，不過幾辣下。 最值得一試粉麵方面我哋都係湯麵，冇嗌拌面，嚟到點都要試下其他嘢嘅！ 基本上好似食車仔麵咁樣自己選擇餸菜，湯底都係不過不失🤔本人認為鴨血最好食

疫情之下有排都冇得去台灣啦！見屯市廣場新開左 來自台灣嘅老媽拌麵，有幾間分店，一於嚟試吓找回台灣的味道🤣🤣店員友善，防疫做得很足探熱搓手👍👍川味紅燒半斤半肉牛肉麵，碗超大！加麵底之後真係成鍋🤭🤭揀咗粗麵，煙煙銀銀，夠彈牙，湯底足料，好香牛肉味🤩🤩牛肉牛筋都好林好入味，台灣嘅味道啊😍😍當然要試珍珠奶茶啦！難得坐低慢慢飲杯珍珠奶茶香港真係唔多，黑糖珍珠鮮奶，黑糖唔會太甜，珍珠軟硬適中仙草凍奶茶都唔錯，夏天飲真係好適合🤩香煎蔥抓餅，上枱熱辣辣好香蔥味，唔知係咪用三星蔥呢😬😬總括我覺得好味喎！有下次😊

從方便麵模式到出現實體店，不得不佩服「老媽拌麵」的擴展速度。年前曾嚐過荃灣店，沒想到年後會在屯門開了分店。餐廳位於3樓。這個位置上幾手都是做餐廳，今次轉到「老媽拌麵」的手上來。看到出餐處的這句說話頗有感覺的。麵類可以選擇粗細度，但這款就規定配關廟細麵。細麵條拌上蔥油和XO瑤柱醬，口感煙韌，鹹香美味。嫩雞肉片有約6-7塊，但稍嫌未算十分嫩滑，有進步空間。上枱時，店員會溫馨提示把握時間撈麵。這個真的很重要呢，因為稍一錯過了最佳時間，麵條就會黏作一團了。這道是素食者也可以吃到的湯麵款式，食材包括了紅蘿蔔絲、煎蛋絲和青瓜絲。湯底採用了即磨的鮮豆漿。今次選擇了刀削麵，麵條煙韌度更高。不過這碗麵的味道相對淡，尤其吃完蔥油拌麵後再品嚐時，更顯得淡而無味。如果是重口味人士的話，這碗麵顯然不是他的茶了。雞扒酥炸，外層香脆，內裡肉質則保持到juicy嫩滑。吃時蘸上碟旁的腐乳，腐乳的濃郁發酵豆香味令到香香雞更富香味。平時到台灣夜巿也會點甜不辣來吃，炸香後頗為惹味。魚糕質感彈牙，吃時更可以點上一點辣醬。不過稍嫌咀嚼起來會有少許過韌。

台灣拌麵早一段時間好hit 😏 唔同既包裝版台灣拌麵係超市容易見到買到！不過🐻就唔算好熱愛，食過另一間既拌麵餐廳感覺不錯，今次就去試下尼間早幾個月先係屯門出現既老媽拌麵 🍜🍝 佢出名係台南關廟麵 😯 第一感覺就是尼間餐廳人手不足，等左一陣先安排到座位（有幾張吉枱）聽到隔離枱既母女等左半個鍾先有得食 🤔 🐻同男友就order左「蔥油嫩雞拌麵」「川味紅燒半筋半肉牛肉麵」仲另加左「酥炸甜不辣」「老媽黑糖珍珠鮮奶茶」「老媽黑糖珍珠鮮奶」😄 推介/意見‼️✨ 「蔥油嫩雞拌麵」係🐻order既，本身見佢個樣好似無咩味道咁，但原來面頭既蔥油碎先係重點，好香好惹味，加埋麵底下既汁再撈埋成個幼麵都幾開胃好味😋 如果多點蔥油同埋整走個d豆就應該好好多😏✨ 「川味紅燒半筋半肉牛肉麵」正常發揮，湯底唔算係好正宗既牛肉湯底，微微辣啦 🤔 「酥炸甜不辣」就強烈建議唔好order，因為味道口感都唔ok🥺✨反而最有驚喜係兩杯珍奶 😏 黑糖味道剛剛好，唔會太甜又配合成杯飲品剛好，珍珠大小同煙韌度都剛剛好 😛價錢‼️$62「蔥油嫩雞拌麵」$78「川味紅燒半筋半肉牛肉麵」$32「酥炸甜不辣」$33「老

放假近近地出咗市中心行街順便食晏食嚟食去都係嗰啲食到厭晒決定試吓新嘢餐牌主要分成小食主菜以及飲品三類魷魚圈滷肉飯滷肉肥瘦均勻而且油潤甘香加上魷魚圈肉質柔韌鮮嫩配搭滷汁醬油醇香稠厚撈飯啱哂餐廳主打拌麵以及湯麵所以飯類選擇唔多只有兩款；值得留意嘅係另外嗰款豆乳香香雞飯標明香港限定有興趣嘅不妨試吓川味紅燒半筋半肉牛肉麵半筋半肉指嘅分別係牛筋同牛腱；牛筋膠原蛋白豐富質感腍滑同時牛腱肉質緊緻軟彈湯麵或者拌麵類可以選其他關廟刀削麵或者細麵；刀削麵口感煙韌而且軟硬適中配埋川辣湯底微辛刺激鳳梨茉莉茶主菜可以加十八或者廿八蚊升級套餐；茉莉茶底清香甘甜有助理氣安神配搭新鮮鳳梨香甜清爽

大家對「老媽拌麵」都唔陌生啦😆，雖然呢隻麵底有得喺超市買，但係專門店食真係正好多，配料小菜好味，邊食邊聽台灣歌，有feel 🎵🎶 📍魷魚圈滷肉飯$68老媽拌麵的麵就食得多，飯卻第一次食！特製醬汁，惹味香濃，滷肉入味，拌飯一流！推推！📍私房花雕雞拌麵（$78）可選擇配搭刀削麵/細麵，麵質Q彈！ 拌麵基底醬汁係黑醋，醋醬配上花雕雞醬依附在每一根麵線上❤️😋配料豐富，有秘製花雕雞肉、珍珠筍和菇。花雕雞肉，雞肉嫩滑，調味獨特，帶有花雕酒香😋👍🏻👍🏻！📍百頁豆腐（$30）百頁豆腐成個吸汁海綿咁😋❤️調味醬汁香濃惹味，滲透口腔😋相當正👍🏻

屯門巿廣場3樓一向都係食巿集中地，今晚行見到新開業嘅『老媽拌麵』，裝修新頴又開揚，而且坐位喺落地玻璃旁邊，視野較廣闊，可以睇下夜景講反食物先，我點咗蔥油嫩雞拌麵，一定要襯熱拌好，蔥油包裹著每一條彈牙有咬口嘅麵條，配上毛豆，豆芽，真係清爽嘅絕配麻辣老窩麵，有鴨血，響玲，墨汁丸，牛肉，一次過滿足食肉獸嘅胃口啊！而且湯底微辣，有藥材味，刀削麵好有咬口甜不辣食落好有台灣風味，QQ，煙韌可口，醮甜辣醬一流鹵水牛筋好淋好入味，入口即化！

和友人經過，看見好像很多人排隊，便想著試一試。坐下來先叫了兩杯水，2杯的杯面竟也是有油的，超級可怕，後來叫店員換了，但看著他倒了七、八杯也是有油的，還是算了........下單的時候，女waiter態度也有點差，和茶記的呀姐態度有得一拼了然後我叫了個蔥油嫩雞拌麵$62，吃下去沒有蔥油的香味，只有淡的咸的，而雞也有雪藏味，口感一點也不嫩的，很難吃，吃到一半時，還發現有頭髮在麵中.........唉...衞生真的很欠佳，畢竟在疫情的期間還這樣.....有待改善，不過我和友人都不想再來吃了......

開張無耐外賣自取過一次，果次外賣拎返到屋企都仲係好食既，記得叫左豆乳香香雞、紅燒牛肉粗麵、花枝丸、醉雞 及 三寶麵，各樣都好味，最impressive係豆乳香香雞。其實最想試佢既麻辣鴨血，但唔知係咪運唔切嚟香港，中午時段已貼晒紙話無貨。今晚出開屯市搵食，所以諗住再去睇下有冇機會食到佢既鴨血。遠距離已見排晒隊，要等5至6張枱，唔埋照排，但排左一陣見到店入面有幾張枱係無客或個客已經走左仲未執枱，心諗班樓面點解行動力可以咁低。一心諗住唔緊要啦，食物質素ok就可以。點知中晒伏。今次叫左三寶麵、麻辣鴨血老窩麵、水餃小食 及 兩杯嘢飲。兩杯飲品 - 普通無特別水餃 - 正常無特別 微暖 價錢$4x就唔值格喇三寶麵 - 微暖 白蘿蔔爽口未煮淋 條菜爽到有青味似生食 最終吞唔落要吐返出嚟 老窩麵 - 賣相ok 墨丸個心係凍既 即吐返出嚟投訴再煮過服務 - 樓面新手 慢可以理解 亦見到唔夠人手唔會有下次食啲咁低質既嘢要三舊水真係一肚火

老媽拌麵開到去屯門啦，位於三位嘅open area，今日咁有興致，就係屯門市廣場開餐啦！好，坐低睇吓有咩好食先。地獄麻辣牛肉拌麵，黎得老媽拌麵，梗係要食拌麵啦，個醬汁超麻超辣，果然對得住地獄兩個字，食得辣先好叫。牛肉片厚身夠軟腍，食落有口感。麻辣老鍋麵，係新產品，一見到個名，就好掛住台灣嘅火鍋，湯底濃郁係肉湯，一要食咗響鈴先。仲有台灣直送鴨血。牛肉選用肥牛，因為係薄片，吸收到湯底。日曬手刀關廟麵，又粗又闊嘅麵條，有咬勁，可以免費加大麵底！飲品叫咗荔枝綠茶、台灣仙草茶，仙草茶係無糖，用新鮮仙草汁，健康得黎又清熱！

今日同朋友行街，行到餓餓地，見到呢間餐廳好多人排隊，就諗住試下啦😋雖然要排隊，但安排入座都算快，我自己就叫左個蔥油嫩雞拌麵，再叫左杯黑糖珍珠鮮奶，一黎到個賣相其實幾吸引，但係一撈勻之後無咩味，我要再落成碟辣椒油先覺得食到落肚，啲雞一啲蔥油味都無，反而有醉雞味，嫩雞一啲都唔嫩，雞肉好乾好硬，唔係我想像中既味道，好啦諗住飲下杯好難會難飲既黑糖珍珠鮮奶，其實又唔係難飲，但甜到令人愈飲愈口渴，已經搞到勻晒都勁甜，不過唯一可以讚既係啲珍珠都幾好食幾有咬口既～