老媽拌麵 (屯門市廣場1期) (已結業)

話說早2個星期朋友離我屋企, 上屋企前當然要食返lunch先啦!我地12點鐘就係商場到睇下有咩食咁, 見到有呢間新ge開老媽拌麵!btw小妹之前去親台灣都會買2包返離係屋企自己煮 (台灣買平好多架hehe)...係餐廳門口見到入面好多空枱, 又無人排隊, 就行埋去同waitress講2位吖唔該~點知佢叫我地等一陣, 咁好啦, 可能未清潔好我地照等!等左一陣見唔對路, 點解佢顧住埋單, 另一位waiter就不斷清潔, 但清潔完又唔叫我地入去wor....到最後差不多等左30分鐘, 間餐廳ge人都差不多走哂, 先至安排我地入去!我唔知佢地係咪想營造好多人排隊啦 (因為排排下就好多人, 差不多有成20-30人係到排隊)!!但我靜係知道咁樣會令客人好不耐煩!!好喇, 我地終於坐低左, 我order左紅燒半筋半肉牛肉麵 + 珍珠奶茶!先講個紅燒半筋半肉牛肉麵--佢個麵煮到好淋, 湯底又唔夠味, 真心覺得自己係台灣買返屋企自己煮仲好食過佢!而杯珍珠奶茶呢, 簡直係我此生飲過最難飲ge珍珠奶茶!!首先我落單時叫左熱飲, 佢覆單亦都係岩ge, 但離個時就離錯左, 個waiter又唔想換黑哂面咁...即

一個字慢 ...咁多員工都唔知做咩 係其中一個姐姐幾好 見到隻蛋生得濟 幫我換過出餐速度慢到離譜一來一回 結果到我手碗麵係溫既我情願去食拉麵都快過你成20分鐘先有碗麵食 唉

一入嚟個杯水係凍嘅，杯面仲要有油，之後嗌左個川味紅燒牛肉麵。等左超過半個鐘都未黎，啲人不斷話催緊、應付我。最後碗麵到咗，waiter話遲既原因係張單俾風吹走咗，想問廚房入面係咪有颱風？啲野食唔可以話好食，只係碗普通既麵，蘿蔔唔入味、牛肉普通，但價錢中上。明顯服務同食物質素係比唔上價錢，唔明點解要比服務費，想知服務左喺邊，如果係捧碗麵出嚟俾我嘅話我自己去攞可唔可以扣翻？從未試過係openrice寫食評，但係今次真係好嬲，明明唔係平，點解質素咁差，以後唔會再嚟！！！

吃了兩次第一次吃番茄蛋拌麵，番茄蛋非常少味道也比較淡自己加 豉油 ，辣油才有味道。 第二次嘗試湯麵，花雕雞麵， 雞用雪藏雞而且非常深色。 湯 味道一個字 咸。好的地方是侍應生有禮貌 ，外賣用紙盒比較環保而且會問要不走餐具。

過客餐廳...一份高麗菜肉餃，一杯所謂既鳳梨茉莉茶點了牛三寶面及牛面，2碗面都唔熱，面質素很一般，落左牛三寶只嚟左牛肉牛筋，發現冇牛肚，叫左跟番，點知牛肚一舊韌一舊鬆...配菜有紅、白蘿蔔及菜，都是生的問左經理佢都話太生...水餃方面，咬開完全見到紅肉，即刻叫左人取消...最後係杯茶，用罐頭菠蘿加茉莉茶，味道是分開的，感覺只係夾硬溝埋一齊...成個食飯過程都不愉快，得個貴字，食不出佢有咩價值，感覺唔到呢間餐廳有幾用心，簡直係侮辱咗台灣美食...真心講句：車仔面都不如過客餐廳：即係只係用裝修呃你入嚟食一次，但好快就做唔掂...其實唔知係咪個廚房玩野想搞死間餐廳定點啦，食完埋單同經理反應番佢都話唔應該咁，話會改善喎，我就冇下次㗎啦...

屯門新開老媽伴麵。星期六同朋友黎食lunch,排隊排左30分鐘先有位 （期間個侍應不停講野食要等耐小小）。但其實都好快，落完單都唔使10分鐘就有得食😋私房花鵰雞伴刀削麵：麵同雞既花鵰味好香，好入味麻辣豆腐：小小辣，但唔夠麻。豆腐口感比較實，有小小蛋味，感覺似玉子豆腐。好味既豆乳香香雞： 因為「香港限定」呢4個字而叫。其實只係炸雞加個腐乳醬比你。一般黑糖珍珠奶茶： 同朋友一人一杯 ，但2杯唔同色已經覺得有小小中伏。無咩黑糖味。最唔明就係點解凍飲唔可以叫小冰？總結： 可以再返黎食既。因為其他小食都好似幾吸引。下次再黎會試埋湯麵。

話曬係台灣過江龍 以為會好正點知期望越大 失望越大☹️服務態度至食物質素都不太好.清燉半筋半肉牛肉麵 -$72 ( 粗麵 )呢個麵有唔少人推介 甚至話係必食但我就覺得如果唔係屎忽癢可以唔食😑講咗優點先的確湯頭清香 有牛骨鮮甜又唔油 做得幾好滷牛筋亦軟淋順口 滿滿膠質 味道頗佳粗麵都算滑溜但優點就只有咁少 麵雖滑溜 但煮得過火 冇曬彈牙煙韌嘅口感白蘿蔔同紅蘿蔔好硬 難咬開 而且唔甜牛腱肉質太實 餸嘅份量少 七十幾蚊一碗咁嘅麵 唔抵食又唔好食☹️炸大雞排 -$46食落唔會覺得油膩 肉亦嫩滑多汁問題係 炸雞排理應穌脆香口但呢份炸雞排有嘅係硬脆☹️好似啲放到唔新鮮嘅燒肉皮咁 唔好食☹️另外仲幾淡味 早知唔嗌☹️高山冷泡茶 -$22茶味香 有回甘 但有些少確喉 唔太順口.食物質素同價錢不成正比員工嘅服務態度亦唔好調亂單冇道歉都算員工錯手將醋灑咗落我度都冇道歉 只係匆匆用紙巾清理桌上污積就離去☹️真係大為失望未必會再試☹️

失望嘅台灣料理🙍🏻‍♀️性價比低 味道一般 但餐牌選擇多川味紅燒三寶牛肉麵 $89麵質👍🏻 同係台灣食到既麵質相若😍不過麵既份量都算少 一個人食 係唔夠飽😂但係湯底冇牛肉味 冇香味 而且肉既份量偏細件 個牛肚細到得一小啖 呢個價錢黎講 幾失望👎🏻酥炸甜不辣 $32 幾香脆 幾好咬口👍🏻 不過份量偏少☹️香煎蔥抓餅 $30有8件 幾有咬口，但冇蔥味 食落去 都幾乾 ！我估係事先煎好 再翻叮 所以冇曬水份🤣老媽黑糖珍珠鮮奶茶 $33差👎🏻 等足30分鐘 先上呢杯飲品💤冇黑糖味 冇鮮奶味 冇茶味珍珠好難食🥶 建議大家唔好試⋯

老媽拌麵聽就聽得多🤩終於有機會一試🤓簡個星期一正午12:00貪佢星期一加上仲未放lunch時間至少唔洗排隊直接入座🤤🐢🍯的另一半唔會同佢食呢類型既餐廳所以我一提出食呢間即刻舉腳贊成👍🏼雖然食物種類唔多，樣樣我都好想試但同時我又吾肚餓所以啦左個拌麵同而家流行緊既麻辣鴨血🤤最重要嗌埋野飲 話哂都台灣野緊係要飲珍珠😬我地嗌左花雕雞拌麵，麻辣鴨血加$28配飲珍珠豆漿同百香國寶茶鴨血一上枱 比我地感覺一啲都吾麻辣佢地兩個都未食過鴨血⋯但聽就聽得多佢比我地想像既紅卜卜麻辣汁有出入呢個麻辣又唔麻又唔辣😕🐢🍯形容鴨血既麻辣係十小辣（咁樣清晰啲🤣）之後就係花雕雞拌麵🧐嗯⋯ 有花雕味既⋯不過味道都係偏淡⋯ ⋯食落冇乜驚喜😑個刀削麵係ok既 亦都唔會一pat野淋哂👍🏼最後黎飲品⋯ 嗯⋯呢兩杯飲品我覺得好失望落單時問有冇得小冰 哥哥答我冇小冰小甜但上枱係⋯冇冰😑開始簡珍珠豆漿就係貪佢出面既台式飲品店冇得賣就試下你啦⋯點知⋯有黑糖味既 但冇豆味😑但珍珠既咬口係ok既👍🏼🐢🍯杯百香國寶茶叫正正常常⋯但都係冇冰😑明明我睇過其他分店 都好多好評架點解我食落又係令一回事😕唔緊要 今日（19/8）我又再去食過🤣今次我唔叫