老北京 (渣甸中心)

營業中

休息中

今晚同朋友去了間特色京菜館，這間餐廳位於銅鑼灣渣甸街50號渣甸中心5樓，一出升降機就見到個古色故鄉嘅大招牌老北京，餐廳內裝修就很等色，很傳統，好有中式客棧感覺朋去發板，先來酸辣土豆絲作為醒胃前菜，口感清脆、帶著辣香與醋酸的雙重風味，隱約有陣濃厚北方口味另一個就是老北京必吃的賽螃蟹，賽螃蟹是著名的北京菜，但材料中沒有一絲蟹肉，最主要以蛋白模仿蟹肉，「賽」是「媲美」的意思，入口味道及質感，師傅煮比得上蟹肉的鮮甜及細嫩蒜泥白肉，食時用筷拌合蒜蓉，隨著熱氣，一股醬油、辣椒油和大蒜組合的香味直撲鼻端，使人食慾大振。蒜味濃厚，肥而不膩北京烤鴨（半隻），烤至金黃香脆的外皮，上枱時已香氣撲鼻！ 口感脂香鬆脆，夾在鴨肉中的油脂香而不膩，鴨肉軟嫩，配搭青瓜、香蔥包著一口吃下，加上一齊入口味道十分配合宮保雞丁，夾一筷宮保雞丁入口，舌尖先感覺微麻、淺辣，而後衝擊味蕾的是一股甜意和酸酸的感覺，雞肉鮮嫩、花生香脆，使人欲罷不能最後加埋個甜品拔絲鴛鴦，以幼身糖絲，在蘋果和香蕉上打圈，入口唔會太甜，又唔會黐牙，拔絲鴛鴦有蘋果和香蕉，外邊脆甜，蘋果味道微酸，作為今晚結尾十分完滿，對於喜歡食京菜嘅朋友，絕對多一個選擇

朋友網上隨機搵到銅鑼灣尼間‘老北京’食肆，約埋我這個老北京人，一起來幫襯。地方不大，有啲似私房菜，客人多，飯點要等位噠！1）北京烤鸭 HKD258/半隻 （半價優惠） （9/10）- 鴨肉嫩，鴨皮味道香，又唔會硬👍）- 配的甜面酱比较正宗👌- 薄餅既薄又韌，容易包料，薄薄的皮餅唔會讓人早早飽肚👍2）東華門羊肉串 HKD158/6串 （9/10）烤羊肉依然多汁鮮嫩！因為朋友唔食辣，所以羊肉串冇撒辣椒粉，否則更加惹味👍3）焦溜丸子 HKD178.- （7.5/10） 👇🏿👇🏿图上半部是網上正宗焦溜丸子圖下半部是‘老北京’的焦溜丸子，太多配菜，丸子不夠，配菜來補😅，雖然配菜的味道也不錯，但喧賓奪主了，我要的是丸子😅4）老山東燻手撕雞 HKD158.- （6/10）北京有燻雞，也有（山東）德州扒雞，但北京沒有山東燻手撕雞😅，这里應該是香港‘老北京’廚師自創的如果在北京食燻雞或德州扒雞，不會淋汁同埋加配菜，只係撕開或切塊食雞肉，因為雞肉已經夠曬味！唔需要淋汁👇🏿圖中，上半部是香港老山東燻手撕雞下左是北京燻雞/下右是山東德州扒雞來對比，感覺唔一樣了吧😀5）芫爆里脊絲 HKD148.- （8.5

最近喜歡追劇玫瑰的故事，突然好想食北京菜，然後一班姊妹相約到銅鑼灣，渣甸中心老牌餐廳，老北京。好口碑，今晚訂了VIP房，可以容納十多人的大圓枱，可能大家股票賺到錢，晚飯時段滿座，好熱鬧。氣氛好好，開支紅酒，慢慢看 menu 吃名菜。我們點了很多好吃的，有烤鴨半隻、羊肉串、黑醋黃魚，全部都係北京名菜，味道正宗，一流好食。蒜泥白肉 首先係我很喜歡的涼菜，蒜泥白肉用上五花腩，肥瘦相間，肉質軟嫩，輕輕捲着青瓜片，再鋪上大量生蒜和蒜泥。粉皮吸收了蒜香和醬油，很惹味，微微的香辣和肉的鮮香非常配合，入口滋味無窮。手撕雞很開胃的前菜，手撕雞味道香濃，口感夠爽脆。清甜配菜，加上鮮甜味美的雞肉，吸入了芹菜的香氣美味。北京烤鴨半隻北京出名的烤鴨，皮脆兼且充滿油香，上枱時香噴噴，燒鴨皮脆，薄薄的肉少脂肪，滲出陣陣烤鴨香，入口沒有半點膻味。卷上粉皮、香蔥、青瓜條和醬汁，味道層次更好，調味也不錯，肉質鬆軟，肥瘦適中，食過返尋味。鐵板牛肉 滿滿的牛肉，鐵板上磁磁聲先至過癮，牛肉調味好，份量也很多，肉質鮮嫩，時間煮得剛剛好，肉滑又新鮮，鮮味十足，確是滿意！老北京疙瘩湯貨真價實，老北京有廚藝，入口香味佳，味道濃郁，雞蛋

每次聚會最希望可以找到有房間提供的,因不想影響他人及保有私隱,這食店可滿足我們的要求。蒜泥白肉,蒜泥辣辣的配上醬油跟帶點油脂的腩肉味道不錯,肉質帶咬口,粉皮是重點來的,質地很滑溜,而且很索汁。老山東燻手撕雞,雞肉已經撕了出來,吃來很方便,雞肉很有煙燻的味道,而且還有少許麻辣的地味道。老醋蜇頭,海蜇很爽脆,配上酸辣汁使人食慾大增,青瓜很清甜。北京烤鴨,師傅的刀工不錯,鴨皮及鴨肉的比例平均,鴨皮油香滿滿,鴨肉酥香味美,用上薄皮包住鴨皮+鴨肉+京蔥+青瓜加上少許甜醬,這味道很出色。宮保雞丁,雞丁肉很嫩滑,師傅做到鹹甜酸辣味也很平衡,味道層次豐富。東華門羊肉串,羊肉嫩滑可口,加上孜然粉味道更佳,這個的騷味不會太濃,份量十足,可以說是一串接一串停不。味道: 值得一試環境: 給予房間有私隱衛生: 整潔服務: 殷勤價錢: 合理

位於銅鑼灣「老北京」餐廳，以地道傳統北京風味為核心，經典菜餚同地道風味聞名蒜泥白肉配埋濃烈嘅蒜泥醬，呢種味蕾衝擊絕對係愛蒜人士福音🤟🏻下面嘅涼皮吸收晒醬料精華非常好食。爽脆嘅海蜇頭加上香酸老醋，清新解膩，前菜必order。老山東燻手撕雞（半隻）燻香四溢雞肉嫩得黎好入味，醬料偏鹹甜口感，幾款前菜都做得好出色。呢個東華門羊肉串非常驚艶，完美復刻之前去北京食串燒嘅味道，超Juicy嘅羊肉串，秘製醃料同炭火嘅完美結合，羊肉嘅油脂配合得恰到好處又唔膩，我一個人都可以食4串😆辣中帶甜嘅宮保雞丁，雞肉鮮嫩加埋花生嘅脆口，忍唔住要叫碗飯🤤賽螃蟹呢道菜係假蟹肉真風味，雞蛋整出嚟嘅「蟹」味，香滑細膩，味道真係有驚喜，但記得一定要配合陳醋😎拔絲鴛鴦（香蕉/蘋果）喺舖頭嘅signature甜品，外脆內軟嘅拔絲鴛鴦，睇相都知道好考功夫每道菜都真材實料，食埋甜品係好滿足😋

香港已經越來越少老北京菜，這間正正是我比較喜歡的一間。門口木招牌非常有氣派，充滿老北京風味。蒜泥白肉五花腩卷住青瓜片，再加上香蒜，味道非常配合，肉質軟嫩入口就能嘗到肉的鮮香氣味和蒜泥醬成就了一種對比，底層墊上粉皮，吸收了所有蒜蓉醬油香，零舍滋味。老醋蜇頭海蜇頭用特製老醋調味, 口感清脆爽口，拌上的青瓜爽脆清甜。酸辣土豆絲土豆去除了澱粉加入調味快炒，真的非常清脆，酸辣夠勁、爽脆又開胃。老山東燻手撕雞（半隻）雞肉的肉汁豐富兼非常嫩滑，入口有淡淡煙燻香氣，拌上紅蘿蔔、青椒等蔬菜增加甜品，可以讓鮮嫩多汁的雞肉更加清爽美味！黑醋黃魚黃魚煎的金黃酥脆，淋上酸甜的糖醋醬汁，能帶出魚的鮮美滋味，上桌後香氣四溢，令人胃口大開。老北京疙瘩湯雞蛋番茄麵疙瘩湯是老北京人最愛的兒時家常菜，疙瘩湯酸酸甜甜，鮮香可口，清淡爽口，讓人吃了就難以忘記它的味道。

跟幾位成班舊同事相聚，選擇了重口味的老北京，實在是一次令人難忘的美食經歷。大蔥豬肉餡餅餡餅金黃鬆脆的外皮，裡面的豬肉餡汁多味美，與大蔥的清香相得益彰，恰到好處的鹹香讓人一口接一口。砂鍋雲吞雞半隻湯底濃郁，帶有雞肉的鮮甜，雲吞滑嫩可口，蔬菜吸收了湯汁十大美味😋北京烤鴨半隻外皮酥脆，色澤金黃，搭配甜醬、蔥條及薄餅，卷成一口，既有層次感又不失豐富的味道。肉質鮮嫩，油脂適中，讓人意猶未盡，絕對是北京菜的經典代表。老醋蜇頭蜇頭的脆感搭配特製的老醋醬汁，酸中帶著微微的甜，讓人胃口大開。期待下一次再再試別的菜式！

好耐沒有同一班朋友出去食過飯喇，朋友好耐沒有食北京菜、中菜，搵到間位於銅鑼灣老北京菜既地方，雖然地方不算好大，但都好有私人空間。坐底之後，都係要睇下有咩想食，發現都好多好想食既野，之後點幾道菜先，唔夠先再叫。【蒜泥白肉】喜歡有點蒜嗆味的感覺，蒜香比較突出，在底部仲有粗薯粉墊底，可和蒜泥白肉撈埋一起吃的香味。【老山東燻手斯雞(半隻)】手斯雞燻香肉嫩滑，再有甘筍絲、芫茜、青瓜絲等，加了秘製醬汁，帶點麻辣味道，非常惹味，估不到這道菜比想像中出色，仲要份量唔算細。【賽螃蟹】雖然食材裡沒有螃蟹，但卻吃上來比蟹肉更美味，利用了海鮮及蛋白炒到蟹肉質感，再加了蛋黃在中間，賣相已經吸引，之後再撈埋一起食，再加上鎮江醋，非常開胃。【東華門羊肉串(6串)】串燒烤得軟硬適中有肉汁，不算好乾，再加上獨特香料，聞的香味就覺得很美味。【老北京炒餅】這個炒餅我地真係未食過，炒餅是用餅皮切條切絲再加配菜一起炒，食落口感帶點煙煙韌韌。值得推介【拔絲鴛鴦(香蕉/蘋果)】到最後我地叫左甜品，表面有層脆脆糖漿，內裡軟淋，外觀又非常漂亮。

今晚同朋友去食北京菜。🌷拔絲鴛鴦糖絲幼身，唔會太甜，又唔會黐牙，拔絲鴛鴦有蘋果和香蕉，外邊脆甜，蘋果味道微酸。🌷北京烤鴨半隻北京烤鴨的皮厚身，肉質有嚼勁，薄餅皮都係屬於厚身個款，口感煙韌。🌷蒜泥白肉蒜泥白肉包着青瓜片，青瓜片剛好減輕咗白肉的肥膩感，蒜味濃厚帶辣，用蒜辣醬拌粉皮食，係好的開胃菜。🌷酸辣土豆絲土豆絲口感清爽，辣中帶啲醋的酸味。🌷黑醋黃魚黃魚的外表香脆，魚肉軟身，黑醋醬汁都幾潔身。🌷老北京炒餅最特別係有切條的薄餅皮一齊炒，由於薄餅皮吸咗部份肉的油分，所以啲肥肉食起嚟都唔算好油膩。食得開懷之餘，聽奇遇更加笑到飽。

朋友話想食中菜，於是便在銅鑼灣訂咗一間有得食片皮鴨嘅餐廳—老北京。北京烤鴨（半隻）北京烤鴨的皮酥脆，肉質鮮嫩，再配上甜面醬、蔥絲和黃瓜條，口感清爽。砂鍋雲吞雞雲吞的皮薄而韌，裡面的餡料鮮嫩多汁。另外雞肉鮮嫩多汁，再鮮美的湯底，真的很棒！老醋蜇頭蜇頭的口感脆爽，咀嚼時有嚼勁。味道酸酸甜甜，特別開胃。大蔥豬肉餡餅（2個）餡餅的外皮酥脆，內餡的豬肉柔軟多汁，有豐富的肉香和蔥香。今晚餐廳幾乎滿座，建議有興趣嘅朋友記得先預訂座位。

今日朋友帶咗我去呢間叫老北京嘅中餐廳試試北京菜 呢度嘅茶款可以自己揀 我哋夜媽媽唔想揀啲有咖啡因嘅茶 所以揀咗菊花茶 菊花茶好清香 夠菊花味乾鍋椰菜花 呢度嘅乾鍋椰菜花反而偏濕 但同樣有鑊氣同香 椰菜花配豬五花永遠都係唔會錯嘅配搭糖醋小排骨 排骨本身嘅肉質唔錯 食落夠爽彈加埋糖醋醬酸酸甜甜又掛汁 送飯一流煎白菜豬肉水餃 水餃表面煎得夠香脆 一咬落去即刻爆汁好Juicy 白菜豬肉餡料調味適中 水餃皮煙煙韌韌番薯拔絲 呢個係心機功夫菜 上枱我哋已經畀佢嘅樣吸引住 面頭嘅拔絲應該係用麥芽糖整食 而番薯畀一層脆皮麥芽糖包住 本身番薯夠粉 再加埋脆卜卜嘅麥芽糖令佢更加好味

今日去咗銅鑼灣食北京菜 平時食北京菜一定會諗起北京填鴨 呢度都有不過我哋今次就試咗其他嘢 手撕雞 呢個屋企人話喺openrice見好多人推介 所以我哋都叫咗嚟試下 味道偏辣 但係味道唔錯糖醋小排骨 小排骨嘅口感係爽彈 而且連住骨既肉帶有少少油脂 所以食落更加香 個糖醋汁甜酸度同埋濃稠度都啱啱好 可以掛汁係個排骨表面 送飯一流老北京炒餅 呢個我哋第一次食 個味道都唔錯幾特別 係啲餅皮條切條切絲 再加埋椰菜蔬菜伴炒 食落煙煙韌韌鹹鹹香香最後我哋仲叫咗個甜品蕃薯拔絲 我本身好鍾意食蕃薯同甜嘢 而且蕃薯表面有層脆嘅糖漿 好啱我口味 賣相更加非常搶眼我見餐廳呢度有幾間包房 亦有幾個卡位 坐得都算舒服

今次俾朋友帶咗去銅鑼灣附近食北京菜、呢個除咗菜式好好食之外、裝修都好大氣優雅！呢間北京式餐廳都有一段時間，多好多熟客幫襯！入面仲有一間vip房Tim!除左呢度裝修幾有中國風之外，呢度既野食都好令我地去期待！同朋友叫左老北京填鴨套餐半隻，而佢地比我地既配料包括有：青瓜，京蔥絲，當然北京填鴨醬係不可缺少的一部分啦！用黎包填鴨既面皮感覺熱烘烘岩岩整好！再配上醬料既填鴨真係好正！我地之後再叫左火鍋打邊爐，叫既湯底係食普通湯底，入面有紅棗紀子呢d珍貴食材都幾健康！再加上湯底鮮美！之後當然就係叫銅鍋寧夏灘羊腿肉200G：D羊肉食落好嫩口，又唔會有蘇味、再加上份量都大大碟好好食！之後我地再叫左仲有蔬菜拼盤入面有津白菠菜皇帝菜，清清腸胃！之後既甜品叫左：拔絲香蕉🍌：佢仲有拔絲蕃薯🍠ga!銅鑼灣渣甸街50號渣甸中心5樓老北京

銅鑼灣其實本身都有好多北京菜或者係中國菜好值得大家去食！呢間裝修好靚好大氣！再加上菜式都係我呢排想食既菜款！講明係老北京既懷舊味道！. 今次我同朋友叫左：老北京填鴨套餐半隻份量、北京填鴨配料包括有：青瓜，京蔥絲拼北京填鴨醬包填鴨既面皮熱烘烘好新鮮！配上醬料既填鴨真係好好食！之後我地食左個火鍋套餐：湯底係食普通湯底，但係有紅棗紀子都好養身！-老北京銅鍋普通湯底寧夏灘羊腿肉200G羊肉好嫩口，加上份量大大碟好好食！仲有蔬菜拼盤：津白、菠菜，皇帝菜最後甜品係拔絲香蕉🍌：呢間餐廳老北京位於渣甸中心5樓全層，地鐵站最近為銅鑼灣F出口直行3分鐘路程！鐘意食北京菜既你記得一定要去食下啦！

屋企人想食烤鴨，就卜左去老北京。餐廳間成數個小房，私隱度好高，好啱一家人聚會或傾生意。北京烤鴨（半隻） $258鴨皮脆而不油，薄薄一層脂肪帶出鴨肉嘅嫩滑，配埋薄薄嘅餅皮，京葱，青瓜同甜醬，正。生菜炒鴨松  $100鴨肉切得細碎，混合埋香脆嘅生菜，口感豐富，味道鮮美，仲有少少甜甜嘅滋味，令人口水直流。糖醋里脊  $128外層炸得金黃，里脊肉嫩滑，個汁酸甜適中，好醒胃。韭菜豬肉水餃  $95皮薄餡多，韭菜嘅清香同豬肉嘅鮮甜好夾，咬落去滿口肉汁香。老北京炒飯 $108京蔥蛋炒飯,炒飯炒得粒粒分明，京蔥嘅香氣撲鼻而來，蛋香濃郁