老北京 (渣甸中心)

營業中

休息中

老北京北京烤鴨 半隻二食：生菜包鴨鬆傳統美食北京烤鴨皮脆肉嫩，廚師嘅烤製技術相當出色，烤得鴨皮焦香，令人無法抗拒。鮮香嘅味道同特製的嘅甜麵醬，搭配暖暖小薄餅，提升整體嘅用餐體驗。係令人陶醉嘅經典之作。作為二食的嘅生菜包鴨鬆，則令人感受到清新嘅口感。用濕潤嘅生菜包裹著鴨鬆，既保留咗鴨肉嘅鮮美，又令整體口感唔會過於油膩。糖醋里脊糖醋里脊外酥內嫩，甜酸味道適中，以菠蘿，洋蔥等配料再提味，用嚟撈飯非常適合，令人份外開胃。韮菜豬肉水餃水餃餡料新鮮且有嚼勁，韮菜嘅香氣與豬肉嘅鮮美融合，令人感受到家庭料理嘅溫暖。皮薄餡多，食起嚟唔會感到太膩，值得推薦。老北京炒飯 - 京蔥蛋炒飯老北京炒飯用京蔥同蛋煉制而成，炒飯粒粒分明，香氣四溢。炒飯質感稍稍濕潤，同幾多菜式融合得宜。令人喚起回憶，係另一種經典嘅情懷。

話說朋友又想食片皮鴨，見open Rice 食評幾好即管試下，我在Open Rice 訂座的。但是用餐的體驗就唔太滿意了。事源1. 我哋已經訂了5 位，去到待應比一間房我哋，我覺得奇怪（因為我哋沒有要求用房間）就問多次待應真係比這間房嗎？佢哋話正確，我再多口問用房有冇最低消費，待應話你訂位時有寫的。😳我心唸... 那裡有寫？？結果5-10 分鐘後，又突然話搞錯咗，又叫我哋坐出大廳，算啦！唔知點解佢哋咁亂😣。2. 食物方面，我哋點咗片皮鴨、手撕雞、葱油餅、小籠包、上湯津白、瑤柱蛋白炒飯及高力豆沙。以我哋嘅評價，片皮鴨都係一般，皮不脆，份量少，只有手撕雞和高力豆沙好味好食，其他也是一般，蔥油餅好咸😣。3.當晚係周末，座無虛席，廚房出菜非常慢，食完頭幾個菜，就要等半個鐘，又趨又盛幾次先可以上到菜。4.我同待應提出請佢哋確認我Open Rice 訂座出席，但待應找老闆，老闆話唔識，又係廚房搵個男人出來，只係答我你埋單時就會幫你搞，結果最後都冇。唔知Open Rice 可否比返出席的積分我呢？5. 最離譜係，我朋友簽咭埋單，到了晚上十一點幾，竟然收到老北京的訊息話我哋張單取消了交易，即係冇過數，

深色木質牌匾「老北京」一映入簾，內部方方正正。屏風的布局，再加上不同的擺設，如：白玉花瓶、花窗，令人一望再望，捲入老北京胡同。(1)北京烤鴨（半隻）份量比較「啥」，半隻是咋意思。烤鴨油脂充沛，與鴨肉比例不均，難免過於油膩。不過，潤皮輕薄有彈性，四周不會因風乾而裂開。(2)雞絲粉皮不算是預製涼拌好，帶點微溫，令粉皮super Q軟。適量的青瓜絲、手撕雞肉，還有入口溫和的花生醬汁，一口又一口。（刷新對花生醬的觀感。(3)松鼠桂魚桂花魚剔骨𠝹花，炸成昂首翹尾的形態，再配上酸甜糖醋汁，一躍而起，成為經典名菜之一。（知錯了，不應該外賣你。🐡(4)瑤柱蛋白炒飯味道和口感均欠奉。瑤柱水或調味不足；芥蘭粒亦不夠，令整體變成瑤柱笑死炒飯。(5) 拔絲鴛鴦（香蕉拼蘋果）香蕉會比蘋果出色，皆因其熟度容易掌控，微焦糖化的拔絲脆脆與熟成香蕉的軟糯口感相得益彰。(6) 炸芝麻湯圓

餐廳晚餐時段未算多人，地方不大，環境還算不差。服務尚可，但人手不足，祇有2個侍應，經常找不到人服務。起菜時間甚長，半隻烤鴨等了超過40分鐘，所有其他點菜都食完才上。

呢間老北京，菜式好食，裝修唔錯，尤其推介烤羊肉串，但明明Openrice訂位，講明每人消費$300或以上，就可以有北京填鴨半價以及免火鍋鍋底。但到埋單時，優惠就只可以二揀一。這種呃人的優惠手法，今時今日真係要不得，真係想去消委會投訴。

銅鑼灣老北京, 冬季推出火鍋, 今晚訂了位約幾個中學同學去試下, 邊爐取暖.房座要六位起, 所以我們三人安排了坐卡座.  落了單食火鍋,  先送上茶及醬油,  分別各付每位 $25-, 即自行混醬. 送 來古法銅鍋, 具統傳特式, 清湯底 配杞子, 薑 $138-  配料食物源源送到. 有雪花肥牛 $248, 顏色鮮明. 牛柏葉 $100.   午餐肉 $68,  蔬菜叫了多款,  菠菜 $48津白 $48萵筍  $48 ~  好爽口. 腐竹 $58  ~ 加上麻辣湯, 感覺多了一份刺激感.手工麵條 $60- , 幾彈牙.同學們 個 個勁擦得,  轉眼已全部食清.再加個 高湯小籠包 (6個)  $70-  上檯熱騰騰, 沾些浙醋, 感受一下北京小食, 也不錯. 

天氣涼了又係食火鍋時間, 今天我們一家四口去了銅鑼灣,  老北京, 吃京式火鍋.餐廳面積不太大, 設有幾間活動房廳, 及卡座.店員送上餐牌,  火鍋精選食材有兩頁. 檯上設有電磁爐,  用傳統銅火鍋, 普通湯底 $138- , 以清水加杞子, 蝦米,  薑和大蔥.傳統醬料:   麻醬, 腐乳, 辣椒油, 芫茜,  蔥等,  每位收費 $25.   各自調味.另茶水 每位收費也是 $25. 另收加一小帳. 火鍋水滾了, 所選擇的配料一一送到,   寧夏灘羊 $268-,  肉質細嫩, 沒膻味, 脂肪平均, 好食.鮮豆腐  $48-, 有豆香幾滑.午餐肉:  $68-, 厚切肉質不錯.魚片  $180- ,  大大件 生菜 $48-    翠綠新鮮,  灼一灼便可.粉絲  $38-,  好滑口.白菜豬肉水餃 (10隻)  $95-.     餡料多肉味濃.收費不便宜,  食物質素可以. 

銅鑼灣有一間出名嘅京式菜館，有傳統嘅京式火鍋，天氣開始轉涼，喺打火鍋嘅好時間🤗京式火鍋同我地廣東火鍋最大嘅分別，係京式火煱唔會有好多唔同款式又濃味嘅湯底，只要係用清水做湯底，再配合自己混出的醬汁同火煱食材一齊食用。我同朋友每款食物都叫左一D：🥓寧夏灘羊🐟魚片🥓雪花肥牛🥩午餐肉🍜手工麵條(份)🥗土豆片、粉絲、菠菜、生菜肉類同蔬菜份量都啱啱好，肉類有夠新鮮，羊肉同肥牛切得好薄；麵條爽滑，配合埋清湯底食，同平時食開嘅濃味嘅湯底有好大分別，真係別一番風味😃

我之前未試過食京式火鍋，今次第一次同朋友一齊，原來傳統嘅京式火鍋係用清水作湯底，再配合多款醬料，按個人口味自行製"混醬"，然後作點火鍋配料之用。食🥘京式火鍋，一定要叫最出名嘅💡寧夏灘羊，每片羊肉都切得薄薄嘅，入湯即熟，再配合埋"混醬"一齊食，真係有另一番滋味!而我同朋友都叫多左好多唔同嘅火鍋料，好似有💡魚片💡雪花肥牛💡午餐肉🥗菠菜、生菜、土豆片、粉絲💡手工麵條(份)每樣配料都好新鮮👍🏻💡高湯小籠包(6個)- 小籠包一籠有6個，皮薄，每個包都有鮮肉湯係入面，食嘅時候真係要好小心👍💡高力豆沙(4個)- 高力豆沙，四個都大大個，真係滿足晒我好鐘意食甜點嘅朋友😃

銅鑼灣嘅「老北京」主打地道北京菜，環境比較傳統中式的設計，當然主食唔少得北京填鴨🤣🤌🏻北京烤鴨（半隻）以中菜同北京菜為主，同女朋友和家人點咗半隻🦆鴨肉份量都幾多，肥瘦適中啖啖肉，重點配薄薄烤鴨皮同特製醬一齊食，仲有青瓜同蔥我，自己特別鍾意春卷皮好煙韌🤌🏻老北京炸醬麵 HKD98店舖用上五種不同嘅香料，再加五花腩慢慢調製炸醬，帶點微辣地非常惹味～而麵份量都好多，質感偏厚身😛🤌🏻韮菜盒子 （2個）外型好得意🤣師傅將一個盒子分成兩邊，韮菜好足料，4人每人一口剛剛好🤌🏻芹菜豬肉水餃（10隻）水餃大大隻同樣好足料，芹菜好香，配上香醋而呢個係家常選擇🤌🏻高力豆沙4個高力豆沙口感軟綿綿，沾上糖之後一口咬落去，比起平時食開嘅豆沙包更加好食，沾過糖但甜而不膩🤌🏻拔絲香蕉🍌食北方菜當然要試試拔絲甜品，一上枱成為拍照焦點🤣外層糖衣好香好好味，裹面軟綿綿香蕉，拔絲好好考師傅手功，香蕉外層焦糖脆脆地😁外脆內軟🚩 老北京 (渣甸中心) (銅鑼灣)銅鑼灣渣甸街50號渣甸中心5樓#addifoodie #addifoodie銅鑼灣#foodie #hongkongfood #drawing #香港美食 #吃喝好去處

🎶好耐冇食過北京烤鴨～～ 最近同男朋友同屋企人去咗銅鑼灣嘅「老北京」食地道北京菜 估唔到仲有打卡好靚嘅拔絲香蕉！😳 連隔離枱見到都即刻忍唔住問我哋係咩嚟xdd ✻北京烤鴨（半隻）HKD258北京烤鴨肥瘦適中 半隻份量都幾多🦆我哋四個人食啱啱好 個人好鍾意佢嘅春餅～～ 另外叫多咗份春餅😋✨ 用春餅夾住烤鴨 醬料同蔥 口感一流～～✻老北京炸醬麵 HKD98原來老闆用五種不同嘅香料同五花腩慢慢調製出個炸醬！微微辣辣地咁非常惹味～ ✻韮菜盒子（2個）超多韮菜好足料！四個人每人半件啱啱好💚✻芹菜豬肉水餃（10隻）HKD95豬肉水餃大大隻 同樣好足料 芹菜好特別！✻高力豆沙（4個）HKD80大愛高力豆沙💕 香脆鬆軟入面仲有豆沙 甜甜地入口好滿足～✻拔絲香蕉 HKD98 一上枱成為眾人焦點xd 拔絲好靚 相信好考師傅手功😳 香蕉外層有啲焦糖脆脆地咁 外脆內軟～🍌

與朋友聚餐，選址渣甸中心的老北京。朋友素愛清淡，今天選的全是京菜中比較清淡的菜式。老醋蜇頭色澤透亮，入口脆而厚實，醋的清香從海蜇皮滲透出來，十分清新爽口，黃瓜同樣入味，酸香開口，很好的頭盤菜！賽螃蟹吃北京菜少不免來一道賽螃蟹，炒蛋白模仿蟹肉的質感，一黃金蛋兼置於中間，擺盤精美水嫩嫩蛋白香滿滿，配上鎮江醋，清爽開胃。小籠包外皮厚薄適中，外表均一，咬開盡是滿滿肉汁。酸菜白肉鍋湯頭酸而不嗆、口感溫和，暖和而清淡。

在網上尋找正宗京菜，發現這間蔡瀾筆下推薦的老北京！裝潢很有中國味。菜式很多，一時間看得眼花撩亂，本想來一隻片皮鴨，可惜剛好買完，下次來要先預訂！吃北京菜不吃羊肉怎行？本想來一道孜然羊肉，卻被隔壁的羊肉串吸引了！羊肉串用鐵枝穿上，肉粒大塊，入口香嫩而微羶，加入孜然及辣椒粉，香且惹味，家父對此回味無窮！又來一道必點的小籠包，一籠六隻的小籠包，皮薄卻不易穿，入口餡肉鮮香，肉汁豐盈四溢，出色！松鼠桂魚來一道重頭大菜，口感酥脆，酸甜醒胃，醒胃可口，用上大大條桂魚，骨少而多肉，四人幾乎吃不完。蔡瀾推薦的肉餅——大蔥豬肉餡餅肉餡飽滿而多汁，外皮薄薄的煎炸至焦脆，果真出色。最後來一道高力豆沙，外層雪綿鬆軟，以少許豆沙增添風味，如果豆沙餡更多就完美了！等𨋢期間發現午市有半自助餐，下次來試試！

食咗幾年，一直覺得佢做得幾好，今次再去食物質素下降了不少，價格就升左好多。粉皮又粗又硬又痴實哂，牛肉炒得好老，片皮鴨只係例牌唔係半隻。難怪7點幾都坐唔爆，再唔改善好快執笠

最近去咗一間餐廳試咗佢哋嘅中菜，真係有驚喜！食物味道好正，令人回味無窮！首先，佢哋嘅北京烤鴨真係一絕！皮脆肉嫩，外焦內嫩，每一口都帶嚟滿滿嘅烤鴨香氣！配上薄薄嘅餅皮同甜甜嘅醬汁，真係令人嘆為觀止！蔥爆羊肉同水煮羊肉都好出色！蔥爆羊肉嘅羊肉片咬落彈牙，配上香氣四溢嘅蔥段，味道鮮香又開胃！水煮羊肉則係一碗辣辣嘅湯底，羊肉滑嫩，香辣味道刺激味蕾，令人嘆為止步！老北京賽螃蟹係一道經典菜，蛋白炒得嫩滑，賽螃蟹帶嚟嘅鮮甜味道完美融合，好滋味！真係讓人感受到老北京傳統美食嘅獨特魅力！最後，老北京炸醬麵係一道必試嘅招牌菜！麵條彈牙，肉排炸得酥脆，再加上豆鼓醬嘅香濃味道，每一口都好滿足！總括而言，呢間餐廳嘅中菜真係令人驚艷！不論係北京烤鴨、蔥爆羊肉，定係水煮羊肉同賽螃蟹，每一道菜都帶嚟豐富嘅口味同飽滿嘅食慾！如果你鍾意傳統中菜同想感受老北京嘅風味，呢度絕對係一個值得一試嘅地方！老北京 (渣甸中心) (銅鑼灣)地址：銅鑼灣渣甸街50號渣甸中心5樓