翡翠拉麵小籠包 (已結業)

今日來到呢度食下午茶，個人勁肚餓，好彩唔駛等叫左個下午茶餐，前菜【鎮江肴肉】，有碗【炸醬拉麵】，甜品【雪耳桂花糕】😍，仲另再叫個【手抓餅】【手抓餅】勁好味，即叫即整，蔥味很香，煎得亦外脆內軟，唔會好油膩前菜【鎮江淆肉】，湯凍同酥軟嘅豬肉，入口即融，好味【炸醬拉麵】拉麵軟軟，配合濃味嘅炸醬及清湯，味道恰到好處【雪耳桂花粒】唔會太甜，味道好清新埋單價錢不算太貴，下午茶時段人客亦不會太多，下次一定會再來試其他嘢食。

本身食西餐，不過要等，行行下見到呢間，老公見到啲小籠包眼甘甘，加上見到個廚房入面，啲師父係度整麵粉團，好似好正禁，最後就走左入呢間啦初頭我地只係叫左4樣野，點知加左多左兩次單，食到抱住個肚走水煮牛肉拉麵老公無為意餐牌上既3隻辣椒，辣到佢食唔到，我接受到，個味好正，鮮牛肉同啲麵條都好易入口麵條味正最正係有超多菜係入面，岩哂我生煎包好味好味好味，超香口，肉味香濃八式小籠包成籠差唔多係老公處理哂，佢真係超中意食小籠包，我都唔好意同佢爭，只求試下個口水雞同辣味牛肉同埋中間個粒奶黄水晶包粒粒都皮簿、滑，涵靚，肉汁甜，每隻個味都好分明，唔會食唔出食緊邊種味，禁當然係要睇住個餐牌黎食啦中間粒水晶包超正食完呢個，得返個鍋餅，唔夠飽，叫我老公叫多籠佢話：你都係想食中間個粒，先叫我叫多籠即！哈哈哈，穿左加單排骨湯麵排骨啖啖肉，我就麻麻啦，老公仲要將拉轉左做角麵，我覺得粗過頭，拉麵條好食好多原味小籠包唔記得影，同八式一樣，皮簿、滑，涵靚，肉汁甜豆沙鍋餅呢個好失望，我好少食緊影相，多數一上台就影，呢個真係專登影比大家睇，個皮太厚，除左面個少少有啲脆之外，成件都係淋既，個豆沙蓉都偏淡囗！芋泥包只能夠講，喂，甜

唔係第一次去呢間拉麵店，每次去都食得好滿足好開心，俾個讚～不過今次我就覺得普普通通了......食物既味道就是一般😐兩個女仔食咩好？？？ 我哋叫左一碟炒飯、一碗湯麵同埋小籠包。「雞火炒飯」：無咩特別，就係一個普通的炒飯而已～ 可惜飯炒得太過乾身🙁「鯊魚骨珍菌湯拉麵」：麵類任君選擇，我哋揀咗兩溝。最值得讚嘅係個湯底，真係好鮮甜。「上海小籠包」：不過不失啦～當然比起酒樓嘅好好多，但係相比其他上海餐廳又唔見得勝一籌。

正值午餐時候，路經荃灣廣場，見到呢間小籠包店門外竟然冇人排隊。立即上前到接待處攞位入座。我們一行3人叫了一客小籠包，一客生煎包，一碗酸辣湯麵，一碗嫩鷄煨麵，一個紅燒獅子頭及一個鎮江肴肉。小籠包 - 皮薄肉汁豐富，一如以往的好食。完全唔記得影相生煎包 - 包皮脆口又不會過厚，肉汁多，不錯。同樣上枱時一人一舊，立即清晒，又唔記得影相。酸辣湯麵 - 唔係我食，不過食果位話酸辣味特出，好味。嫩鷄煨麵 - 呢個係我的最愛，每次來必叫。同樣，今次都冇令我失望。紅燒獅子頭 - 上碟都幾大碟，全碟有兩舊獅子頭，味道還可，我喜歡它不油膩且菜的份量也不少。鎮江肴肉 - 味道不錯。

已經是第二次光顧荃灣此分店，其餘分店我都不時去食，絕對是Fans 不過今日大約七成客滿，但我們卻被安排在走廊旁的二人位，檯很細，旁邊走廊是只容許一個人行過，當上菜時，差點不夠位，頗為迫.....說點食物，點了個二人餐（$198）再加了醉雞及鍋貼：小籠包 -- 皮薄多汁，好味白灼菜心 -- 太淋，個人喜歡生一點🤣雞絲粉皮 -- 好像以前比較好食上海粗炒 -- 夠大碟，味道不錯鍋貼 -- 好味醉雞 -- 好夠味，好食熱羅漢果茶 -- 好夠味原來想叫甜品，但太飽啦 絕對會再encore！

上次食過呢間啲嘢食覺得唔錯， 行行下覺得有少少肚餓 ，咁啱又行過門口竟然冇乜人， 決定入去再試下。炸排骨拉麵， 排骨很鬆脆 但係覺得味道咯淡，拉麵有彈性不過個湯好淡冇乜味。清燉雞湯拉麵， 未上前以為會係一碗過點知佢竟然分開上咗一個燉湯加一碗麵畀我， 有啲驚喜。 雞肉喺埋燉湯裏面，有小小鞋口不過燉湯味道不錯， 不過試一次就夠。餐牌上面仲見到有個8色小籠包，之前喺樂天皇朝 試過覺得唔錯，但今次由於太飽，下次有机会會試埋佢。

放假行街去到荃灣，唔想食西餐，竟然畀我見到上海菜， 即刻排隊攞飛。 星期六，六點左右餐廳門口唔算多人，好快有位入座。嗌咗一籠上海小籠包， 新鮮熱辣，皮薄餡靚好好味!!鎮江肴肉， 平時食肴肉最唔鍾意食嗰層啫喱， 又硬又冇味， 不過呢間整得幾好味， 成嚿食曬冇浪費！！酸辣湯麵，唔係好辣但係好香都好多餸又大碗, 由佢係最早上菜，一開始就食曬唔完全唔記得影相。

龍井蝦仁，超細隻小籠包好食，水準很高蘿蔔絲酥餅，可能啲油太耐冇換，好大陣味毛豆栢葉，簡簡單單，清清地酸辣湯麵都幾好食2人位，可能伙記諗住兩個人唔會叫到成枱嘢，就拉開隔離張枱，唔比用，點知一張枱係唔夠擺嘢，都唔比拍埋隔離果張，唔通要限住叫嘢食(唔淮叫到成枱滿)我地叫到要放埋隔離張枱，伙記先肯拍埋張枱比我地用。如果你爆場，我係唔怪你，但係下午4點幾，都冇嘜人，都要咁樣，就真係有啲過份囉還有，服務態度，唔知係咪佢地個個好辛苦，一啲笑容都冇，我仲以為去錯地方食嘢

我哋一行8人, 訂好枱, 準時到達. 可能係星期日晚嘅關係, 有限用饍時間, 所以我哋一坐低就急忙睇餐牌先點菜, 上菜好快, 好似呢頭點完, 嗰頭就上菜. 而所有員工嘅速度都係非常快, 睇住佢哋喺餐廳內周圍轉, 我都覺得好緊張. 我哋先點咗9樣, 後再加1碟炒拉麵.美味燻魚 - 超鍾意, 不過可以再解凍多一陣上海小籠包 - 皮薄得離唔會漏湯椒鹽小黃魚 - 皮香脆, 肉嫩滑瑤柱賽螃蟹 - 蛋白熟度剛好鮮茄蝦仁鍋巴 - 我太遲出手, 想試嗰陣, 鍋巴已經無晒, 唯有用個湯汁撈咗啖飯離試, 鮮茄味好濃豆瓣菠菜 - 啲菜好翠綠新鮮花雕醉雞 - 酒味濃郁上海鹹肉炒菜飯 - 如果可以再加多小小鹹肉去吊味就好啦, 我個人覺得略淡宮廷醬茄子 - 開胃冷盤鱔糊炒拉麵 - 鱔糊足料, 幾惹味喺限時到嘅時候, 真係會提你, 同埋比埋張單你埋單, 所以如果想慢慢同朋友邊傾偈邊食的話, 就要考慮考慮......

搬左黎荃灣之後，發現屋企附近真係好多野食😋今次同男朋友黎左荃灣廣場食小籠包😬餐廳感覺好光猛開揚，我地坐係窗邊，望住出面風景，感覺好舒服餐牌上有好多選擇...識食一定係食小籠包😋😋我地叫左一籠小籠包一咬落去好Juicy..好多肉汁，而且個皮好薄，食落去唔會覺得粉，誠意推介👍🏻👍🏻仲有就係我最愛的醉豬手😋😋酒味唔會太濃，好甜，豬手彈牙爽口，充滿骨膠原，係女士恩物呀😂同男朋友每人叫左個湯，分別係酸辣湯同埋清燉雞湯酸辣湯都幾足料，好開胃男朋友話清燉雞湯雞味好濃，幾好飲最後仲叫左個上海粗炒,味道比較淡，唔夠濃而且d面淋左少少☹️總括而言，整體味道唔錯，下次會再試下其他野😋

呢個2013年獲香港旅遊發展局頒發美食之最大賞-最高榮譽金獎 嘅小籠包😇 PPFood都知喺2017年先試係out左啲🙈 但都決定要試試😂👆🏻👆🏻👆🏻呢籠翡翠水晶八式小籠包（$88）話係以食物天然色素制作😊 有八種唔同嘅口味👉 原味、麻辣牛肉、芝士、四季豆、口水蝦、鮮蝦、鵝肝＆黑松露😉 但PP淨係食得出辣同唔辣嘅分別🙈 如果一定要揀 應該係原味最好食 起碼多啲汁👉👈 另外佢中間果粒 有啲似奶黃嘅粉粿咁 都算可以😂 但總結係覺得食返普通小籠包係最明智！

好耐無嚟過荃灣呢間翡翠啦~平日番工去係去金鐘果間多，估唔到呢間都幾有驚喜，適合一家人食，但最好用APP BOOK 排定隊先啦!原來側邊位有落地玻璃可以睇下街景咁，平常晚餐嚟講都幾舒服。拉麵小籠包店，即叫即整，店外仲有大玻璃睇師傅表演添!五殼金絲炒飯，油水適中，粒粒分明，好香口，感覺幾健康!小籠包就唔洗講啦，好食無得輸!另外，鐘意食煎炸野既我，就試左呢個手抓餅啦，但個質感一般，有點厚實。今次都係兩個人食，每人約一百蚊啦，都已經幾飽。

行到商場都唔知食咩好, 諗左一輪都係食番翡翠. 平日唔需要等位, 不過入坐都會提有時限.要左碟雞火炒飯, 材料都算多, 蛋絲, 火腿粒等. 可能火腿粒本身有咸味, 所以炒完之後味道剛好, 唔會太淡.炒飯又夠乾身, 一粒粒唔算太硬, 易入口又唔油.宮保雞丁雖然話辣, 但又唔覺好辣, 帶甜甜地. 雞肉夠滑而且入味, 送飯一流. 腰果硬度亦適中, 食完唔會太熱氣. 今次既家常便飯都幾好, 服務亦唔錯, 侍應好勤力"針"茶, 茶介成10蚊都抵.

六人套餐，皮蛋豆腐，有肉鬆，皮蛋細細粒，豆腐好滑，個醬甜甜地咁的蝦仁，好爽口的，細細粒好晶瑩通透，份量幾多，幾好味呀！四喜烤夫，有d雲耳，爽口，味道剛剛好，有些黃豆的糖醋排骨，好入味，開胃，唔會太酸，d肉一啖就食到，好正葱爆牛肉，d葱多到好誇張，牛肉淋身，同夠入味的另外加了八式小籠包+奶皇包，芝士，麻辣牛肉，黑松露，鵝肝，原味，四季豆，口水雞，鮮蝦，我食了芝士，味道唔算好出，不過湯多皮薄，其他的味道也是好特別，也有那種口味多。另外加了雪菜鮮蝦炒飯，炒得乾身，料也足的，粒粒分明，好食呀。套餐還有原味小籠包。中午已經好旺好多人，食物好，服務ok的。

每逢週未假期,相約家人一起共聚晚餐!今次選擇位於荃灣廣場內吃翡翠拉麵小籠包,餐牌上菜式多,適合一家大細口味!夜晚booking full了,唯有walk in,等了三十分鐘便可入坐!內裡環境優雅,光線較沉,侍應態度尚可,上菜速度也合理!應家人要求點了八式小籠包,多款味道，任君選擇!還有清新可口不太油的賽旁蟹,野味蝦仁雪菜炒飯;夏日炎炎最推介冷盆雞絲粉皮及皮蛋豆腐!