翡翠拉麵小籠包

營業中

休息中

星期五晚book了7:30pm，等了10分鐘才入座4大1小，點了匯豐2人餐（$328），有雞絲粉皮、上海小籠包（4隻）、糖醋雞球、黃金魚柳、櫻花蝦炒飯、飲品2杯（鮮磨豆漿和凍檸檬薏米水）另外再單點了四川擔擔拉麵（麻辣）和蘿蔔絲酥餅小朋友就點了翡趣兒童餐其實最後我地4個大人吃剩好多嘢要打包基本上個匯豐套餐都唔只係2人餐，份量勁多，3 or 4人吃都得雞絲粉皮（跟餐）（吃了一半才記得影）粉皮比王家沙嘅厚，比河粉厚，晶瑩剔透，感覺好涼浸浸雞絲同青瓜絲都唔吝嗇，比王家沙嘅多好多上海小籠包（4隻）（跟餐）賣相不錯，唔似王家沙咁蒸完扁塌塌嘅呢個師父包得好，蒸完都好企身皮唔太厚，湯汁夠多，味道正常肉餡細嫩唔鞋口櫻花蝦炒飯（跟餐）呢碟嘢我地4個大人吃到勁飽都仲有剩要打包照片睇唔出佢份量櫻花蝦勁勁多，啖啖飯都會吃到啲蝦跟餐嘅黃金魚柳有驚喜件件都大大件，一碟有成7、8件我地4人都吃剩，仲話2人餐講返舊魚，個黃金鹹蛋黃脆皮，賣相討好之餘仲好香鹹蛋黃味，起沙嘅個鹹蛋黃，唔係只有顏色內裡魚柳好嫩，炸漿唔太厚但又吃到脆皮一脆一嫩熱辣好吃跟餐嘅糖醋雞球唔記得影因為點餐時慌死2人餐唔夠4個大人吃（其實最後我地吃到要打

話說同朋友聚會 講到話想食小籠包 甘就決定左黎間連鎖店翡翠拉面小籠包 甘店名都寫明拉麵小籠包黎兩樣當然係必食之選 另外餐廳仲標榜 少鹽少油少糖 當然要試下係咪真係可以甘健康啦因為平日既朋友聚會 大家都放工出黎 唔想排隊等太耐 所以就一早book左位 不過當日都無人排隊 入座既時間帶位工作人員都有表示用餐時間只有一個半鐘 當然如果無人等位就無時間限制啦上海小籠包(四隻) $38(好味指數: 😋😋😋😋)皮簿饀靚 夠juicy 必食四川擔擔拉麵 $58 (好味指數: 😋😋😋)麵條唔錯 湯底微微辣花鵰醉雞 $72 (好味指數: 😋😋😋)酒味唔夠不是炒飯 $82 (好味指數: 😋)因為餐廳標榜少鹽少油少糖 黎個"炒飯"特別點左走糖 不是炒飯其實係椰菜花飯 即係用椰菜花切粒扮成飯 口感其實唔似飯 甘視覺上呃到下人 黎個炒飯美極味太重 唔太推介雞絲粉皮 $58 (好味指數: 😋😋😋)一般 無特別砂鍋雲吞雞(6位) $218 (好味指數: 😋😋😋😋😋)因為侍應生會幫手分湯 所以最後係碗上 (當然你可以選擇分或者唔分) 因為佢煲既時候已經聞到好香既雲吞雞味 一直吸引住 所以一上台已經唔記得影相 第1時

味道ok ....但叫6人套餐 ，點解小龍包，鍋貼都各只有4件......真費解！咁set 4 人餐就得啦，點解set6 人餐但得4件...差2件我寧願佢加多點錢有6件. 今我覺得佢好小家.

第一次見有兒童餐，店員介紹只有新世紀分店推出此套餐，當然要試一下。翡翠兒童餐V2優惠價28元兒童餐，款式好多，包括脆皮春卷、饅頭、豆沙飽、玉米同炒飯。味道清清地，無論油份或者咸度都偏低，份量亦唔多，適合小朋友。特別是飽上面印有公仔，都幾吸引小朋友注意。上海小籠包小籠湯包皮厚度適中，入口肉餡綿絮，湯汁不算飽滿，肉汁香而湯汁不算油。建議盡快享用，否則很快變乾硬。上海粗炒麵麵質並非滑身煙韌彈牙類型，以雜菜醬油炒，咸度適中不過偏油，容易食濟。水煮牛肉拉麵湯底濃而辣口，湯汁呈紅通通一片辣油浮面。如果一啖湯配一啖麵，湯就過於油膩，易引腸胃不適。拉麵麵質比較腍，並非煙韌彈牙類型。瑤柱賽磅蟹整碟蛋白炒成，質感不較嫩滑，味道亦比較單一，沒有任何賣點。四川酸辣湯酸辣湯比較淡口，口感亦比較流質，配菜雖然不少，但肉絲偏硬缺肉香。金銀蛋浸各式時蔬菠菜浸到有點偏老，顏色不夠翠嫩，咸蛋皮蛋份量還算足料，整體還算可以。整體來說，食物一般般，味道普遍偏油。重點是假日人手短缺，導致服務質素差，加上服務員不夠細心，客人招手或所提需求都無人理會。

來到新Office兩個月，我工作那組終於齊人去食Team飯啦！上司叫我事前打電話訂位，去到後大家邊食邊等在附近醫院做產後檢查的同事~~~見到有Set lunch當然就去點啦~~~來得呢度食，一定要點小籠包，不過今次包得比較薄，我們一夾已經穿了湯水出來~~~椒鹽小王魚，個人覺得OK的，不過如果俾我就會掛住椒鹽九肚魚金銀蛋浸時蔬，呢個算幾好食，唔會咸，對於成日出街食野的我來講有菜食係最歡迎的~~~糖醋雞球，呢個幾好食，雞球啖啖都係肉~~~麻婆豆腐，個人覺得只有辣字，個人最掛住都係老川皇的麻婆豆腐，始終四川菜的是麻得來又好食~~~我見到有下載Apps做會員的推廣，感謝上司今次張單俾我入會拎會員優惠，仲即時做埋尊貴會員=]

星期五7點晚食飯。有吧枱可以坐唔駛等即刻入。叫咗一籠小籠包，蘿蔔蘇，炸醬麵，獅子頭，同一個甜品雷沙湯丸。主菜同小食都可以唔係太差。服務來講都唔差都算有禮貌。起碼一舉手就會有人應你同不停幫你加水。到咁上下同佢講可以上過甜品。呢一個甜品等左超級耐。心諗係咪即叫即整？過左差唔多20分鐘吹左佢三次終於嚟啦。實在太失望。賣相已經好一般..3粒全部唔同size。食落去果皮一啲都唔e un. 一pat嘢咁。果皮一啲厚一啲薄。個餡一啲芝麻味都冇太難食了，冇食晒就走左。同佢講唔該埋單等左九世都未比到我。自己行出去埋單1分鐘都唔使就OK。。走得

一班朋友約食晏通常都係去飲茶, 今次有人提議嚟太子翡翠拉麵....原來裏面好大, 店後端可以放兩張12人大圓枱, 怕嘈親人仲可以安排入房.....雞啄唔斷咁食咗3個鐘🙊, 個個都好鐘意佢嘅小籠包, 咁多年嚟都KEEP到水準! d待應都好好, 下次可以再約食下午茶🤗

是日O係ＭＯＫＯ行街，差不多到下午茶時間，出動覓食。就地ＭＯＫＯ搵，點知度度都好多人，ｆｏｏｄｃｏｕｒｔ就更加唔洗諗。行上少少見到呢間，見唔多人等位，所以就入去喇。原來入面都好大，都幾多位，感覺好舒適。亦可以見住師傅搓麵。睇睇ｍｅｎｕ，都幾多野食。麵食仲有3款唔同既手工麵可以揀。＃上海排骨拉麵(龍鬚拉麵)：拉麵好幼細，但好分明，唔會痴埋一大舊咁。排骨好酥脆，如果切得細舊ＤＤ會更好。＃口水雞撈拉麵：口水雞夠麻夠辣，睇佢唔出咁辣，不過辣得過癮。啖湯都幾驚喜，好鮮味。個麵都幾煙韌，唔錯！＃上海小籠包：都係忍唔住叫左四隻小籠包，湯汁鮮甜，皮薄餡正！

一年仲有一段時間好多櫻花蝦 繼係台灣買櫻花蝦手信 返到黎食野又撞到櫻花蝦主題 不過一黎都反個花雕醉雞先 呢道冷盤係all time favourite 呢到都算入味，幾香 再黎要左個櫻花蝦蔥油撈面 蔥油味唔係好重，同掛到麵 個人口味加左少少湯 濕少少入口易入口D 再混埋D 櫻花蝦一齊食，口感會豐富D 食得上海拉麵 當然要食埋上海小籠包 食個陣記得加少少醋，好食D架 另外加多左個櫻花蝦翠肉瓜絲 呢個應該仲飽過麵 lol 滿滿既翠肉瓜絲 但好食wo，衰鬼 兩個人食一盤已經可以飽左一半 另外，要多左杯蝶豆花椰果檸檬特飲 微微地甜，但檸檬又唔係好重酸味 可以一試

翡翠拉麵小籠包，8-9年前已經在吃，可當時還是學生，偶爾一次就好了。直到畢業後出來社會工作，想吃的時候要不是已經過了下單時間，要不是人流太多而放棄。直到上星期，在旺角逛街的時候，想起這家連鎖餐廳。雖說是連銷餐廳，可我對它可說是情有獨鍾的說。 餐廳正在做櫻花蝦主題的美食，我們點了好幾款菜式，當中有幾款的印象特別深，我就跟大家分享一下。 花雕醉雞啖啖肉，雞件嫩滑，皮下的脂肪早早就被處理掉，皮薄得很，亦滲透了滿滿的花雕味，讓人忍不住停不了地吃。 櫻花蝦蔥油拉麵這個幾香的，櫻花蝦本來就已經有獨有的香味，放在面前已經有種不能抗拒的感覺。把碗底的蔥油拌勻，配合上麵條的彈性的軟硬度，整體感覺剛剛好，加點點湯，令麵更為濕潤，味道跟感覺更佳。 「炒飯的味道，吃過都知道好」，加入香噴噴的櫻花蝦炒飯，更為吸引。飯粒粒粒分明，食落一點也不油膩，讓人愈吃愈喜歡。我倆忍不住一口又一口的把整碟飯都清理完畢。飽，已經不再是極限了。 最後我們還點了一個菜，櫻花蝦作主題，當然要點一個跟櫻花蝦相關的菜式「櫻花蝦翠玉瓜絲」，份量之多讓人驚訝，它近乎一份主菜的份量。很喜歡櫻花蝦跟翠玉瓜絲的配搭，不但為

新世紀廣場的一田剛大變身完畢，老婆大人說要先逛為快；晚飯順理成章在場內享用。假期前夕難免輪候需時，先看看有什麼心水推介。回春大地，主題是櫻花蝦，不其然想起曾在日本靜岡縣吃過的櫻花蝦刺身；以醬油、生薑、山葵、醋等伴飯同吃，鮮甜無比！有機會路經該處的話，千萬不要錯過這在地美食呀！而爆香的櫻花蝦乾又是另一滋味，添加在菜餚之中，不單令其味道增香、更添香脆口感。原來download這遙距取票系統App， 便可提早預約，那就不用久等了。先上場的是冷盤及小籠包花雕醉雞($72)～陣陣花雕酒香滲進肉內，雞皮薄而爽；不用兩三下，便巳清碟。上海小籠包($38)～皮薄多汁，肉鮮嫩，不會叫人失望。櫻花蝦手抓餅($40)～這裡的起菜速度很高，同一時間上桌也真會顧此失彼，放涼了一點才吃，質感變得稍韌，有點可惜。蔥油櫻花蝦撈麵($68)～蔥油拌麵本已引入涶涎，濃濃的蔥油香碰上鹹鮮的櫻花蝦更提升了味道的層次；韌勁滑爽的麵條包裹著精華所在，充斥了整個口腔，再喝一口上湯，滋潤滿足！上海排骨拉麵($64)～相對先前的拉麵，這個則顯得淡雅，清甜的湯底配彈牙的麵條；排骨炸得外酥內軟，同様吃得滿意！櫻花蝦翠玉瓜

今晚想食濃味菜，上海菜確對胃口，有單叫有套餐，呢個四人餐份量對眼，菜式岩食！其中醉雞酒味幾濃，雞件有肉亦浸得夠入味！乾炒四季豆惹味中食到豆嘅甜味，係偷飯賊；雞火炒飯係招牌食物，雞肉粒混入飯粒炒香，香味四溢，軟硬度適中又夠乾身唔油膩，好味！用餐時間90分鐘!

今次個食評又係介紹麵😀就係依間 翡翠拉麵小籠包星期六多人所以都等咗~30分鐘先食到餐牌都幾多想食嘅嘢咁就叫咗個2人餐- 有青瓜雞絲粉皮、小籠包、上湯浸時蔬(菠菜)、櫻花蝦炒飯、咕嚕雞球、飲品2杯另外再叫咗個花雕醉雞、上海排骨拉麵同清燉雞湯拉麵有得揀要唔要蔥 同洗唔洗切麵 再揀麵款式(粗幼之分)前菜-青瓜雞絲粉皮+花雕醉雞：咕嚕雞球：味道一般般 勝在舊雞大舊👍🏻唔係得出面一層好厚嘅麪粉脆皮而入面冇肉地嗰種小籠包:比較唔出色 皮唔夠薄 入面舊肉又細同埋唔知係我嗰舊咁啱食之前已經爆皮定本身係咁 超乾 一滴湯汁都冇😟所以麻麻地清燉雞湯拉麵:我依個揀咗 走蔥 切麵 三角麵個麵都好多吓一上菜已經聞到好香蛋味 證明真係新鮮手拉麵😍先講湯底真係真材實料嘅燉雞湯有鮮甜嘅雞味 (一定要好多雞嘅精華😆）所以一啲都唔鹹👍🏻至於啲雞可能因為真係用咗黎燉湯長時間煲住有少少’鞋’但係都多肉同淋嘅啲麵如果未落湯好腍(好似麵團咁)一舊 好難夾但係一落湯就即刻散開而且食落好好咬口兼滑身似好重蛋味嘅幼身刀削麵好味好味😋等咁耐都係值得嘅而且價錢都算抵 $6xx/4人服務都好 服務員有笑容 有禮貌 做野快手👍🏻拉麵一定要試 但

旺角東MTR嘅MoKo差不多最高個層食野地方寧舍Cozy, 搭𨋢直上都唔會等好耐. 今晚朋友推B車, 自然食頂樓嘅翡翠拉麵小籠包啦, 兩個大人嗌幾款小食加個麵應該夠了.•麻醬青瓜拌粉皮 (HKD50)濃濃花生味嘅麻醬每片粉皮都沾好多, 大量青瓜絲大大減低肥膩感, 粉皮口感軟腍腍薄薄的.•四川口水雞 (HKD72)雖然唔係雞脾但都啖啖肉, 選用嘅雞好肥美, 加上四川辣味完全係衝擊我地嘅味蕾, 花生碎都好惹味仲可以點粉皮食添.•上海小籠包 (HKD38)一籠四粒小籠包皮薄爆湯汁,係Li度一向水準之作.•上海生煎包 (HKD40)生煎嘅肉餡咬開肉汁滿滿, 包底香脆, 麵皮腍身, 推介推介!•蘿蔔絲酥餅 (HKD38)比一般茶樓大件好多, 酥皮顏色天然, 內有好多白蘿蔔絲, 熱辣辣又夠醎香.•四川酸辣湯拉麵 (HKD64)拉麵麵質腍身但唔糊, 條條分明, 酸辣湯味道剌激, 好好味呢！

天氣凍總會令人想食番啲熱嘢，而我嚟到呢間翡翠拉麵小籠包度食嘢就係為嘅就係食佢熱辣辣嘅小籠包 我哋叫咗碗擔擔麵，小籠包同埋銀絲卷擔擔麵個湯聞落去幾香花生味，個湯飲落去幾有層次感，又香又辣 但係就酸咗啲，我估佢落醋落得重咗 至於小籠包， 我一擺落口一咬啲湯汁就必曬出嚟 皮薄同埋啲肉好嫩滑而且好香肉汁味，好食銀絲卷啱啱炸起，外層香脆內內裏軟熟，點埋啲練奶一齊食簡直係絕配 ,不過要留個包底下張吸油紙會痴實晒個包，有啲難搣走