翠華餐廳 (已結業)

翠華是我其中一間比較喜歡的茶餐廳。雖然價錢是貴一點，但是他們的食物沒有一般廉價茶餐廳咁“行” ，而且他們的食物份量亦十足，更重要的是他們比較少失手，很少遇到食物的水準與期望有很大的落差（印象中好似未遇過）。今次再光顧翠華，叫了兩碟炒粉麵，一碟是馬拉盞炒河，另點了一碟西炒飯。喜歡馬拉盞炒河的原因很簡單，就是貪佢夠惹味，還有就是在家自己是弄不到，除了要找這些零碎的材料很麻煩，而且家裡火路不夠，無法做出有鑊氣的小炒。這裡的馬拉盞炒河鑊氣十足，而且味道處理得很好，夠味之餘亦不會有太鹹的感覺。加上微辣的味道，非常可口。點了惹味的馬拉盞炒河，再點西炒飯並不是一個好的選擇。其實西炒飯亦算做得不錯，但微濕的飯身配上惹味的炒河，頓時覺得失色了。如果點生炒牛飯，配搭上應該會好一點。加上一杯冰鎮奶茶，這亦是我的喜愛。喝過幾處的冰鎮奶茶，包括翠華、金鳳和太興，個人都是比較喜歡翠華，覺得太興的偏甜，而金鳳的賣相就太“行貨” ，加上味道又不是最突出，所以較為喜歡翠華的多一點。每人平均八十多元，不錯，是比一般的茶餐廳貴了一截。但仍見店外有人在排隊等入坐，可見如果食物質素好，仍然有很多人是願意付出多一點的價錢去光顧的

今早“黄雨“，去了香港仔「翠 華」嘆過早餐先，一入到餐廳已經有侍應遞上傘袋，服務很细心！早餐牌選擇不多，我order 了雪菜肉絲米，奶油豬，熱奶茶 $28。肉絲很多，質地很淋很滑，雪菜唔太咸！奶油豬脆卜卜， 唔會太油膩！熱奶茶，茶味很濃，飲落很滑，好正！

睇完鴨仔入咗香港仔，因為早餐之後都未食嘢，實在好肚餓，就近去了翠華，下午5點幾，無乜人，叫咗：海南文昌雞，有一碗風味雞飯，一碗老火湯，兩種醬料（泰式及甜豉油）一份酸菜，文昌雞已去骨，份量都幾多，真係幾嫩滑，不比好多以海南雞飯嘅店舖失色，雞飯有雞油香，好大碗，我撈埋甜豉油一齊食，正！我點雞用泰式醬，酸酸地，開胃，老火湯係紅蘿蔔豬骨湯，足料（我嗰碗有3件蘿蔔，4件豬骨），味精不重，飲完無口渴，酸菜有三款，我最鍾意青瓜！熱胚芽好立克（$20），佢用係胚芽粉，唔係台式嘅胚芽片，不過味道都幾好，夾到好立克嘅味道！我無加糖已經好夠味！奶油豬仔包，同肥髀分享，外脆內軟，配合牛油鍊奶，簡單就是美........味至＂潮＂魚蛋片頭河，肥髀食，佢食曬！地方大，坐得唔算迫，不過冷氣好勁，雪房咁凍侍應好勤快，亦有禮，收碟前會先問仲要唔要地方企理！雖然收費唔算平，但食物水準同服務保持到！值得唔使受氣食一餐！

有時候放工太累屋企又無煮就落翠華食, 呢次食了魚麵. 麵線不錯, 湯頭味精雖少不過味道也很淡.魚麵裡面有魚腐, 魚片, 魚片頭, 魚蛋等, 魚腐味道濃多汁, 魚片頭爽口, 魚片一般, 魚蛋彈牙鮮甜.奶茶好喝, 冰鎮的當然更好. 不過熱的比較香滑提神本人更喜歡. 奶油多脆脆的很好食. 服務一般.

這天的晚餐到了香港仔的翠華吃，因為不太肚餓的關係，所以只要了一個至潮魚蛋片頭河粉及一杯凍奶茶。餐廳方面說到這個河粉用上的鮮魚湯底，聽來是很吸引的。可惜送上來的時候，湯底的顏色在奶白中偏向黃了一點，喝起來不但沒有魚的鮮味，還過鹹了一點。魚蛋及魚片頭吃來也是一般，魚味欠奉。還好是河粉還可以，吃來算幼滑，否則這碗至潮魚蛋片頭河便無可取之處了。凍奶茶則正正常常，茶味和奶味也有，但算不上十分之好。

要在附近開會,就來了這裡,吃下來覺得一般呢,奶茶，我覺得香港有水準的都不多，連我家對面的茶餐廳都是這個味道。魚蛋是很Q，粉也很嫩口,魚蛋粉湯底好像是太淡了，不太適合我,倒是豬仔包蠻好吃的， 烤得脆脆的,一試都無妨。ok但都ok貴

翠華過多10年會唔會變成香港人既集體回憶呢！香港仔都有多餐廳酒樓食肆，食個早餐姐，去翠華食要排隊架！我約3個月前都食過呢個翠華既早餐，但唔駛等位架喎，而家星期六再黎，由我等位至我食完出黎，門口都係排住人龍無停，勁！多人黎緊係有好野啦，早餐選擇得幾款，但可以加$8食埋皇牌奶油豬！黎到大約上午10點，排隊，大約10分鐘可以入去，叫左A餐$27有煎雙蛋，蛋白係半生熟架，至愛，最鍾意先食曬蛋白，留返蛋黃可以放落通粉，篤穿蛋等蛋黃流出食，又可以就咁成個蛋黃食，蛋黃響口中流出，黏住個口既味道good!~牛油三文治麵包軟唔會變乾變硬。鮑片火腿通加左齋鮑魚，個湯底變得清甜好多，通粉面都落足火腿同鮑魚絲，好味！要多個奶油豬只需加$8，奶油豬一上枱就唔食其他野喇，放耐左好快"淋"，食呢個要完全唔理卡路里、脂肪，新鮮食到個包出面脆卜卜，奶油響包面熔化，必食！響翠華食完早餐真係會活力充沛，係一日既好開始！

都好小食翠華，最主要係想飲下奶茶，就叫咗個常餐，因為其他午餐同下午茶餐選擇都十分小。肉醬意粉十分普通，仲鹹左d，好鞋口，豬仔包係standard野，最好飲係奶茶，隻杯仲好靚。但成個常餐$38尼講係貴得滯。

自從朕有了味精敏感症後，已甚少吃杯麵及放湯的丁麵，怕它們的湯，吃口會喉涸。一但「丁」癮起，吃「炒丁」或「撈丁」就成了不二之選。是日又癮起，就入翠華來個炒丁好了。「黑椒牛柳絲炒一丁」黑椒香口，一丁麵經醬汁的洗禮，炒得惹味；牛柳絲肉質一般，但作為 lunch，是絕對收貨啦！

加入新品種食物的menu上,簡直是樣樣都想吃!適逢與爸媽齊齊口的來,便可吃多幾款啦!一點鐘,食晏時間,竟然給他們等了五分鐘便有位,好野!每種類都試一款。XO醬菜遠撈麵$35,麵質極軟綿綿,洒上少許,沒味的蝦籽,只有甜豉油味,但已很好吃。潮州欖菜蘭度雞粒炒飯$48,欖菜味不太出,飯粒沒有油光,色澤不鮮明,炒飯感未夠。首嚐翠華炒飯,有期望,現略失望。吞拿魚蛋白三蕃茄生菜三文治$23,本身烘底,很烘得鬆香,蛋白超juicy!每人也甚讚!鮮茄蛋生滾牛肉尖通粉$37,「生滾」粥聽過;但「生滾」通粉,感覺會很入味。相片和實物確有差異。實物,蛋是全熟。賣相如平時常餐的茄牛通(不過湯比較稠,但只是生粉作祟)。「生滾」卻沒有把通粉滾入味,讚的是腍腍的牛肉好好吃。鴛鴦、奶茶、咖啡,各一杯。翠華奶茶好飲,已無可致異,但在同一時間,每樣一口,原來最好飲是,鴛鴦!(要加糖),其實奶加得太多,但整體有點似即蘑咖啡,但有點茶香。和媽咪爭飲

同yan and yin係香港仔到行下,唔知食咩好,於是就去翠華都食了,來到翠華必飲奶茶,喱到既奶茶唔錯,個杯好得意喱~!每人叫左個set dinner,$60幾到,個湯好似係龍蝦湯,不過唔多飲得出....因為唔算特別好味冇咩印象了............!奶油豬,都係一樣脆口~幾好味~!雞排配焗薯,份量都唔少,味道唔算係太香口,ok咁啦,個焗薯好細呀,不過味道唔錯~!始終覺得太奶茶and奶油豬最好味,熟食試過幾次都一般~!

香港仔的翠華為了靚靚裝修, 閉關了一個月對於無乜野好茶餐廳的的香港仔來說確係等了又等五月一日確係好日子除了有一個公眾假期外更是翠重開的大日子 身為粉絲今日必重臨舊地師奶性格的我必先睇價錢原來裝裝修後平均加幅是2-3元 真攞命, 例如兩個人食一餐起碼貴左 8-10蚊所以夾價一定要心水清 當心大心細選食物時, 聽到有個男街坊話 : 嘩….乜貴左咁多 ! 哈哈 … 有共鳴啦 還是經濟點選了一份$34 加 一份砵酒磨菇牛(月利)意粉 $46 下午茶餐川味牛肉撈麵 , 珍珠云吞 先讚牛肉沒有梳打粉的怪味, 有著天然肉質的嚼勁, 麵底有爽口而份量不小香濃的川味有著輕輕的辣度, 實在是開胃的醬汁還有大量的香蔥花, 水準之作 珍珠云吞 : 小如一蚊的云吞沒有吃但對過份鮮味的魚湯虎視眈眈, 結果渴了大半碗砵酒磨菇牛(月利)意粉: 厚切牛(月利)配上橙紅色的砵酒實在樣子有點突兀 (太像樣了); 上枱後突然胃口全無 只是輕嚐了數片牛, 肉腍而且有牛香酥味, 我是接受到, 但還是想了點殘忍的影像, 於是主攻飯食, 飯量很小, 只有一小平碗, 以我平時食量一定不夠飽至於砵酒汁味道不太出（我還想醉多點呢）

萏年聖誕節好晏起身, 本身平時都有食翠華餐廳的早餐, 通常見朝早無咁多人既時候就食. 有時都唔明點解D人會等咁耐都等到食到翠華餐廳的早餐. 無位既話, 我通常會行去第二三間餐廳睇下有冇位. 等其實都幾無謂, 因為食過咁多間, 間間價錢同食物質素都差唔多.好耐無食過翠華餐廳的早餐, 今朝經過無咩人, 就入左去食.結果係沙DAD牛肉麵依舊食得曬, 可能係味濃既關係, 至於個鮑魚絲通粉, 相當於整碟退回廚房, 湯底既味道好怪..唔知點形容.翠華餐廳可能品牌效應, OR佢既MARKETING做得好好..咁既食物質素.仍然有咁多人排住隊食...奇!

一家3口坐卡位, 我叫咗自制魚四寶米線加冬陰汁($28+$5)都要等10分鐘食物才上枱, 冬陰汁好勁辣油, 我要畢走大半才吃湯底香濃, 米線不會灼得太淋, 配料魚蛋2粒, 墨丸2粒, 魚春卷1條, 魚腐1件都好味鮮煆珍珠雲吞麵($23)鮮煆細細粒, 有6粒啱啱好, 幼麵爽口無"簡"水味, 湯底都好味, 仲有灑啲蝦籽响面!熱竹庶茅根雪梨茶($16)好多雪梨, 不會太甜, 好清潤侍應好勤快, 攞碗攞义好快手埋單收銀姐姐好親切小肥髀交張卡比佢, 仲請咗粒雪人棉花糖比佢, 連我都好驚喜雖然翠華價錢係貴啲, 但食物質素有保證兼服務唔錯, 唔會食到一肚氣都係一個不錯嘅選擇

純粹路過翠華香港仔的分店....... 現時，翠華茶餐廳的分店擴張速度頗快，已有十多間分店遍佈全港，南區也不例外可是，這間分店的選址卻在香港仔的一條後街中人流不算旺，但也許單靠其品牌，已經招來不少生意當天所見，午市期間客似雲來只是隨便叫了一份常餐，皆因翠華的午餐動輒成五六十元今天純粹路過入內光顧，沒有準備吃一餐午餐要成五六十元呢！這份平平無奇、沒有特別的常餐，我對其煎蛋、凍奶茶就沒有多意見沙嗲牛肉湯意粉就只是麻麻，牛肉頗韌，無甚沙嗲味牛肉只是輕輕的浸在沙嗲湯內，令沙嗲的香味根本滲入不了牛肉內當牛肉放在湯意粉中，沙嗲汁便浮在湯中令沙嗲牛肉湯意粉既無沙嗲味，湯也淡然無味唯一令我驚喜的是，牛油豬仔包實在幾鬆脆軟熟可口剛焗好的豬仔包，皮脆而軟熟，再塗上牛油後，十分好味是份常餐盛惠三十四大元，算幾貴；在南區的茶餐廳竟收中環的價錢......以其份量來說，唔太抵；以其味道及質量而言，也是唔太抵