翠華餐廳 (富東廣場)

營業中

休息中

好耐冇去過翠華餐廳食嘢啦！餐牌上多咗好多食物款式供選擇！環境光猛闊落, 掃QR code點餐, 非常方便！🧋瀘州奶茶 隨身玻璃瓶, 飲唔晒仲可以拎走慢慢飲～ 含有白酒成份, 一打開個樽蓋已經聞到濃濃酒味！🥢神之叉燒飯 叉燒肉質好肥嫩, 帶炭香同蜜糖味, 外層有少少燶邊！炒蛋好嫩滑, 蛋味香濃, 仲有蛋汁, 亦吸收咗少少叉燒嘅油香～ 另外會附上一小碟甜豉油, 落少少甜豉油撈飯會令成個味道昇華🍚！🥢至潮魚蛋片頭米線湯頭有魚嘅鮮味, 魚蛋同片頭有彈牙嘅口感, 米線夠爽滑, 份量剛好🥬菜心苗清綠脆嫩

好耐冇食翠華啦心思思掛住翠華嘅奶油豬🤤仲有熱奶茶晏晝一於去食個lunch🥢脆“嘩”奶油豬即叫即烘卜卜脆搽上牛油同煉奶，係完美配搭啊～🥢神之叉燒飯賣相好吸引，每件叉燒厚切啖啖肉叉燒半肥瘦最好食😏又唔會柴皮淋上自家製豉油同炒蛋拌勻，好滋味！加杯熱奶茶☕️最夾🥢鐵板燒汁脆皮雞扒香草豬肉腸配薯菜呢款配餐湯同飲品大大塊雞扒淋上燒汁，口感外脆內嫩最新推出醉fun fun 瀘州奶茶☕️加入白酒🍶一定要試吓茶味濃郁之外，白酒融入咗奶茶之中都好突出！

去完昂坪360落山後，我哋到咗翠華醫肚，而且仲有得坐近玻璃卡位，港式風味最啱口味之餘配埋舒適卡座位，真幸運！🥰必吃之選神之叉燒飯，是翠華其中一樣招牌推介。叉燒肉色澤紅亮，入口鮮嫩多汁，再配搭香滑炒蛋和秘製醬汁，每一口都充滿了好滋味。😋瑞士雞翼撈麵，每隻雞翼都脹卜卜，配上醇香的瑞士醬汁，帶來濃郁的味道。撈麵掛上瑞士汁，亦非常滋味。😋肉醬意粉，每一口都充滿了濃郁的肉香味，意粉本身煮得剛好，經典之選。😋蜂蜜檸檬茶，檸檬的酸味和蜂蜜的甜味完美平衡，特別清香滋潤。😋桂圓紅棗杞子茶滋味豐富而芳香，桂圓、紅棗和杞子的組合 暖胃養生。😋醉Fun Fun 濃情奶茶非常有特式，當中含有少量白酒成份，帶來一種獨特的風味。😋

神之叉燒飯 $78幾舊大大舊叉燒，非常肥美又甜甜的好正，炒蛋更加左香蔥，炒得非常香口而且滑口又重蛋味。當再加上醬油撈飯則更添香味，更加正呀！芝士焗窩蛋肉醬意粉$78意粉偏向硬身口感，太陽蛋勁流心好正又治愈，肉醬口味比較偏清淡的，肉醬都夠撈意粉。瀘州奶茶(隨身瓶)$88估5到白酒混奶茶都甘夾，甘樣max埋一齊令到白酒味冇甘濃烈（飲5慣白酒既人都可以試下）中意飲白酒又幾值得一試架凍忌廉咖啡+$3飲落非常creamy又香滑，好香濃既咖啡味。紅湯非常濃郁多菜好正呀～

..翠華又有新搞作😍今次聯名瀘州老窖出左個新產品!! （$66)配方：淡奶；香滑奶茶；瀘州老窗紫砂大麴茶味香濃，酒味香醇👍🏻..神之叉燒飯翠華名物!! 每次黎都一定會食嘅，叉燒肥瘦適中，配上翠華自家製醬油，醬油比較濃厚，偏甜，炒蛋香滑😍..穀飼牛板腱扒牛板腱扒牛味香濃，配翠華另一名物牛油豬仔包，豬仔包香脆，牛油味好香👍🏻..地址：翠華餐廳 (富東廣場) (東涌)東涌富東街6號富東廣場1樓101號舖..

疫情後至通關差不多一年，都無出過街食茶餐廳早餐，記得以前翠華早餐係好食之選。今日打算回味。 點知叫個火腿仿鮑魚絲通粉餐，首先炒蛋凍的，茄汁豆直情是冰的，個脆豬仔包尚可但不能叫「脆」，個通粉湯底味精到不能，加埋一大陣胡椒粉味。雖然預咗出街食實有味精，但都唔洗咁勁呀，仲成日標榜餐廳主打健康。 個通粉碗邊仲要沾到啲類似辣椒油的汁，唔知係咪位職員執完枱又去上餐。真係核突至極！職員普遍都借左隻聾耳番嚟，得一個執枱姐姐比較有禮，其他的都目無表情可言。一早起身滿有心情食個靚早餐，點知真係掃興到一個點。落餐，攞熱水，餐具全部都自助，其實都好嘅。請少啲員工，反正啲員工都唔想番工，番到嚟乜都聽唔到，又顧住係度傾計，擺到明一副唔想番工的樣子，咁唔請人咪好囉。唔洗一早出街番工，係屋企係咁同朋友傾計上網乜都得了。唔洗做係屋企幾舒服。

🔸神之叉燒飯 $78好鬼靚嘅叉燒，燶邊整得好好，下面嘅滑蛋炒得好滑，可以食到有啲牛油嘅香味，加埋蔥花真係好啱撈飯食！🍚🔸醉FUNFUN濃情奶茶 $88嘩，呢個真係第一次試！飲完呢樽奶茶真係覺得有啲wing wing地，唔係講笑㗎！但係個奶茶味又真係幾正，加埋少少就酒味，成件事真係意想唔到地夾！🔸鹹牛肉炒蛋潛艇 $42第一眼睇見個滑蛋🥚已經知道咩料啦！😆😆入邊嘅鹹牛肉都好足料，雖然幅相睇唔到咋，但係我食嘅時候淡淡都有鹹牛肉，最正係個包唔會整得太腍，脆得來啱啱好！🔸至潮魚蛋片頭河 $39相比其他菜式，呢碗魚蛋河感覺好似普通咗啲，不過幾性價比高㗎，有四粒魚蛋兩塊魚片，全部大大粒大大塊，食完撐住個肚皮真係好夠飽！🤭🫃🏻🤰🏻🟧🟧🟧翠華餐廳（東涌） 🟧🟧🟧東涌富東邨富東廣場

得知翠華重新裝修，用上木系顏色做主調，加上湖水藍撞金色份外顯赫，東涌分店位於通向富東廣場天橋入口，味到正門已被其金黃色字體的霓虹招牌吸引住。餐廳主打少鹽少油、仲有無肉餐單提供，打正香港特色茶餐廳旗號，難怪每晚經過都見到座無虛席。神之叉燒飯：呈上時十分驚艷！叉燒肥瘦均勻，適量油脂肥膏配合，伴隨着焦香部分，加上香甜蜜汁，特別豐腴，咬落好有層次不會有豬騷味。滑蛋用上牛油起底，特別香滑帶牛油香，把甜豉油蘸上飯粒當中，每一粒帶飯香同時又品賞到叉燒油脂。完美😍！皇牌馬來咖喱牛腩飯：炆咖喱牛腩不可以直接用咖喱來炆. 咖喱醬味道太嗆，會完全蓋過牛肉的味道.。牛腩炆到半腍，再加咖喱醬來熬煮，牛腩不會過韌同時保留到牛肉香味。薯仔做伴碟，都輕輕過冷河，食落外皮會比較脆身。咖哩整體加了咖喱醬有一層油脂但不辣，比較稀，好啱香港人口味，要用汁配飯，雞肉每一舊都肉質嫩滑。香滑奶茶🥤：隨身樽裝飲吾曬都可以帶番屋企。茶味香濃特出，配合煉奶起底，甜而不膩，入口順滑！瑞士雞翼：最美味的當然是色澤通透香甜滑溜的雞皮，雖然脂肪多，但膠質也多，有助補充膠元蛋白，令肌膚保持彈性。且雞肉強腰健胃、溫中益氣，瑞士汁調味較甜，每一隻都炆

相信都無人唔認識翠華🪭今日見下午茶時間又好耐無幫襯過🫖於是就黎食個early dinner。🐒下午茶-自制魚蛋片頭河💰$👉🏻凍香滑奶茶+$3🐒經典脆"嘩”奶油豬💰$20🐒菜心苗配海鮮豉油💰$30🐒午餐-冬蔭公海蝦球米線💰$75👉🏻熱蜂蜜檸檬茶+$22🐒神之叉燒飯💰$78🐒醉Fun Fun濃情奶茶(凍隨身瓶裝)💰$88。今日都試左好多野，特別係見到佢地既Menu都update左好多，更多唔同種類既食物都有🍜選擇好多，不過我最鍾意都係佢地既奶油豬同叉燒飯🥩因為奶油豬一向係翠華signature，估唔到咁多年個質素都仲keep得好好🍞而叉燒飯依家都改良左好多，叉燒方面同坊間燒味舖唔同🥓佢呢款既叉燒感覺好似黑叉一樣，外層既醃料令叉燒味道比普通叉燒更香，配埋個滑蛋，even唔用佢extra醬汁都好夠味。另一樣好impressive既野就係樽仔奶茶🥤記得之前係用冰鎮住樽仔奶茶，而佢地真係奶香茶滑，而今次佢地好有創意咁出左cross over version，等啲旅客都可以買黎帶走😌我都貪得意試左，酒味無想像中咁濃，但我自己都係中意classic多啲🥰

黑椒汁穀飼牛板腱扒意粉$168Medium well 穀飼牛肉一般牛肉更嫩 豐富肉汁而且呢個部份比較精瘦 脂肪含量比較低黑胡椒香氣和微辣味道 鐵板呈上可以燒多陣根據個人喜好按燒嘅時間令塊牛扒更焦香西西里式蝦球意粉聽個名好地中海feel 份量好大份 蝦球比較大隻 啖啖肉 西西里式嘅蕃茄醬酸酸甜甜撈意粉食效果幾好 因為意粉比較多 略嫌蕃茄汁唔係好夠全日早餐 ALL DAY BREAKFAST 煙三文魚 煎蛋 沙律菜，德國腸 炸魚柳 車厘茄雖然等得耐咗少少 返工出細貨，嚟到見到都幾滿意👍🏻

平時好少會來將軍澳忽然間好想食乾炒牛河行左幾間食店都無由東港城行到Gateway終於比我地搵到翠華有😎👍🏻呢排都中意食茶餐廳扒餐見到佢晚餐餐牌有個脆皮雞扒加吉列蟹柳餐一於就嗌來試下🙆🏻‍♀️個餐包餐湯同埋豬仔包份量都以足但佢個黑椒汁實在太辣啦聽隔離檯講先知原來可以轉蒜蓉汁但餐牌無寫😥塊雞扒係幾大塊食落唔錯 有少少乾個吉列蟹柳就好細條😂整體都ok之後仲嗌左個乾炒牛河😎味道都ok唔會太咸一般茶餐廳水準

今早完成在東涌的工作，尋找翠華，吃一個久違了的早餐和奶茶。多年前，多數在佐敦道的翠華，约國內朋友在這處見面，他們喜歡吃它的食物。那時，我只覺得都是一般的茶記。過了這幾年，成本上漲，茶記的食材質素下降，對奶茶既要求不斷下降。常聽見：杯餐茶係跟餐送，唔澀有奶味有茶味，唔好要求多多啦！但我十分執著，奶茶，唔掂，我自己一定唔去。奶茶，一般水準，可去可唔去。奶茶，有茶香，滑又順，唔澀(人手控制既問題)，要讚，希望多多人去用腳去支持和幫襯。今天，翠華奶茶，掂！有茶香，有奶香，滑順，奶量恰到好處。沙爹牛面，一般水準，熱d會好好多。雙蛋，用靚嘢。mini牛油豬，好味。少吃到的茄汁豆，都好味。一杯滿意既靚奶茶，感覺食物，都高分咗。餐廳環境，不錯！

幫襯衣間翠華已超過十年。一向以來環境同衞生都唔可以話得係太好，但可以接受，同埋餐牌都幾豐富同多嘢食。幾個月前開始裝修，最近才啱啱重開。新鋪基本上同舊嘅格局差唔多，只係門面裝潢新咗。對新鋪其實並冇乜嘢期望，只諗就算冇進步都唔應該會退步。點知今日第一次幫襯就超失望。個餐牌入面嘅食物種類起碼少咗一半！以前鎮店之寶之一嘅波菜餃已經消失。炒粉麵飯種類唔見咗八，九成，連簡單如楊州炒飯都冇，但就加咗十零樣麻辣嘢。羅宋湯以前可以單點，衣家就要叫套餐至可以點。好多餐牌上面嘅嘢都話售罄。總括嚟講，非常失敗嘅新店。如果做生意只一味諗點樣縮減產品種類以達到慳錢目的，咁樣長遠嚟講只有死路一條，希望管理層目光放遠啲！唔會再幫襯衣間餐館。

新裝修後第一次光顧。好耐之前食過晚餐，份量少但味道尚可以。所以今次經過，就試下個早餐，仿鮑魚絲火腿通粉$42。炒蛋好多水，唔可以叫炒蛋，蒸碎蛋？淡而無味。豬仔包正常，茄汁豆凍冰冰，有d硬。通粉量不多，咸左少少，但味道還可以。熱奶茶正常。用QR code自行點餐，但scan極都scan唔到code，所以揾侍應幫手，該名身穿侍應制服的戴眼鏡婆婆只叫我等，然後繼續做自己野。想知等咩呢？又唔幫我叫其他人處理。原來係等我自己再叫其他人！服務質素可想而之。

📍翠華餐廳 (東涌)東涌富東邨富東廣場1樓101號舖今日食lunch想食鐵板野，就去左翠華試下😯入口無人等位，但都坐滿左8成，問職員自己入去坐定攞飛，問左幾個人先有人理我😅叫我坐最入張枱，仲話未執枱唔好坐低住😅但其實好似無衝突架喎🥹🥹最後企左係張枱隔離30秒都無人理，第二個呀姐就叫我坐第二張枱，好奇怪🫠🫠🫠最後都順利坐低左，可以叫野食，但眼見樓面無乜人，有d又淨係負責出菜同執野🙄，人手問題實要正視🫤🫤🍴鐵板薄牛扒配黑椒汁 $69鐵板上枱有2塊牛扒，我配左薯菜，薯仔🥔有d實未夠淋，牛扒可能接受，呢個價錢都不過不失…🍴蕃茄龍脷柳扁意粉🍝 $63蕃茄汁都足夠龍脷柳幾大塊，味道都ok