翠華餐廳 (TKO Spot)

營業中

休息中

今日心血來潮， 突然間很想吃牛扒，於是想起了翠華， 便打電話落外賣， 叫咗個牛扒飯，配黑椒汁， 跟餐羅宋湯， 同服務員姐姐講多飯多汁， 他們有求必應， 說可以可以， 仲要不需要加錢， 拿了回家，份量也不錯。 先講羅宋湯都幾足料， 有好多蔬菜，又有酸，又有辣味，不錯不錯。 另外牛扒飯份量也不小， 牛扒比左2大塊，牛扒的熟程度剛剛好， 不會很柴，而且咬落都有些少牛肉味。 黑椒汁，用牛油烹調而成，野味無比， 總括嚟講水準不錯，可以再試！

【西貢區】【翠華餐廳】一段時間冇寫西貢區，呢啲係十八區 foodie 時期狂 chur 自己嘅過程，而家已經 chur 另一啲嘢。話說我走入嚟將軍澳係因為去將軍澳運動場睇「中銀人壽香港超級聯賽2023」嘅賽事，最後主場嘅理文以四比一擊敗傑志。睇完波行到過嚟尚德呢邊，見到翠華餐廳都心大心細好唔好入嚟食吓。首先因為好似好普通，之但係市區嘅分店好似執吓一間又一間，都好似真係冇乜喇喎。始終都叫盛極一時，趁呢個機會，反正擺喺眼前，不如就食返次啦。叫咗個 $63 嘅「常餐」，佢得一款嘅啫，就係「生炸豬扒麵」。呢個麵就真係十年如一日，都係咁難食，我就唔信佢有生炸過塊豬扒，畀盡咪大力啲煎幾吓咁。個「太陽雙蛋」係可以嘅，不過「牛油豬仔」就唔多掂，仲要唔脆。飲品我揀「熱奶茶」，比以前淡口咗少少，可能係我條脷濃咗，唔難飲就得，幾好嘅。但係我想叫啲蛋撻呀，菠蘿油呀嚟食吓就唔得喇，原來佢哋師傅下午收咗工，乜都冇喇喎。一心想入嚟食啲包點嘅我，決定 $63 止蝕離場喇。。。（地址：將軍澳唐明街2號尚德商場地下1及2號舖）

星期六12點前仲有早餐食，呢個抵讚!叫咗個沙嗲牛肉公仔麵配豬仔包加炒滑蛋，仲有一杯熱奶茶都係$39沙嗲公仔麵嘅牛肉唔錯，炒滑蛋都好滑呀豬仔包可以再香脆啲, 熱奶茶最後叫起特別好飲

又到了一人午餐時間，又再在將軍澳食，今次食的是大型連鎖店，但翠華算是有品質，偶爾吃它的午餐都是不錯的。❤️今次都是吃它的set lunch，貪又有餐湯又有飲品！本來想選擇鐵板雞扒，但見到別人叫的吉列龍脷魚柳意粉餐，塊吉列龍脷魚柳炸得好靚，所以在叫餐前改為了魚柳餐，怕吃意粉太飽，所以轉配薯菜，餐湯點了羅宋湯，餐飲叫了凍檸茶。😋魚柳真的得香脆，配上千島醬汁，好吃的，如果可以有啲汁點就更好，另外薯菜都好吃的，最怕有好勁的菜青味，薯菜中的椰菜完全沒有這味道，令我食得開心。❤️羅宋湯微辣，好足料，好喜歡吃羅宋湯的湯渣，好滿足。而在喝了辣辣哋的羅宋湯，再喝上一口冷凍的檸檬茶，正！‼️

相信大家都會聽過翠華呢間茶餐廳，屋企樓下附近就有一間，對於打工仔來講，呢間餐廳都好重要，因為每朝返工都要買早餐，而佢嘅早餐都絕對係可以保持質素，令到打工仔可以食一個大早餐先返工，全日都會開心啲😂😂😂😂早餐通常我都會揀雪菜肉絲米粉，或者沙嗲牛肉公仔麵，食完大大碗麵，全日都精力充沛，但係有時想健康啲，都會叫返份番茄生菜三文治，健健康康，都係20幾蚊咋！😆😆另外有時同同事外賣午餐，他的午餐都係偏向大份，雞扒或者豬扒都係非常之大塊，質素都有保證的👍🏻👍🏻

其實翠華出咗名品質係有保證，同埋都屬於穩定嘅，所以都好鍾意入去食。羅宋湯料多，裏面仲有兩粒牛肉粒添，新鮮色澤靚，蕃茄湯味濃，唔會剩係得茄汁味。冰鎮奶茶茶味濃奶味香。黑椒雞扒炒薯菜雖然係嗌咗薯菜，但係佢就嚟咗飯囉，不過唔緊要啦，因為佢鑊氣夠，雞肉嫩有肉汁黑椒汁唔會太辣微辣有黑椒味。

一間茶餐廳真係要經得起時間考驗，先可以為持幾十年。翠華當年系中環，銅鑼灣以脆奶豬，奶茶打響名堂上埋市。依架就被人評為極之一般或者係差。除左食物質素參差之外，裝修同員工都出現好多問題。同埋佢俾人嘅印象係貴價。但其實依家間間茶餐廳都差唔多咁貴。講番食物質素尚德商場呢間係可以合呼水準嘅，但希望佢轉番一啲正常啲嘅碗裝湯河啦！一面高，一邊低，啲水差啲差掉晒出嚟，同埋咁樣河粉嘅份量少咗。同樣將軍澳另一間系厚德商場嗰間啲食物質素就差了，而且衛生亦麻麻地，檯面都是黏黏的。叫炒飯會用一個深綠色嘅兜裝俾人，好似餵狗咁。。麻煩佢真係改善吓，執吓執遲早無晒。。。

好味指數：👅👅👅抵食指數：⭐️⭐️⭐️⭐️回頭指數：⭐️⭐️⭐️⭐️將軍澳區冇咩小店，大部分都係連鎖店，想食魚蛋河唯有食翠華啦.... 2:15去到，一個人想食午餐，一個人想食魚蛋粉。為咗杯飲品，就先叫個午市，再等2:30叫下午茶1️⃣魚蛋河 $46 連飲品😐首先好唔鍾意佢個碗，可能方便佢地員工拎.. 但成個小朋友馬桶咁🥲而且顏色令人感覺唔太乾淨👍🏻魚蛋&魚片頭彈牙，冇太重嘅味精味😐河粉係偏幼偏厚的品種，但呢款略嫌太厚，唔太索湯，同埋冇左河粉既半透外觀😐湯底好重胡椒粉味🤔- 整體普通 中規中矩2️⃣ B餐：鐵板雜果豬扒(紅酒雜果燒汁) $65 （價錢連湯及熱飲）😐賣相一啲都唔靚👍🏻豬扒好淋 唔乾唔嚡👍🏻估佢應該用果汁處理過所以咁淋又唔乾 有啲豬肉味👍🏻揀左薯菜，唔係薯條，而真係薯(仔粒)+(椰)菜😂椰菜好淋唔好味 薯仔ok3️⃣特飲 - 芝士奶蓋奶茶 （$28 ；跟餐+$17）見佢餐牌張相幾靚 就試試佢😐一上枱奶茶份量好少，隻杯裝唔滿🫠😐芝士奶蓋只有少少芝士味，質感好稀，好快就變番多奶奶茶😂同X茶果啲冇得比😞下次都係叫番凍奶茶👍🏻奶茶一貫翠華奶茶味，好味☺️

其實我都好少去尚德，咁橋經過，餐廳外的餐牌好似好吸引，於是入去整返個下午茶。瑞士雞翼撈麵，應該係sweet雞翼撈麵至真，三隻雞全翼，深色，夠淋，好味，但係偏甜。而啲公仔麵亦都稍為硬咗少少。加一杯飲品，盛惠$43。特別套裝下午茶，奶蓋，係芝士奶蓋住阿華田嘅西多士，賣相相當特別，如果食得甜嘅人，就一流，我覺超甜。加埋一杯港式奶茶，奶茶都OK，咁嘅配搭，慳返$18。盛惠$43。張餐枱上，有個推介牌，廚師推介，神之叉燒飯，限量發售。睇落個樣都唔錯，下次嚟試吓先。

上星期一早需到將軍澳工作，約七時左右，很多早餐店都未開，看到翠華已開門做生意，便進去吃早餐。當天早上想吃得救清淡一點，便選了個鮮奶藜麥麥皮套餐作早餐。有一個牛油豬仔包仔、一碗麥皮及一杯熱飲。餐廳送菜速度快，下單後不消5分鐘，早餐便已送到枱面上。縱然菜單上有寫明是「豬仔包仔」，但剛看到時，也與期望的大小有落差，真是兩口便能吃掉。縱餐牌上並沒有註明麥皮是否無糖的，嚐過後，便發現即使不是無糖，也應該是低糖的，符合「健康之選」。若你希望早餐不太Heavy的話，這個套餐可能會合適。

同我屋企人入去食個快餐，見到又阿華田，又奶蓋咁⋯咁肥就梗係要嗌嚟試吓啦！純粹睇相嘅話都幾圖文不符嘅⋯首先杯奶蓋啲奶蓋好水，同埋好少，不過翠華個奶茶係好飲嘅！建議大家幻想佢係奶茶多奶就算喇，唔好有太高期望！另外個西多士出餐嘅時候唔夠熱，所以感覺有啲肥膩，同埋上面啲阿華田粉唔知係咪潮濕咗，結到一嚿嚿！整體來講，$43其實都唔平，呢個質素真係差咗少少，同埋整得奶蓋你都預咗係target啲後生仔女，咁就應該保持返奶蓋應有嘅水平會好啲⋯📍翠華餐廳將軍澳尚德商場地下1及2號舖

收工實在太肚餓，行過翠華，突然好掛住麻辣嫩雞米線，就用政府消費券買咗個外賣Menu好多下午茶餐揀，仲有好多唔同嘅食物我個麻辣嫩雞冇set，實在太sad本身仲想用優惠價嗌杯嘢飲，不過話堂食先可以用優惠價，外賣要用正價🙃個外賣都算幾好，有幫我分到湯！嘩撈埋一齊原來真係幾辣，睇個色都知啦！一路食一路噴火，好彩後來有喺第二度買嘢飲姐食完好滿足我呢個愛辣之人

臨近農曆新年的星期日，中午我沒有在「西貢」食午飯，改為選擇前往位於「將軍澳」市中心裡面的「尚德廣場」，光顧「尚德廣場」樓下的茶餐廳「翠華餐廳」，在「翠華餐廳」裡面享用午餐。「翠華餐廳」廚房也有製作屬於餐廳自己版本的「咖喱牛腩飯」，正式名稱叫做「皇牌馬來咖喱牛腩飯」。不過「翠華餐廳」的版本「咖喱牛腩飯」相對其他餐廳而言，價錢稍為昂貴了一點點。今日我總算是成功，在「將軍澳」市中心商場裡面，找到午餐裡面必需需要享用的「牛腩飯」食品，至於「皇牌咖喱牛腩飯」配的飲品，還需要再研究一番。「翠華餐廳」午餐時間裡面的「皇牌馬來咖喱牛腩飯」食品，沒有屬於相關的午飯套餐，只有餐廳為一般單售午餐食品而預備的套餐飲品價錢，熱飲需要港幣九元，凍飲飲品已經需要港幣十二元，只是飲品原價的半價而已。至於我午餐也屬於必需食品之一的「雞肉」，「翠華餐廳」為午餐「雞肉」而設小食，小食實際售價價錢沒有我期望那麼便宜，例如一碟五隻的「瑞士雞翼」，就已經需要港幣六十元了。所以我最後沒有在「尚德廣場」分店「翠華餐廳」裡面選擇享用「瑞士雞翼」或者其他跟「雞肉」有關的食品，留在其他食店享用「雞肉」食品。至於飲品方面，既然「翠華餐廳」以

午餐來到翠華食，食完第二日已經汁左不開了，今次是來吃是日午餐，價錢相當不便宜 只有午餐才包飲品其他需要散叫，不是因為在網上買了優惠卷也不會來此店食午餐吧，食物等候時間需時，之前來幾次等候時間大約15-20分鐘，快餐店來說太耐了需要改善燒汁雞扒意粉雞扒Juicy得黎又夠大塊，意粉爽口彈牙配上微小的蕃茄汁食落不會太乾身咖哩牛腩飯個汁辣辣的很濃的咖哩香味配白飯一流，仲有淋淋入灑味的薯仔牛腩和牛筋份量也多，足夠一人嚐用味道 賣相 衞生 服務 抵食 推介

附近周圍最近的茶記，訓醒落樓食個早晨大早餐在翠華食野除左早餐外，下午茶和晚餐也相當貴早餐一份大約39蚊也算正常價錢吧只有早餐3款選擇，不能轉麵底 為何呢沙嗲牛肉麵麵質彈牙，配上少量的沙嗲牛肉 炒滑蛋+餐包如需煉奶另加$2滑嘟嘟既蛋可以夾住包來食菠蘿油$11孕婦的我一個餐不飽肚，需要order多一個包菠蘿包皮脆，包夠鬆軟，配上一大塊的牛油，如果包是熱辣辣更好 因為配上了牛油，包不熱牛油不溶味道 賣相 衞生 服務 抵食 推介