翠華餐廳 (TKO Spot)

營業中

休息中

“神之叉燒飯”？…今晚如常到屋企附近食晚飯，揀咗將軍澳嘅TKO Spot (前尚德商場)，先叫70蚊嘅”神之叉燒飯” (叉燒滑蛋飯)，加埋油菜同飲品就90，照舊走葱😂。嚟到睇個樣已經震驚，啲叉燒就咁睇樣已經好堅，食落去如同海綿般，軟腍腍，帶啲肥膏，脆脆哋嘅邊，甜甜地嘅蜜糖。老實講，有啲新桂香嘅影子。不過真係要趁熱食，凍咗會差啲。另外，蛋包飯亦都受惠於叉燒嘅甜味，食落一啲都唔厭，唔似普通食白飯咁😅。跟住叫咗個鐵板餐，”黑椒牛柳粒軟殼蟹配薯菜”。黑椒味好濃好香，襯托個牛柳粒到非常唔錯，其實呢個組合應該配白飯😂。軟殼蟹好完整，成個蟹形，入邊真係有蟹肉。鐵板餐本身已經跟奶油豬同埋湯，所以係好豐富。我哋仲特登叫咗兩杯特飲，”手打檸檬茶”同”手打士多啤梨檸檬茶”。感覺上士多啤梨檸檬茶特別啲，有好多士多啤梨肉。左加右加，叫到成枱都係嘢，先223，原來已經可以咁豐富。

冠軍焗豬扒飯‼️街坊平民連鎖餐廳🔹喜歡請like & follow🫶🏻對我來講是很重要的支持🔹個人幾喜歡翠華的菠蘿包，經常買個當早餐~但沒有吃過晚餐，初嘗冠軍焗豬扒飯，覺得味道不錯！餐廳先將豬扒沾滿蛋液，再下去煎所以豬扒有蛋香味，而且肉嫩多汁，不乾身用上炒飯底，粒粒分明茄汁不會好酸份量大，２個人分享剛剛好推薦給大家~① 冠軍焗豬扒飯(炒飯底) $75② 照燒豬扒拼天婦羅大蝦 配薯菜(黑椒汁)🔹鐵板豬扒相對焗豬較鞋身；黑椒汁淋在天婦羅大蝦，使大蝦較為腍身；薯菜份量多③ 瑞士汁雞翼（五隻）📍翠華餐廳 (TKO Spot)將軍澳唐明街2號TKO Spot地下1及2號舖

尚德商場距離新嘅入境處大樓大概10分鐘路程，距離地鐵站8分鐘路程，係一個比較民生嘅商場今次食咗佢哋限量發售嘅神之叉燒飯，落單前首先要連接咗翠華嘅Wi-Fi，然後scan佢哋qr code落單App有得揀肥啲或者瘦啲嘅叉燒，個人好鍾意食肥叉😍第一次食都係揀返普通先～六舊叉燒非常厚Juicy，肥瘦相間～有好多蜜汁喺上面，亦都唔會燒過燶，跟餐仲附有一小碟嘅叉燒蜜汁，撈飯一流呢個叉燒飯伴以厚厚的蔥炒滑蛋，睇落好吸引🤩食落亦非常有口感，因為呢個滑蛋實在落得太多蛋啦🤣🤣🤣下午茶最鍾意食麻辣嫩雞米線，估唔到晚市都有呢個米線食😍今次仲加咗兩嚿脹卜卜嘅牛筋，麻辣湯底嘅味道香濃，加埋嫩滑雞件，係一個低卡路里嘅選擇！以前返學等車都係買佢哋嘅包做早餐，又熱又脆～所以嚟到翠華梗係要食佢哋嘅菠蘿包！今次好好彩嗌咗佢哋剩返一個嘅菠蘿叉燒包（$15）～菠蘿嘅皮好脆，叉燒夠蜜味，熱辣辣嘅包想唔好食都難🤣🤣公司三文治有火腿芝士、蕃茄、生菜及沙律醬，食落有蕃茄嘅鮮味同埋沙律醬，加埋烘底嘅麵包令人無法抗拒！最後仲食咗兩個黑松露雞皇批（$12），估唔到呢個價錢可以食到黑松露嘅配料，出面買一個雞批都已經Over$12～ 咬落，除

☀️星期日去食個港式午餐，快靚正又符合口味😋😃💛餐廳門口已經有各式各款嘅麵包，我地叫左個🍍菠蘿包先，軟腍腍嘅包 + 脆卜卜嘅皮，甜甜地幾好味😋😗🤎鹿兒島風豬軟骨米線🍜湯底幾好，加埋軟腍腍嘅豬軟骨，幾滋味 🧡鐵板京川蝦球炒雙面王，係今餐嘅重點熱辣辣嘅鐵板上面有酸味味嘅炒面大大粒蝦球🦐酸味味嘅炒麵有啲係軟身，有啲係硬硬地Mix 埋一齊好有口感咁啱今日仲有限時優惠，係特價嘅芝士奶蓋阿華田西多🍞+芝士奶蓋翠華奶茶🥤脆卜卜嘅西多士入邊有奶油+奶蓋出邊就有阿華田粉 下一個好滋味嘅下午茶😋😋😋呢個餐配有奶蓋奶茶🍶奶茶係平時翠華嘅必飲飲品再加埋奶蓋再嗌埋紅豆冰同埋巴洛手打檸檬茶係新出㗎 夏日炎炎幾好飲

諗唔到食咩嘅時候就會去翠華，貪佢選擇較多，燒味，碟頭飯，焗飯意粉，河粉，甚至連鐵板餐都有。神之叉燒飯 - 呢個係每日限量發售，單點係$70 ，跟餐飲/湯 $80，跟餐飲/湯同菜 $90。賣相非常吸引，叉燒厚切，肥瘦適中，有咬口，蛋炒得香滑。至潮魚蛋片頭牛腩河 - 片頭河本身$42，加$15點埋牛腩。魚蛋片頭入口夠晒彈牙，牛腩亦入味夠淋，味道好正。脆「嘩」奶油豬 （$22）- 呢個係必食推介，鍾意佢嘅奶油豬整得香脆，配埋牛油同埋煉奶，非常高質。飲品分別點咗凍奶茶（跟餐+$3）及手打檸檬茶（單點$38）各一杯，手打檸檬茶係店員嘅推介，入口充滿檸檬香味，啱晒天時暑熱飲，非常解渴。奶茶亦保持一貫水準，茶味濃郁，香滑好飲。餐廳店員非常殷勤有禮，環境亦舒適好座，雖然都多人幫襯，但勝在餐廳座位夠多，唔需要等太耐就可以入座。

今日端午節， 帶囡囡去完d 扒龍舟活動， 順便食埋野先返屋企， 玩咗成日已經好累， 所以揀咗翠華， 快靚正.叫咗二個下午茶餐， 另外叫多一個神之叉燒飯, 囡囡可能好肚餓， 我地全部食晒.瑞士雞翼撈麵+ 太陽旦： d 撈麵入曬味， 好香瑞士汁， 又唔會好流， 加埋隻太陽旦， 好味，雞翼都大隻， 肉質鮮嫩咸牛肉炒蛋潛艇： 大件抵食， 爆餡， 個包好鬆軟， 好味神之叉燒飯： 值得推介， d 旦炒得好滑， 叉燒半肥瘦， 加埋d 鼓油汁， 正生磨旦白杏仁茶： 唔太甜， 香濃杏仁味， 啖啖旦白，足料

尚德商場地下的翠華餐廳，已是街坊熟知的老店了，裝修後更寬敞光猛，呢日又再度光臨食午餐。餐廳菜色繁多，樣樣出色，不時有新菜式推出。最近新出神之叉燒飯，就點了呢個。🌟神之叉燒飯$90已有碟菜同飲品。叉燒燒得靚，色澤均勻，用梅頭肉夠軟腍入味，配葱滑蛋同飯食特別香滑。🌟脆"嘩"奶油豬必點的出名包點！烘到脆口，加牛油同煉奶，百吃不厭。🌟自製魚四寶米線加了牛腩同上湯娃娃菜菜，健康又美味。🌟芝士奶蓋 X 翠華奶茶出名的翠華奶茶凍飲加配芝士奶蓋，奶香味十足，奶茶夠晒香滑。🌟生磨蛋白杏仁茶養生之選，杏仁茶唔會甜，配蛋白直接當做甜品。翠華餐廳是香港始祖出名茶餐廳，值得推介。職員好友善同殷勤，不時收走枱面用完的餐具同紙巾。

以前中環大熱店翠華餐廳，而家將軍澳都食到，午市仲好多人，好多街坊生意。🥩薄西冷牛扒（黑椒汁）配野菜蔥炒薯都幾大塊牛，好夠食，鐵板上熱辣辣，即時倒入黑椒汁，「渣渣」聲！薄西冷好腍好有牛味，整體好食，另有紅湯，足料好飲。🐷豬手好鐘意豬手，炆得入味又腍，一個人食晒成碟😆🥧蛋撻今次見新鮮出爐都好想食，見好多人買，值得一試。🚩翠華餐廳 (尚德商場) (將軍澳)📍將軍澳唐明街2號尚德商場地下1及2號舖

將軍澳翠華😀公司三文治😀麵包烤得恰到好處，口感極佳。再配上一些薯條，脆香可口，讓人忍不住一口接一口。吞拿魚蛋沙律潛艇🤩吞拿魚肉質鮮美，搭配沙律醬和Q彈的魚蛋，口感豐富，味道清新。白灼芥蘭配海鮮豉油芥蘭清甜可口，海鮮豉油鮮香濃郁，兩者搭配在一起，簡直是完美的組合。照燒脆皮雞扒配吉列魚柳🤗也是一道非常受歡迎的菜品，雞扒外酥里嫩，魚柳鮮嫩多汁，口感極佳。😆乾淨整潔，服務態度也很好。菜品豐富多樣，味道鮮美，價格也非常實惠。✅

冠軍焗豬扒飯呢到既焗豬排飯份量好多而且豬扒已經切好，炸過既豬扒香脆惹味再加上酸甜適中既醬汁，整體層次感十足，炒飯底亦都粒粒分明，成個飯都有哂焗豬應有既元素，抵食!沙嗲牛肉炒河另一個招牌，見到好多人食沙嗲牛肉麵，但其實炒河更加可以帶到佢沙嗲牛肉既鮮味，花生醬味道突出而且沙嗲食落有口感唔會死咸。牛肉薄切完全冇筋，每塊牛肉都可以掛到汁，連埋河粉一齊食更加出色!魚湯杞子蛙蛙茶菜類都好平而且份量夠多，整體都爽口新鮮，解膩一流!紅豆菠蘿包+蛋撻+凍鴛鴦另外再叫小食同埋凍鴦，好欣賞個菠蘿包脆身而且焗得岩岩好，紅豆蓉都夠多! 凍鴦咖啡味稍為特出，飲落好濃厚，奶味好豐富!

呢日路過尚德呢間翠華, 想食個快飯就入左黎~ D 位都坐得幾舒服, 因為唔算多人,我地都可以坐到卡位~ 睇完餐牌我地就叫野食, 我地叫左個神之叉燒飯, 同埋鐵板晚餐, 我地揀左辰3西冷配紅酒汁, 佢呢個西冷寫就話薄西冷,但其實個size 同厚度都好令人滿意, 仲要加埋D 紅酒汁, 真係一流! D 汁倒上去個鐵板度炸炸聲, 另外仲有湯同包同埋野飲, 我地叫左羅宋湯,都好足料, 同埋夠酸!西冷食落去肉質都唔錯,仲好有牛味, 真係值得推薦! $83 有咁多野食都幾抵! 另外我地仲叫左濃情奶茶, 呢個係有少少白酒成份再溝埋落奶茶度, 飲落好順, 唔會好重酒精味, 同埋估唔到兩者都咁夾! 另外佢個神之叉燒飯好好食! 叉燒肥瘦分明! 食落啖啖肉, D 蛋又正! 我地另外仲叫左個蛋撻一齊食!大滿足!

翠華餐廳全港有好多分店，主要售賣經典茶餐廳食品，亦有加添創意推出新產品，例如醉fun fun濃情奶茶系列濃情奶茶（隨身瓶） $88同瀘州老窖合作推出白酒x奶茶嘅新鮮配搭，喺厚厚嘅玻璃瓶下除咗港式香滑奶茶，仲加咗白酒，飲落會有白酒嘅香甜味，不失為能夠代表香港又得體嘅紀念飲品神之叉燒飯 套餐 $90套餐配時菜+湯/飲品，揀咗羅宋湯好足料好多肉，仲有好多蔬菜，時菜冇得揀款式，當晚係清甜芥蘭叉燒揀咗肥啲，燶邊爽口好好食，鋪係蔥花蛋皮上面份量都唔少，再加上秘製豉油超級滿足羅漢齋炒麵 $70炒麵雙面黃底面都脆脆，但麵餅中間保持軟熟吸左羅漢齋芡汁特別惹味，外脆內軟食到停唔到口

神之叉燒飯賣相已經好靚！叉燒飯上枱熱辣辣！叉燒選用五花肉製作，厚切提升豐富口感，再加上蔥花滑蛋，最後淋上自家製濃口甜豉油，好味道！濃情奶茶平時熱奶茶就飲得多，見到呢支係佢哋新出嘅奶茶，一於試試佢！由香濃幼滑嘅翠華奶茶同老字號瀘洲老窖調配嘅醉FunFun奶茶，融合傳統港式香滑奶茶，酒嘅香醇同奶茶嘅絲滑好夾，白酒又濃又香，真係一是難忘！奶茶仲係隨身瓶裝，可以邊行邊飲，買返屋企飲又得，好方便！常餐有生炸豬扒麵，炒滑蛋，牛油豬仔包！豬扒好大塊入口幾Juicy, 滑蛋夠晒香滑，大大份好正！

翠華餐廳除奶油豬外🍞也有港式風味菜式架！更不時推出新產品 最近看中了 奶茶🥤餐牌亦有多種選擇午餐、常餐選擇、炒粉麵、米線、扒餐樣樣都有⋆_ᴛᴏᴛᴀʟ ᴏʀᴅᴇʀ__ ⋆🍛神之叉燒飯 翠華神之叉燒飯 吸引了我厚切叉燒 肥瘦適中 入口即化配上獨特的叉燒醬汁 味道香濃搭配甜豉油 味道更佳😋滑蛋嫩滑口感 配白飯也很不錯🍳鐵板雞扒（蒜蓉汁）配薯菜午市套餐 價錢相當吸引可以選擇飯/意粉/薯菜選擇了鐵板雞扒 淋上蒜蓉汁香噴噴醬汁 撲鼻而來雞扒厚實 多肉汁啖啖肉👄配薯菜 更惹味👅配羅宋湯 酸甜口感帶點微辣 十分醒胃🥤濃情奶茶（含有瀘州老窖白酒成份 25ml）非一般奶茶 是會醉的！奶茶🥤加入了瀘州老窖的白酒🍸口感順滑 酒味香 剛剛打開就已聞到濃濃酒香味啖啖細滑奶茶味 口感滑順又獨特是茶餐廳版cocktail 🥃!!!

今次翠華佢哋有新攪作😎「醉Fun Fun濃情奶茶」系列（內含少量白酒）💥我哋今次叫咗～瀘州奶茶隨身瓶～《國窖1573》首度同翠華合作打開樽蓋已經聞到好香嘅中國白酒味，鍾意飲奶茶同埋白酒嘅朋友一定好喜歡❤️💥魚蛋片頭河（翠華嘅魚蛋河都係我嘅最愛😆😆）💥神之叉燒飯 （呢個神之叉燒飯，係用五花腩來做叉燒😎一層肥一層瘦⋯真係叉燒界嘅王牌😎仲配蔥花炒蛋做底，套餐跟嘅油菜都非常大碟，呢個神之叉燒飯，對叉燒講究嘅朋友一定要試😎）