翠華餐廳 (TKO Spot)

營業中

休息中

今日返學校參加中秋晚會， 玩完就叫肚餓， 最近係tko spot , 入面都好多餐廳， 阿囡經過見到有間茶餐廳有人食緊秋葵+ 旦撻， 全部佢至愛, 即刻話要食d 間.旦撻: 一坐低叫咗3 個， 囡囡話要食2 個， 不過都真係幾好食， 牛油皮， 好鬆脆， 餐廳職員話係師傅人手整， 唔錯.手打草莓檸檬茶: 檸檬味好清新，酸酸甜甜好開胃， 仲有大大粒新鮮草莓肉， 正焗豬扒飯: 即叫即即焗， 上枱仲係熱辣辣， 份量多， 非常夠食，豬扒舖面成個碟面， 咬落好淋， 師傅好細心已經切開一件件鮑味銀芽肉𢇁炒麵： d麵整到脆卜卜， 小朋友當薯條食， 好滋味秋葵配芥末鼓油： 想食菜， 但又唔想揀熱食， 秋葵都係一個唔錯嘅選擇，我個囡好鍾意， －個人食晒成碟

#cassiegotko-今日肥編去咗將軍澳搵朋友玩，先係尚德商場翠華餐廳食個飽肚午餐。午餐系列有5款常餐選擇，包餐湯同餐飲，其中3款係鐵板系列，可以自己揀要薯菜、飯定意粉。鐵板系列就比較岩肥編同朋友，想食多啲蛋白質，少啲碳水。🥘-鐵板系列有得揀牛扒、豬扒定雞扒，肥編揀左照燒牛扒配天婦羅大蝦，肉質嫩滑，好香口，唔會咬唔到。另外配埋新出嘅手打檸檬茶系列，唔使專登再去買飲品，係翠華就飲到手打苦瓜檸檬茶，非常爽快。🥤-味道評分▶️🌕🌕🌕🌕🌗 (4.5)抵食評分▶️🌕🌕🌕🌕🌗 (4.5)回購評分▶️🌕🌕🌕🌕🌗 (4.5)-➡️ 翠華餐廳（將軍澳）📍 將軍澳唐明街2號尚德商場地下1及2號舖-OP: cuisine_revolution (Lv4)TripAdvisor: cwycassie-

神之叉燒飯叉燒肉質鮮嫩又厚切，香氣撲鼻。飯粒鬆軟，入面好多叉燒汁同d飯融埋一齊。飯上面仲有一層炒蛋，配埋蔥花，視覺同味覺都好滿足！🌟 評分: 8/10冠軍焗豬扒飯焗豬扒外脆內嫩，醬汁香濃，加上芝士融化，口感好豐富。🌟 評分: 7/10芝士奶蓋阿華田西多士好創新嘅配搭，外脆內軟，搭配上濃郁嘅阿華田和芝士奶蓋，口感滑順，甜而不膩。🌟 評分: 7.5/10手打檸檬茶檸檬味好濃郁，清新解渴，配合自家製嘅茶香，清爽又帶點酸味味嘅感覺，十分開胃，好解暑。🌟 評分: 7.5/10熱檸樂熱檸樂帶有清新檸檬嘅香氣，好暖笠笠。🌟 評分: 7/10蛋撻蛋撻皮薄餡滑，蛋黃香濃，甜度剛好，熱食落去更美味。🌟 評分: 7/10奶黃包奶黃包外皮柔軟，內餡滑順，奶黃好香甜，餡料偏吉士狀，奶皇包控值得一試！🌟 評分: 7/10🎖️整體評分🎖️❤️ 味道: 7/10🧡 環境: 7.5/10💛 服務: 8.5/10💙 性價比: 8.5/10 📍 翠華餐廳 (TKO Spot) (將軍澳)將軍澳唐明街2號TKO Spot地下1及2號舖

神之叉燒飯‼️街坊平民連鎖餐廳🔹喜歡請like & follow🫶🏻對我來講是很重要的支持🔹大推翠華的神之叉燒飯!叉燒燶邊得來肥膏彈性有咬口不油膩好像滿滿的膠原蛋白竟然茶記也食到不錯的叉燒飯!① 神之叉燒飯 $70厚切叉燒，燒得好香口😍外面有少少燶邊，肉質軟腍叉燒的肥膏位有彈性咬口想減肥的可以要求瘦點👍🏻炒滑蛋帶蔥香，淋上秘製甜豉油非常送飯！②冠軍焗豬扒飯(炒飯底) $75餐廳先將豬扒沾滿蛋液，再下去煎所以豬扒有蛋香味，而且肉嫩多汁，不乾身用上炒飯底，粒粒分明份量大，２個人分享剛剛好③ 冬陰公海蝦球米線 $60🦐湯底濃郁惹味，蝦球好大粒還加了 $15 豬軟骨④ 手打芭樂檸檬茶連翠華都跟上潮流有手打檸檬茶有不少芭樂果粒📍翠華餐廳 (TKO Spot)將軍澳唐明街2號TKO Spot地下1及2號鋪#翠華 #翠華餐廳 #叉燒飯 #瀘州老窖 #白酒 香港味道 #香港茶餐廳 #茶餐廳 #港式奶茶 #香港美食 #香港打卡 #香港必吃 #香港美食攻略

嚟到香港一定要嚟體驗吓，香港人都會食過嘅翠華餐廳，翠華餐廳點解會咁出名？除咗係因為連鎖店之外，好多時嚟到香港人會去食嘅係早餐🤭🤭咩原因？大家心照不宣🤭🤭今次翠華推出咗新菜式 神之叉燒飯😋！叉燒半肥瘦一啲都唔油膩香軟好好味！完全好似將食神入邊嘅黯然銷魂飯演繹出嚟！👍👍在配搭新推出嘅手打檸檬茶！超級開胃同解膩！！怕甜嘅朋友仲可以選擇少甜，完全唔怕會肥！另外叫咗鐵板黑椒羊架，羊架配上黑椒汁，真係非常之好味，又惹味💕隨套餐送忌廉湯或者羅宋湯，我就揀咗羅宋湯，羅宋湯味道都非常美味同埋真係好足料👍👍

-- 神之叉燒飯套餐 --$80 --- 配咖啡/茶/餐湯$90 --- 配咖啡/茶/餐湯及時菜這碗超大叉燒飯，好似用咗我半年食肥豬肉嘅quota, 叉燒就係勁肥豬腩肉嘅化身，仲配埋應該用咗2隻大蛋炒成嘅葱粒滑蛋，超邪惡。味道，烹調方法也不是傳統廣式叉燒般，而是燒烤咗一嚿大肥豬腩肉，再厚切片，然後才自家淋上秘製甜鼓油在上面。雖然好食，但一個人食，份量實在太多，太油膩。一餐$80,可抵得住早，午，晚三餐。除開了，價錢就非常抵食跟餐上枱的熱辣辣羅宋湯，湯底亦非常濃郁

呢日路經將軍澳尚德，趕時間要食個快飯，又想有質素，又唔想求求其其，於是去咗翠華餐廳食。呢間翠華餐廳喺地下嗰層，都幾多人排隊，好彩好快有位，裝修乾淨企理，我同同事就嗱嗱臨入去睇吓有啲咩食。我哋叫咗個冠軍焗豬扒飯，上枱嘅時候好香，豬扒又厚又大塊，好有口感，啖啖肉;啲飯用蛋炒過，好香，粒粒分明;食嘅時候，個豬扒汁好香濃，連埋啲芝士係拉絲嘅，好好食。海南雞飯啲海南雞全部無骨，肉質嫩滑，油飯夠香，加埋海南雞三寶醬汁食，食完非常滿足。上湯娃娃菜，湯汁鮮美，娃娃菜爽脆，食落健康又美味。手打草莓檸檬茶+手打芭樂檸檬茶，兩杯手帶檸檬茶飲落真係同普通檸檬茶唔同，烏冬帶有果香，酸酸甜甜，好解渴！最後我哋仲叫咗兩個雞尾包，陣間下午茶食🤗🤗

今日終於嚟到將軍澳呢間翠華，焗豬扒飯，真係好正，熱食，而且香噴噴嘅芝士味，香脆可口，而且豬扒嘅數量都好多喎，真係足料焗豬扒飯。另外仲叫咗個鐵板牛柳絲炒意粉，超香超有鑊氣，上菜嗰刻仲係噴緊煙嘅，食到又係唔停得口。我地今日仲加咗碟瑞士雞翼，瑞士雞翼好香好入味，加餸必備今日試埋佢個手打檸檬茶，真係零舍唔同㗎，因為佢啲檸檬好夠檸檬味，值得一試我想講服務員都好有效率，都好細心幫得手，欣賞欣賞。翠華尚仲有迪卡儂可以行 ，好多運動用品可以買，不得了！

呢日過開嚟將軍澳探媽媽，落雨濕濕唔想行咁遠就去咗佢屋企附近間翠華開餐🍽️🍚神之叉燒飯 $80叉燒非常厚切😍燒得好香口，肥瘦適中食落軟腍；滑蛋蛋香味濃，份量足以蓋過底層白飯👍🏻另外跟埋秘製醬汁，加埋落去完全有畫龍點睛之效😍😍😍小朋友極速清晒成碗飯👍🏻🍗瑞士汁雞翼 $65雞翼都幾大隻😍瑞士汁味道滲晒入雞翼入面夠晒入味👍🏻🍜常餐 $68牛油豬仔烘得好脆，炒蛋非常香滑，生炸豬扒麵個豬扒好腍，醃得好入味😋麵底嘅軟硬度啱啱好🧋凍奶茶+$3一向都鐘意飲翠華奶茶，長期都keep到水準🍹手打檸檬茶 +$20飲落酸酸甜甜，勁多檸檬肉，消暑一流🌹玫瑰荔枝梳打 $35媽媽話好香玫瑰味，入面仲有幾粒荔枝好甜

今日出將軍澳行街， 行完將軍澳中心， 再行埋tko spot , 超多野行，由中午行到夜晚， 順便食埋晚飯先返屋企， 但周圍都好多人， 阿囡又話肚餓唔想等， 經過見到有茶餐廳， 即入.腸仔包+ 菠蘿包: 太肚餓， 一坐低叫咗2 個包醫肚手打草莓檸檬茶: 幾特別， 真係有新鮮草莓肉， 夏天好適合焗豬扒飯: 即焗， 上枱熱辣辣， 份量都多， 我同囡share 食都夠飽， 豬扒舖面成個碟面， 咬落好淋身， 蕃茄味十足， 小朋友都鍾意食荔枝紅莓冰冰： 大熱既天氣叫杯冰， 超谅快， 荔枝同紅莓酸酸甜甜， 好開胃秋葵配芥末鼓油： 又想食菜， 又唔想揀熱食， 秋葵都係一個唔錯嘅選擇， 食下－條又一條， 不如不覺就清晒

神之叉燒飯 厚切半肥瘦叉燒，入面肉質軟嫩，外面有少少燶邊，帶有蜜糖味同炭香味，配上熱飯滑蛋同秘製甜豉油一齊食，非常滋味。鐵板黑椒牛柳絲意粉牛柳絲肉質嫩滑，意粉份量多，配上紅椒絲洋蔥絲芽菜一齊炒，非常惹味，而且夠鑊氣。咖喱吉列豬排飯 吉列豬排炸到金黃色，肉質外脆內軟，非常大塊，咖哩汁甜甜辣辣，而辣度唔會好辣。手打芭樂檸檬茶有芭樂果粒，味道清甜。

法式黑椒牛柳 牛柳肉質細緻可口，肉汁濃郁四溢，配上特製黑椒醬汁加入幼滑忌廉，充滿法式風味 🧡秘製海南雞飯雞肉真係無骨㗎，連雞翼都已拆骨，保証有儀態慢慢嘆，帶甜嘅黑醬油同酸辣汁混合起嚟沾上雞肉，再配上香噴噴嘅油飯，真係很滿足 🩵冠軍焗豬扒飯份量好多而且豬扒已經切好，炸過嘅厚豬扒香脆惹味再加上酸甜適中嘅醬汁，整體層次感十足，炒飯底亦都粒粒分明，勁抵食 💜✅ 份量超大✅ 性價比高✅ 環境乾淨✅ 坐得舒服✅ 員工友善

以茶餐廳嚟講，將軍澳呢間啲staff service十分好，有講有笑，好主動🥢神之叉燒飯 $70本身嚟咗碗較肥嘅叉燒，我望咗一陣，有個姐姐好醒目主動話幫我換瘦啲，讚👍🏻其實order嘅時候都可以自己揀肥瘦，我又怕瘦嘅會太瘦，所以冇特別orderAnyway，估唔到呢到叉燒飯咁靚仔，賣相色澤都好好，加埋醬汁，哇簡直係白飯小偷，明明不太想食飯都不知不覺間食咗大半碗叉燒半肥瘦係最正，有油香又有肉，燒得入味又稔身，值得一食😋🥢瑞士汁雞翼 $65人氣小食，用上別樹一格醬汁來烹調，入味惹味，就咁食好正🙌🏻🥢魚四寶$53清清哋，有魚腐、魚蛋、魚片頭、墨魚丸，好有魚肉味，我鐘意食魚肉所以好啱我🥧黑松露雞皇批 $12之前食蛋撻，今次試其他，要咗雞皇批，呢到仲加咗黑松露，幾香黑松露味，最鐘意嗰批，微脆酥化幾好食👍🏻🍋手打檸檬茶 跟餐加$20近期手打檸檬茶係飲品界嘅大熱，估唔到連翠華餐廳都追得上潮流，加入咗手打檸檬茶系列，仲有苦瓜味、芭樂味、士多啤梨味等等🥛生磨蛋白杏仁茶 跟餐加$20我就養生一啲，飲我最鍾意嘅蛋白杏仁茶，平時都會當食甜品咁食，估唔到茶餐廳嘅水準都好好，一樣好滑身，蛋白都嫩滑，好飲👍🏻🚩翠華

好耐冇食過翠華喇！呢日經過翠華，諗起都好多年冇食過，就決定去試下宜家嘅質素點🫣除咗經典嘅茶餐廳嘢食之外，仲推出咗啲創新啲嘅嘢食同飲品，連最近好Hit嘅手打檸檬茶都有得飲🤩神之叉燒飯 $80 （配熱飲）有啲似黯然銷魂飯🐷不過煎蛋變成咗炒蛋，再提升咗一個層次，叉燒用咗腩叉嘅位置，肥瘦啱啱好，肉質軟腍，帶有焦香味😋而炒蛋加入咗蔥花，炒得幾滑，仲有啲半凝固嘅蛋汁，不過講到最搶鏡嘅都係個飯嘅靈魂甜豉油，真係好好餸飯，唔覺意就食晒成碗飯😝咖哩特嫩羊仔扒飯 $130呢個同樣係另一個好吸引嘅菜式，份量好大😳咖喱上面有三大件羊架，每一件煎到啱啱好都唔怕韌😎有適當嘅羊味但唔會好羶，而底下嘅馬來咖喱汁唔會好辣，啲香料好惹味，好啱加埋入意粉/飯一齊食🍝白灼芥蘭苗 $25健康啲叫咗個油菜，係芥蘭苗，所以入口比較嫩🥬墨西哥奶皇包 $11最後仲叫多咗個墨西哥奶皇包，入面嘅奶黃餡偏吉士狀，啱晒啲鍾意食奶皇包嘅人😆

超吸引既神之叉燒飯天氣太熱啦,係附近搵一間好野食,今日去咗翠華茶餐廳,佢食嘅嘢真係好大眾化同埋好香口，通常都會去去到度食lunch,飲品真係好正,夏天真係無得頂神之叉燒飯，熱檸蜜肥瘦分明嘅叉燒，仲有好香既雞蛋，仲有最正嘅豉油汁，真係神一般嘅飯, 叉燒飯既天花版,真係肥得黎又唔膩。黑椒牛柳絲炒稻庭烏冬加凍檸茶佢個常餐好吸引，因為黑椒牛柳炒烏冬，仲要唔係普通烏冬係稻庭烏冬,好少餐廳可以鐵板上,好夠鑊氣。脆脆薯條薯條即炸超香超好味。因為翠華嘅包都好好食，所以我哋仲叫咗三個包~就係好出名既菠蘿包同雞尾包簡直係超級豐富嘅一餐。推介~~~