翠華餐廳 (TKO Spot)

營業中

休息中

將軍澳站附近的食肆都差不多食過, 今日行遠少少到了尚德商場內的「翠華餐廳」。翠華餐廳始於1967年一家旺角的小冰室，是首間上市的茶餐廳。老闆李遠康曾經是上環「海安冰室」的外賣仔，後來做過水吧、餅房等工作，他於1989年白手興家，接手由蔡創波創辦的「翠華餐廳」。憑個人努力更加令「翠華餐廳」更上一層樓, 絶對是獅子山精神下的表表者。以前在旺角返工曾經光顧不少次, 但次數越來越小, 因為價格不斷上漲, 但是服務及食物質素沒有提升, 反而越來越差。另外, 旺角店自由行太多, 用餐環境又迫又嘈雜。説回將軍澳分店, 本地客為主加上環境寛敞, 因此比旺角店舒適多了。室內裝潢年輕時尚, 這幅以漫畫手法把香港特色展示出來的牆壁令食客留下印象。餐牌印刷精美(記得旺角店有告示牌標明$500一本, 可能太多遊客帶回祖國作記念吧!)。價錢不便宜, 只有晚餐才包飲品。叫碟炒粉麵飯散叫飲品差不多要九十元, 價錢不太實惠。這家翠華分店位於屋邨, 是否揀錯地點?至潮魚蛋片頭河$34標榜湯頭是濃味魚湯, 嚐一口竟然淡如無味, 真係唔覺有魚味。河粉不夠順滑, 而且粗幼不均一。魚蛋魚片味道一般, 不及正宗潮州店「百樂潮州酒樓

又到星期六，例牌晏起身，2點幾食個late lunch.香港人應該無邊個無食過翠華，岩岩有下午茶餐不過唔太多選擇有魚片頭魚蛋粉、WAFFLE、菠蘿油，最後揀左個飽肚啲既香辣瑤柱肉絲炸醬捞麵，配一個細珍珠雲吞＄41包熱飲。一上枱見都幾大碟，加埋兩條菜心係旁邊襯托。幼麵爽口彈牙，不過梘水味有點重，反而小姐認為炸醬份量可多啲用黎撈麵，而家味道唔太夠。肉絲炸醬帶點辣味更加香口，味道酸酸甜甜好開胃，不過食唔出有瑤柱...一小碗既珍珠雲吞都好足料，有3隻咁多，入面隻蝦都好大粒，不過個湯太咸，味精好重。黎翠華都係鍾意飲杯奶茶，仲要叫茶走，覺得加煉奶會更香滑。一如以往，茶味夠而且奶既份量剛好，非常幼滑既質感。LIKE！

今天來到尚德商場早餐, 順便享用特惠站2蚊MTR優惠,(#以成人八達通咭在將軍澳MTR入閘, 可以平2蚊)見到特惠站有條長長的人龍, 1個1個有次序咁DU呀DU,好欣賞佢地能自動自覺排隊!DU完之後, 入了旁邊的翠華.坐下後, 點了C餐HKD 31家鄉雪菜肉絲湯米粉肉絲:好淡口的雪藏肉絲雪菜: 軟淋淋, 葉多, 淡口, 家鄉味不濃,米粉:好細好滑, 和其他餐廳果D又粗又鞋口米粉, 有很明顯的分別而這碗有蝦米喎!! 傳統的雪菜肉絲米粉, 係咪有蝦米嫁?這碗份量好大, 估計比出面果D多左約50%需要較長時間, 才完成這碗米粉.牛油豬仔, 直徑手掌咁大, 牛油已溶化,唔係軟身包, 密度較高, 要用d力咬茶酒食完所有食物, 茶溫稍降, 但茶酒表面有結塊.入口無鞋口, 尚算香滑.早餐時段較多人光顧, 水吧要不斷制作茶底,由於茶底新鮮, 所以早上的奶茶是滑的.雖然是31蚊, 但分量頗大, 价格都算合理.

今天來到將軍澳POPCORN, 知道尚德商場有DU兩蚊優惠, 本著慳家的精神(鬼叫MTR常常加价咩), 當然不會放過呢個著數忙完正經事, 又到下午茶時間, 肚子咕咕叫了尚德商場有几家餐廳, 近來喉嚨痛, 超熱氣果D快餐店, 都不會考慮另外仲要坐得舒適,  所以剩下日本菜, 酒樓&翠華了但一行只2人, 翠華下午茶餐就是最好選擇了入座後, 細看下午茶menu, 剔除熱氣的c餐, 直接選A & B餐A至潮魚蛋片頭河 $ 37B沙嗲美國肥牛撈麵配珍珠雲吞 $ 39至潮魚旦片頭河2塊魚片頭, 4粒魚旦, 與menu幅圖內的數量一樣喎片頭及魚旦滑lut lut河粉仲滑, 可惜煮耐左, 煮到淋淋的每條好短, 散修修, 短到可以用spoon舀起湯底係有d野, 事後要飲好多水, 這就是身體的証明沙嗲美國肥牛撈麵肥牛堅厚, 有咬口,可是沙嗲太鹹太重味, 搶了肥牛風頭,只要與麵撈勻d, 方能分散沙嗲的霸道 珍珠雲吞一小碗有3粒, 細細粒, 方便食唔會期望係好似x記的水平熱奶茶鎮店之寶, 信得過這一杯的質素.可能係茶市剛開始, 水吧煮好一壺靚茶吧剛煮好的茶, 沖出來的奶茶先至滑嫁.(煮久的茶底, 茶不香, 味

話時話翠華既水準通常都OK,不會有太大落差,但係今次睇左MENU中既$78豉椒深海脆魚柳炒米粉既圖片,就拍板落單,衝動既後果就是中伏了78蚊既份量,是不少的,但係味道真係唔得,豉椒味不足,用少少豉椒再加生粉水整成,淡淡的,魚柳既粉又多,食起黎口感不佳.米粉煎過較香口但係偏硬,連夾都有困難!就算用埋附帶既辣椒醬都無補於事.所以有時候真係唔好剩係睇圖

常常經過這間翠華，總是有很多人光顧，難得是夜九時多我才有空，繁忙時間已過，店內顧客不多，便決定去吃頓晚飯。可能臨近打烊，侍應都處於半休息狀態，落單要稍微等候，服務只屬一般。把精美的餐牌翻了又翻，有不少吸引我的選擇，價錢卻比一般茶餐廳貴，法式黑椒牛柳鐵板餐要$102，令我打退堂鼓。最終我吃了干炒黑椒牛柳絲意粉($57)，反正都有黑椒和牛柳，價錢較便宜嘛！意份份量足夠，亦不會太油膩或太軟，黑椒味濃烈，十分惹味，牛柳尚算嫩滑，整體而言，味道不錯。朋友點了美式雜扒餐配紅酒燒汁($85)。先送上桌的是忌廉湯和牛油豬仔，前者味道香濃，後者的牛油不夠，朋友要加些糖來增加味道。至於鐵板熱度足夠，當紅酒燒汁倒到鐵板上時，馬上冒煙。雜扒有牛、雞、豬、煙肉和香腸，份量十足，肉質都不過不失。由於我已選了意粉，所以朋友便選薯菜，除了一堆生菜、紅蘿蔔墊在肉類下，還有一個一分為二的美式薯仔，並不是以一些毫不香脆的薯條做配菜，比我預期好。最後加$3喝了凍招牌忌廉咖啡，賣相和味道都不錯。總結而言，翠華餐廳的食物質素不錯，但同時一分錢、一分貨，價錢絕不便宜，一家四口可能要三百多元，難怪他們要接受信用卡付款喇！

一向係翠華既超級fans, 一個星期起碼去兩三次先安樂, 港女的開心星期日如果無左翠華既奶茶同菠蘿包就好似少甘d野。以前一向去開寶林既翠華, 但係最近尚德都開左間, 更加順其自然甘成日幫襯。呢間翠華, 可以話係坐得比較唔舒服, 由於佢地用盡曬所有空間, 所以台同台之間異常地近。而且新開, d姐姐既服務態度可以話係拍得住「澳牛」甘差 = =。不過為左杯奶茶. 都係死死地氣甘比錢佢賺是日收工來到, 晚市價錢比較貴, 所以都唔算坐得太滿, 無需要排隊就入左去坐。是日晚餐係照燒雞扒, 唔太吸引, 所以我地決定散叫。叫左個肉絲炒麵, 炒麵好脆, 但唔油膩, 加上足料既肉絲, 等d汁浸lum左d炒麵再食, 香口得來又有口感, 好正。男朋友叫左個印尼炒飯, 有印尼蝦片, 好大隻既蝦, 肉絲, 蛋絲等等, 好豐富。不過個炒飯比較濕身,味道可以, 但口感過lum要扣分。我地叫兩個飯麵加野飲, 要成$14x, 可以話係一d都唔便, 不過宜家度度食野都貴, 而佢好似相對足料, 感覺好似貴得來好合理 T.T。

今日十一點幾去左翠華吃午餐一行三人排隊等左15mins到就有位我主要食豬軟骨米線，湯底較魚腐米線濃，米線軟硬度適中，有三大件豬軟骨，味道濃郁亦夠淋魚腐米線湯底較清，魚腐入味，但相比起魚米家卻稍弱這個是是日午餐（香檳火腿拼雞扒-可選飯/意，配中/西湯，跟餐飮）所謂既香檳火腿本以為有幾巴閉，幾大塊，點知每塊都好似伴碟果啲紅蘿蔔既size雞扒都算大塊亦夠厚身，入口都唔會鞋口算係滑白汁不過不失，但真係幾少下，所以叫侍應比多碗先夠西湯（忌廉湯）味道亦尚可不過個人認為上餐時間好有差異，今日個是日午餐等左好耐，亦試過見人地等個餐等成三十分鐘，確實有待改善

我對於食物素來沒有貴殘之分，不論酒店、及基層的粥、粉、麵、飯只是個人偏愛吃西式食物為多，今日走訪此間連鎖經營之翠華、也是遷就老人家住屋方便地點只屬巴士站旁，很是方便 對於翠華記憶當中只有它的奶油豬及樽裝奶茶很美味跟老人家開餐還是正正經經點上粉麵來得正氣一點 看上餐牌上很多也是獨立形式落單但亦見某些推介食品可以套餐奉上，哪就要看你當日喜愛(它)與否．．魚腐魚湯米線 $28.喝一口微細的魚湯不過咸、魚腐經過魚湯慢慢浸入咬一口滿嘴皆是夾雜上之魚湯汁，米線烹煮亦不過於淋身、不錯個人喜歡些少辣，是日招來一個麻辣雞米線 $34.但上枱就跟圖片在些出入，原來不是用上(件裝雞件)、而是一片片的還似是雞胸，心想一定嚡口非常 出奇地咬口不嚡口、是切功細薄所致??就不得而知 湯中麻辣度比想像為輕，喜歡剌激味蕾者可能有感失望但辣度就相對提高了，屬中級度、以茶餐廳出品自覺師傅已交到貨 天氣只得十二、三度的凍天、來一杯熱手可暖之蛋白杏仁茶$21.最要好不過 熱氣騰騰杏仁茶原味冇加上糖份，入口有種滋潤的感覺而且蛋白清晣可見，絕為對版喜愛．．．

試一次就算la, 呢d 高檔野。真係吾想以後d茶記得番翠華。豬扒反午餐50蚊：兩大塊豬扒，煎得香脆。麻辣嫩雞米線36蚊：得個辣字，麻味吾多。難食繁忙時間要搭怡，餐單非常精美，中日英翻譯，啱哂遊客黎食啦。