翠華餐廳 (欣榮商場)

營業中

休息中

人人皆知嘅港式茶餐廳必定係屹立香港多年嘅翠華新春期間依然年中無休早．午．晚．下午茶同宵夜都有唔同選擇✨神之叉燒飯睇到個名都覺得勁就試下叉燒飯有幾猛厚厚嘅叉燒肥瘦度恰好．外皮燒得香口唔會燶哂邊添上蜜汁．令飯都帶出香甜味✨冠軍焗豬扒飯選用厚切嘅豬扒配新鮮蕃茄蓉馬蘇里拉芝士焗成仲可以轉炒飯底鮮味十足見到推出新口味奶茶爸爸飲咗支都話好正✨瀘州奶茶港式奶茶飲得多試下啲特別口味呢樽添加少量白酒成份嘅奶茶香甜醇味．與別不同的味道

這間在土瓜灣北帝街附近的翠華非常大間，座位多且闊，坐得舒服。🏅醉Fun Fun濃情奶茶（$88）坐下見到餐牌上有這個特別的瀘州奶茶，是港式凍奶茶 x 瀘州老窖白酒，叫了一瓶試試。原來隨身瓶是厚玻璃瓶，非常有質感。目測隨身瓶容量有200ml，當中有25ml瀘州老窖白酒，難怪一打開瓶子已聞到濃濃的酒香，嚐一口，酒香茶濃，兩者相得益彰。我本身是連啤酒也不飲的人，卻也覺得好飲。不過瀘州老窖白酒酒精度有52%，還是淺嚐好了。🏅神之叉燒飯套餐（$90）套餐配咖啡／茶／湯及時菜。叉燒肥瘦適中，滑蛋夠滑又有蔥香，附上甜豉油可以拌飯。🏅鐵板黑椒牛柳絲炒麵（$69）套餐配餐湯及熱飲。抵食。牛柳不是很多不過很腍滑，炒麵近鐵板位置的脆卜卜，配菜是大蔥和紫洋蔥，吸收醬汁後很惹味。

呢間餐廳位於土瓜灣,佢有好多座位,新年期間附近好多餐廳都無開,所以就去左食呢間茶餐廳,茶餐廳都幾多位置,新年期間都坐滿左唔少人,我地叫左一碟少鹽既乾炒牛河,佢真係無出面食既咁咸,落單之前可以同職員講定聲,乾炒牛河份量都幾大碟,仲有叫左一樽有濃郁酒味既瀘州奶荼,香滑奶茶加入左酒味道好淳既酒香價錢比一般奶茶貴但味道係比較特別,我地仲叫左呢度既名物奶油脆豬,奶油豬脆卜卜,加埋奶油味香,食落岩岩好,仲有一杯杏仁蛋白奶,入面有好多蛋白,加埋杏仁既香味。

新春期間無咩揀，去左翠華食晚餐，有新春餐牌同加二服務費，係門口已經寫清楚。入到黎發覺原來餐廳都幾大間，揀左張卡位坐，睇下食咩好先。⭐麻辣嫩雞米線朋友叫左碗米線，雖然餐牌上畫左三隻辣椒，但實際上又唔算辣喎。份量偏少，不過剛食完下午茶不久，呢個份量都算啱啱好嘅。⭐神之叉燒飯另一個叫左推介嘅叉飯，蛋幾滑仲有蔥香，叉燒半肥瘦味道唔錯，仲附上碟甜豉油可以撈飯。同樣飯量偏少，得三份一碗飯。⭐例湯 & 時菜叉飯可以加埋湯同菜，中湯係粟米紅蘿蔔湯，幾清甜呀。時菜係菜心，幾清甜。⭐醉Fun Fun濃情奶茶近期興茅台拿鐵，見翠華有瀘州奶茶又想試下喎，港式奶茶x瀘州老窖，酒精成份唔知有幾多呢，飲落有酒香，奶茶香滑，估到夾埋一齊又幾好飲。加二後$268ok啦，仲有利是封送添。

朋友仔住土瓜灣，夜晚落街食晚飯嚟到呢間餐廳，相信大家都食過，係間傳統經典茶記，店內環境光猛，空間感十足，而且裝潢頗時尚，新年期間仲有特色期間限定款式，值得一試😂店員推介呢度嘅神之叉燒飯，個碗好靚，有設計過，上面鋪滿叉燒，略帶焦香，肉質偏肥，脂肪好多，下面係炒蛋，嫩滑唔油，搭配靈魂醬汁同粒粒白飯，簡單配搭，好味道～另外有鹹牛肉炒蛋潛艇，炒蛋做法一樣，不過份量會多少少，搭配鹹鹹香香嘅牛肉，好港式feel，麵包鬆軟，面頭有粒粒芝麻，令到整體味道更加豐富，當作下午茶就最適合不過了！飲品方面餐廳最近新推咗款醉fun fun濃情奶茶，有隨身瓶，凍同熱飲，呢款含有少量白酒成份，25ml左右，奶茶香濃幼滑，帶淡淡酒香氣，讚！

今日經過土瓜灣，同朋友一起去翠華食午餐。午飯時間需要等位，我們等了大約5分鐘就有位了。我點了鐵板黑椒豬扒炒烏冬。鐵板上熱辣辣，黑辣味好香，豬扒同烏冬炒得剛好，整體不錯。

我12:40坐低， 1:17離開，我起身嘅時候，四眼身材矮小嘅阿姐就收起我枱面上嘅杯然後喺我隔籬大大聲講，呢啲一個人坐喺度成個鐘，我當面問佢係咪有時間限制，我俾錢嘅時候先至望清楚原來坐咗一個鐘都冇，放假原本諗住一個人唔好趕頭趕命咁樣食個飯，換來難聽嘅說話，自問坐咗一個鐘都冇，啲態度使唔使咁差，我隔籬枱嘅兩個男人喺我坐低嘅5分鐘後坐喺隔離，我見到佢哋埋單，我就順便一齊走，咁請問我坐咗有幾耐要咁講嘅，麻煩貴公司培訓吓你哋啲員工😤

同現場提及紙盒內，好多紙碎/紙粉，是綠色的。叫了外賣，餐廳用綠色的紙盒，內裡食物就沾染紙粉。點食吖？？相片可見，黃色的蛋上有綠色的點。慘。都唔知點算好。又要浪費了。職員知道我日日來的，但也無辦法，叫我找翠華集團。我都希望會有專人回覆。要符合200字，唔知點寫好，因為唔想不斷鬧不斷鬧，唯有打下重覆字。慘#～#～#～#～#～#～#～#～#～#～#～#～#～#～#～#～#～#～#～#～#～#～#～#～#～

今早想食一個 豐富早餐 點了一個部隊鍋，今早打著8號風球，但人不是太多。 當早餐送來時， 面係生嘅餐肉煙肉 全部攞水煮。 湯完全係凍， 叫侍應黎想反映面係生， 侍應態度非常不滿話係咁， 叫我下次叫廚房煮淋啲。 將問題放在我身上， 令我非常不開心同埋好嬲， 因為不會有下次 我永遠不回來。食了幾十年早餐第一次係凍上早餐

今晚與老公到了欣榮花園的翠華餐廳。這店的前身我也有光顧，忘了店名，但是裝修格局是一樣的，只是換了顏色。我們對翠華的食物質素感到相當失望。先生點了海南雞套餐，他表示海南雞不及格。而我點的麻辣嫩雞米線，雞肉的質地像豬肉，稱不上雞肉，談何「嫩雞」？譚仔/三哥的雞肉好多了。只有凍檸茶是有水準的。翠華餐廳目前的質素對不起他們的價格。究竟是這間分店特別差，還是整體質素也下降呢？儘管這次的用餐體驗不是很理想，我仍然希望翠華餐廳能夠努力提升食物的質素，讓每一位顧客都能夠享受到美食。

very very hungry呀！今日唔想食牛肉、豬肉、雞肉，奇怪嘅心情係好想食魚。見到個晚餐牌有魚食，即入「翠華餐廳 」。呢份晚餐嘅頭盤係牛油脆豬，湯有紅有白，我揀咗粟米忌廉湯，至於主菜係芝士焗脆蝦龍脷魚柳飯。焗魚柳飯對我嚟講係好有情意結，因為我個老豆生前最鍾意帶我食焗魚柳飯，由其是細個返學嗰陣時，每個星期都最少會食一次焗魚柳飯。焗飯係雞蛋炒飯底，芝士汁鹹鹹香香，原塊龍脷魚柳蓋住炒飯，可以算係啖啖有魚有飯，不過隻脆蝦就攪鬼，大隻得嚟卻縮喺魚柳下面，好難先揾到佢，食落冇蝦味。

今早要到土瓜灣牛棚，之前就到北帝街附近走走。遠遠就看到翠華很大的招牌，從前全港有好多間翠華，現在已經很少見，所以，立即再去幫襯一下。我吃鮮茄牛腩通粉，配牛油豬仔包和凍檸茶。相較以前翠華，通粉茄湯一般，不過牛腩有三大塊，都算稔。Honey吃沙爹牛肉麵配熱奶茶。這個就保持水準，光生麵爽口。久違了的翠華早餐，感覺不如從前。

土瓜灣的午餐時段真的非常多人，找一間可以沒甚麼壓力，坐耐少許的食店都有困難。今日就是想找一間可以舒服地享用午餐的地方。翠華的確是與其他的餐廳貴，但樂觀地想，多付的價錢當作是延長用膳時間，又覺得合理。入到餐廳午餐選擇都不多，點了香蔥霸王雞客飯。羅宋湯不錯，很足料。主角霸王雞賣相都很好，快快吃一口，雞肉出奇地滑。配鼓油+爆香了的蔥段很送飯。整個餐份量剛剛好，座位都舒適，當然要玩玩手機先離開啦。$66有這個午餐體驗都合理。

茶餐廳是香港獨有的餐館類型，提供的是本地特色的飲食文化，如果您想體驗地道的香港美食文化，茶餐廳是一個不錯的選擇。首先，茶餐廳的菜品種類非常豐富，包括咖喱飯、燉湯、炒麵、炒飯、奶茶等，每種菜品都有著特色的味道和做法，讓人愛不釋手。茶餐廳的價格也非常實惠，大部分菜品的價格都在合理的範圍之內，非常受到當地人和遊客的歡迎。其次，茶餐廳的服務非常快速和高效。由於茶餐廳通常都是以快速用餐為主要特點，所以服務生會非常迅速地將食品和飲料送到客人桌上，讓客人可以迅速用餐，並繼續自己的日常活動。最後，茶餐廳的環境非常熱鬧和舒適。茶餐廳的裝潢通常都比較簡單，但是營造出一種熱鬧、舒適的氛圍，讓人感到非常愉快和融入當地文化。總之，茶餐廳是一個非常獨特的餐廳類型，他們的菜品豐富、價格實惠、服務快速和環境舒適。如果您想體驗地道的香港美食文化，那麼茶餐廳是一個不錯的選擇。無論您是當地人還是遊客，都值得一試。

I had a less than pleasant dining experience at this restaurant thanks to the elderly lady who was clearing tables. She was extremely forceful, not only throwing leftover food and trash onto the floor (I was sitting right next to her), but also banging the plates and utensils loudly. It was so loud that my ears were ringing! It was clear that she was not happy working there and was hoping that we would leave soon. My friends and I didn't say anything offensive to her, as she looked very unhappy.