翠華餐廳 (欣榮商場)

營業中

休息中

土瓜灣保存舊區特色，有不少具備香港情懷的街道和景點，而對我來說，土瓜灣是日常購物的地方，餸菜、生果、麵包等都比其它區價廉物美。採購完就到欣榮花團地下的翠華食飯。這間翠華非常寬闊，不像其它茶餐廳擠迫，坐得舒服。我最愛喝它的羅宋湯，所以叫了一份羅宋湯配牛油豬。隻豬好迷你，不過碗羅宋湯很大碗，是午餐那一碗的雙倍有多，非常滿足。瑞士汁雞翼是香港地道美食，香甜帶咸香，不可不吃。冠軍焗豬扒飯用上厚肉帶骨豬扒，又軟又腍，配合新鮮番茄蓉和馬蘇里拉芝士，非常開胃。這個焗飯的飯底略濕，好像吸收了羅宋湯的精華一樣，特別濃郁。先生喜歡鐵板，而這個鐵板牛扒午餐相當抵食，他選了黑椒汁和薯菜，此外還有炒薯、湯及飲品，非常豐富呢。羅宋湯+牛油豬仔（$32）瑞士汁雞翼（$65）冠軍焗豬扒飯（$75）午餐鐵板薄西冷牛扒配炒薯+薯菜+羅宋湯+奶茶（$73）

最近經過紅磡果頭，晚飯想算算單食個菜餐廳，見到翠華新出咗唔少野食好吸引，打開餐牌已經覺得好吸引，有好多款式選擇，扒餐定粉面飯都有，快靚正!套餐仲配埋餐包、餐湯同飲品，抵食._.🐖| 神之叉燒飯 |🐖見到呢個叉燒飯咁有名堂緊係要點黎試下啦，叉燒配上金黃色嘅滑蛋已經好吸引，叉燒好足料，大大舊肉質腍身，燒到好香，肥瘦適中，果然係神之叉燒。滑蛋充滿牛油香味，同啲叉燒好夾.🐂| 美國機的牛肩扒 |🐂係茶餐廳据扒另有一番風味，快上枱，牛扒肉質好腍身，一啲都唔鞋口，配薯菜食，我叫咗係黑椒汁，勁惹味，唔會好辣。.🤎| 瀘州奶茶 （隨身瓶）| 🤎 呢個係新推出夠曬特別，含有少量白酒成份，奶茶味香濃，仲放咗係膠樽，飲唔曬都方便拎走._.

茶餐廳裡面坐得最舒服嘅選擇，星期一至日都有多款午餐、下午茶餐選擇，每次都必點佢地招牌嘅#熱奶茶 🎈 神之叉燒飯 平時好少見咁厚切嘅叉燒，係半肥瘦嘅，整得好入味而且肉汁豐富，加上叉燒醬汁味道更香濃炒滑蛋加咗蔥花好惹味，質感嫩滑配白飯最適合不過🎈鐵板薄西冷牛扒（蒜蓉汁）午餐嘅價錢只係$73食到鐵板牛扒，好抵食西冷扒有兩大塊，雖然話係薄切，口感依然幾好，肉質軟腍，配燒汁及薯菜好滿足🎈芝士焗西蘭花即叫即焗🥦西蘭花加香濃芝士🧀基本上見到都會點嚟食，特別在加咗白汁，味道更豐富🎈 濃情奶茶 香滑奶茶配瀘州老窖，飲落有淡淡白酒香甜味，易入口得嚟唔會好重酒精味，估唔到佢地係咁夾

翠華餐廳 Tsui Wah Restaurant(欣榮商場)餐廳位於九龍土瓜灣碼頭角道33號欣榮商場地下,餐廳裝修設計摩登新穎帶有工業風元素,餐廳主打地道港式茶餐廳,服務員招呼到位。神之叉燒飯叉燒厚切,肥瘦均勻,食落香口,炒蛋配有蔥花,炒蛋入口帶有奶味。XO醬海蝦球撈麵配有葱粒胡椒湯,海蝦食落爽口彈牙,撈麵乾身,入口爽彈,每條麵身沾滿xo醬,非常惹味。玫瑰荔枝梳打玫瑰荔枝梳打飲落清新,微甜,冰涼口感。濃情奶茶(隨身瓶)餐廳特色必試飲品,帶有酒味的奶茶,順喉幾特別,好飲。#翠華 #翠華餐廳 #叉燒飯 #瀘州老窖 #白酒 香港味道 #香港茶餐廳 #茶餐廳 #港式奶茶 #香港美食 #香港打卡 #香港必吃 #香港美食攻略

有朋友係深圳落嚟搵我玩，一定要帶佢食🇭🇰香港名物啦～😂講起🇭🇰香港最有代表性嘅茶餐廳，必定係屹立多年嘅翠華 ✨～😏翠華燒味一向都有水準，見到竟然有自稱「神之叉燒飯」，一定要試吓有咩咁巴閉啦。😂🌟推薦❗️神之叉燒飯（$80）識食一定食燶邊叉燒，焦糖化嘅外皮香脆可口，厚切半肥瘦叉燒甘香鬆軟，蔥花炒蛋半熟軟滑，蛋香十足，配上秘製甜豉油，絕配！😎神之叉燒飯係午市套餐，可以配埋時菜或飲品～飲品梗係要叫港式茶餐廳名物——「茶走」，即奶茶中不加糖，用煉奶來代替，港式風味！👍🏻星洲炒米（$80）炒得幾乾爽，配料都幾多，有蝦仁、青紅椒絲、火腿蛋絲等，配上辣椒醬就更惹味！☺️不過最驚喜嘅係，見到「瀘州老窖」 X 翠華聯名推出「醉Fun Fun濃情奶茶｣系列，酒鬼me梗係要試吓啦！有凍飲、熱飲及隨身瓶，隨時隨地都飲得！😂香滑奶茶配上百年傳承濃香白酒，味道真係好嶄新！😳我就覺得味道唔錯！奶茶嘅味道冇被白酒掩蓋，白酒嘅味道繼續係好突出！就好似飲緊奶茶味Cocktail，絕對值得一試！🤩

畢業之後都沒吃過翠華，好像倒閉了很多分店，再來試試他們家的紅豆菠羅包。如果你想要品嚐正宗的港式茶餐廳食物，這家餐廳絕對不容錯過！他們的奶茶、燒腩肉飯、菠蘿包等都是經典美食。價格合理，分量足夠，絕對是一個讓人滿足的地方。

路過土瓜灣的欣榮花園，見到久違了的翠華招牌，搶眼奪目；一於試試知名港式茶餐廳如今質素如何。餐廳裝修帶點cyber punk味道，土瓜灣只此一家。芝士焗西蘭花🥦西蘭花新鮮爽脆，芝士香濃，心水推介⭐️⭐️⭐️⭐️神之叉燒飯叉燒肥瘦適中，配以香滑炒蛋及香噴噴白飯，十分美味。⭐️⭐️⭐️⭐️⭐️咸牛蛋潛艇三文治麵包鬆軟，跟咸牛炒蛋可謂絕佳配搭。瀘州老窖醉fun fun 濃情奶茶香醇易入口，中式白酒及港式奶茶味道超級夾，喜出望外，可入選港式創意cocktail。⭐️⭐️⭐️⭐️⭐️凍檸茶；港式茶記永恆之選，能匹配任何食物。⭐️⭐️⭐️⭐️

好耐無食翠華，原來而家翠華好食左，價錢又同一般茶記差唔多，最搞笑係佢呢排同瀘州老窖一齊研發左隻「醉Fun Fun濃情奶茶」真心好飲😂估唔到茶記都咁有心思。。🥢 濃情奶茶（隨身瓶）$88配搭好有新意得黎又好好飲！。奶茶帶有濃厚嘅茶香同滑順嘅口感，加上酒味好香又純，味道岩岩好。隨身瓶裝嘅設計仲可以方便攜帶。岩晒酒鬼既我。。🥢神之叉燒飯$90另配時菜及飲品。呢個叉燒經過炭燒，五花腩既表皮烤得金黃酥脆，肉質鮮嫩多汁。唔錯之選。。🥢生炸豬排麵，配太陽雙蛋及牛油豬仔包，$68常餐價錢都ok, 豬排經過生炸，外脆內嫩，配上彈牙嘅麵條同太陽雙蛋，加埋牛油豬仔包，算大大份。

茶餐廳都可以飲到白酒？ 奶茶x瀘洲老窖白酒係咩味道？ 最近連鎖港式茶餐廳推出～醉FUN FUN 濃情奶茶系列，今次在港式奶茶，加入瀘洲老窖白酒，有冷熱選擇！我點咗隨身瓶裝，無加冰，酒味特別香濃，奶茶順滑，唔太甜易入口。 神之叉燒飯茶餐廳必食叉燒飯，叉燒肥瘦均勻，烤至濃邊，醬汁豐富香甜，炒蛋半生熟，夠滑溜，加入醬油，拌飯更佳鐵板脆皮雞扒熱騰騰鐵板上，倒入醬汁，發出滋滋聲，令人垂涎🤤雞扒厚身，肉嫩多汁最後就係我最愛港式豬仔包，外層脆口，塗滿牛奶及練奶，香甜美味

連鎖茶餐廳嚟講呢間都係數一數二出名😛好耐無黎食過 見到個叉燒飯勁想試♥︎神之叉燒飯 $70上網見到呢度有叉燒滑蛋飯 賣相十分之吸引叉燒肥瘦均勻 一層瘦肉一層肥肉淋埋甜豉油 撈啖飯 真係好食喎滑蛋炒得勁滑溜 加入蔥花更香醉FunFun濃情奶茶(隨身瓶) $88呢度既奶茶不嬲都係出名 奶茶Crossover白酒就真係未試過用上蘆州老窖既紫砂大麯 真係好創新既配搭一扭開就聞到酒香 但飲落又唔會特別濃 仲甜甜地鐵板西冷牛扒配野菜蔥炒薯 $83配牛油豬仔包 餐湯同飲品朋友唔想食得咁油膩就嗌左走鐵板🤣估唔到塊扒都幾大塊又幾厚身切開都係呈粉色 熟度剛好 入口唔韌仲有油脂香餐包係熱烘的豬仔包 搽滿牛油 口感滿分

神之叉燒飯 $70呢個名確實幾有霸氣，而且每日限量發售，咁當然要試吓。叉燒肥瘦均勻，食落肉嫩軟腍，加上底下滑溜溜嘅炒蛋，蛋香味道濃郁，的確幾好食，值得一試。醉FUNFUN 濃情奶茶(隨身瓶) $88瀘州老窖同翠華聯合製作嘅奶茶，內裡含有少量白酒成份，所以一打開就已經聞到濃烈嘅酒香味，配上細滑嘅奶茶口感，又估唔到兩者都幾夾。鐵板西冷牛扒（黑椒汁）配野菜蔥炒薯 $88我見到唔少食客都叫呢個鐵板餐，原來都真係幾豐富，西冷扒夠大塊，牛味濃郁，仲跟牛油豬仔同餐湯。羅宋湯好飲又夠足料，跟餐亦有配飯、意粉或薯菜，相當豐富，好抵食。4️⃣ 凍鴛鴦 跟餐

神之叉燒慰藉心靈！很久沒有吃過Hong Kong Style的Comfort Food,簡單燒得濃邊的叉燒與滑蛋飯其實已經可以慰藉心靈！鬆軟香口的米飯，肥瘦適中烤得香甜的叉燒，加上有香蔥加持的炒蛋，已經讓人齒頰留香。-要數港式經典的Comfort Food當然不得不提「冠軍焗豬扒飯」。豬扒外脆內軟，啖啖肉汁，炒飯粒粒分明，配上濃郁蕃茄汁，啖啖都好滿足。啊對了，除了港式熱奶茶，十分推薦餐廳 「醉Fun Fun」 的新出品，加了瀘州白窖的凍奶茶，非常適合想嘗試點特別口味，甜甜的奶茶中帶有一絲酒香，值得一試！#香港美食 #港式餐廳 #翠華餐廳 #冠軍焗豬扒飯 #滑蛋叉燒飯 #熱奶茶 #醉FunFun #土瓜灣 #foodie #hongkongfood #tsuiwahrestaurant #翠華餐廳 #土瓜灣美食翠華餐廳 (土瓜灣)土瓜灣馬頭角道33號8-10號舖欣榮花園地下

係咁轉名轉嚟轉去都搞唔掂真係唔係冇原因啲嘢食質素好差肉類好似雪藏咗好耐咁樣 一啲都扮唔到新鮮唔要求你要好新鮮 但都唔識咁嘅質素掛…？！重點係價錢越貴 好似剩返啲大陸人落嚟香港會食😅你個菠蘿包咁基本都整得越嚟越差搞唔掂

外賣蕃茄焗豬扒飯轉炒飯底總共$85，打開盒飯已經覺得賣相一般，食落就冇蕃茄味，成盒飯淨係得一粒車厘茄冇蕃茄，啲芝士都冇拉絲嘅效果，好似水水地咁，冇芝士味，唔會再幫襯第二次

早排黎到欣榮花園附近又肚餓，於是食埋DINNER 先返家~~呢度款式都幾多, 點左個神之叉燒飯、冬蔭功蝦肉米線、瀘州奶茶、油菜~神之叉燒飯 - 滑蛋賣相OK, 叉燒唔肥偏瘦, 食落啖啖肉, 好得, 必試.冬蔭功蝦肉米線 -  D 湯辣辣地, 真係做到好似泰國餐館咁出色. 蝦肉爽口彈牙, 米線滑溜. 瀘州奶茶係港式凍奶茶 x 瀘州老窖白酒，朋友覺得特別, 叫左一樽試下. 一打開已經聞到濃濃既酒香，試左一啖, 酒香茶濃，好正.