翠河餐廳 (已結業)

等埋女友收工食晚飯已好夜喇，想食小炒就唯有廿四小時既翠河，早前試過佢地啲出品都可以。西蘭花蝦球花枝片，依家一聽到類似既炒蝦就好抗拒，因前幾日係迎囍食個炒蝦球咸到食唔到，到今日依然冤魂不息纏繞住我呀 ﹗唔喜歡啲蝦用鹽醃過火再啤水，令肉質食落錯覺好爽口咁，我覺得太咸又無鮮味，口感又勁假囉 ﹗翠河既蝦唔係太咸，不過都一樣。花枝片好腍身，無鮮味，並無爽口彈牙之感。最好食係西蘭花，爽口鮮嫩多汁又熱辣辣，Good ﹗食完口渴到爆呀 ﹗ 椒鹽鮮魷，食完渴死 ﹗女友話好想食，之前食過好好味喎，不過依家唔係喇。鮮魷外層炸得油淋淋，味道還可以，鮮魷都爽既。無任何調味跟，仲諗住會有喼汁添。

燦眼的茶餐廳啊 ﹗室內勁光，太光搞到對眼會好睏架喎。室外招牌都勁勁勁殘眼，唔知點解近年好流行超強燈光既招牌，好鬼大陸 feel，跟本連眼都掙唔開，點睇到咩字呀 ﹗大埔又多一間開足廿四小時既茶餐廳喇，以後唔怕夜媽媽無野食喇 ﹗仲有兩日要飛美國一個月喇，要食多幾餐中菜先得。大年初一，同 Honey 食第一餐龍年飯，瞓到夜晚八九點先起身，勁呀 ﹗哈哈 ﹗好多餐廳都放假，咁就近近地試吓翠河啦，還掂未試過翠河，就依家去試試咩料，食完去唱好 k ﹗第一次幫襯。啫啫雞煲，我無雞不款，差不多日日都要叫雞架 ﹗雞煲熱騰騰、炸炸聲，好香喎。雞肉嫩溜、醬油味濃，係略厭油了點同個汁太杰啫，總括黎講比想像中好，還可以。海鮮豆腐煲，都係煲 ﹗天氣咁凍，叫煲仔菜最好。海鮮煲好豐富喎，有魚、蝦、帶子、魷魚、瓜、菜、魚蛋、油豆腐，味道不過不失啦，滿意。茄汁蝦，難得係傳統味道，食到有 OK 醬喎，又有鮮蕃茄粒，味道好豐富。蝦都係雪藏蝦啦，味道口感可接受，如果大隻啲更好。

點了一個是日精選午餐, 肉絲炒面, 凍檸水. 原本餐是跟飲品或湯, 但送埋湯湯不重味精, 而且還有湯渣, 讚.肉絲面份量好似太小, 不過味道不俗, 肉絲腍身, 有冬菇和草菇, 味道香. 面炸得乾而不燶, 一讚.

十一月上旬‧晴有時發現其實不是真的因為想喝咖啡而喝咖啡，而很多時是人在外，要找地方歇腳，喝一杯咖啡就是最正路的。約了朋友在附近工作，早來了三十五分鐘，來這裡喝杯咖啡就最好。不要說這只是茶記，但幾好坐的。而至少三時進座，坐低好一會才叫東西伙記也沒給予什麼壓力。咖啡夠熱，幾濃郁但不太香，有點苦。但不要緊，可以舒適的坐下兼有電視看，才13元而已。