翠河餐廳 (已結業)

今日放假整天去血併，收獲都尚算豐富，行到有點累時，求其走進一間茶餐廳休息一會，順便慰勞一下被我忽略了的肚子，茶餐廳的裝潢給人的感覺乾淨整潔，而且侍應生勤快，我點了一份茄子肉菘燜麪線及凍奶茶一杯，很快就可以上菜。不過，買相就一般般，吃下去第一個感覺就是好油，麪線有點乾硬，材料很少，難道茄子及肉碎好貴嗎 ? 燜麪線不是應該是濕濕地及焾焾地的嗎? 雖然，在茶餐廳吃，不應該有太多要求，但是都應該是正常品質。再講下杯奶茶，超甜，究竟是糖水定是奶茶呢？這一餐吃得我不是味兒。

奶油脆豬，搞咩呀？我要奶油脆豬喎，依係奶油黑豬？中間腍劈劈，表層黑炆炆燶晒，仲要求其刮少少牛油當係喇？以前一百分香甜鬆脆無比、奶油味特濃既奶油脆豬去左邊呀？依舊唔收貨呀，都唔知咩黎架。蕃茄薯仔排骨通粉，雞髀都無得賣？我專登黎食雞髀架，搞錯呀！唔想食即食麵，是但試試茄通啦！我要茄牛通喎，點解變左蕃茄薯仔排骨既？差太遠喇麻。蕃茄濃湯有質數，非常香濃，不過食得出係茄膏膽來的，不是鮮茄餚製，不過味道真係幾好，酸酸甜甜好開胃。傳統厚粉無紋通粉跟大量微暖茄湯倒入口，感覺舒暢，合格。但何解會係排骨啊？瘦肉鞋烚烚。太陽蛋茄汁司華力腸五香肉丁即食麵配脆豬，居然個麵仲快過腸蛋呢 ﹗雖然翠河無出前一丁供應，煮即食麵係有一手，水準不錯。熱騰騰上檯，麵質爽彈滑溜溜，捲曲的麵條掛湯力強，帶著濃郁湯汁，好美味呢。翠河辣椒油夠晒辣，最愛每一口都要夾著大量辣椒肉同吃，開胃又刺激，諗起都流晒口水喇。用麵條包實五香肉丁淋上辣椒渣，再成舊塞入口，味道豐富、多重質感，滋味無窮。翠河您變左喇，點解司華力腸只得兩小片仔呢，以往係半條分兩舊喎。薄依依兩片腸肉黏住少少脆皮，翻炸油淋淋反晒光，都係掉落湯洗洗去好好多。太陽蛋整隻拋入口，蛋

飲酒飲天光，醉爆失憶後地上最強 AI 又再一次啟動。如果唔係有影相，真係完全無印象黎左翠河食早餐囉 ﹗最初我想食即炸雞髀架，但要等成廿幾分鐘，朋友仔趕住返屋企休息，唯有是但食啦。必殺 AI 人工智能系統作業中，夜晚九點半飲酒到朝早五點，飲到毫無記憶，清晨五點的醉爆早餐，仲識去食完跟住返屋企。瞓醒先知開左六支紅酒又飲左一堆 shooter，再叫左五百蚊宵夜外賣，如果唔係有影相，我真係完全記得啦 ﹗奶油脆豬，戰戰兢兢第一次試，又真係超級好味喎 ﹗能量爆燈，一向唔喜歡食包的我這一戰輸掉了！地球那有如此好味既麵包？我真係如夢初醒，孤陋寡聞啊！以前我認為脆豬係硬掘掘又刮口既石頭硬包，原來實體係勁鬆化勁香脆，熱辣辣。溶掉的奶油完全被麵包吸引，程黃金色狀態閃閃發亮。香氣芬芳撲鼻，咬落外脆內軟，牛油味濃烈霸道好震撼，滲透全身！第一次既經驗實在太美妙，推介非食不可 ﹗火腿奄烈五香肉丁即食麵，好少茶餐廳會無出前一丁供應呢，照試試普通即食麵啦，無緊要。廚藝不錯，麵條軟硬度剛剛好，翠河即食麵真係好好食喎，熱辣辣好有火候煮理得宜，麵爽滑彈，好功夫 ﹗掛上濃濃五香辣湯汁大大力啜入口，濕潤可口熱燙燙，大滿足 ﹗自家

大捕睇火車館行下影下相,玩完已經中午,咪出返黎行下街lo...行行下見到翠河餐廳,唉唔諗la,入去食野先,1坐底我就叫左生炒骨食,生炒骨食落甜酸味配合得好,咬落肉汁味豐富,入口夠香肉質煙韌彈呀,真係好正,因太大碟,連我都食唔晒,

響附近收工已經好肚餓, 一個人都係簡單D去茶記食, 唔想食碟頭飯, 要左叫小菜.蝦碌花枝片炒西蘭花$62, 跟餐+$9有白飯同飲品. 白飯幾大碗, 夠熱一粒粒.西蘭花比較腍, 可能淥過龍, 淥腍左先炒, 唔夠爽口. 反而蝦就幾爽口彈牙, 大隻無雪味. 花枝片都幾煙韌, 唔會咬唔爛. 本身調味都夠味, 不過花枝片想點蝦醬, 呢度都有得提供, 蝦醬吊一吊味仲更加開胃.

朝早趁得閒去一田血併, 血併前要食個早餐打打底, 就響附近簡單食. 坐底睇下餐牌, 麵類都係一兜幾餸, 如果要有多士, 炒蛋既祗有一個選擇.所以要左A餐忌廉雞濃湯火煺通粉, 配炒蛋+多士($29)先來炒蛋+多士, 蒜香多士少少蒜味, 晨早唔好太重味, 厚多士不過唔太熱, 不過麵包唔乾, 可以成舊食晒. 炒蛋蛋味一般, 不過都煎得幾好, 唔會太燶.雞濃湯火煺通粉一上枱湯確實好多, 多都遮住晒D粉.雞濃湯都幾濃味, 唔太咸. 通粉浸左一輪都無淋晒, 咬落幾彈牙, 火煺絲都算多, 成碗好快KO.跟餐要左熱奶茶, 茶味夠濃, 奶份量都剛剛好, 茶記既奶茶係沖得唔錯.

今日天口涼，好想食油鴨脾飯。去翠河餐廳食個常餐。個油鴨脾飯送湯加個熱朱古力都係$40。個飯堂空間好闊。有40吋大銀幕掛牆電視銀幕。可以即時收看電視節目。等咗大約5分鐘有得食。先飲個靚湯，個湯係東瓜雪耳雞腳湯。個湯喉好足。個湯好重雞腳味。加上有東瓜雪耳。清甜好飲。個油鴨脾飯賣相好睇。個油鴨脾係原隻油鴨。加送有菠菜。個油鴨好鹹，混入個白飯一齊就減少個鹹味。好重油鴨味。天口涼入口就唔錯。 可惜骨頭多咗D。整體個飯尚可。杯朱古力沖得好飲。

1。肉醬意粉 - 3歲仔最愛，汁香多肉腸，份量足夠2。魚香茄子煲 - 熱騰騰，肉粒多，茄子大件新鮮。3。西檸雞 - 香脆可口，食欲大增4。干抄牛河 - 香辣味濃，牛肉大大件。全家人都食得好開心😊，食物衛生，坐位寬敞。

今次响翠河既早餐, 奶油豬 + 雙蛋 + 雙漢堡扒 + 熱奶茶想讚下佢個奶油豬, 熱辣辣, 個皮仲脆添, 又夠多鍊奶, 正呀!漢堡扒是一般貨色, 雙蛋之前讚過, 都係漏王既蛋, 2邊都有煎, KEEP 到... 一個人可以因為一個好味既奶油豬而開心, 係一件幸福的事!

由年頭既小貓三四隻, 到而家有時晚飯時要排隊, 我間唔中都會幫襯, 開頭就係貪佢唔洗排隊, 之後食食下, 覺得佢D 小菜都算係几抵食, $40 - $60 一個餸 + $10 有埋白飯 & 飲品, 2個人埋單 通常 $100砂鍋鯇魚腩 - 上枱時個煲仲係 sisi sasa , 即叫即做, d 鯇魚腩有走油, 冇腥味, 仲有少少脆口, 葱斷夠新鮮夠多, 成個煲個份量都算多, 好惹味!馬蹄蒸肉餅 - 一般茶餐廳貨色, 又扁又冇肉味..........

大埔區茶餐廳黎講, 呢間算係地方好大, 有几十張枱, 就係鍾意佢唔洗等位, 又有電視睇, 不過冷氣頗大... 平時通常黎食晚飯小菜, 今日朝早路過, 就試下佢D 早餐啦... 總括普通茶餐廳的料子, $24 食一個早餐, 算係咁! 始終呢度既晚巿好食好多.. 奶茶 - 不過不失, 再熱多少少就好喇!煎蛋 - 欣賞佢2面都有煎, 有D地方淨係煎一面, 感覺會太生上枱果陣, 個甜餐飽仲暖既, 讚!通粉和米粉 - 都几大碗, 但味道都太淡

Decided to come here for breakfast, trying this the second time after a not so good encounter.the first time. Initially ordered 3 pineapple bun with butter and a noodles with 2 cold milk tea and 2 cold lemon tea.After a while only 1 pineapple bun came, it was big but it was not heated like it should hence it still had a rather hard shell. After a while the noodle set came however the other 2 buns were no where to be seen. One of the staff took the receipt over and we saw that they only took 1 of

是日的大埔早餐，陣地轉移到了海寶花園這一頭，原因也是同一個，近搭車的地方，方便我吃飽就走。海竇花園的第一次，我只能夠想起茶餐廳，結果就選擇了這裡的唯一，連鎖性，而且有點像翠華的翠河餐廳。不知為何，縱使翠河的出品不太差，但從裝修上、感覺上，總覺得仔在混水摸魚，會讓不熟識翠華的人看見翠X就以為是翠華，坐低細看才知是翠河。若是細心地看看中午的menu，這一個翠河品牌的餐牌，同翠華品牌的餐牌，實在是大同小異，而什麼醋軟骨及咖哩，也因此而成為了大多數以新派形式，或按照翠華形式經營的茶餐廳之招牌食品。不過，是日的我來到是早上，品嚐的是這兒的早餐，而我又是簡單地，點上了一份五香肉丁麵。這一個麵有沒有翠華質素呢? 大家看圖片就應該明白了，這一個麵只是一般茶餐廳使用的大光麵無味湯底，若是沒有五香肉丁式沙爹牛肉，這一個麵可真是沒有味道，而翠河使用的五香肉丁，感覺有一點碎，方正結實的方粒感及形狀沒有，邊食，要邊打撈零碎的肉丁，感覺太辛苦了。早餐的配套，有司華力腸、煎蛋、同一大隻餐包，感覺也是同翠華相似，只不過是包子並不是脆豬而已。切片的司華力腸，加上茄汁，好味，但始終都是喜歡原條去食。煎蛋，雖嫩，但感覺油了

星期六我去大埔安慈路翠河餐廳食早餐，我揮手叫兩個企埋一邊傾計嘅女員工落order幾次，佢地啤咗我一眼就繼續傾。之後部長喺對面嗌佢地落order,，其中一個就好"慶"咁行過嚟，落完單後打開個餐具櫃桶，但佢冇攞餐具出嚟，反而無端端好大力咁推翻個櫃桶入去，成個櫃桶即時"傍"一聲彈翻出嚟!!! 之後佢"瞄"咗我一眼(當然冇推翻個櫃桶入去啦)便行開。我望住個櫃桶, 嚇到O咀， 跟住問個部長佢咩事，部長只說"唔駛理佢喎"。。。吓？我嚟食嘢唔係比你大小姐用嚟宣洩嘛！跟住重離譜，大小姐繼續好凌厲咁啤住我，之後就索性入埋廚房，老實講我真係唔知發生咩事！可能我阻住佢傾計卦？？當晚我打電話比翠河經理，佢好"行"咁話"唔小心+唔覺意啫！原諒佢啦"！........ 吓？咁都得？咁冇誠意咁趕客！ 總之以後自己同家人朋友都唔會(敢)再去！女員工態度真係劣，劣，劣！！！

Went to try this restaurant because it offered bread and other baked food items.However, eating these items in the restaurant required an additional $1. Hence the egg tart that i ate which was oroginall $3 costs $4 and a hit ovaltine of $13totalling to $17.The egg tart was cold when it arrived and it had a rather thick pastry base. the drink was alright however it did not arrive until a rather long time. We had nearly finished the food and had to ask the staff twice before it arrived. My mum dra