翠河餐廳 (已結業)

這天早餐，到了大埔翠河食早餐。這裡環境寬廠，讓人坐得舒適。我叫了個餐蛋三文治烘底，三文治烘得十分好。其他地方往往只是輕輕烘熱面包，但這裡烘得十分脆身。三夜文冶是可以站著放的，可想而知面包有多脆口。雞蛋質感十分細滑，蛋味香濃，蛋香加烘面包的焦香，實是絕,配。餐肉方面，食落是香口的，煎得恰到好處。雪菜煙肉蛋通粉方面，通粉軟硬度恰宜，而其他材料份量亦豐富，煙肉雖然不是十分脆口的那種，但味道方面衣然有煙肉香味，美味美味。至於熱奶茶，這兒的茶底夠濃，因此荼香味重，而奶亦是又香又滑，因此就算不用加糖，奶荼己是十分好喝。當然加上了糖後，就變得又香，又甜，又滑，讓我喝完後想甜睡一番的感覺。

用左網上平台叫外賣，見到翠河有discount 同埋免運費，就打算試下，不過發覺好唔抵食😕馬來炒貴刁炒得比較濕，十分肥膩，材料好少，只有少量火腿、芽菜同蝦仁，調味方面好重黃薑粉味，其實跟星州炒米無分別，如果係咁寧願叫星州炒米😕

突然身痕想出街食早餐，係安慈路搵野食，見到翠河唔洗等位，就入左去。翠河，你話好特別就一定唔係，18區緊有一間，不過問你食過佢嘅早餐，你就未必食過通常都係lunchtime 先會食嘅普通飯堂。叫左一個牛扒全日早餐，佢牛扒正常野，沙律唔洗大大pat，試少少，幾開胃，塊多士好食，好脆，仲有少少蒜茸，好味~另外仲叫左一個豬扒公仔麵跟雙蛋，豬扒入味，有少少唔滿意係個湯，好味精，而且同公仔麵好唔夾，成個公仔麵搞到唔好食，問有無辣椒油，點知係無嘅(唔知係咪未準備好)。總括所有野都ok，係個公仔麵湯希望有點改善....

今日貪近去左翠河食下午茶，不過認真一般般⋯⋯雞翼兩隻加豬排包～$33，感覺係抵既，但質素就一般般啦😂個豬排包皮，極脆，脆到就黎咬唔開，豬排又極硬，唔見有幾用心製作喇。雞翼黎講就凍凍地，唔熱既食物都知係咩事既。下次都係行遠少少去間好味既餐廳了💁🏻‍♀️//座位方面其實係舒服既，有好多sofa位，不過冷氣超級凍啊。//講真，其實食物質素比環境或員工人情味緊要好多！所以，我覺得翠河可改善既位置實在太多了🤦🏿‍♀️

晚飯時間第一次是翠河餐廳，揀選的是他的常餐，叫了一份水餃通粉，鮮果沙律配多士，凍奶茶一杯。在餐廳裏他推介顧客嘗試他的餃子，然而當我以為餃子是自家製的，但當餃子來到的時候，一咬落去，味道似曾相識，原來是某大品牌的冰凍餃子。在超級市場可以買得到，建議下次，如果想食自家製的餃子，就不要點選這一項。

好耐無食過蒸肉餅，今日向翠河見到即刻叫黎食。出乎意料，呢個魷魚馬蹄蒸肉餅真係幾好食！魷魚馬蹄都切得剛剛好，唔會太大粒又唔會太細粒，咬到爽脆嘅馬蹄，我自己就好喜歡馬蹄，所以呢個肉餅飯好啱我食。

大埔多餐廳食肆，令人一直看不起連鎖餐廳，原來這兒已經有間翠河🥶。因為突然不知不覺的說打風，人們紛紛趕回家，友人又約會可以打麻雀🙆🏾‍♂️，一呼兩應，迅速夠四人，說一不二，絕不刁橋扭擰，屬人中龍💪🏾。塞巴士回到大埔附近，餐廳都已紛紛落閘，友人便到翠河看看有甚麽吃。一般來說，很多餐廳「發打風財」，一打風，加10% 😒加20% 加茶位😒，謀財取利，但名碼實價，你情我願，打死無怨。不特止，還有平日的下午茶，於是看看便點了個馬來炒貴刁，啡走。馬來炒貴刁，放在小小透明盒，想不到，放在盒子內，拿來，再放了五分十分鐘，居然還有盛極鑊氣，實屬難得！雖然其他配料不太多，只有些蝦粉、洋荵、九黃等，但鑊氣極強，粉不算太油，而底下的油又有辣香，因此如遇貴刁不夠辣，再醮一些辣也可，真有趣翠河打風不加價，質素也不會特別低落，公道而對得住自己👍🏾

今日途經大埔中心，見到呢間下午茶幾抵食，所以就入咗去試下喇。每日都有二款特價下午茶餐，不過如果唔揀是日精選就要比多幾蚊，最後揀咗是日精選馬來炒貴刁配凍奶茶。馬來炒貴刁上枱時已聞到陣陣既咖喱香味，食落口除左有鑊氣之剩份量都幾大碟，有芽菜、叉燒、蝦等材料，而且帶點辣十分惹味。

下午兩點來到海寶花園附近，地舖的食肆很多，這間連鎖的港式餐廳，門外的餐牌寫著午餐、下午茶與晚餐都是相同菜式，只是價錢不同。抱著試下的心態，進內一嚐下午茶餐。餐廳很寬落，卡位和圓枱很多，不用等位，挑了舒服的白色卡位坐下。落了單，很快送來飲品，一邊看著安慈路往來的車輛，一邊呷著熱奶茶，心情閑適。奶茶味道中規中矩！芝士焗肉醬意粉，肉醬味道香濃，意粉煮得軟硬適中！馬來炒貴刁辣味頗勁，配料和份量好似稍為少！下午茶已加到$39下午茶餐不用加一，整體上抵食！

今日去左大埔翠河買外賣食～門面外面餐牌我們就叫左下午茶餐～等等等....等左10幾分鐘終於有得拎.....椒鹽花枝丸好食，雖然跟湯上，但係啲椒鹽味無走到～凍阿華田幾好飲另外個咖喱飯就大份啲，但啲肉唔夠嫩，咖哩都ok～叫做不過不失啦～

不知所謂的一間舖頭 次次叫外賣都要係間鋪等半個鐘 如果我有呢d時間就堂食 洗鬼叫外賣 如果係太忙要等 我可以理解 問題係我叫完外賣 見到遲我入去 遲我落單既客已經食緊 唔通我外賣就唔洗比錢 同阿姐們追單 又係你有你追 態度照舊 我真係唔會再比機會佢 嬲爆

今晚去奶奶屋企食飯，老人家唔願煮飯，所以通常都落街食，唔使佢哋咁辛苦，附近街坊餐廳，價錢唔貴又有卡位坐，幾十蚊有小菜、白飯、嘢飲或者例湯，乾手淨腳。之前裝修，幾個月後依家嚟食都仲幾乾淨，不過我覺得啲枱同埋座椅真係殘得好快，唔通同廿四小時有關？啲阿姐落order就真係好 slow, 點菜真係要好有耐性，如果唔係真係會火滾。梅菜扣肉真心好食，炆得好入味，入口軟腍，唔放幾條菜薦底，呢個價錢無得輸。西泠煎軟雞就麻麻哋啦！有啲後悔叫咗肉片炒烏冬，可能冷氣太勁，食嘅時候已經凍冰冰，同埋硬身，老人家唔鍾意食。不過都係果句，價錢好抵食。

新裝修後黎食下午茶，餐牌同環境都乾淨左好多。下午茶就叫左個瑞士雞翼撈公仔麵同埋豬扒包加瑞士雞翼。d瑞士雞翼好好食，瑞士汁夠味，而雞翼煮得剛剛好，好腍好入味。而豬扒包個包唔會話好硬，豬扒都好juicy，唔錯唔錯。

晚餐又黎食啦，今次就唔叫餸食飯，我地選擇左食套餐。叫左個梅菜扣肉飯同埋黑椒汁魚柳拼雞扒意粉。梅菜扣肉真心ok咼，肥瘦都幾平均，唔錯唔錯。而魚柳雞扒意粉就麻麻，食到d雞扒有雪味。

翠河餐廳好岩同屋企人食下小炒。晚餐餐牌都幾多選擇，大部分都會$50左右有個餸，加$9仲有碗白飯同湯或飲品，幾抵食。腐乳通荼炒牛肉，唔太鹹，但菜嘅份量較少。牛肉都有D味，好彩唔韌。梅菜蒸肉餅，普普通通，無咩特別之處。芝士大蝦伊麵，賣相好一般，D芝士汁嘅顏色好淺，味道方面都有小小芝士味，而且好多洋蔥。但蝦嘅味道就有D梅梅地，唔值得叫。薑蔥鯇魚腩煲，熱辣辣送黎，而且都幾香。至於D鯇魚腩都有好多肉，唔會話多骨都唔想食。呢煲野最好就係唔腥，唔係真係一舊都唔會食。