翠河餐廳 (已結業)

星期日晨早流流想食番個優質早餐，決定去翠河重遊舊地，叫左個早餐B，凍奶茶行街，可能今日星期日，翠河班廚房佬無乜精神，個麵仲係一餅野，番到屋企先知無餐具都算，比枝飲筒我飲下奶茶都好丫，屋企無神神點搵枝飲筒，唯有唔用直接飲，我打左去中環翠河直接反映，但其實作用不大，但只想表達當時情緒，算啦，預左。

在中環工作，「雙翠」你一定要認識。一間是「翠華」，另一間是「翠河」，兩間都是港式茶餐廳。介紹它們並不是因為它們特別好食或抵食，而是在極度繁忙的中環午飯時候，兩者都經常有位。想吃一餐五六十塊、無需等位、質素過得去又可以坐一粒鐘和同事「吹水」的茶餐，在中環選擇不多。這次在翠河叫了乾炒牛河這道傳統茶餐廳必備菜式。雖然普通，但做得好並不容易。起碼要做到有鑊氣、乾身，而不油膩才算合格。翠河顯然合格，河粉乾身而不油膩，牛肉有咬口卻沒有渣，而且份量十足，收貨！

話說同班磚頁人士食 lunch, 見經過 THCT (翠河餐廳) 甘多次都冇黎食過覺得好奇怪 問其他朋友又有人話好難食唔好試，但人云亦云都唔係辦法，自己試下先 見倒午餐有 "意式鮑片蝦球炒意粉"好似幾正禾 (個名)，滿心歡喜，expecting a nice lunch! 一黎到... 嘩... 水水地，唔知mud汁，疑似茄汁，但十分稀，加上淡而無味，差 (1) 兩舊蝦球淋芝芝，唔爽口，可能係唔新鮮，仲要冇 seasoning，差 (2) 四片鮑片，講真，你唔講我都唔知係鮑片，又係冇味，差 (3) 意粉，淋到不得了，冇咬口，肯定煮熟好耐 or overcooked，差差差 (4), (5) and (6) 簡直係意粉既絕症，一個現今社會識煮食既廚師都唔會甘連出面連鎖式快餐店 (活仔, 樂仔, 心妹) 都已經唔會出現既問題都居然響哩度見倒.. 最後就係灑響面假作裝飾既菜絲 - 根本係多舊魚冇美化碟意粉不特只仲要幫今年條蛇加多隻腳.. 差差差 (7), (8) and (9) 雖然我阿文宗旨係 "好又一餐，唔好又一餐"，但哩次真係 testing my limits... 9 個

午飯時段, 人流都幾多.叫左一碟油雞飯, $36有湯送, 諗住都抵.個湯唔錯, 不過好多骨碎, 飲時要小心.飯到, 但好失望, 勁細碟...飯有少少硬, 我撈左少少湯先食.菜係凍既, 無咩特別.D雞雖然份量唔多, 但肉質幾滑.好味既, 但真係份量太少...

晚上約了朋友吃自助餐，時正四點，有點肚餓，想吃下午茶但又怕太飽，決定要來點輕食。入了「翠河」，點了個「奶油豬」。「奶油豬」這香港名物，已變了遊客來港必食之物；記憶中原創的好像是「蘭芳園」而不是「翠華」。當然，後來愈來愈多人跟風，多不勝數，但易學難精。「翠河」的這個味道只屬一般，包太厚了，烘得不夠香脆，醬料也不夠多。最後還是空著肚子去吃自助餐。

紅日夜晚想響中環搵平野食真係幾難好多地方一係唔開 一係好早就收工佢個晚餐真係抵玩50幾蚊 又有湯又包野飲, 仲有幾條草比你 賣相異常吸引豆腐斑腩飯 D 魚肉質都唔錯 唔會話將價就貨對我黎講~ 茶記格局無話服務好唔好同乾唔乾淨埋單$90幾以後響魚米家附近又有一個好去處

繼翠華之後，另一個位於中環的翠字頭餐廳。叫了一個雜扒飯。有齊經典的食材：豬扒、雞翼、腸仔及煙肉，也多了一些疏菜。整體上只能用正常來形容。賣相不錯，而味道就一般。而今次最喜出望的是因為其中一位同事常常幫襯，老闆特意每人都送一碗龍蝦湯。雖然不能吃到很多龍蝦肉，但其熱情也真的叫人有點意外。

是日又係非常趕時間，黎到中環只剩返好少時間食lunch，結果又求求其其見呢度有位就入左黎啦。一入到去都有幾多吉位，即刻搵左張卡位坐，店員都算ok，可能唔係最旺既午飯時間啦，唔會催叫野食，可以慢慢黎。店內有好多部大電視，唔駛驚悶呀。都無咩時間諗食咩野，最後我地一人叫左個無骨海南雞飯，另一個就叫左招牌魚四寶米，呢個就係我地既午餐啦。四寶米幾快黎到，分局係魚腐，魚皮餃，墨魚丸同埋魚蛋，飲落湯底都ok清，唔會覺得好鹹好重味精味。四寶無咩特別，魚腐勁淋但味道都ok，最奇怪既應該係墨魚丸，唔知點解食落好腥呀... 又唔彈牙，所以一般啦。以上四寶米一般已經算好，因為海南雞飯勁難食呀~~~ 黎到碗飯我仲以為係普通白飯，點知食落真係有油飯既味道.. 但我估佢應該唔係用雞油... 而且飯粒勁乾爽，感覺超奇怪~~~ 另外D雞肉肉質勁「鞋」口，好似食緊瘦肉咁。一D味道都無，得少少鹹味，唔話係雞肉都無人知~~~ 好難食 ><食完拿拿聲走人，呢度價錢絕對唔平，因為一個普通茶餐都索價 $40... 我諗我寧願過對面HOLLY BROWN飲杯咖啡好過。

今天跟隨大隊來了中環，與女友都已經非常之累，在回家前，要找個地方歇一歇，就任意找一家茶記吧，在威靈頓街的翠華吃得多了，就轉向隔一條街的士丹利街吧，這兒有一所翠河，這個品牌好像不經不覺都發展得頗為順利，總共有八所分店，早前吃過其在坑口的分店，個人認為是不過不失，不知在百物騰貴的中環又如何呢？店內不是太多食客，與女友輕鬆的佔了四人卡座，是坐得非常之舒適，加上空調開得夠，在炎炎夏日真的很受用，之後也來點吃的，回到家反正有飯吃，食晚餐好像不太合適，但又過了下午茶時段，在不知吃什麼的情形下，就兩個人分吃一個常餐吧，女友喝凍檸茶少甜，之後再加杯熱奶茶就成了。先來的是火腿奄列及厚多士，厚多士的麵包只是輕輕的烘過，外層不脆而沒焦香，看來是有點敷洐，加上牛油又是求其的塗一點就算了，這真的令人有點惱怒，可幸塊厚身的麵包都挺鬆軟的；至於那火腿奄列，雞蛋煎得薄薄的一層，煎得未是全熟，火腿絲中有不少的蛋汁，入口都有不錯的蛋香，而且夠嫩滑，火腿絲就夠粗又夠多，這個奄列算是交足貨了，不錯。接下來的是沙嗲牛麵，真的是吃它比生菜還多，這碗沙嗲牛麵份量很大，用湯碗上，公仔麵有很多很多湯包圍着，十足十鰂魚涌榮興的版本，可是

中環嘅Lunch Time係多人加上難搵位$52 海南雞飯 味道普通加上貴過翠華..我同事話麻麻$45 Lunch Set (包野飲) 有3個選擇..咖喱太辣唔大眾化$40 常餐(包野飲) 通粉多但煮到爛爛地..omelette太少..咁嘅價錢咁嘅質素..絕對失望

LUNCH去左中環的翠河餐廳,入面地方好大…不過都FULL晒…好采我地兩個人都易搵位~個MENU有5個午餐~我要左個福建炒飯…$45,送湯OR飲品…我揀左個白湯…都好大碗好夠熱…同埋上菜速度好快…3分鐘內上齊晒D野~不過個飯對於我女仔黎講都係岩岩好夠份量~~男仔一定唔係咁夠食~不過味道都OK…賣相都唔差~~不過價錢就覺得貴左少少~~始終都係茶餐廳…覺得唔係咁值超過$40

中午下了一場大雨之後, 特登攞把雨傘到中環給在外做野的同事, 事後, 又係得返一個人食lunch既時候. 現在有了家庭負擔, 食野也不會像以前般大花筒. 現在叫我一個人去enjoy一個過百元既lunch, 也許不會. 所以, 今日一個人, 都係以茶餐廳, 快餐店為目的地.行上山, 係士丹利街, 就有一間裝修新穎的大茶餐廳. 格局, 就是翠華既格局. 不過食物方面, 當然的, 是另一個故事.係中環開茶記, 中午人流一定是旺, 人來人往是一定的了. 而且呢度既 customer turnover 都幾快, 除了坐下食野之人, 其他入黎食, 食飽找數既人, 川流不息. 你會看到一個不斷移動的人一流, 成條河咁.一個人, 不用等位, 隨便搭檯就行了. 隨即, 叫下是日午餐. 一個焗肉醬豬扒飯. 把焗肉醬飯同焗豬扒飯二合為一, 的確有少少意思. 飯一定是預先整定焗定, 基本上個焗飯是即叫即到.可能是預先焗好, 再焗住等人去食佢. 所以焗飯有少少乾. 雖是這樣, 扒開在面頭上的肉醬, 扒出那塊豬扒. 粉飯底既飯味都可以. 而且肉醬, 帶有少少蕃茄味, 而且, 芝士落得好足夠, 令到成個肉醬非常之香

一月下旬醒起這食評，是源朋友不小心打瀉薯條，就憶起早前同食友到茶記交收時的薯條故事。話說有心的食友見自己的相機繩在上山下油後，似斷卻還在，就送來疑似有助減壓力的吊繩，約在翠河交收，她人未到，還豎要等，就先叫來一碟炸薯條，老伙計送來，唔覺意在檯上一冼，碟底淺，結果薯條紛飛，提點過老伙計問題所在，意見不接受、態度亦照舊，真的無得救。說到薯條，吃起來粉軟，食友覺得與平日吃到的不同，其實是煮後再翻炸，就是這樣子的難吃，而奶茶亦不香不滑，水準同新翠華也差不多，連基本奶茶亦做不好，茶餐廳一字也真省招牌。笑吃一餐，謝謝食友的心意，很受用！

七月十四日(星期二)是日老公3加班,我就要減肥,所以吃tea後各自努力了!我提議到翠河,還記得上次都應該是七月忙碌的時間吃吧見到有常餐要$40,看似不值,於是看看牆上poster,見到厚多士$10!我就要這個!老公選擇了四寶米線多士是奶醬厚多士,花生醬是粗粒的!鬆軟的麵包,不錯四寶丸是墨魚丸,魚蛋,魚腐等!味道不錯!是魚骨湯底,份量都合理的!

喺中環接老公放工，諗住順便去中環搵食，反正大把地方有嘢食，平時喺太古唯一無得食就係茶餐廳，咁就諗住去翠華，又快又多選擇。但老公話帶我去另一間，隔條街叫翠河。一入門口好好招待，差點嚇親，咁嘅服務態度就真係very good,十分親切，坐咗個卡位，有個滿面笑容嘅阿姐同我哋講晚餐選擇，我問佢B餐好唔好食，佢話真係得嫁，唔差。就係佢嘅笑容我就叫咗嗰B餐，乜乜瓜抄蝦球鮑魚片、有中湯又有飯，五十三蚊一個晚餐亦唔算貴，而老公叫咗個扒配薯菜，有湯加多士，我哋仲加咗個油菜。等咗無耐菜先到，好食喎，唔油仲好離奇地好食。跟住我嗰餐，嘩，好有份量喎，個餸好正，清淡，但個假鮑魚片好野味，我一個人清晒成碟，正。而老公件扒就細咗小小，睇相都見唔到，哈哈，總之叫個A餐俾佢，見隔離枱件扒不知幾大份，不過老公話好食同啱啱好。如果你係翠華常客，不況嘗試吓新地方，食物種類差唔多，但禮貌服務就一流。