翠河餐廳 (已結業)

一向都在新界返工，見人哋返中環OL工，總是有點好奇.....今日全日都要在中環工作，午飯時間人潮擁擠，和同事們都沒有什麼午飯的方向，朝著桂蘭坊向上走，看到這個有點像翠華的茶餐廳，不是太多人，一個箭步已走進了找三個位坐下......週圍坐著的都是附近OFFICE 的OL....我今日可以做一日中環OL....和同事們分別要了很多叫的常餐、午餐和一個咖哩牛根腩飯，常餐的厚多士十分吸引，試了一口，十分美味。常餐的牛扒就只是一般。而我的咖哩牛根腩真的和翠華有幾分相似，但比較淡口一點點，還是能把那一整碟飯送完的﹗每人約$50的午餐，各方面還是可以，但比起我平時返工的飯錢..... 我想我只能做一日中環OL.....

之前試過幾次跟同事來食飯，都是點午市套餐，直至試過呢度的厚多士之後，以後來食都只是食常餐，貪佢價錢平之餘仲有半個厚多士。常餐係一個粉麵配煎蛋同厚多士，我點了一叉燒米粉，叉燒是切得好細舊，而且得好少，建議大食的人唔好點呢個餐。第一次係呢度食的是奶多，果陣時入口果種溫暖且軟綿綿的感覺依然存在，上面的錬奶的確甜到漏，好味程度無可比擬，一試難忘。今次跟餐的係油多，即係牛油多士，比起奶多無咁甜，但保留了牛油的香，入口同樣鬆軟，份量得返一半，食少的油膩，感覺較健康。

為食師父跟友人吃午飯，中環午飯時間真的沒有太多選擇，未來過這家翠河，便進去試試。坐下來後一看，發現套餐一律45大元起，絶不便宜。算了吧，中環的茶餐廰大致上收費差不多，更河況有送餐飲。為食師父選了焗豬扒飯餐。服務方面，總算本來也期望不高，送餐飲的肥仔待應經常黑面，真不知那方面得罪了他。另外，朋友的一個餐湯未送到，也要多番追問，才有湯喝。焗豬扒飯到了，那飯賣相不差，汁很濃，也不至於像大快活說的"螢光色"，為食師父想，應該也不差吧。一嘗之下：飯是可以的，不算硬。汁和蔬菜都不差，只是稍醎。至於豬扒...嘩，充滿梳打粉味，還有絲絲檸檬香，簡直恐怖。那梳打粉味甚至影響了整個飯的味道。不吃飯又不飽，無力搏殺。只好勉強將飯吃了。相比之下，為食師父發覺，雖然翠華不是十分好食，也不是十分扺，但也比翠河好得多，前者在中環趷立不倒，是對手太弱吧。

似為好似翠華咁有些質素, 點知給它外表騙了. 早餐不平, 只叫了一個菠蘿油+凍檸茶, 要$21. 個包是凍的, 件牛油都是凍的, 杯茶是沒有茶味的, 再加最差的服務, 個男侍應很沒禮貌又不屑, 失敗!

五月廿九日(星期四)本身諗住食starbucks既finger snadwich,點知冇哂呀!....老公提議去試新開既monster burger,不過佢都唔中意食包既!........去到咪我食哂!!!!!!唔得啦~~........ha!咁經過呢度就食呢間啦,反正我地兩個一齊未食過!都希位,係一間貴價茶餐廳....好似翠華咁,又係綠色招牌......唔知有冇關係呢~~卡位搭檯!!.......同翠華比,呢度係坐得舒服d gei!老公同我都叫左午餐,佢食左煎雞扒意粉,而我呢叫左ox醬排骨炒米.....湯係周打魚湯,如果只係評個湯就值得比劣評,淡而冇味!下次都係叫番餐飲好過!而個炒米就ok!不過冇mud排骨,個味都幾好!而老公公o個個汁都冇滴,點食呢乾到.....叫左佢地比個汁~我試過雞扒都唔錯gei!好似都係翠華好食d wor~~

又係一間集團式經營既茶餐廳, 以為會同x華一樣有咁好味既脆豬, 點知黎到, 個脆豬只係得個邊邊少少脆, 但個麵飽就幾新鮮咁, 軟淋淋....但我係想要脆豬囉尋晚與友人一共叫左2隻豬, 一隻果占, 一隻奶, 果占果隻好多醬, 但奶就得好少囉, 唔知係咪之前個侍應落錯單, 黎左隻牛油奶豬, 但我朋友不吃牛油的, 所以黎到的好似唔夠奶咁....另外仲叫左碟西炒意粉, 咩叫西炒意粉呢? 原來係西炒飯, 不過要左意粉咁解喎^.^ 呢個水準幾ok喎, 夠獲氣, 師傅好均衡咁炒到每條意粉都有茄汁, 夠味...very good ar!但我叫既杏霜非常之無味囉, 平時飲開唔使落糖架嘛, 呢度只係得好香既杏仁味, 但少少甜味都無囉!!好奇怪

記得Kill小姐早前問我，幾時介紹港島區美食.....就趁住星期日到監獄參觀時，順道寫寫港島區飲食誌吧......大軍當日去完監獄後，到了士丹利街間翠河餐廳度食下午茶醫醫肚~~~~諗極都諗唔到食乜好，想要個乜乜乜餐佢又賣晒喎，於是乎就嗌左個豬仔包食。食物黎到之後，當然係要影返輯寫真先可以進食啦幾特別有趣，奶油完全滲入包包當中，當用刀叉切時，奶油會咇返出黎.............不過$20食一個豬仔包，係得中環先有架咋

經過這裡，見有一味「溏心蛋配菠菜蓉厚多士」好像幾吸引，就進來幫襯。坐低，落了單，來了杯咖啡，一邊看新聞一邊等。咖啡飲了一半，女侍應才來說今天沒有「溏心蛋配菠菜蓉厚多士」。失望之餘，欲轉早餐餐牌上的第一個選擇「鮑魚絲通粉」，但不要通粉要即食麵行不行？女侍應只搖搖頭。加錢行不行，答案是不可以。最後唯有要了牛扒煎蛋，及牛油豬仔包。牛扒得沒甚味道，牛油豬仔包反而烘得熱脆，加上一撮雪得頗凍的茄豆及煎雙蛋，說不上是差。食物的味道已經是次要，一肚氣就是真的。放下廿三蚊，不會再來了。

我多數買外賣, 怕人多. 六年嚟, 除咗IFC同碼頭外, 鏞ke同翠河係我外賣最愛. 我比較鍾食幼麵同河粉,推薦^-^ 牛腩牛筋麵,雲吞麵,五or四寶河. 魚骨湯底+ XO醬,如果有蒜泥蔥花就very nice啦(不過時有時冇)

I went in last night simply because it's easy enough to get a table. To my surprise, its menu is so similar to (well, you know what) and I ordered Hainanese chicken rice (even the presentation is very similar). My only comment to this restaurant is: there are two ways if you want to compete, you either offer better food or cheaper price. It does none of the two.

試過早餐ａ同ｂ早餐ａ既通粉係爛ｐａｔ　ｐａｔ既！！早餐ｂ既雪菜火鴨ｃ湯米　有好多'算'頭囉！！咁我情願去ｘ華了