翠園 (荃新天地) (已結業)

2017年3月9日，在荃新天地的翠園，今晚在這裡晚膳，其中一道餸是珍菌生炆斑腩，HK$168，件件不是魚鰭，頭位，魚尾位。沒有一件是真正斑腩的。完全貨不對辦。件件都要吮骨，如果個餸名叫斑頭腩，我認為這個名貼切好多。第二道餸；一品砂鍋飯，比較多油了一點點，質素中規中矩，得5分。第三道菜；生炊芋粿炒素菜，不過不失，還算可以接受，值得給7分。第四道菜；香煎咖喱羊架，是我今晚點的所有餸菜裡，最可以接受的一道菜。

一到過年，就收到啲朋友、親友所送嘅賀年糕點，年年如是，無一例外，故先多謝朋友及親友嘅厚愛。今年所收到嘅糕點，可歸納為嚟自4家餐廳或餅點，分4篇嚟評論吓，依一篇分享嘅喺翠園嘅豐味芋頭糕。翠園唔使多介紹，美心大集團撐腰，當然後盾強大，出品應該幾穩定。叫得「豐味」自自然然諗住會有好多種材料，睇番成份，主要都喺芋頭、臘腸及蝦米，無想像中落咁多種材料。芋頭糕都喺煎好食啲，味道較香口，糕內嘅芋頭粒切得比較大粒，其實，除咗糕面中心位有啲臘腸同蝦米，其餘位置都唔太多，感覺製作有少少迤，幸而糕身做得夠挺，易煎之外，入口較實在，又有芋頭香。雖然夾着翠園嘅品牌，我本身都鍾意依間中菜館，但件糕嘅質素就唔算太高。

I have ordered a dinner at Jade Garden tonight for a family gathering.  When I requested to have fried crab claws at the dinner, the kitchen told me that I have to ordered at least a day ahead. Fried crab claws is actually a very common dish in Chinese banquet and not an expensive dish.  There are so many tourists going to Jade Garden restaurants, do they all have to order this dish a day ahead ? I don't think I have to order abalone or shark fin soup at Jade Garden a day before. When I complain

流沙飽唔熱嘅，鮮竹卷勁難食，好似用好多豪油再加咗舊啫喱入面咁....個鮑魚撻勁鹹，究竟有冇師傅自己試過先攞出嚟畀客人食！D嘢又貴又難吃，侍應生見到客人叫佢又唔睬人，一個字劣！

星期六family day~同屋企人晚飯黎左荃灣翠園，呢間翠園已經開左好耐!我都有幾年冇食過，6點3去拎位，都等左10分鐘先有台，仲要8點交台，勁好生意。一行5人點左6樣菜式，整體味道都不錯，特別係鐵板叉燒~同埋牛仔骨，味道調得好好。最好味係個魚柳配鍋巴，酸酸甜甜好開胃。但個煲仔豬手遲上仲整得勁勁勁咸，咸到係一擺入口就要吐出來果隻同部長講，佢立即幫我地入去問廚房師父同埋cancel碟餸，服務好好，值得一讚推介

美心系列餐廳，為分隔集團不同品牌系列，翠園以Fusion 中菜為主線，今晚一行5人晚餐，叫左6餸一湯（本來7餸一湯，但有一道菜要退）鐵板叉燒：叉燒放在燒熱鐵板上，以黃豆舖底，上菜時，淋上叉燒汁，就係以中式叉燒配合鐵板牛排既做法，入嘴燙口，但肉中間不夠熱，美中不足嶺南牛仔肉：洋蔥多，牛肉少，汁太濃，如果配上白包，尚算可以，如果剩食，偏咸三色蝦球：味道可以接受，但上菜時而凍，有少許油益味鍋巴鱈魚方：鍋巴夠脆，鱈魚無魚味，只有甜酸味，都係一樣，上菜時已凍上湯浸豆苗：咸淡適中，豆苗嫩葱爆海參花膠：非常惹味，唯一一道菜夠熱，海參比花膠出色焗肘子：因為太咸，退貨

人哋話早起嘅鳥兒有蟲吃，應該話早起嘅人去飲茶都平啲叫咗一個粥同一個飯，全部都熱辣辣。最欣賞係個懷舊豬腸粉，腸粉超級滑又香。仲叫咗個灌湯餃，裏面有花膠餃子同乾瑤柱，味道很鮮甜。

收工約老豆食飯，兩支公又同老豆一齊，用AE白金咭有優惠既美心中菜係不二之選。是日選擇翠園。餐廳是日沒有宴會，七點三入座，不用等位。難得和平常較少外出吃好西的爸爸，一坐下就點了好幾個菜，好讓他試多一點新口味。首先來一人一客海螺清燉花旗參燉湯。湯盛於小茶壺內，倒到杯子，清徹且傳來陣陣花旗參味。先呻一口，入口甘香，再而感受到瘦肉味道。打開壺蓋，除了瘦肉花旗參，還有三大件海螺。爸爸喝了一口：「剛好有點喉嚨痛，喝這個好。」聽後我在傍會心微笑。再來一個釀響螺。葡汁釀著切粒的響螺，啖啖肉。花鵰醉乳鴿，師傅將鴿胸薄切，盡顯刀工。花乳鴿胸帶皮，入口滑溜充滿油香。花鵰減少乳鴿油膩感，入口清新，一隻剛好夠兩支公慢慢食。沒有清蒸海鮮的選擇，我點了濃味的炆班腩。味道可以，但我吃到的肉較少骨較多。但這味菜汁多，連同珍菌送飯，一流也。清炒芥蘭，薑汁不太明顯，如果芥蘭可以打斜切半更易入口。埋單合共370，信用咭到期前，要好好把握機會再食好西

脆肉燒腩仔好脆好香，一層肥肉一層瘦肉，好甘香，不過份量少d鐵板叉燒，蜜汁味好重，好甜，底下有d甜豆。叉燒半肥瘦，好食。百花蝦球，蝦球好鮮甜。蝦膠入面仲有粒粒蝦仁，炸得好香脆

每個週末都會來這間翠園喝早茶，是指定動作。其實翠園的價錢只是一點點略貴於其他非美心集團的酒樓，但個人應為點心質素遠高於其他酒樓。這間翠園店子算小，大部分的枱與枱之間的空間其實很小。假日點心價目如下：小點 - $18中點 - $24大點 - $31名點 - $33起腸粉 - $31起茶位每位$11侍應都有禮貌，我們都是熟客啊！皮蛋瘦肉粥，粥底綿，配料多：鑊仔煎釀三寶，有紅椒，青椒釀墨魚滑，豆腐茄子釀鯪魚。熱度十足，豆腐炸得脆脆的，魚滑份量多。叉燒包，餡料多，汁多，好味！鬼唔搭八春卷，其實是蒜蓉蝦春卷。熱辣辣，脆卜卜，蒜香味濃，配上wasabi沙律醬，讚！下圖只有一條，其實是有三條的。鳳爪排骨煲仔飯，是每次飲茶必吃之選。最欣賞這個飯永遠都能保持水準，飯夠乾身，一開蓋飯香便會飄出來。車仔豬腸粉，腸粉香滑，醬汁夠多，好味翠園是有質素的早茶好地方，會常光顧的。

依家有上網拎飛飲茶，等位方便好多，一行六人假期飲呢間，walkin 到後等多10多分鐘就有，算好運。地方不大，酒樓盡用空間，不時與人椅背對椅背，不太舒服。食物反而不錯，先上燒腩仔，脂肪與肉分明，一層又一層，皮脆，肉多汁不膩，分量不少，值得一試！燒賣除每粒有一完整蝦在面，入面都混有不少蝦肉，爽口彈牙，肉質鮮美！鯪魚球雖然外表不太吸引，而且偏小，但勝在粒粒彈牙似食魚旦，魚香豐富，不點醬汁都味道豐厚有致。雖然位置上欠佳，但勝在食物質素不錯，為食的朋友不妨試試。

以前與家中兩老外出用餐，十居其九都是選擇飲茶，而且來去都是屋企附近那一兩間，食物不算好吃，只是貪圖方便和填飽肚子即可。近年新派酒樓越來越多，帶兩老多見世面，他們的口味也開始變得嘴刁，心思思想要試盡不同的美食，不再局限於那一兩間酒樓，變得和我一樣，貪吃不少。是日放假難得早起，又帶他們出來覓食。討論完一輪，結果又是飲茶。來到翠園，大集團經營的酒樓，人客當然不少，都等候了一會兒才輪到我們。點心紙的選擇不算太多，但尚算吸引。值得推介的美食只有以下三款。酥皮龍蝦湯鮮竹卷，酥皮端來的時候還漲卜卜的，做得很香很鬆化。龍蝦湯味偏濃烈，但不是平時西餐的龍蝦湯味。鮮竹卷炸得香脆乾身，沒有多餘油脂，香口美味。流沙包一如既往的出色，掰開包皮，內裡的奶黃餡就馬上湧出，味道不太甜，但奶黃味的蛋香十足。鮑汁燜鳳爪燜至十分入味，膠質黏口。至於其他的點心水準只是一般，只為填飽肚子。

一家人整整齊齊食冬至飯。地點選在自己從未到過的荃灣"翠園"....對這一類集團式流水作業出品一向沒大期望及信心，而且點的又是通常吃至趕頭趕命的例牌冬至套餐，故此來之前已視之用作只為填飽肚子的一餐而已....先是一個例牌的乳豬全體。肉是完完全全凍冰冰的吞進口中，幸好皮竟仍能保持脆口而肉亦不過於肥淋淋的，還可以....上湯焗大花蝦伊麵當中只有蝦較可取 ---- 大蝦肉厚爽脆夠甜；上湯打了薄獻偏杰調味不算十分濃鹹；伊麵被獻湯浸至爛茸茸，縱然它是有嗦了上海的鮮香但我個人是不太愛吃太淰身而軟塔的麵條的....名為"彩鳳翠蚌片"的一道熱葷，西蘭花是最佳的一環，入口甚為脆爽而色水翠綠；蚌條相反則是差得不堪入目，是完全似在吃如橡筋般的東西，咬了幾口便忍不住吐了出來，免得食後會弄至胃痛....瑤柱百花配玉環內的"玉環"用上了較為少見的翠玉瓜取代了節瓜。個人對之是有點不太習慣，畢竟蒸過後的翠玉瓜是有蠻重的草菁味之餘又太過軟身像就快塌下來似的；而釀於表面的百花蝦膠食起來一點也不鮮甜亦不夠彈牙....雞絲翅內號稱有蟹肉及竹笙，但這真的要用放大鏡才能看得到了....幸好翅湯的獻不是太杰，不像平常在飲宴上喝到的生

荃灣我又嚟喇，開心，有機會同大家去翠園度作為我地嘅第一PART，真係唔錯下。呢種時候點咗一個糯米飯，味道是出乎料理，不是說很好食，但是味道是很特別的，本身糯米飯嘅賣相就比較特殊，因為無咩賣相，糯米上面撒翻幾張元茜葉子，仲有幾粒花生米，不過人地勝在不是買樣，而注重的是味道，每一粒的糯米都是黃黃的顏色，汁液都已經融化咗系米入邊喇，又不會太油，口感特別，令我印象非常深刻。腸粉是味道還算過得去，不是很美味，不過我記得到就系佢嘅餡，系條臘腸嚟嘅，哈哈哈，畢竟我都未見過咁樣嘅，所以系呢方面俾到我深刻的印象吖！

除了喜歡不用搭枱外，點心優質才是重點。义燒飯肉質細嫩口感一流。蜜桃咕嚕豬柳肉，脆皮包住剛剛好熟的豬柳。肉質鮮嫩，醬汁甜酸味好正。帶子什菜春卷脆皮正，內部料好多。花膠灌湯餃，料足花膠多，但味略淡。虾膠魚肚，魚肚正，但虾膠略不新鮮。虾餃皮薄料足彈牙。星期1-5更有特惠早茶，下午茶價錢同平價酒樓差不多。推薦大家gogogo!!!