翠園 (太和廣場) (已結業)

原本係美心 而加又再升lv去到翠園 價錢又真係好貴 食2碟已經100蚊 但最好食我覺得係芒果布甸 精緻又美麗 好想再食！但真係好多人囉 拎飛等位都要好長時間先ok入到去 15mins係basic

星期日當然就係要家庭樂，今個星期日就同咗屋企人去太和飲茶。溫馨提示，大家可以用APP拎位先，唔洗去到企咁耐呆等。哩間茶樓仲係用手推車，但大家要注意，手推車上面嘅嘢食係遠多過食物牌上面嘅嘢食咖，所以要親自去睇有咩野食。綜合嚟講哩間茶樓食物算係質素唔錯，我哋叫咗太多嘢食不能盡錄，其中失傳豬油包，鳳凰煎糯米卷同腸粉都係我推介嘅!!!腸粉做得好滑，尤其𠵱家做腸粉做得hea就有，好味就好少。而鳳凰煎糯米卷係用蛋煎過先，香氣十足，十分惹味，正!而哩間茶樓真係好有心思，設計咗個懷舊點心menu，真係好靚好想拎一張走，不過都係嗰句啦，記得用app拎位先，如果唔係真係排死。

爸媽吹水茶聚。其實菜色真係包羅萬有，而且仲不時轉季或更新，好多有趣佳餚都想試呢。跟爸媽飲餐茶都 $500 蚊落樓，雖有點奢侈，不過間中食得好一點又食得開心無緊要啦。五香蘿蔔牛雜，阿爸無啦啦叫牛雜，所有食材程橙色演譯，賣相可怕不討好，甩頭甩骨，見到都唔開胃。無所謂啦，鍾意食咩就隨便叫得喇。牛肚、牛肚、牛膀，味道偏淡炆得不入味，湯汁不香甜不濃郁。要辣椒油出手打救，但辣椒油只油不香不辣，放棄。魚湯鮮竹卷，勁好味呀，大愛 ﹗結實足料，肉碎跟雜菜同樣香甜味美，腐皮滑滑泛著豆香，魚湯完全佔據鮮竹卷之中，每口都爆汁，湯汁魚味鮮甜清爽，好好食。四寶雞紮，捲得緊致整齊，好可愛呢。醃味略濃，整體好味道，無投訴。無芋頭真好，用杏鮑菇代替，彈彈滑滑的，菇味甜美可口。雞柳儲存大量肉汁，配上杏鮑菇好、火腿條好、魚肚都好，一樣越趙越滋味。特別地魚肚爽彈多汁，散發酒香，最鍾意 ﹗蔥油無骨鵝掌，不禁聯想起白雲無骨鳳爪呢。青蔥蓉用鹽迫出蔥油，蔥油氣味氛芳無比亦足滿咸香，染得鵝掌淺綠。我覺得偏咸，不過真幾好味，爸媽話味道剛剛好喎。冰涼溫度特別好食，爽脆勁彈有咬口，食極都唔厭。貴妃蝦球，張相無脆漿架喎。中西合碧，如虎添翼？炸

試完晚飯小菜到下午茶點心喇，食過翻尋味，唔知點心質數又如何呢？有否創意點心呢？再接再勵，我都係較喜歡到時倘一點的酒樓用膳呢。依個紅棗薑汁糕好有趣喎，雖然我唔多食甜品，但都挑起左我既好奇心及求知慾，但居然賣晒，無綠一見喇。大閘蟹供應時間越來越長，竟然仲有得食，既然那麼幸運，每人一客蟹粉嘆一嘆先。棉花雞，暖暖地乍喎，可否熱一點呢？諗住不太熱可以食快一點？早點埋單？每一塊魚肚都非常高質棉滑，厚厚的、白白的，完全吸引晒雞柳滲出的肉汁雞油，水潤香口鮮甜無比。雞柳結實彈滑又香噴噴，三文治般用魚肚夾著食，美味倍增。大大舊冬菇滑溜到筷子夾起不輕易，一咬爆汁 ﹗菇味濃郁、菇汁泛濫，餘香處處。鴨腳紮，阿爸致愛。有得損腳扯又有大大舊肉球又有豆香嚥韌腐皮，滿足。鮮肉嫩嫩腍腍，汁液微滲。鴨腳皮爽脆到索索聲，醬油味突出，過下口癮都不錯。黑椒牛仔骨，醃味特濃牛仔骨肉，香口得黎未算過份，雖腍但保有少許咬口，肉多肥膏少。大量黑椒汁將牛仔骨牢牢包實，厚得密不透風，黑椒惹味帶著微辣，最後散發甜甜味。整體略油，不過味道調得不錯，我喜歡。芡汁漿住，唔夠熱要扣分。蟹子燒賣，肉球好好食，味道討好。香就香喇，又啖啖肉，但實淨欠奉，一

筆者放左工，預早同屋企人慶祝中秋，去翠園食個晚飯。筆者多數都係黎飲茶，來吃晚飯就比較少。很呢道勝在都算靜，同屋企人傾下計，了解可近況，係唔錯既地方。平時下午來飲茶好多人等位，試過等左2個鐘都未入得，但夜晚就會唔好多人。鐵板叉燒好正好惹味，落汁果下，d煙升上黎，聲，十分刺激。不過d汁就濃左少少。牛柳很濃味，就咁食會太鹹，很跟包皮一起吃就剛剛好。牛柳很，都幾食。焗螺美味一般，好淡，沒有鮮味，而且肉不多，不推介。

大埔太和翠苑新開張，梗係要探訪一下啦。門口細細，入到大廳眼見裝修得美綸美煥，酒店宴會廳風格，只是檯椅密度有點高，免強還可以接受。坐低先欣賞一下印刷精美既菜牌先，一份有照片，另一份就只有菜名。有大量特別小菜喎，貪吃的我當然樣樣都想試啦，今餐全家出動，可以叫多幾道菜啊 ﹗香辣花生豆角豆腐乾，有趣有特色又好味的配搭，不要單獨食，要混在一起，脆卜卜、軟棉棉、甜甜的、辣辣的，豐富多變的味道跟質感，趙得過癮。蘆薈日月魚龍骨湯，熱騰騰，輕煙飄飄，一索氣味芬芳，食慾大增，快快比我啊 ﹗滋補養顏，樣樣養生益氣，正呀 ﹗特濃膠口黏黏的，真材實料，絕無味精。香甜味美，清爽可口，不膩不滯，好飲到拍手掌，百幾蚊大大窩，抵飲啦。全家都非常喜歡飲湯，正常地飲到乾乾淨淨呢。鐵板叉燒，見食評讚不絕口，而叉燒係阿爸致愛，幾乎日日都嚷著要咬返兩啖，當然要試試。熱辣辣鬼殺咁嘈送到，吱吱喳喳，醬汁不停舞動，傳來陣陣烤肉香氣，而且熱力迫人啊 ﹗各人已拿起筷子，畜勢待發，起動 ﹗急急掉舊燙燙叉燒入口，香甜軟棉半肥瘦，極具彈性，肉香極濃，肉汁豐富欲滴，有料到，Very Good ﹗脆炸明蝦球，炸得金黃鬆化香噴噴，外層香口乾爽不油膩，

今晚四個人去食晚飯，叫了個差不多五百元的套餐，款式普普通通已冇甚要求，單尾那糖水喳咋送過來用匙羹畢起來已經聞到酸叔味，根本不能入口，這樣都可以奉客，翠園實在太差了

等左咁耐終於可以放監啦!真係好開心!!!!(其實係終於坐完月XD)，咁開心梗係帶埋MONEKY BABY一齊出去同屋企人食飯啦~因為就太婆婆所以去左太和食，原來宜家太和好HIGH CLASS，好靚喎，我地今晚食翠園~估唔到翠園都係度開舖喎!今日食「龍躉兩味龍蝦宴」~中銀信用卡有85折啊!我地一行12個人，食呢個餐就抵啦~!蔥花豉油雞: 本身仲諗住係普通豉油雞，咪蒸熟隻雞淋D豉油啦，估唔到呢個雞竟然有炸子雞既感覺呀! 雞皮脆脆地好香口，就好似炸子雞個皮一樣! 雞肉亦好嫩滑，一咬就有甩肉既感覺了。豉油唔咸，唔會話浸到D雞都咸晒!上品!蟲草花蒸龍躉頭腩: 黎到第一個感覺: 乜咁多油既..我直頭見到D油係面架! 蟲草花唔錯，夠林身，但一咬落去都仲可以食到有DD爽口。龍躉頭腩切得薄薄地無乜骨好易入口，我婆婆80幾歲都咬到!!!!好林而且好入味(係油多左D)。另外要讚就係個底有粉絲托底架! D粉絲索晒D汁好入味好好味!!!上湯焗加拿大龍蝦(伊麵底): 呢個上湯差D，無乜味，只係有少少咸，唔知用咩上湯架呢XD。龍蝦就無厄人，隻隻都好大隻啖啖肉，龍蝦肉好飽滿，望落去感覺好豐富，想一啖就咬落去!而且味道

之前經過太和翠園見裝修非常新, 今晚就同BF去試菜同攞擺酒席資料. walk in 已經有位, 叫左4合樣野-- 推介既燒腩仔, 百花炸蝦(蟹?)球, 咕嚕肉, 迷你桶仔飯.先講燒腩仔, 有成灘油浸住D燒腩仔, 連塊腩仔皮面都好油, 食左兩件已經唔想食 再來咕嚕肉, 賣相OK但一食完全唔惦, 好乾好硬又多粉, 從未食過甘難食既咕嚕肉百花炸蝦(蟹?)球: 面又係有一層油, 味道正常.迷你桶仔飯: 有三文魚粒炒飯, 不過不失, 不過個桶實在太小, 唔抵食 !食到無癮埋單走啦, 順便問門口接待個阿姐攞酒席資料, 點知D態度奇差又寸, 問多少少問題又唔想答, 叫人來落訂簽約先好問 !野又唔好食, D人態度又差, 一定冇下次 !

開咗一段時間想試吓好耐，雖然都係美心集團，但始終質素有唔同，前美心未執前真係以後都唔敢食。一日我一家大細驚無位，如是決定親身訂位所以唔駛等，之前從未試過因為俾我感覺好貴，不過正所謂人一世物一世入到去招呼唔錯，打開餐牌望到價錢其實都唔算太貴，4個人叫咗4樣嘢，其中一個算小食，當中條魚雖然細咗啲不過蒸得剛剛好，好滑; 另外叫咗個鴨名真唔記得，咸咸地但隻鴨無咩味一般最後埋單先5百幾我可以接受啦！喺出面啲酒樓可能都係咁上下，所以可以再接再厲

星期日下午訂夜晩6點都仲有位，準時到，人唔多，封了4分1個area都仲有好多枱剩。前身係美心皇宮，裝修完，改左名做翠園，但人手全部無變，都係之前那些經理同阿姐。唔係大裝只是換了些牆紙同執過門面同換左D餐具同凳，但執過仲衰過之前，門囗好窄，早上飲茶都堆滿人等位，出入好唔方便。價錢又貴左，平時2個人飲茶唔使2百，而家差唔多$270。晩市訂左位，唔使等，2個人叫左嶺南牛仔肉，迷你桶仔飯x2，鮑魚粉絲煲，燉牛尾（位上）。嶺南牛仔肉，用籠仔上，連一碟中式夾包，牛仔肉偏咸同油，味道同京蔥爆牛柳絲無分別。迷你桶仔飯，內有三文魚同蛋白，味道偏淡，但飯粒分明，夠乾身。鮑魚粉絲煲，有6隻小鮑魚，鲍魚有點腥，屬於可接受的程度，肉質偏爽，粉絲夠乾身，但略為偏咸。食完餐飯，飲左好多茶都仲好口渴，味精下太多了。燉牛尾，味道調得好差，個汁勁酸，唔好食。題外話，筷子同碗有漬，清潔有改善空間。整體感覺麻麻，價錢貴左，但食物質素同服務沒有提升，如果無信用咭優惠，晩市應該唔會選它。