翠園 (太和廣場) (已結業)

媽媽節食飯，家人住在新界東北，為遷就佢地就揀左翠園。地方同食物都算ok, 母親節亦有推出套餐送橙汁。燒肉拼海蜇美心旗下燒味有一定口碑，所以燒豬皮香脆，口感鮮烤。桂花蚌炒西蘭花🥦水準可以瑤柱扒豆苗整體清新爽脆，瑤柱獻汁另豆苗加味瑤柱竹笙海皇羹蒸班鮑魚扒大花菇甜品棷汁西米露 白蓮容蛋黃壽麭

這裏的服務真的，真的十分差， 我們叫了十幾碟菜式， 結果只有三樣到了。 我們等多了半個小時，重新入單， 菜式卻不斷重複， 等了20分鐘才有菜式吃。 但員工們好像覺得這並沒有什麼問題，並沒有跟我們致歉， 更 敷衍了事， 不給我們單據， 實在令人氣憤。😡😡雖然他的食物質素及環境都十分好，但這樣的服務態度實在令我失望， 希望員工們能有所改善。

17：45分一早到，6點15分叫起菜，5分鐘後頭盆便到，好快，但十分鐘、二十分鐘三十分鐘都係得頭盆一道菜，⋯⋯俾員工利是諗住快啲⋯⋯再等⋯⋯再俾利是⋯⋯再等⋯⋯又再俾利是⋯⋯又再等⋯⋯附近幾張比我哋遲來及遲點菜嘅枱都差不多食飽，19：00老婆起🔥，職員話好快，但為左怕食口水菜，19：O5分發🔥決定走。呆等期間職員態度差好敷衍，收利是時態度好，但都係好敷衍，埋單速度夠快，因為佢話20:00前要還枱。

翠園晚餐真係唔錯，所以我地一家人又黎食晚飯。叫左個燒味拼盤，係叉燒同燒肉雙拼。叉燒有濃濃嘅蜜汁舖面，好好食。而燒肉個皮非常脆，加上肥瘦均勻，好幸福嘅感覺呀。濃湯鮮竹浸時蔬，味道清甜，而且好多腐竹，如果換番多d菜就更好，但份量算幾多。另外，我地仲叫左個翡翠帶子炒蝦仁。d帶子都幾大粒，而蝦仁都大約有6隻，size都算大隻，傢。西蘭花炒得都算腍。呢條沙巴海班仔，雖然知佢好可能係養肉，但呢條細細條魚肉質地唔韌。

屋企人去完旅行番黎香港，咁大家都唔想煮飯，就近近地去左翠園食晚餐。咁佢選擇都不少，又可以散叫，亦可以叫套餐唔洗諗。最後，我地就叫左咖哩羊架、蒜子時蔬、士多啤梨脆肉排同埋潤腸栗子雞煲。蒜子白菜仔份量唔錯，幾大碟，幾抵食呀。潤腸栗子雞煲味道好，而且雞幾滑，加上有不少栗子同潤腸，好味。士多啤梨脆肉排只得八舊，分量真係太少，雖然味道幾好，但如果可以多幾舊就好啦。咖哩羊架d咖哩都幾好食，羊架唔蘇，撈飯簡直一流。

一家人去翠園食飯，諗住叫幾個餸填飽個肚就算。第一個到嘅就係倫教燒鵝半隻，賣相不錯同幾瘦下，所以大家好快就食哂，。其他啲餸有”士多啤梨骨”、”三味蝦球”、”椒鹽九肚魚同豆腐”。個三味蝦球就真係想講下，分咗三碗分別芒果味、甜酸味及清炒，每碗得兩隻蝦同鍋巴，個人覺得比較唔值喇。士多啤梨骨肥瘦適中，個汁都幾好，最緊要唔係太甜。椒鹽嗰兩個餸雖然諗住係前菜但竟然最遲嚟，好在個椒鹽都幾香口。飯後加幾個甜品食完走人。

夏日炎炎不想煮飯，便外出吃個家常飯。大埔酒樓選擇不少，當中翠園檔次算是較高。餐具擺設得整齊，鐵觀音茶味香，濃度合適。鐵板叉燒($68) 鐵板叉燒上桌後，侍應才淋上蜜糖，整碟叉燒立時沸騰翻滾起來，釋放陣陣香味。叉燒肥瘦得宜，沾上麥芽糖，十分惹味可口腐竹豆漿浸菜遠($80)整碟菜幾乎一點油也沒有，清甜的豆漿湯與合時的菜配搭得宜，腐竹夠軟身，整體感覺清新沒添加，令人驚喜的一道菜斑腩煲($168) 斑腩偏少，肉也不算厚，惟味道尚算不俗。燒乳鴿($98)等了很久才上桌，但一放進口便知道我們的等待是值得的！乳鴿的外皮香脆，鴿肉入味，讚👍有信用卡折扣優惠

係太和嘅一間酒樓，朝早好多人係度等位，所以要黎一定要早D到。呢度要叫點心係要自己出去搵，因為呢度仲係用緊推車仔俾人叫點心。好有懷舊feel。飲茶點可能唔叫蟹籽燒賣，呢度D蟹籽燒賣好大粒好好食，必定要食。瑤柱餃都相當唔錯。山竹牛肉嘅豬肉同牛肉比例好好，唔會太肥或太瘦。百花釀魚肚係好多人去拎，基本上D車一出呢款，所有人都去拎，因為大家都覺得好抵食。咖哩牛肚就比較濃味得制，咖哩粉略微落多左。3個人食左$207

平日既晚飯時候只有數枱客人, 環境較靜, 坐得幾舒適, 見到呢排做緊promo, 龍蝦伊麵配醬油金蒜雞都係$328, 所以就試一試!部長就suggest我地叫左個湯, 點知個湯勁大煲, 4個人total分到10碗, 不過湯好足料, 夠鮮甜, 好飲既!龍蝦伊麵:賣相好好, 舖滿龍蝦, 都算好多肉, 伊麵都夠汁, 好味!醬油金蒜雞:呢隻雞真係無得彈, 味道甜甜地, 肉質非常滑, 連雞胸都1d都唔鞋口, 讚芋粿炒鮮蔬:其實唔記得個名啦, 不過重點係個芋粿放落去炒幾特別, 有d似芋頭糕但比較Q, 幾得意

15號同媽媽補祝母親節媽媽平時係翠園飲開茶覺得食物質素不錯 於是建議來晚飯8點到達 只有十零枱客人 好冷清(平時飲茶時間爆多人 門口塞滿人排隊)睇左餐牌 只係覺得好貴同無咩選擇 餐前小吃叫左冬瓜盅(無影到相)同枇杷鴨餐 ($3xx)冬瓜盅好大個 不過料就吾多幾隻蝦 幾粒白果 勁多冬瓜 枇杷鴨味道ok 吾會淡而無味不過啲肉好實又硬 媽媽話咬得好辛苦 龍蝦好細隻 要$2xx肉質好「鞋」又「韌」花雕酒蒸無上湯或者芝士甘好食覺得有啲中伏上湯魚肚得蜆仔幾隻 個湯有啲咸 好味精又係搵笨之選最後覺得吾夠飽叫多左個炒飯飯類得兩個選擇埋單$980本來都知翠園價格係中上但估吾到食物質素同價錢係吾成正比今次晚飯有點失望 Dinner應該不會再有下次都係飲返茶算

由於母親節及前幾晚都要開工，提早慶祝。每年母親節食飯，媽咪都幫襯太和翠園(之前係美心酒樓)。我地揀咗 “原隻鮑魚·燕窩·海斑宴”半席。呢個餐都OK嘅，可惜服務員態度就要扣分喇。當晚上咗兩個餸之後，服務員跟住上埋 “荷葉飯”我地同服務員講：“咁快上荷葉飯？唔要住。”，佢就收番個荷葉飯。但之後上第三個餸時又一同上翻荷葉飯，我地再同佢講：“食完餸先至上荷葉飯，無理由咁快食飯。”，點知佢話：“廚房落錯單整咗囉”，吓！你地做錯嘢點解要顧客受？我地堅決唔要，叫佢收番。當我地食晒啲餸可以上荷葉飯、珍珠露同埋壽桃包。但荷葉飯卻遲遲未出現，問服務員荷葉飯仲未嚟。點知佢回應係：“頭先你地唔要，依家要等廚房蒸好先有”，吓，咩服務態度？點解翠園依家啲服務員咁差？

星期六飲茶最有難度唔係諗去邊度飲茶， 最頭痛係諗去邊度飲茶之餘又可以有位。今次揀咗翠園，原因係可以預先在foodgulu度攞定飛，都差唔多嘅時候先出門口去就啱啱好有位，非常方便。翠園係美心既升級版，當然d杯杯碟碟都干淨d可以唔洗洗太多貴气吊燈食物種類大同少異，不過就多左個海南系列，有海南食品如海南雞，東山羊，和樂蟹等。粉果一般，正常水平包夠熱選擇呢間茶樓唔覺得佢特別好食，只係因為佢易攞位，如果有得選擇未必會擇呢間。

香港地方少，連點心車也變得無處容身，近十年多，飲茶時有推點心車賣點心的地方也買少見少了。因為若要容納手推點心車的話，相對需要預留一條車道。另外，推點心車也需要額外人力，而每輛點心車也要為食物保温，加添了不少成本。在薪金租金高企的香港，這港式飲茶文化的特色，最後落得不能不cut！太和翠園便是其中一間保留了傳統推車仔點心，其實不是每一間翠園都有點心車賣點心的，另有此特色的翠園，就只有旺角新世紀廣場及銅鑼灣廣場翠分店了。手推點心車可盛載琳琅滿目的點心美食，讓顧客親自揀選點心和小食。小時候，作為小朋友們最愛是甜點及炸品車。已經很久沒有見到點心車的蹤影了，今天看見一輛裝有幻彩led 燈的甜品車，不禁拍個照，寫個食評，讚一讚！這個吸晴裝置，必然可吸引小朋友大朋友們幫襯，點一個甜品吃吃吧！

今日一行六人去食信用卡優惠半席 $1173的套餐。上湯龍蝦烏冬底，勁多蔥，龍蝦肉彈牙，烏冬就一般般。豉味金銀花枝片，其實系翠玉瓜炒魚鬆花枝片，份量不少，魚鬆有咬口，但亦都好鹹。五香脆方塊，咬左一口，好似有d芋蓉，問侍應小姐這件方塊是豬、雞、海鮮？佢答系 ：五香脆方塊囉！答左等於冇答。花膠螺頭燉雞湯，成個湯找不到一件花膠，個湯吾油又清又好香濃。生菜鮑螺片，個汁有d杰，普通。油鹽蒸海班，冇加蒸魚豉油，清清地幾好，條魚又蒸得剛剛熟，兩傍有d鮮付竹，吸左d汁，好味。蟲草花菜芯，菜芯好嫩又灼都脆口，好清好清嘅一味。鹽香雞，初上枱，完全吾熟，血水充滿在雞肶位，有d嘔心，要再翻叮才可以吃芋蓉西米露，份量多吾太甜，有少少芋頭粒。另外加左鉄板义燒，薄薄7片 （$68），又乾又冇汁，完全吾掂旦白瑤柱炒飯，炒得粒粒分明，吾錯。埋單 $1450，真系好一般。個塲待應不少，但揮手找幫忙時，又位位也看不到，有點令客人不爽！

假日同屋企人一齊去翠園飲茶，專登來到太和，為了點心車而來，推車仔及懷舊點心，有著香港地道的傳統文化，真係買少見少呀，位置係太和商場內，十分方便呀。 酒家面積頗大，裝潢是歐陸式的設計，柔和的主調，感覺淡雅，壁上用了龍鳳的裝飾，西式優雅當中帶點中式傳統呢。 餐具都是西式化。 習慣先看收費價目，星期日(其他時段)的收費:小點($24)，中點($31)，大點($35)，特點($40)，頂點($45)，茶芥每位($13)。 見到點心車，即叫野食了。 餐先小食，$13，其實覺得餐先小食一向有點屈機，不過間中來飲茶就照食，鹹酸菜及雲耳，鹹酸的味道好開胃又爽口。 蠔油鮮竹卷，好入味，都不俗呀。 四寶滑雞扎，內餡有雞肉、火腿、魚肚及冬菇，都算大件，味道正常水準。 蝦餃，$35，賣相十分精緻，面層有原粒帶子，蟹籽作點綴，感覺名貴，內有好大粒鮮蝦，爽口彈牙幾好味呀。 五柳炸雲吞，口感香脆，配甜酸醬伴食更好味。 雞絲脆春卷，口感香脆，用料十足，幾好味呀。 鳳爪，每次飲茶必食鳳爪，份量適中，夠入味不俗。 灌湯餃，$48，好耐冇食過，都幾貴，一個大家share，灌湯餃飽滿多汁，