翠園 (太和廣場) (已結業)

飲茶，自疫情後都無再飲過，一嚟之前上網見過啲老人家成個茶壺隊落個嘴到，二嚟始終人多。所以自己都怕咗，咁啱今日瞓醒想飲茶。咁就同阿媽落樓飲吓茶啦。呢間酒樓雖然係屋企樓下但我從未幫襯過。因為一直聽人講佢唔抵食，同埋以前要飲茶嘅話都會行去明星飲。既然今日咁懶，咁就係屋企樓下飲啦。叉燒腸。叉燒半肥瘦。皮唔算薄。山竹牛肉。無咩牛肉味。而且食得出好多粉。鮮竹卷。又係無咩味道。以咁嘅價錢嚟講，真心好一般。下次行返去明星食算。…查看更多

疫情下，酒樓取消了懷舊推點心車的環節，轉為即叫即蒸。不過，太和站附近只有一間中式酒樓，冇選擇嘅情況之下才這裡飲下午茶。人流較為稀疏，而職員態度親切有禮。環境尚算整潔，但餐具的整潔度一般。點心質素可能是中央廚房，昔日嘅風味減退。鴨腳扎仍能保持水準。棗容糕偏甜，口感一般。凍食效果較佳。留意15:30已經截單，16:00-17:30是清潔時間。現時17:00前晚餐外賣下單，有7 折優惠。17:00後仍有8折優優。…查看更多

去完大埔行山，行到出太和見到翠園就行咗入去，補充一下體力。粉絲焗膏蟹煲一上枱就香味撲鼻，粉絲香口夠乾身，蟹肉亦相當結實，唯一缺點係膏蟹係冇膏嘅。西檸煎軟雞都好大碟，我覺得有半隻雞咁多，炸得夠香口，檸檬汁酸酸甜甜好開胃。食淨左嘅我留咗一日，第二晚放返入氣炸鍋，番炸完出嚟依然好食。沙茶牛肋骨煲我唔係好食得出沙茶味，反而有啲似韓式牛肋骨，又有紅蘿蔔，甜甜地咁。服務員姐姐仲好細心咁幫我哋將大大嚿嘅牛肋骨切開。呢一餐幾樣野都幾好食，而且環境同服務都相當唔錯，值得推薦。…查看更多

到咗拜訪客戶嘅時間，要響佢附近找一個有一點空間嘅地方，幸好現時要採取防疫措施，餐廳之間嘅座位比平時多，可以傾偈嘅地方亦都多咗。同長輩飲茶，就選擇左大眾比較容易接受嘅翠苑。今日突然間好想食叉燒，所以就叫咗一碟例牌， 60幾蚊份量都唔少，而且上枱嘅時候叉燒仲係暖嘅，有別於一般嘅燒臘舖，叉燒燒到有燶邊之餘唔會硬，肉質好軟熟，醬汁亦都味道適中。先機來漸入秋涼有時想飲下湯，飲茶時候方便嘅叫法就係叫一個灌湯餃。灌湯餃皮好薄，餡料非常充足，有原隻瑤柱同口感唔錯嘅花膠，用嘅應該係鱈魚膠，所以咬口亦都相對唔錯，唯一係我覺得稍稍咸咗一啲啲，所以都唔可以飲太多。咁啱牛油蒜香銀雪魚，用渣漿炸脆嘅銀雪魚仲有好香嘅牛油同蒜蓉味，很傳統中菜酒樓係一個幾得意嘅選擇，不過炸銀鱈魚來講我寧願佢用炸粉而唔係炸漿。雞雜大嚿得來亦都相當入味，仲食得出有少少花雕嘅調味，有魚肚火腿鮑魚菇，大大嚿味道做得相對唔錯…查看更多

之前限堂食時叫咗幾次外賣自取，覺得份量同味道都ok。最近疫情放緩，再叫1/4隻乳豬，折實$140，竟然得10件。我有問返翠園，佢比之前我落單佢覆我嘅速度慢咗好多，好似唔想覆咁。坦白講，好失望。冇折嘅話要$200十件乳豬，大家自己睇相睇下抵唔抵啦。…查看更多

今晚去咗呢間太和翠園到食飯，見佢之前有啲折頭今日公眾假期變咗68折， 點都好咁就試下， 咁我就叫咗個羊架同埋魚香茄子煲， 其實個羊㗎個味道都算可以嘅，不過始終嗰陣雪藏味都去唔到。 另外魚香茄子煲味道還算不錯，不過始終都係太油， 最後其實啲餸都還可以 大家可以試下嘅。…查看更多

同事告知翠園做緊5折優惠，怕無位即時訂了翌晚4位晚飯。6點準時入座，可能是星期3晚，坐不到一半，伙計招呼周到杏汁白肺湯，湯渣足料，杏汁味夠濃鮑魚扣鵝掌，兩者口感夠淋，醬汁味道濃郁，老人愛吃。香酥荔茸鴨，荔茸夠綿密，鴨油香酥，好吃 但非常飽滯，此菜硬傷客家釀豆腐煲，有魚有蜆，豆腐釀的豬肉有咸魚香味，湯汁夠濃味准山炒小瓜，清清地，解膩紅炆龍躉翅，非常多肉，仲有燒腩，好味，但如果原價398就捨不得吃了豉油皇炒麵，夠乾身又唔油膩，但味道略咸懷舊千層糕，中間是咸蛋，還有粒粒爽口，原來是糖冬瓜碎，咸香，但略硬略甜了4個人半價後900多，啤酒都有5折，飽到透唔到氣…查看更多

和爸爸二人橕枱腳，外面下著傾盆大雨，在太和站商場內並沒有什麼選擇, 就在美心集團旗下的翠園坐下了。我們首先點了燻蹄海蜇，燻蹄切得不錯，不會一怱怱咁，厚度適中，份量頗多，反而海蜇味道就做得比較淡。前菜還點了椒鹽白飯魚，很香脆，味道很好幾惹味；子薑皮蛋就比較差，皮蛋很乾身，一點醬汁也沒有配備，口感不太好，味道也不太好，感覺並沒有很新鮮。而主菜脆蝦球和金銀蛋莧菜，就做得不過不失，芥末脆蝦球的醬汁做得算好了，酸酸甜甜挺開胃。埋單$500 多元，算是不過不失的一餐吧。…查看更多

第一次去太和火車站的翠園飲茶，坐位完全沒冷氣，點心紙只有少許種類食品，推車仔只有4-5架，食物很少，質量也很差，因為沒冷氣，推車仔不會去沒冷氣地區，你只得自己周圍睇有乜食，推車仔嘅姐姐全是十問九不理，車上掛著牌的食物都賣完，隔離檯先生同部長講無冷氣，第一個部長話：好！ 第二個話： 有冷氣，不過你d位有射燈，有射燈咪熱囉，關左射燈，你d人又話睇唔到報紙，呢d係乜嘢答覆？如果你也沒去過，就千萬別去，只得個嬲字！…查看更多

今日落雨，於是由大埔車去太和分店去食飯。我一家點了三餸一湯！3餸分別係豆腐鹹魚煲，鮮菇菜心，海鮮鴨腿煲，以及例湯！一上菜既賣相便失望，因為見到廚師沒心機製作，以往廚師有板有眼，上菜便知廚師無心機。家人講舊廚師派去其他分店，希望現廚知情後，加以改善。鮮菇菜心既醬汁非常之濃郁，海鮮鴨腿煲既鴨件入口鞋口。五六月分別係母親節和父親節，餐牌上變為慶祝父母親嘅餸菜，優惠也減去了，若果有心慶祝，當然唔介意價錢，只希望節日推出優惠，唔好食水深。…查看更多

今日放工約埋媽媽去太和翠園飲茶，我還很小的時候，我去的茶樓都有姐姐推點心車仔，大叫蝦餃燒賣。那時我坐在小童凳上，好奇的跟點心姐姐大叫蝦餃燒賣。之後，茶樓多數改為點心紙入單。所以事隔很久的時間再沒有見點心姐姐推點心車賣點心了。再次見到點心姐姐推車仔，很高興。等待喜歡點心的到來的心情或是到處尋找喜歡點心車的過程都讓我覺得很有趣。只顧著跟媽媽聊天飲茶，所以我只叫兩樣點心五香牛雜絕對可以5星好評。牛雜無異味，大大碗。夠入味又易咬。腩肉卷，皮不算厚，軟硬適中。中間餡料南乳味濃厚，芋頭軟熟。腩肉偏肥，入口溶化。不錯。另外一提，茶位$14/1位，不便宜⋯⋯不過茶沒甚麼特別。不是特別香。我是喜歡品茶的，所以很留意茶水。價錢是偏貴今天是星期六，茶樓雖然人多，但不是特別嘈吵，坐的都還舒適。…查看更多

今天和媽媽一起去慶祝生日,三個大人和兩個六歲以下小孩叫了一個蒸魚套餐,然後+1個荷葉飯,大概$700上下.食物非常一般, 吃了叉燒,雞,菜,魚,等,食材絕不新鮮新鮮選擇亦不多.沒有前菜亦沒有茶，只有熱水也收了我們定$100 (還有+1). 最後買單要1000多元真的不知道其餘的$300跑到哪裏去.如果不是近我媽住的地方,我肯定不會去, 反正在太和附近食肆甚多同類型的中餐廳性價比高的還有很多很多.還有很多很多…查看更多

星期六黎左呢間飲早茶。好好彩今日唔多人所以唔使排好耐隊就拎到位。我地叫了鳳爪排骨飯：好多排骨但得一隻鳳爪，啲飯蒸得啱啱好乾身唔會太濕。蝦餃，顏色偏黃，裏面有肥膏，估計係肥豬肉，唔係咁好食。北菇棉花雞，魚肚同雞嘅份量都多味道唔錯。瑤柱節瓜譜，好天真咁以為係節瓜包住一舊瑤柱，但係其實只係包住蝦肉上面有幾條瑤柱絲。栗子西米布甸，西米露同栗子都好夾，栗子食落好似芋頭，都幾飽肚。服務方面比較一般，叫佢拎多壺茶，態度有少少唔耐煩咁。加上由於要自己出去拎嘢食，車上面未必有你想食嘅嘢，所以選擇唔算多。…查看更多

同屋企人黎翠園食晚餐懶得諗，就揀咗呢個套餐，不過因為太遲入，所以無咗冬瓜盅，變咗其他湯品叫住其他野食先炸魚皮好脆，香口，唔錯我特別require咗呢個加勒比海果茶飲😂老人家們覺得好新奇有趣，個個都爭住試飲一啖，小朋友就話陣味聞落似葡萄適，但飲落就似茶。果味好重，可以自己無限加熱水！鮑魚就還好啦雞肉就肉質唔夠嫩滑翠玉瓜好脆翠苗就幾好食同幾大份，如果再煮冧少少就會更加正啦因為我們坐在超級角落邊邊位，所以有時要狂揮手先有人望到😂下次要require坐番出面至得…查看更多

簡單的午飯加下午茶，茶聚家庭樂！我收工到達已兩點都未能入座，老豆等位等到傻，下次另選地方吧！好多小菜、點心都想試，但爸媽唔食得多，好采我夠大食，叫多幾款先。鐵觀音，清香回甘的綠茶，很喜歡。茶樓一向都不怎講究水溫、洗茶、泡茶，一於少理。山竹牛肉，細細粒好骨子喎，唔係大大舊就一定好既，不過最好三粒大細一致就更美觀啦。檸檬葉味濃清新，淡淡然的牛肉味。彈彈滑滑，不膠膠不韌韌，淋上大量酸咪咪喼汁熱辣辣品嚐，美味滿足。棉花雞，剛剛蒸起零舍不同。熱騰騰的爽爽魚肚索盡雞汁，不腥不油益，當然好味道。雞柳彈滑多汁水潤，冬菇爽甜，大件夾抵食。豉汁蒸排骨，不肥不油，骨多肉少，豉汁混濁，唔好食既。水晶鮮蝦餃，蝦鮮蝦爽搭上嚥韌餃皮，恰到好處，沾點辣油同吃更冶味。上湯鳳餃，味道清淡，足料脹卜卜，木耳脆、蝦仁爽、豬肉鮮，蠻不錯。百花釀魚肚，賣相半點不討好，甩皮甩骨。蝦膠鮮彈結實，蟹子半脆半嚥韌，魚肚偏乾，幸好整體都合格。倫教羊額燒鵝，質素一般，腍腍的皮，皮下脂肪太多，白色一劈劈不喜歡。咬落軟棉，最衰質地不夠細緻滑溜，醃味香料清香滿意。何為倫教呢？阿倫教既燒鵝？還是燒燒鵝既師傅叫阿倫呢？…查看更多