影片
兩年前黎過飲茶. 覺得幾好. 點知今日再黎, 水準差左好多! 環境同服務都冇乜變. 坐位依然闊落. 服務依然酒店質素.成十幾人食, 所以食左好多點心, 但唯一可以話好食o既係魚翅蝦餃(66蚊4隻, 但隻隻都好大, 有兩隻中蝦o係裏面). 其他都係普普通通: XO醬腸粉: 唔夠XO醬. 油.煎蘿蔔糕: 係一粒粒的. 但係得個炸字. 冇乜蘿蔔味. 差o既就有:燒豬頸肉: 唔係燒的, 食落好似食肉片甘. 好多汁, 但d汁唔好味煎餃子: 一黎見到成隻啡色已經知有問題. 食到落口仲唔店. 完全冇汁皮蛋肉片粥: 皮蛋又硬又難食, 個粥冇肉味, d配落去既薄脆仲有浸萬年油味.成百蚊一個人, 甘既食物質素唔OK囉! 仲有,選擇係唔多的.
繼續閱讀
招牌菜
堂姐早在１月份已經在美國進行了婚禮，今日在香港再辦多一場飲宴，招呼我們這班在香港的親朋戚友。基於咳嗽還未好，酒店提供的雜果賓治﹑伯娘買來的精美蛋糕一一也不能吃。但開席前的結婚蛋糕，最後也吃了一點，但沒想像中好吃：生果頗新鮮，但忌廉不滑，蛋糕很鞋。人數超出預計的，所以我們這圍有１３人。分別吃了：鴻運乳豬全體：差不多戎吃乳豬，除了這種場合外就少不免要吃些。外皮就沒有吃，皮下的脂肪更加不吃，脂肪下的肉又林又入味。蘭花玉帶花枝：西蘭花較硬，我還可以吃到，老人家就難對付吧；玉帶和花枝也很爽。瑤柱扒竹笙小棠菜：瑤柱獻汁軟為傑和濃味，反而小棠菜用了上湯燴，既爽脆又清甜。百花釀蟹柑：外表炸得金黃鬆化，可惜內裡的蝦膠就不太彈牙，較為鬆散。紅醋加了些薑蓉，味道比淨紅醋更加惹味及配合呢！紅燒鴛鴦翅：竹笙﹑魚翅﹑肉絲的份量都較少，湯底不稀不傑，剛好。西生菜鮑片：薄薄的鮑片炆得入味，西生菜撈那些較濃味的獻汁，味道剛好中和。清蒸大青斑：分配到的是啖啖魚肉，可惜是出奇的鞋恰恰。黃金脆皮雞：皮脆肉嫩是沒錯，但味道是鹹得要命。炒飯和依麵：還未吃飽，所以每樣也吃了一碗仔。依麵味道一般；炒飯材料有帶子﹑蝦粒和菜粒，也幾名貴，但飯炒得很濕，一劈劈的，幸好我喜歡吃“軟飯”。蓮子百合紅豆沙：甜度剛好而且起沙。美點雙輝：是紅豆酥和甜酥，但也是肚餓關係，每樣也吃了一件。口感鬆化，但凍冰冰的，味道好一般。時令生果：１３個新奇士橙果盤（連砌也慳返）十一點才完席，頗夜啊，幸好這裡和我的家離不遠（呵～）。不過吃了這麼多“禁品”，希望今晚不會咳到癲就好了＝＿＝“
繼續閱讀
睇到呢到的食評, 仲諗住呢間應該唔錯, 咁啱昨天去屯門, 就係禮拜六中午預先訂位..結果, 我地張枱擺明係"潛建"既....仲要擺係通道之間,係去toilets 既必經之路.....如果d食野真係同佢d 價錢成正比例, 咁都算啦....點知, 原來係5 星級既價錢, 但係d 食野最多去到3粒星......其中一個榣柱蛋白炒飯, 係無味既.....我食野其實都好淡口, 但係都會覺得佢真係淡, 何況其他人.....而呢碟毫無味道的飯就盛惠108 個大洋! 好食既話, 貴貴都值, 唔好食既話, 就覺得係天價....其他點心, 都無驚喜, 只係行貨....真係好後悔專登係灣仔踩入去屯門飲呢餐茶.....坐又坐得唔舒服, 食野又唔好食, 所以真係要自己試過至知好唔好食, 食評只可以當參考!
繼續閱讀
上文說過三月特別多人生日及結婚，本文就討論後者：三月份，紅色炸彈正好收到三封，全都是不想逃、不想錯過的婚宴，上週日是第一個。 婚宴暨婚禮在黃金海岸酒店舉行，翅軒其實地方不夠，酒店於是加開了以水晶燈及白紗布佈置的翠蓬廳迎賓。現場環境給人感覺柔美，夠留下一個美好的回憶了。當晚菜式包括： 鴻運乳豬全體-很多時乳豬都是最美味的一道菜，無他，等到肚餓嘛!當晚的乳豬也好吃，我喜歡它特別皮脆肉滑，只嫌肥肉較多! 愉耳花枝翠玉帶-吃過較膩的乳豬，再來這道菜吃下去味道較淡，不過以鮮味取勝；嘗試加上少許辣醬，即成惹味小菜，水準不錯! 瑤柱扒雙蔬-隔了兩晚已沒有印象了，可想而知味道不算突出~ 杏香海鮮球-看名字與賣相都很吸引，不過杏片炸後其實很硬，不如麵包糠鬆脆可口。 紅燒鴛鴦翅-實質翅含量不太高，不過加入了花膠及雞絲，令吃下去口感更豐富，滋味還不錯~ 翡翠鮮鮑片-濃汁的食物可以很滋味，亦可以很惡頂，這味幸而屬前者。吃過鮮美的鮑片，沾汁的生菜也全數清光，沒有放過! 清蒸大青斑-中式的蒸魚從來都是我心頭愛，加上廚房火候拿捏得準，魚肉保持鮮嫩滑溜，好味! 黃金脆皮雞-做到脆皮效果，都算交到貨了，但未做到外皮金脆而肉仍鮮美多汁的震撼效果。 福祿炒飯-其實炒飯才是見真章的地方，因為很多時去到這味都有七成飽，不好吃是不會再想吃的。是晚炒飯是預期之外的美味，忍不住清了! 上湯雲吞麵-雲吞溫溫吞吞的毫無特色，麵看來也不吸引沒試，這味明顯比炒飯失色好多。 蓮子百合紅豆沙-很飽，不過仍記得紅豆沙夠甜又起沙，都不差的。 美點雙輝-超喜愛迷你蓮蓉酥，極甜很美味，杏仁酥也好吃，只恨我實在太飽，吞不下更多的了。 為食嘛，我頗專心的享受美食，是晚吃得十分滿足開心。當然，這麼高興也是因為看到新娘子幸福的樣子；請妳以後永遠都要掛著這甜美笑容啊!
繼續閱讀
都係第一次嚟依到飲茶, 平時都係食buffet多,好鍾意依到係好有渡假feel,好舒服.前個星期日同老公.婆婆.工人一行四人去依到飲茶,雖然坐咗响房,但都好開揚好舒服,我地食咗好多野呀...1/ 燒賣--每粒上面都有一隻爽口大蝦2/ 叉燒飽--個皮好鬆軟,裡面d叉燒又唔肥3/ 鳳爪--好肥美,大隻過其他酒樓,d汁又好味4/ 鮑汁炆鵝掌--汁ok,但可以再炆"林"小小5/ 雜錦腸粉--係一條叉燒腸+一條牛腸+一條蝦腸,好得意,味到口感ok6/ 荷葉飯($120)--好大碟,勁多瑤柱,完全足料,好好味,婆婆讚不絕口點心大既三十幾四十蚊碟, 但係响酒店食,仲要水準咁高添真係值回票價.而且有中銀卡仲有8折,今餐折完後$437, 大家都食得好滿意,而且waitress姐姐既服務好好,又有禮貌, 以後又有飲茶好地方lu.
繼續閱讀