羲和雅苑

營業中

休息中

今晚去羲和雅苑 同朋友聚會dinner 餐廳望出去個view不得了😍 好靚啊 維港海景一覽無遺😍成班影完相之後就落單叫嘢食先 款式都有好多👍 最估唔到嘅係連水煮魚都有 川菜京菜都有得叫😝朋友醒目一早預留左半隻北京烤鴨 聽講係招牌菜必食架👍 然後打算再叫半隻雞同啲小菜韮香雞$158有半隻 好創新既煮法😝 上面有勁多切碎左嘅韮菜 加埋啲蔥蒜麻油 香得黎好送飯😝 如果雞再浸耐啲再入味啲就仲正 雞肉都幾結實肉質嫩滑 尤其係脾位！小菜都唔錯 原來萵筍除咗炒仲可以湯浸 冇咁肥👍 我哋試咗金銀蛋浸萵筍 都幾大碟 萵筍切絲湯浸都仲keep到爽口 配菜既皮蛋夠哂溏心😋 仲有乾瑤柱 帶出啲鮮味 個湯都甜啲😋三大招牌菜之一嘅黃扒魚肚都食得過 魚肚好厚身好有份量😍 兩個人share食都OK😝 而個湯好濃郁 仲有好香嘅南瓜味 完全係心機菜😍食到咁上下 主角終於黎啦 北京烤鴨😍先上一個靚靚嘅百寶盒 當師傅一路切烤鴨嘅時候會有職員一路介紹食法👍第一道食法係鴨皮配藍莓醬加爆炸糖 鴨皮配爆炸糖實在太有創意😂 職員話希望營造到喺口中跳舞嘅感覺 我就覺得鴨皮食落真係幾薄脆😝第二道食法係鴨胸肉配芥末醬 自家製嘅芥末醬香得來唔

話說果日落大雨，心諗喺夜晚商場食實吳會淋雨，咪去e間未去過試下。walk in要排隊要等是常識吧，咪等囉，到有位竟然係講都冇講明就坐出外面。又吳係傘哂所有地方，行出去要淋住出，坐喺度側邊飛哂啲雨黎，坐坐下上面漏埋水，勁暗的光得一個細枱燈照，影相都吳知影左啲乜。終於忍吳住同侍應講話要換枱，點知。。。係坐過一張枱。。。。話裡面冇哂位，大佬，坐外面淋住雨就一早講明啦，淨係得你一間食咩，食到一肚氣，仲要話俾折我，我真係貪啲平就吳黎海港城食啦，俾都係俾得9折啫，我心諗叫我收聲啫，我下次吳黎咪得囉！根本就係佢地問題，啲侍應攞姐送菜我都第一次見，話俾我同佢地經理反映，吳該經理冇黎講啲乜囉…啲送又吳係好食，一句講哂冇下次。

慕名而來食片皮鴨，果然無令到我失望。好好食啊！有師父即場係隔離片俾我地睇。超級期待的！店員好細心介紹片皮鴨有3種食法，第一part 鴨皮可以點爆炸糖食，鴨皮入口即溶又夠香脆加上爆炸糖係口中既感覺，非常過癮！第二部分，可以點佢地自家製既芥末醬，芥末醬好夾鴨肉，唔錯！最後就係最傳統食法，面皮再加大蔥、青瓜同醬，十分正宗！第二道菜，係磯煮鮑魚，非常好食鮑魚鮮嫩彈牙，鮑魚吸滿湯汁，好夠味！主食方面有花蜜汁黑椒雞翼，外面有一層甜既花蜜味，雞翼表面有炸脆，裏面的都好夠味，唔會出現唔入味既感覺。牛油芝士焗大蝦🍤，愛食芝士既人一定要嗌呢個。濃濃既芝士包裹住大蝦，每一啖蝦肉都沾滿芝士，大蝦肉好爽口彈牙。金沙鮮魷魚，大大條魷魚沾滿了鹹蛋黃醬。 充滿香氣，不得了。另一個和牛粒乾煸口蘑，夠鑊氣，嘢味都不得了，真系令我食唔停口，麵食個度就叫左上湯蝦球伊麵，有好多蝦球伊麵又索夠上湯，好食！仲叫咗個菜食，係金銀蛋浸萵筍。有唔少既肉碎同金銀蛋，有湯浸住萵筍。好入味，萵筍切條，易入口又夠爽脆，唔錯今餐真係滿足到不得了，一定會再同朋友來食

朋友從外國回來，早前就約定到尖沙咀shopping，餐廳是朋友負責預定的，說要請我吃一噸豐富的🤭🤭感恩感恩主角：馳名烤鴨🦆 廚師在客人面前專業的切開烤鴨，刀功非常厲害，純熟👍還沒開始吃，香噴噴的味道撲鼻而來服務員會細心地介紹鴨子不同部位有不同的吃法，配料也有不同的種類，洋蔥，大蒜，山楂，還有爆炸糖🍬.....搭配爆炸糖我還是第一次嘗試😜😜好特別😋不同的配搭，絕對可以滿足不同口味的客人，多樣化👏烤鴨的皮香脆可口，入口即融，烤鴨的肉嫩滑，完全演繹了 皮脆肉滑 ～我個人最喜歡夾著山楂一起吃，酸溜溜的跟烤鴨搭配，感覺很好👍- 粟米魚肚羹🌽玉米的清香配上魚肚的鮮味兒，濃度剛剛好😋- 青梅一字骨那醬汁酸酸甜甜，最讚的是肉質很好，每一塊肉的份量剛剛好，我吃了3塊😜- 牛油芝士焗大蝦芝士控必吃這個，賣相相當吸引，芝士好juicy，大蝦的肉質鮮美，沾滿了芝士醬，完全不會膩- 和牛粒乾煸口菇賣相好像一個繡花球😂😂我個人覺得這道菜味道有點辣，可能我自己吃不了辣吧😔那個菇，厚度足夠，吸滿了和牛的汁，一口一粒菇😂😂乾淨利落- 上湯牛油蝦球伊麵蝦，又是大蝦🍤😂這個蝦不用自己動手去掉蝦殼，好激動，好彈牙的肉🤭🤭為什

呢日同屋企人係尖沙咀行街街，到咗食dinner時間就決定係harbour city搵一間食。行行下就發現呢間有烤鴨食，好耐無食過，所以就決定試下佢！入到去，裝飾幾雅緻，又有夜景睇下，佢仲有outdoor area可以係出面食。呢日都幾旺場，餐廳幾full下。Menu 有好多選擇，前菜主食都有好多款。磯煮鮑魚佢價錢係以每一隻計算🧮，佢整得好入味，仲會一隻切開幾片以方便食用，幾貼心呢。乾隆白菜🥬呢個白菜值得推介因爲佢味道十分特別，好有層次。食落口有麻醬芝麻既味道，後面就會有少少似梅酒既味，好有趣。到主角黎啦，我地人少少叫咗半隻烤鴨。佢既烤鴨有三個唔同部分，而上枱既時候餐廳職員都好貼心咁講解一下每個部位應該點樣食法。個人最喜歡鴨皮，佢烤到啲脂肪好香脆，再點上藍莓醬加爆炸糖，減低油利感覺，好食！鴨腿肉就用傳統方法食，加自己鍾意既材料，包上卷餅食！孜然羊架個人好鍾意食羊，呢個羊架佢本身肉質軟好夠羊味，加上孜然香料都好好味！蛋白杏仁露佢啲杏仁露好濃郁，加上蛋白增加口感同蛋香。薑汁紅棗小桃膠呢個十分養生，仲要好足料！

難得有個復活節長假期，一早就book咗枱同屋企人去食羲和雅苑。黃扒魚肚係南瓜同花膠嘅結合，好濃郁好鮮甜，入口好滑！酥皮酸辣湯，酥皮好香好脆，估唔到同酸辣湯又幾夾，酸辣湯配料好足！羲和馳名烤鴨，烤鴨烤到金黃，睇見都流口水，師傅即場表演刀功，一下子就片起左隻烤鴨。八寶盒有齊傳統配料，仲有爆炸糖、藍梅醬同芥末醬，薄餅又點少得！見我地自由配搭，侍應都好好咁教我地烤鴨有3種食法，鴨皮配爆炸糖同藍梅醬一齊食好創新同一啲都唔油膩！鴨胸肉配芥末醬又幾match!鴨腿肉就沾左甜醬、京葱，真心不得了！張氏獅子頭，一啲都唔油膩，配白飯一流！松露豪仔煎蛋，一上菜就已經聞到好香，豪仔都幾飽滿，煎蛋火喉啱啱好。金莎鮮魷魚，咸香咸香好香口，魷魚好新鮮好彈牙。荷香鮑魚雞粒燜飯，一打開就好香荷葉味！啲飯每粒都好入味，鮑魚同雞粒都好足，色香味具全！望住靚海景食飯胃口都大啲，食到好飽好滿足！

個人本身比較鍾意食片皮鴨但係一路都搵唔到一間比較環境好嘅地方適合請朋友食飯多數以前食片皮鴨都係去傳統酒樓最近喺網上面見到呢間幾出名嘅片皮鴨餐廳位於海港城望住個海景食 環境幾特別幾好幾適合請朋友食飯公司聚會等等同埋呢度比較多特色嘅中菜好多平時酒樓中菜館見唔到嘅菜式呢到都有今次嚟到就叫咗幾樣好特別嘅食物試吓芥末沙律蝦球$148呢個可以話係除咗片皮鴨之外個人喺呢度嘅最愛 上面係炸蝦球加沙律醬下面係米通 一咬落去又脆又大大啖蝦肉 嚟咗兩次都有叫呢個跟住就一定要講下佢呢度最出名嘅片皮鴨馳名烤鴨半隻 $328的確片皮鴨來講呢度都算貴 但係呢度嘅服務真係唔錯有專人嚟切俾你 另外試映都會簡介片皮鴨嘅三種食法 個人覺得佢嘅藍莓醬配爆炸糖嘅食法幾得意 喺其他中菜館都未試過呢個食飯跟住就要睇吓佢嘅金沙海王扒白肉 $148呢個食落去其實係鹹蛋黃配豆腐蟹肉等等 食落去蛋黃味好重另外嘅蟹肉味都幾重 個人都幾鍾意食呢個 同一般嘅蟹肉蛋白唔同呢個餸真係有好重嘅蟹味動感豆腐 $48呢個名有啲搞笑 但其實食落去有啲似滷水，嗰啲青梅一字骨 $138如果大家想食返一啲飽肚又抵食嘅可以試吓呢個 138大概有十幾舊 份量都幾足！

朋友介紹話好食，地方又好坐返工攰到死要食返d comfort food前菜叫咗拍青瓜汁嘅味道啱啱好，唔會過濃十分清新再叫咗個蜜汁脆芋絲好好味！！絕對會因爲呢一道菜而回頭芋絲夠幼，夠脆，而且沾滿蜜汁，甜而不膩仲叫咗椒鹽粟米，避風塘味道，夠香口黎到當然要食片皮鴨啦有師傅出黎表演，功架十足羲和雅苑嘅片皮鴨配上呢個八寶盆未等得切大合照已經偷食咗d皮店員姐姐教可以配爆炸糖一齊食亦係呢度嘅特色上：鴨胸皮中：鴨胸肉下：鴨腿肉鴨皮香脆，中間鴨胸肉都唔會un, 配上肥美嘅鴨皮，一流！鴨腿肉滑，配上薄餅加京葱青瓜，一絕呢度嘅餅皮薄身，熱辣辣，唔會食滯主菜叫咗海鮮毛血旺份量好大！佔半張枱！有蠔，帶子，蝦，青口，魷魚，豬皮，牛肚，大腸，鴨血，薯粉海鮮用料認真蠔同帶子都煮得啱啱好，鮮嫰味美蝦就爽甜大隻！另外叫咗水煮魚一黎到已經覺得好香，口水分泌急劇上升魚肉份量多，肉質爽嫩，越食越辣，但又忍唔住一口接一口2碟大菜同呢2碟細碗，勁大對比😂獅子頭配一口飯，好味松茸素湯都好飲，菇味濃郁！但略嫌份量太少雖然佢有寫明一人份大魚大肉之後，叫咗個菜估唔到可以當埋湯飲！非常之清甜！好有驚喜！！最後朋友好想食個籠仔飯，侍應哥哥好好

好朋友聚會，想揀間坐得舒服又安靜既環境，羲和雅苑係不二之選。位於尖沙咀海旁，望出窗可以睇哂成個維港！不過因為窗邊主要係大台，我地只有４個女仔，所以餐廳職員安排我地坐４人卡位，有小包廂既感覺先黎一碟開野小菜，手拍青瓜用左麻油同埋麻辣汁做調味，青瓜雪得夠凍，食完好fresh!蜜汁脆芋絲呢個係驚喜雖然周圍都有得試，想像到佢既味道，不過就係因為咁反而有驚喜。用蜜糖炒切到好幼既芋頭絲，上菜既時便仲係好熱，咬開乾左變脆既糖漿表面，入面既芋絲都非常脆口，好似食薯條一樣，好好味獅子頭一人份淺嘗，獅子頭夠脂肪所以幾滑，個茨唔會太杰，仲配埋一啖飯到呢度最出名既片皮鴨喇，師父會推隻鴨出黎係你面前切，等緊既時候已經聞到好香切緊既同時餐廳職員為我地介紹左唔同部位既食法同埋醬料除左平時成日見到既青瓜同蔥，仲多左藍莓醬，山渣條，爆炸糖，洋蔥同芥末。左邊既係鴨胸附近既脂肪？（其實師父有好努力話比我地知邊度，但好抽象）一層好香既油脂，要配爆炸糖同藍莓醬食，唔洗包住塊皮食，口感幾得意，微酸既藍莓醬中和左油膩感。中間係鴨胸肉，皮好香脆！師傅教我地點芥末食，入口好香鴨肉味，同脆鴨皮夾埋一齊食都幾有層次，因為呢個部位冇咁多油相

放假前holiday mood 想食好啲慰勞下自己🤩但又唔想食西餐 經朋友介紹特登一早book定呢間食片皮鴨！😍呢間餐廳坐岀面其實望到海 不過呢日落雨我地就坐左入面卡位呢到裝修好有氣派 好別緻主菜黎了！有師傅即場切鴨顯示刀功一路食有店員一略介紹食法第一道係鴨皮 同藍䓯醬同爆炸糖一齊食🤪傳統元素配合新元素 鴨皮入口即溶 好有驚喜 大讚🥳第二道係配芥末醬 油脂分部平均 又開胃 食到停唔到口🥰最後係傳統食法 配薄餅皮總結片皮鴨真係做得好出色！好想encore!!😝其他菜其實都好出色！冰菜蝦乾酸甜開胃金磚豆腐外脆內軟 又唔會散開一舊舊干炸丸子惹味一口骨香甜開胃櫻花蝦籠蒸飯足料啲飯又香又乾身好正好滿足🤩最後想講呢個金箔紫薯燕窩燉蛋白😝好正好足料 蛋白好香滑 配紫薯出奇地match🤩食完即刻覺得自己靚左🥰

今天晚上到了羲和雅苑吃晚餐，我非常滿意這家餐廳。 食物方面：先是北京填鴨拼盤（我認為是10人份量），有多種吃法，爆炸糖配藍苺汁、黃芥末醬、海鮮醬（正宗吃法）或山楂條配紫洋蔥加藍苺醬。北京填鴨皮脆肉嫩，鮮甜多汁。🦆 還有獅子頭（豬肉）配白飯，豬肉很鬆軟，不太硬。我認為獅子頭和白飯是「絕配」。白飯不太乾。好吃！ 再來個炸蝦配鍋巴，蝦多肉、彈牙。鍋巴不乾，配些黃芥末醬，好吃！ 最後來個櫻花蝦炒飯，材料豐富，味道不錯！但是貴了些。 環境方面：環境非常好，很寛敞。看著「無敵大海景，非常棒！

公司加左人工😁應承左請阿哥食飯。 佢揀食依間羲和雅苑。 之前每次行開海港城LCX, 見餐廳門面同內裡裝修都好有中國宮殿色彩，一直都好想黎試下。 而且餐廳食物選擇十分多樣化！ -座位寬敞又舒適！ 職員安排了座位後，奉上餐牌及我們點的普洱茶。 亦悉心地介紹了一些餐廳特色食物。-🌟動感豆腐 軟綿綿的豆腐，配上隨風擺動的咸香木魚碎，十分可愛-🌟麻辣海蜇頭 海蜇頭粒粒爽口，一口吃下辣意緩緩滲出來，同時又帶著酸酸甜甜口味，吃得過癮-🌟黑椒鹽炸粟米 還是第一次品嚐炸粟米，看似簡單卻扣人心弦的一款美食。咸香惹味椒鹽與粟米的鮮甜，兩種口味對比鮮明卻又十分配合。-🌟羲和馳名烤鴨接著很快來到是晚最期待的主角職員把肥美的烤鴨推出來；相機食先後，職員幫我們片鴨，邊看邊涶涎🤤片好的鴨會分成三碟，分別是：鴨皮、鴨胸肉及鴨腿肉。 放在蒸氣盤上免放涼。豐富的八寶盒則有：藍莓醬、芥末醬、甜麵醬、洋蔥條、青瓜條、京蔥絲、爆炸糖等。蒸籠內的餅皮夠薄又滑，包著嫩滑脂香的鴨肉，再配上不同的醬汁。最喜歡秘製黃芥末醬，酸中帶甜，加埋清新青瓜條及京蔥絲，減了份油膩感。-🌟金銀蛋浸萵筍 萵筍係春季養生健康食品。萵筍切絲嫩綠清脆爽甜，配

四月係一個好開心既月份！ 我生日嘛🎂所以好有口福，今晚同朋友黎依間中菜餐廳食生日飯🥰。 餐廳裝潢古色古香，例如屏風的雕花、紅燈籠掛飾等，每個細節位滲著濃厚中國色彩，加上環境闊落，空間感強，優雅中見氣派，用餐感覺舒適自在。-餐廳菜式品種齊全，由涼菜湯羹、海鮮肉類、鮑參翅肚、炒粉麵飯、菜蔬甜品等等都一應俱全-朋友話生日要食好d, 先叫左半隻「羲和馳名烤鴨」。最特別之處係有三款食法。職員會在食客面前用熟練的刀法分解鴨肉鴨皮。 然後分為三盤；分別是鴨皮、鴨胸肉及鴨腿肉。而職員亦會細心地講解每個部位的食法。 最鍾意鴨皮的油脂香，點上爆炸糖及藍莓醬，在舌上「咋咋」跳動甚為過癮，被稱為「跳動的鴨皮」，名字貼切。鴨胸及鴨腿肉亦很嫩滑，確實是餐廳的招牌菜。-接著點了一款冷盤：麻辣海蜇頭海蜇頭比切成條狀的海蜇皮為肉厚，這款涼拌菜式口感更爽脆可口，以麻辣及醋為主的調味醬汁十分醒胃滋味。-再來一份湯品及兩款主菜🌟黃扒魚肚 這款湯品有我最愛的兩款材料：南瓜與魚肚。 南瓜湯濃郁香甜，魚肚厚身光澤明亮冇瑕，質感鮮美彈牙，令人滿足。-🌟巴蜀口水雞 口水雞是四川傳統特色菜餚，集麻辣鮮香嫩爽於一身。然而，口水雞的醬汁調

海港城好多嘢食！有晚突然想食中菜 見呢間裝修幾靚算多嘢食就入咗去👅同朋友總共3個人 每人嗌幾樣share師傅會喺你面前即切烤鴨 可以睇埋表演😂😂人少少又想試多啲其他小菜 淨係叫咗半隻試試🤔但上到碟三個人食份量又唔算少鴨肉有三個部位 店員好細心逐一介紹食法👍🏼最左係鴨胸皮 推介點爆炸糖覺得一般 有啲奇怪中間係鴨胸肉 點黃芥末醬最右嘅係鴨腿肉 包住青瓜京蔥同醬喺皮入面食鴨肉味道都唔錯 皮都算脆幾鍾意嘅前菜 山藥甜甜地少少淋帶爽脆 好似食緊桂花馬蹄糕咁😝豆腐味道不過不失 連埋木魚絲食😂個人鍾意比較有咬口硬少少嘅質感 但佢就比較淋🤥份量多 冰菜係醋汁底 酸酸地好開胃🤩每舊都幾多肉 梅醬汁食落唔膩不過啲肉少少韌😟推介♥️有四大舊 份量好夠蝦球好彈牙 下面塊米通又係另一種口感加埋鋪滿成舊蝦球嘅醬好好味🥳不過醬汁太多 食晒成舊有啲膩🤭推介♥️泡飯好足料 湯底煲到橙色 好濃味飯底唔算煲到太淋 都仲有咬口 另外有脆脆放埋喺上面食不過就比較細份鹹蛋黃蟹肉汁配埋滑豆腐🤩幾鍾意呢個 好重鹹蛋黃味 蟹肉就唔係好食到 整體唔錯 無食過呢款小菜 幾新鮮👍🏼正正常常 蛋白幾滑 但唔係太特別🤨好重薑汁味 個人唔鍾意咁薑汁😂

有朋友約食飯，話想食片皮鴨，所以就提議去海港城呢一間羲和雅苑，話有靚景同埋美食喎😂一去到坐低又真係幾舒服，同埋個海景都抵番啦！我哋就叫咗一隻片皮鴨，口水雞同埋海鮮毛血旺，我估隻片皮鴨係即叫即燒，所以都等左30分鐘左右！口水雞個味道好特別，唔係普通加辣椒油就算，同埋雞肉好滑，麻辣味嘅感覺真係超正！呢度嘅片皮鴨係有三種食法，可以加爆炸糖架真係超特別！而且師傅會係你面前即刻切片皮鴨，所以係好新鮮好脆皮！另外海鮮毛血旺又係超級推介，因為真係好大盆，四個人以下真係唔好叫😂😂不過入邊真係好多海鮮，仲有啲寬粉啱晒麻辣控！