羲和雅苑

營業中

休息中

今天新屎坑，花了半天，閒逛了那大家都有份貢獻的M+ 博物館，撿了一大“條鐵”回來！累透了，要在附近吃頓好的來安慰下自己！剛坐下，先點一壺“桂花烏龍茶”，桂花味好香，清新，很舒服。“芥末蝦球”，芥末汁酸酸甜甜，惹味，蝦球大件，爽口，做得不錯。 “水煮魚”，用的是龍脷柳，沒有骨，很適合不愛吃魚但又很想吃辣的娘娘，裡面有大豆芽、粉皮、萵筍絲，湯底不太辣，於是整鍋蔬菜給我們清了。“片皮鴨”半隻，師傅把分它分了三份，鴨胸皮、鴨胸肉、鴨腿。這裏的片皮鴨也有它獨有的 Secret Recipe，鴨胸皮配爆炸糖、藍莓醬，鴨胸肉和皮配芥末醬，鴨腿配傳統甜醬、青瓜和京蔥，還有特別配料山楂條，這些新式醬料配搭的確有驚喜，那酸酸甜甜的感覺配肥膩的鴨皮實在是絕配。值得一提的還有它的麵餅，味道本沒什麼特別，一疊麵餅裡所有麵餅都隔著點心紙也沒什麼特別，上菜時整籠麵餅放在熱爐上更加沒特別，特別是在於麵餅數量超多，絕不寒酸，不用像很多餐館裏吃到最後那幾片鴨皮要“就住就住”，很是暢快！“鴨架白菜豆腐湯“，鴨殼足料得驚人，很多還帶着鴨皮，完全沒欺場，湯底應該用了高湯加鴨肉炆了一段時間備用，下單時就拿一份出來加菜和豆腐翻熱，

好耐都無食過片皮鴨，今日同屋企人黎左羲和雅苑食飯。好彩即日都book到位，不過打極電話都無人聽，要whatsapp先有人覆，所以想book位既可以試下whatsapp book餐廳入面都好闊落，坐得好舒服。staff安排左窗口位俾我地，可以望住個海景食飯。- - - - - - <羲和馳名烤鴨>烤鴨分成三個唔同既部位，包括鴨胸皮、鴨胸肉同埋鴨腿肉，staff會同你介紹唔同既部位會建議點邊隻醬、夾唔夾薄餅食。不過爆炸糖+藍莓醬呢個配搭我就嘛嘛啦，都係鐘意食番最普通既甜麵醬。

星期六難得齊人 一行六人就黎左尖沙咀食片皮鴨🦆 餐廳環境裝修唔錯 好有中式味道 我地亦被安排坐圓枱 望著維港既美景😍😍衝住片皮鴨而黎既我地 緊係要叫全隻過足口癮啦!! 師傅係無店員提醒既情況下 係旁邊開始片皮 想影低過程既客人就要環顧四周啦👀師傅會將鴨分為三部分 讓我地配搭唔同食法💁🏻‍♀️1. 藍莓醬+爆炸糖🫐💥2. 芥末醬3. 傳統食法無錯你無睇錯 真係配果醬同爆炸糖 試左一舊呢個食法後 我認為係浪費左咁美味既片皮鴨 鴨皮既香脆被爆炸糖搶過風頭😣😣 藍莓醬同芥末醬都太濃味 完全無辦法片皮鴨加分！建議大家唔駛試喇身既部分整左椒鹽鴨架 十分惹味 推介👏🏻 另外叫左青梅骨 高水準 甜甜酸酸 配飯一流😇仲有叫左啲點心 有小籠包 鍋貼等 厚皮少肉汁 只係醋能用小針筒唧入去 比較有綽頭😂😂

行行下見到日落，不如就去一間可以睇到日落嘅食肆晚餐啦！咁啱就見到有個二人套餐，就入去試下啦！個湯好飲，湯料好足，花膠好大隻。鮑魚好淋，入口好鮮。到我期待己久的烤鴨，分三次序食，先食皮，再食皮加肉，最後食肉。職員好細心咁講解進食程序，醬料有藍莓醬，爆炸糖，甜醬，藍莓同爆炸糖有驚喜！配上烤鴨好口感新鮮，不油膩。油燘大蝦，蝦肉彈牙，不油膩。甜品真係好好食，又香又甜。紫薯味好出，配上奶香，令人垂涎三尺。套餐配上紅酒，一邊飲酒一邊欣賞日落。

呢間都幾難book難就難在要打得通個電話🤣我打咗3日先終於打得通最後book咗星期日嘅八點菜式方面，當然重點係片皮鴨！佢哋嘅鴨唔使我多講多形容睇相都知道有幾好食肉分咗三個部位配返唔同嘅醬料同配菜當中我最鍾意嘅配搭係鴨胸配mustard比起傳統嘅甜醬冇咁膩黑松露鵝肝多士都好正鵝肝炸得啱啱好，外脆內軟豬手都好好食好香荷葉味但菜花就還好，炒得唔夠乾身肉包就係比相吸引咗但可能前面啲嘢食太好食就顯得有啲平凡同埋食一舊就覺得好飽🤣總括依然都會再嚟用埋海港城卷埋單都係每人300內抵食！

馳名羲和烤鴨+八寶盒 🦆🌟6/10會分左三個部位食, 但每一份份量都唔多成隻鴨唔算好細但片得好少出🥲1/鴨胸皮 配 爆炸糖+藍莓醬不夾薄餅💥藍莓醬係藥水味,爆炸糖潮左吸左濕氣,一D都唔爆…👎🏼2/鴨胸肉 配芥末不夾薄餅有點油膩~一咬入口爆油的感覺3/鴨腿肉 配山渣條青瓜絲連皮及薄餅🦆🫓正常發揮, 少許鴨羶味配山渣條幾有驚喜椒鹽鴨架👌🏼🌟5/10因為片皮鴨部份份量唔多為左睇下會唔會食得番所有剩係既鴨於是加錢叫左呢道菜,味道還可以既不過好油膩同唔夠香口, 果然大半隻鴨都係呢到搵番啦,不過仍然有大量鴨肉迷之失蹤🤷🏽‍♀️羲和小肉餅配黑醋🌯🌟6/10賣相幾特別既~ 每個肉餅上面都會有一支陳醋汁食既時候先GIT出黎成舊肉餅咬落去既感覺好似食緊芋頭咁有少少硬,味道還可以, 但唔會ENCORE想再食松鼠桂花🐿💐🌟7/10油炸桂花魚再配酸甜汁咁濃味底下仲食到魚本身既味道! 不錯喲~涼拌萵苣絲👍🏼🌟8/10作為前菜, 一入口酸酸地既汁同冰涼既感覺刺激到味蕾同好開胃😋熗鍋麵🌟7/10味道可以, 係西炒飯味道既湯麵一品鍋 (鮑魚雞煲)🌟8/10雖然鮑魚細細粒🤏🏻但咁既價錢都算合理, 燘得好淋好入味一品鍋 (鮑

公司營業額達標，所以老闆又請食飯慶功了，這次去了海港城裡面的一間中菜館吃午餐，一進餐廳便感受到環境裝修特別雅致，而且整個餐廳都是靠近維多利亞海港旁邊，一邊望著海景一邊用膳，非常寫意，我們訂了包房入內進餐，點了餐廳幾款名菜，羲和烤鴨，有鴨皮有鴨肉，還有不同的調料和配菜，配搭著一齊吃，一鴨食出幾種味道，椒鹽魷魚和宮保蝦球外脆內軟，牛仔骨炆得很軟糯入味，桂花馬蹄又甜又爽脆，可以中和吃烤鴨後油膩感覺，每款菜式賣相精緻，而且色香味具全，望著醉人的景色吃著美食真是一大享受

尖沙咀呢間第二次食，東涌果間羲和小館就已經食過N 咁多次。東涌果間d 服務都已經唔多好，但野食好味都算啦，呢間簡直可以用差黎形容。對上果次食尖沙咀分店大約半年前，今次再食個menu 轉左好多。只有約1/3 至1/4 嘅野食同東涌一樣，其餘嘅呢邊就貴好多好多，碟碟主菜都成3，4百蚊一碟。就算同東涌同款嘅野食，海港城呢間亦都貴d。同款荷葉飯東涌分量多一倍。上幾星期先係東涌食完，飯分到成5，6碗。今次3碗就KO 左。芝士蝦今次第一次食，$198 左右淨係得4隻海蝦仔，係普通海蝦尺寸，唔係大蝦。都幾唔抵食，不過佢個芝士汁救左佢，個芝士汁好味到我當湯飲，成碗清晒。有用海港城coupon，但原來連茶錢都唔計唔可以扣，初頭問d 侍應用coupon 時又唔講，如果唔係叫多杯野飲已經可以用多一張。而且本身真係想叫野飲，叫完野食話轉頭先落野飲，但一落完野食侍應已經9秒9收走張drink list，明明想加單都比佢掃Q走晒所有興致。最後總括一句，尖沙咀呢間唔會再食。要食情願遠d 搭車入東涌。

除非想找氣受，千萬不要來這家。去過兩次，每次都是招待朋友家人，每次都是同一個女侍應，不停在點菜時話“這些不夠吃的，太少了”， 並且因為沒有點她推薦的菜便全程黑面，心情弄得非常非常差！在香港這樣價位的餐廳遭受這樣待遇是唯一一家，真的是絕對不會再花錢買罪受了。另外，無論提前多久order烤鴨，每次去都還是現場等40-60分鐘，完完全全沒有服務的細節與意識，只把賺錢寫在臉上。不知道是為何這樣一家價高質次又服務極差的餐廳一直沒有倒閉，看來還是貴價菜利潤高。

呢間餐廳 電話長期無人聽打左成兩個星期電話一係就通 一係直接打唔通點解連最基本既事都做唔到 幾好食都無用啦******一直都知幾出名 但一直都book唔到位講真有啲失望既。

A taste of Chinese cuisine whilst adding a touch of modernity. Best known for their Peking duck served with creative condiments such as popping candy, blueberry sauce and mustard sauce.𝗫𝗶𝗵𝗲 𝗣𝗲𝗸𝗶𝗻𝗴 𝗗𝘂𝗰𝗸 ($𝟯𝟮𝟴/ 𝗵𝗮𝗹𝗳) - the mustard dipping sauce surprisingly goes well with the roasted duck. Adding a hint of tangy flavour and helps cut through the greasiness of the duck.𝗦𝗺𝗼𝗸𝗲𝗱 𝗚𝗼𝗼𝘀𝗲 𝗟𝗶𝘃𝗲𝗿 𝘄𝗶𝘁𝗵 𝗕𝗹𝗮𝗰𝗸 𝗧𝗿𝘂𝗳𝗳𝗹𝗲 ($𝟮𝟴𝟴)𝗫𝗶𝗵𝗲 𝗣𝗼𝗿𝗸 𝗣𝗮𝗻𝗰𝗮𝗸𝗲𝘀 ($𝟱𝟴/ 𝟰𝗽𝗰𝘀)

我深信太多有錢人，及懶係上流人士，以為景靚價錢貴就係好味。 馳名嘅片皮鴨都係中下級程度， 片皮鴨啲皮又過肥，連肉嘅又乾身 ， 啲片皮鴨又凍曬 ， 味覺完全唔享受 ，有創意但冇味道， 試過一次唔使再試。 好在有買coupon，所以先唔使咁貴，浪費咗幾百蚊 。如果咁嘅質素都入到米芝蓮，真係買返嚟㗎喇。片皮鴨冇揀過，失敗。 爆炸糖夾片皮鴨，失敗。小佢個牛肉餅唔脆，失敗。條魚好似受左輻射咁，失敗。啲楊支甘露仲要無乜渣嘅，失敗中既失敗。

有海港城美食優惠劵，當然要去試試價錢貴少少啲羲和雅苑啦。今次揀咗羲和馳名烤鴨配左一個八寶盒，烤鴨架，芥辣鴨掌，蒜泥白肉，楊枝甘露同驢打滾。烤鴨會喺客人面前即片，最後會送上3小碟鴨件，仲會介紹點樣搭配啲八寶盒食。八寶盒好豐富，除左傳統啲青瓜，大蔥，甜麵醬，仲有爆炸糖，山楂條，洋蔥，藍莓醬同芥末醬。烤鴨搭配啲爆炸糖同藍莓醬又真喺好特別，可惜還是鐘意食傳統啲口味多點，甜麵醬和大蔥同烤鴨夾少少。芥辣鴨掌意外好食，芥辣醬啱啱好，不會好辣，啲鴨掌好脆，同啲醬汁好夾。可惜芥辣鴨掌同蒜泥白肉唔記得影相，只可以從烤鴨相見到少少。個鴨架就好抵食，98HKD，差唔多有一整個鴨架，喺香辣口味，但是唔油，鴨架上好多肉，仲食到兩個髀仔，唔錯。因為鴨架等左好耐，鋪頭送多一個楊枝甘露比我們，楊枝甘露喺好味，但是真喺好細，差唔多50HKD只得小小一盅，食多幾啖已經冇左。哩間餐廳喺好味嘅，但是真喺貴左啲，有優惠就抵食啦！

第一次光顧，當日中午12點許到店，顧客不算多，店員帶領到落地玻璃旁的位置，看過對面港島，香港的CBD盡入眼簾。一看餐牌，午市套餐價錢百多元一人份，包括頭盤，湯，主食（四選一，選擇咗泡飯），甜品，抵食而且味道唔錯！另加咗半份片皮鴨 $228，配料充足，種類亦豐富，上枱時店員好詳盡解釋3個部位的鴨應如何配搭，值得一讚👍🏼

呢間片皮鴨係我至愛，由大陸食到嚟香港。 質素一直keep到。而家仲有套餐，叫半份片皮鴨只需要加$228。 淨係食海景都抵啦。叫咗一份午市套餐$128, 加半隻片皮鴨$228，加梅子排骨$98, 茶介20蚊一位，兩人吃 了$543。片皮鴨有三碟， 分三個部分吃。首先先食皮和頭，我鍾意加爆炸糖，鴨皮入口即溶嘅感覺真係超正。第二部分係鴨胸肉， 配上 芥末醬可以去肥膩 。 最後鴨腿我用傳統嘅食法，以餅皮包上京蔥， 麵醬 ， 青瓜絲。 包成一個餅，好有層次好飽滿， 最鍾意加勁多京蒽，爽脆得來又添上點清新。荷香海味櫻花蝦蒸飯😋海味好重料喎，自己睇。蒸飯吸收咗海味非常惹味。仲有陣陣荷葉味，加上櫻花蝦， 令平凡嘅蒸飯口感更豐富。梅子排骨$98😋剛剛炸出來好新鮮呀。卜卜脆。配上梅子嘅酸甜味真係好開胃。 黑松露海皇羹😋原來海鮮羹配黑松露可以咁夾。黑松露夠香。配料十足，大大粒嘅蝦同帶子， 鮮甜。楊枝甘露，雖然細細碗但好好食。不過有少少甜咗啲。山藥配藍莓醬。 我嫌個藍莓醬有啲稀， 山藥底又少少水，如果乾身會更好食。